بخصوص درجات المشاركه .....مالحل؟؟

[Basemah]

رفعنا تظلم واكتبو السبب دخولك من غير جهازك الشخصي او العمل
هل فيه حل غير التظلم وش السواة نزل معدلي بشكل مب طبيعي
هل فيها امل تتعدل ولا اسحب ملفي وادور جامعه افضل من هالجامعه
الي انظمتها كلها غلط اغلب الي اعرفهم يحضرون لهم مكتبات وماخذين
الدرجه الكامله يعني ظلم عيني عينك واحنا الي في البيت ناخذ صفر بكل
المواد راسلت العميد لكن لاحياه لمن تنادي الي قد صارله كذا يقولنا عن
تجربته وهل فيه تجاوب من الجامعه ولا لازم ندخل فيتامين واو

[غلا ميشو]

انا نفس الحكايه ونفس المعاناه انخسف المعدل عشان درجات المشاركه وانا حريصه اني احلها كلها من جهازي الخاص وتظلمت عليهم والرد علي كان اني انا ماحليت شي <فيس يبكي> حسبي الله ونعم الوكيل بس

[راعي الطيب]

الان خانة حالة التظلم فارغة ربما اصواتكم وصلت الي مسامع مدير الجامعة وامر باعادة التدقيق والنظر

اقول ربما وهذا الي الان ان اردنا احسان الظن في عمادة التعليم عن بعد ....

ننتظر الي ان تتضح الرؤيا تماماً لنرى هل لايزال الضرر قائم ام تم انهاءه بالعدل والانصاف

فلا ينبغي ان تبني العمادة قرارها بالاجحاف بحق الطالب المنتسب بناءً على الة رصد خاطئة

حيث يجزم غالبية الطلاب بأنهم انجزوا المهام بانفسهم ومن تعبهم ومشاريع التخرج كذلك وغيرها

والة تفيد بخلاف ذلك والفيصل هنا التدقيق الشخصي البصري وغيره ..


عموماً أرى ( اما حياة تسر الصديق واما ممات يغيض العداء )

واقصد اما الانصاف او الاضراب عبر تأجيل الدراسة حتى يتم الانصاف

مثل مافعلنا في مقرر فقه السيرة للبوطي قررنا حذفه وعدم تسجيله اعتراضاً على المنهج

حتى تم سحبه وتغييره ...

هذه نقطة والثانية الجميع من متضرر وغيره لابد ان يتضامن من اخوانه الطلاب المتضررين

عبر كتابة شكوى فرديه كل من مكانه وارسالها الي وزير التعليم وكل فرد يكتب مشكلته ومشاكل بقية الطلاب

((( دعونا نكون كالجسد الواحد )))

واذا لم تحدث استجابة من معالي الوزير خلال اسبوعين بحد اقصى نكتب الي خادم الحرمين

اما عبر موقع الديوان الملكي او بالبريد الممتاز ب 50 ريال


اكرر دعونا نتريث حتى تتضح الرؤيا عندها لكل حادث حديث

عند ذلك ساكتب صيغة لمن اراد طباعتها وتدوين اسمه عليها وارسالها

والله الموفق والمستعان

[Basemah]

الي بتسوونه انا معاكم فيه والله المستعان

[تشيد العلم]

صحيح كلامك راعي الطيب لازم مانسكت عن حقنا كلنا انظلمنا بمشاركه وصعوبه الأسئله هذا ترم وعدم تجاوب مسؤلين معانا لازم نشتكي في وزاره التعليم على العميد لعدم تجاوبه معنا أو إذا ما يقدر يؤدي مهمته يطلع ويعطي فرصه لمن يستحق مكانه

[Basemah]

لا حياه لمن تنادي للمسؤلين بجامعتنا للأسف بس وقت السداد شي فيه دراهم ماينسون حقهم ويحاسبوننا عليه بس حقنا يضيع علينا مايهمهم

[moon2014]

انا معاك في الي قلته وبقوووووووه

[Shoroq]

زيك والله مدري شالحل معهم أتمنى احد يروح للجامعه يكلمهم

[بعثرت آحآسيس]

انا بعد نفس مشكلتك راسلت الفريدان ومافي اي رد منه


ياليت تشوفون لنا حل ولا تراسلون وزير التعليم الجديد عساه ينصفنا ..


للاسف قراري في اكمال دراستي على ذي الجامعه كان اكبر خطأ في حياتي

[ali salem]

انا قدمت على الوكيل العنقري رجل متواضع خلوق
ووعدني خير وطلب التحقق من كلامي وتعهدت باحضار جهازي للكشف
أن احتاج الامر ذلك وقال سنستدعيك خلال يومين وانا براجعهم الاربعاء القادم

[ali salem]

اللي مرسل للفريدان لاينتضر رد منه
لانه للاسف يتعامل بكبر وتغطرس الله يهديه لنفسه

[بعثرت آحآسيس]

طيب والحل لا تنسانا يا اخوي طمنا وش يسير معاك

[الضبيه]

على كلامك ياصاحب الموضوع
اصحاب المكتبات ياخذون الدرجه كامله
ظلم والله
الله يكون بعونكم

[Basemah]

الف مبروك للي تعدلت درجاتهم

[Basemah]

يارب لك الحمد حتى ترضى

[حمـود الـعـنـزي]

اختبار ماخذ فيه ان شاء الله اقل شي 90 مكتوب لي لم ترصد درجه الاختبار ! F !!

ننتظر الاسبوع الجاي ان شاء الله تتعدل ويرصدون درجه الاختبار

اللهم صل على محمد واله وصحبه اجمعين

[Abo m]

السلام عليكم
هل من جديد بخصوص الدرجات الفصليه أفيدونا اللي راح للجامعه أو راجعهم وش الرد له

[بعثرت آحآسيس]

اتعدلت الدرجات اخيرا \

بس عندي مشكله رحت اشوف المعدل حقي لقيت كاتبين برضو f في باقي المواد

يعني كذا معدلي يعتر خطأ

[ندى العالم]

بتتعدل ان شاء الله