المناقشات الاسبوعية فتح الاستعلام عن التظلمات بشروا مشروع التخرج . [الأرشيف] - ملتقى طلاب وطالبات جامعة الملك فيصل,جامعة الدمام

عالم ثاني

2015- 2- 1, 01:44 PM

فتحوا الاستعلام عن التظلمات ولكن ..؟؟!!
مافيه نتيجة يقولون درجة الاختبار لم ترصد بعد .

صبرا جميل والله المستعان .

بشروا بمشروع التخرج عسى الامور طيبه .

ابو جود@@@

2015- 2- 1, 02:03 PM

لم اعتماد درجة الرسول(. ١. ) والحمدلله على كل حال مقدر ومكتوب علينا لاتعبون انفسكم سجلو الماده وتوكلوو على ربكم

فيلسوف الكلمة

2015- 2- 1, 02:35 PM

تم النظر في طلبك من قسم المراجعة و التدقيق واتضح صحة درجتك وهي

انا حاطين لي هذه العبارة

عالم ثاني

2015- 2- 1, 02:38 PM

ماعليش اخوي ابو جود ....
الله يعوضك خير واعتبرها كبوة جواد .

اسأل الله لنا ولك التوفيق والنجاح والسداد .

واعلم اخي ان الخيرة فيما اختاره الله .

عالم ثاني

2015- 2- 1, 02:41 PM

اخوي فيلسوف تلاحظ الردود المبهمة والغير مباشرة ..
صراحة تغيرت الجامعة وانصدمت فيها .

لكن العوض على الله .

اسأل الله لك التوفيق والنجاح ..
والله يفرح قلوب اخواني واخواتي الطلبة بالنجاح .

الايفون

2015- 2- 1, 02:52 PM

ياخوان الي طلعت له الاستعلام عن التظلمات راجع سجلك الاكاديمي فهذه درجته يعني راسب ماقول الاالحمدلله قدر الله وماشاء فعل ولكن وسجلو الماده بالبانر قبل لايقفل التسجيل ولكن الدكتور المسئول عن بحثي راح ادعي عليه وماقول الاحسبي الله ونعم الوكيل .

يزن و ديالا

2015- 2- 1, 03:02 PM

ربي يعوضكم الله كريم متفائله ان الامور راح تكون افضل بالمستقبل

سدره

2015- 2- 1, 03:11 PM

اه يا قلبي
حسبي الله ونعم الوكيل ألف مره ومره
زي ماهي ماغيرها 1
وفي التظلمات كلام ماتدري راسه من رجوله

برستيج~

2015- 2- 1, 03:34 PM

حسبي الله ونعم الوكيل

fno

2015- 2- 1, 04:34 PM

انا طلعت لي هالعبارة تم النظر في طلبك من قبل قسم التصحيح واتضح صحة درجتك وهي !

حمود 4400

2015- 2- 1, 04:36 PM

انا كاتبين لي
درجتك هي راجع السجل الاكاديمي

احس ان فيها استهبال والا :(107):

fno

2015- 2- 1, 04:37 PM

حسبي الله ونعم الوكيل فيهم :Cry111:

عبادي الصبحي

2015- 2- 1, 04:42 PM

حسبي الله ونعم الوكيل

ميمي25552

2015- 2- 1, 04:55 PM

وحتى انا صحة درجتك مع ان الدكتور قالي انتي ناسخه وبعدها قالي انتي ماارسلتي المشروع ارسلتي بالغلط التدريب الميداني واضطريت ارسل المشروع مره ثانيه ونفس الدرجه بالضبط يعني اكيد بتختلف قبل تصحيح وبعده لان المرصود غلط

ميمي25552

2015- 2- 1, 04:55 PM

وبعد اكتبوا لي راجعها بالسجل

عالم ثاني

2015- 2- 1, 05:00 PM

جامعة تحير وامرها عجيب وربي ..

لكن اتوقع لم يتم رصد اي درجة ماتغير شي ..
نتفائل وننتظر الى قبل اغلاق فترة التسجيل بيوم .

الدليل بعض الطلاب لم ترصد لهم درجات في السجل فاضي
يعني نتفائل افضل .

ميمي25552

2015- 2- 1, 06:13 PM

راسلت الفريدان قال مابعد نصحح مشروعك وشكل التظلمات اجابتها تلقائيه للجميع صراحة ندمت اشد ندم دخلت الجامعه بس مع الاسف لما بغيت اتخرج انكشف المستور والكلام متناقض

tdawod

2015- 2- 1, 06:31 PM

وانا اصف جنبكم نفس العبارة حسبي الله ونعم الوكيل

عالم ثاني

2015- 2- 1, 06:56 PM

نتفائل خير ...

اختي الكريمة ( ميمي ) ابي اتواصل مع الفريدان ارسله على تويتر ما يرد ..
اذا كان هناك ايميل غير ايميله او طريقة اتمنى افادتي ..

سبحان الله كثر ما حبيت الجامعة واخلصت واعطيتها الكثير من وقتي وجهدي ..

كثر ما صارت عندي ردة فعل عكسية تجاه الجامعة والقائمين عليها .

ابو صالح3

2015- 2- 1, 07:44 PM

طيب اللي حالة الاعتراض عنده فاضيه وين يروح متعلق

عالم ثاني

2015- 2- 1, 08:04 PM

طيب اللي حالة الاعتراض عنده فاضيه وين يروح متعلق

جامعتنا بدت بالتخبطات يابو صالح واصبحت ظاهرة للعيان
امر ما ينسكت عليه ابدا .
وعلى قولت المثل ( من كبر اللقمة غص فيها ) .
ومع الاسف اصبح الطالب لقمه سهلة للجامعات والمعاهد
الخاصة والابشع من ذلك الجامعات الحكومية عندما تأخذ
ولا تعطي ..
ابسط حقوق الطلبة الدرجات اذا كانت من خمس واقل وهي من صلاحيات اي دكتور وللعميد الدبل .
ابسط حقوق الطلبة النجاح في المواد التي لا يوجد لها اختبارات سواء موضوعي او اختيار من متعدد.
ابسط حقوق الطلبة ان يجد آذان صاغية له عند النقاشات او الاستفسارات .
والنقاش هو لتبادل وجهات النظر وليس للإلزام حتى يتهرب الدكتور وبأثره العميد .

الطاسة ضايعة ..

وحسبنا الله وكفى وعلى ربنا التكلان .

كل وفا

2015- 2- 1, 08:12 PM

حسبي الله ونعم الوكيل

رد متوقع من جامعة وضعت الايقونة كبنج وتسكيت لطالب

ان كان هناك بشر يبخسون حقنا ويظلمونا لنا رب يستجيب دعوة المظلوم كفى به وكيلا

دهيكل

2015- 2- 1, 09:08 PM

حسبنا الله ونعم الوكيل انا سجلت الماده اصلا لاني متأكد ان التظلمات ماراح تفيد بشي

fno

2015- 2- 1, 09:13 PM

ابو صالح3

2015- 2- 1, 09:20 PM

جامعتنا بدت بالتخبطات يابو صالح واصبحت ظاهرة للعيان
امر ما ينسكت عليه ابدا .
وعلى قولت المثل ( من كبر اللقمة غص فيها ) .
ومع الاسف اصبح الطالب لقمه سهلة للجامعات والمعاهد
الخاصة والابشع من ذلك الجامعات الحكومية عندما تأخذ
ولا تعطي ..
ابسط حقوق الطلبة الدرجات اذا كانت من خمس واقل وهي من صلاحيات اي دكتور وللعميد الدبل .
ابسط حقوق الطلبة النجاح في المواد التي لا يوجد لها اختبارات سواء موضوعي او اختيار من متعدد.
ابسط حقوق الطلبة ان يجد آذان صاغية له عند النقاشات او الاستفسارات .
والنقاش هو لتبادل وجهات النظر وليس للإلزام حتى يتهرب الدكتور وبأثره العميد .

الطاسة ضايعة ..

وحسبنا الله وكفى وعلى ربنا التكلان .
بعد هالكلام ما راح اكتب شي انت كفيت ووفيت
يعطيك العافيه اخوي عالم ثاني

M1H1

2015- 2- 1, 09:27 PM

الجامعه يوم شبعت من الفلوس قامت تخبط الحمدلله حنا على وشك تخرج وبنعديها على خير مساكين الي بالمستويات الاولى بياكلون هوى .. شي يغبن نعيد ترم على مادة بالأساس هي مهارة ولا عليها اختبار حرام عليهم كلها كم درجة بس نبيها .. الحين طلاب إدارة اعمال زادوهم ثلاث درجات الي ناقصهم عن التخرج 3 درجات ونجحو .. وحنا خريجين يرسبونا وربي حرام عليهم الله لايوفقهم كانهم ظلمونا ..:017: الحين وش بيدنا نسويه شكوى واشتكينا وهشتاق وسوينا ولا نفع :verycute:

قولي الحمدلله

والله ان قلوبنا ومشاعرنا معكم والله حاسين فيكم وانشالله تعدونها هذا السمستر باأعلى الدرجات

خلاص انسي انك حامله المادة وعتبري انك اول مره تاخيذينها علشان ماتعكر مزاجك وتركيزك وتفائلي بالخير

وربي يوفقكم ان شالله جميع :d5:

:rose:

برج التطور

2015- 2- 1, 09:37 PM

وانا مكتوب
قامت لجنة التصحيح بإعادة تصحيح ورقتك الكترونيا و يدويا وثبت صحة درجتك
يعني مافيه حل المشكله انها مادة التدريب كيف تم تصحيحها وناس مخذة 100

co2

2015- 2- 1, 09:46 PM

الجامعه يوم شبعت من الفلوس قامت تخبط الحمدلله حنا على وشك تخرج وبنعديها على خير مساكين الي بالمستويات الاولى بياكلون هوى .. شي يغبن نعيد ترم على مادة بالأساس هي مهارة ولا عليها اختبار حرام عليهم كلها كم درجة بس نبيها .. الحين طلاب إدارة اعمال زادوهم ثلاث درجات الي ناقصهم عن التخرج 3 درجات ونجحو .. وحنا خريجين يرسبونا وربي حرام عليهم الله لايوفقهم كانهم ظلمونا ..:017: الحين وش بيدنا نسويه شكوى واشتكينا وهشتاق وسوينا ولا نفع :verycute:

اخت فنو ياليت توضحي لنا مشكلة مشروعك لاني لقيت وحده تسوي بحوث على تويتر وشفت نفس صورتك الرمزية في حوار معها وتقول انك سويتي عندها الاستبانة والجزء الاحصائئي فقط والجزء النظري سويتيع عنده مكتبة وطلع منسوخ كاملا .
ياليت توضحي لنا للفائدة مع العلم اني ما حبيت اكتب ع العام بس قوانين الروم تمنع الخاص .
اسئل الله ان يوفقكم وييسر امركم ويعيننا على هالمشروع ...

بوعبدالرحمـن

2015- 2- 1, 10:38 PM

السلام عليكم ورحمه الله
سجلت الماده لاني متوقع انه ما بيجد جديد بتعديل الدرجه لكن الله يعوض علينا-
راح ابتدي من جديد وبسويه هذ المره وبطبعه حتي لو صار اشكاليه اقدر اوديه بنفسي
شدوحيلكم وان شاء الله النجاح حليف الجميع
تحيه

الايفون

2015- 2- 2, 12:12 AM

ماقول الا الله يعدينا المستوي الجاي على خير توكلو على الله وسجلو الماده وان شالله ان بالامر خيره ومايروح تعب عند الله ولاتروح دعوه مظلوم الا مستجابه ان شالله ...

fno

2015- 2- 2, 12:33 AM

اخت فنو ياليت توضحي لنا مشكلة مشروعك لاني لقيت وحده تسوي بحوث على تويتر وشفت نفس صورتك الرمزية في حوار معها وتقول انك سويتي عندها الاستبانة والجزء الاحصائئي فقط والجزء النظري سويتيع عنده مكتبة وطلع منسوخ كاملا .
ياليت توضحي لنا للفائدة مع العلم اني ما حبيت اكتب ع العام بس قوانين الروم تمنع الخاص .
اسئل الله ان يوفقكم وييسر امركم ويعيننا على هالمشروع ...

لا ياخوي انت غلطان انا مأسويت بحثي عند مكتبه ولا كلمت وحده عن المشروع بتويترر ..

برستيج~

2015- 2- 2, 12:35 AM

حسبي الله ونعم الوكيل كلنا نشترك نفس الهم مااقول غير خيرة من رب العالمين

ايفونه

2015- 2- 2, 12:36 AM

طيب ابسئلكم اللي رسبوو بحوثكم من مكتبه ..؟

ليه م دخلتو موقع يكشف لك اذ بحثك منسوخ ولا لا قبل ارسال البحث ....

fno

2015- 2- 2, 12:39 AM

الحمدلله على كل حال .. :119:

رجـــــــــاوي

2015- 2- 2, 12:50 AM

co2
وين المشكله انها عملت الاستبانه والجزء الاحصائي في مكتبه او احد عمله لها انا هالجزء بالذات ماعرفت له ابدااااا وفي الاخير وديته مكتبه تعمله لي ونجحت الحمد لله في هالماده بدرجه مرتفعه وماتوقعتها
والمستوى اللي قبلي كمان بنت الداوود عملت كذا ونجحت

السالفه ومافيها انها حظوظ 50%والدكتور اللي مشرف على البحث 50%

والله اني اتجنب دخول المنتدى لحزني على زميلاتي وزملائي في دفعتي الجميله اللي تعثر الحظ امامهم
لكن مانقول الا الله ينصركم نصر عزيز مقتدر على من ظلمكم
وان تؤمنون بمقوله الخيره فيما اختاره الله

أيهم عادل

2015- 2- 2, 09:23 AM

السلام عليكم ورحمة الله وبركاته
أنا ولله الحمد سجلت لي الدرجة ( 1 ) وقمت بمراجعة العمادة وأبلغوني أنه هذه السنة وضع برنامج جديد لفلترة كل بحث يرسل للعمادة ويسجل نسبة الاقتباس من الأنترنت إذا تجاوز الاقتباس أكثر من 25% يبعد المشروع أتوماتك عن طريق البرنامج ويوضع درجة ( 1 ) دون أن يعرض على الدكتور . (( التركيز على هذه النقطة ))
وبعد مقابلتي للدكتور أوضح لي أنه سوف يعيد تقييم مشروع البحث بعد تعديله إذا وافقت العمادة على ذلك .
أتمنى التوفيق لكل الطلاب والطالبات وأن يبتعدوا عن الاقتباس من الانترنت وأن يكون البحث معد من مراجع ( كتب ) حتى لا يقع في فخ الرسوب وحمل المادة مرة أخرى ، هذا ما رغبت أن أوصله إليكم أرجوا الإستفادة

الــغـــدراء

2015- 2- 2, 10:14 AM

co2
وين المشكله انها عملت الاستبانه والجزء الاحصائي في مكتبه او احد عمله لها انا هالجزء بالذات ماعرفت له ابدااااا وفي الاخير وديته مكتبه تعمله لي

+1

عملت الإحصاء فقط في مكتبة متخصصة بالإحصاء
ولايوجد أي مشكلة في ذلك .

.

دبلوماسي غير

2015- 2- 2, 11:24 AM

تم معالجة طلبك وتم اتخاذ قرار بتثبيت درجتك كما هي من قبل اللجنة الاكاديمية في العمادة58

نصابين يا جامعة الملك فيصل نصابين
اقولها بكل وضوح

اخواني الطلاب سوف اشرح لكم قصتي لتعلمون ان نظام تصحيح اكثر المواد عشوائي وبدون اي تدقيق منهم

هذه مادة التدريب الميداني3 قمت بزيارة احدى المدارس وكملت شغلي على الوجه المطلوب
ورفعت لهم التقرير

وبعد فتره اتصل علي احدى الزملاء وطلبو مني المساعدة لأنهم لا يعرفون شي عن الماده والوقت ادركهم
فقمت بتصوير التقرير وارسلته لهم عبر الواتس
وحينها قاموا بتعبئة التقاريرهم نفس ما ذكرت بتقريري
وحين ظهرت النتائج كلهم نجحوا وبدرجات عاليه إلا انا رسب

وهنا اتضح مدى عدم مصداقية الجامعة

حمودي الشمس

2015- 2- 2, 01:43 PM

امس دخلت على التظلمات وطلع لي تم رصد درجتك وهي
واليوم ادخل على استعلام التظلمات ماحصلت شيء إلا حالة الاعتراض فاضيه وش السالفة

النجم الازرق

2015- 2- 2, 02:49 PM

اخواني واخواتي ابي اذكركم بشء عندما تكلمنا على الدكتور الخريف والدعاوي علية بسبب او بدون سبب
على شان بعض الطلاب او الطالبات لم يجاوبو بعض الاسئلة طبعاً انا عجبني كل من قال الحمد لله على كل
حال لآن الدعائ ما يجور ولا يجلب لك نفع ودائما اذا حسيت نفسك بانك مظلوم قل حسبي الله ونعم الوكيل
وفقكم الله بما يحب ويرضى

عالم ثاني

2015- 2- 2, 03:14 PM

ياشباب تفائلوا خير بأذن الله راح تتعدل درجاتكم دعواتك بس ووكلوها على رب الناس.

الايفون

2015- 2- 2, 03:28 PM

[quote=حمودي الشمس;11999155]امس دخلت على التظلمات وطلع لي تم رصد درجتك وهي
واليوم ادخل على استعلام التظلمات ماحصلت شيء إلا حالة الاعتراض فاضيه وش السالفة[/quote
انا امس كتبو راجع سجلك الاكاديمي والحين حاله الاعتراض فاضيه والله مادري وش الحل مع الجامعه انا سجلت مشروع التخرج بالبانر وكتب لايميل الفريدان بمشكله التظلمات وياليت كلكم تكتبون اللي يصير معكم يمكن يرحمونا ويعدلونه والله يكتب اللي فيه الخير

عالم ثاني

2015- 2- 2, 06:40 PM

دام فاضية ابشري بالخير وراح تبشرينا عن قريب باذن الله .

حمود 4400

2015- 2- 2, 08:54 PM

انا نفس الطريقه اليوم حالة الاعتراض فاضيه

وش قصتهم

ان شاء الله يبي يعدلون

fno

2015- 2- 3, 02:10 AM

وانا بعد حالة الاعتراض فاضيه :Cry111: ياررررب يارب تتعدل يارب

سدره

2015- 2- 3, 04:03 AM

حتى انا فاضيه
يارب ينجحوا جميع
يارب اجبر بخلطرنا
ونفرح جميع

الايفون

2015- 2- 3, 01:21 PM

ارسلت ايميل للعميد وذكرت له انه ماتعدلت درجتنا وكثير من زملائنا تعدلت الا حنا فجاء رده :

من تم التعديل لهم هم طلبة ابحاثهم لم تقيم مسبقا بسبب عدم وضوح ملف البحث المرسل من قبل الطلبة

يعني اللى مأخذ 1 نصيحه له يسجل الماده من جديد ويتوكل على الله ويشد حيله الترم الجاي لله مأخذ ولله مااعطي الحمدلله على كل حال وانا من الحين مااني داخل هالمنتدي الاقبل الاختبارات بشهر نشوفكم على خير

سدره

2015- 2- 4, 07:03 AM

يا قلب لاتحزن
وحسبي الله ونعم الوكيل

fno

2015- 2- 4, 08:28 AM

حسبي الله ونعم الوكيل وانا قطعت من أمس وانا ارسله لعل وعسى تتغير. لأكن مافي فايده بصراحة ظلم ظلم بس الكشوى لله الحمدلله على كل حال ولعل في الامر خيره :verycute:

عالم ثاني

2015- 2- 4, 10:31 AM

حسبي الله ونعم الوكيل وانا قطعت من أمس وانا ارسله لعل وعسى تتغير. لأكن مافي فايده بصراحة ظلم ظلم بس الكشوى لله الحمدلله على كل حال ولعل في الامر خيره :verycute:

اذا يطلع لك في الاستعلام عن حالة التظلمات . درجة الاختبار لم ترصد وحالة الاعتراض فاضي ..

ابشري بالخير حسب إفادة الجامعة بأنه سوف يتم رصد الدرجة .

واسأل الله لك التوفيق وانشاء الله راح نسمع منك اخبار زينه قريب .

saleh2662

2015- 2- 4, 11:50 AM

الله يبشرك بالخير

fno

2015- 2- 4, 02:18 PM

اذا يطلع لك في الاستعلام عن حالة التظلمات . درجة الاختبار لم ترصد وحالة الاعتراض فاضي ..

ابشري بالخير حسب إفادة الجامعة بأنه سوف يتم رصد الدرجة .

واسأل الله لك التوفيق وانشاء الله راح نسمع منك اخبار زينه قريب .

جد الله يبشرك بالخير يارب عسى ان شاء الله تتعدل اي حالة الاعتراض فاضيه وبالبنر باايقونة التظلمات درجة مرصودة بس حالة الاعتراض فاضيه وبالبنر موجود مشروع التخرج لأكن بدون درجة :Cry111:

الايفون

2015- 2- 4, 04:07 PM