مهم جدا ضروري تدخلون ابي مساعدتكم

[نسايم عطر]

السلام عليكم

أنا موضوعي الصراحه مدري شلون أبدا فيه أنا بتكلم وان شاءالله المفهوم يوصل لكم ،،أنا اشتغل عشان أسدد رسوم للجامعه طيب صار لي شهر من اشتغلت ولله الحمد لكن طلعت لنا الادارة بشغله ان لازم نروح الأحوال مدري مكتب العمل عشان أغير المسمى الوظيفي من طالبه الى موظفه ولا من هالشهر بيمشي لي راتب 2000فقط ليش كذا الزبدة اللي خايفه منه وابي اعرفه ان ماتصير لي مشكله مع الجامعة بسبب هالمسمى الوظيفي ؟ والله خايفه من عنده خلفيه عن هالشي وقلت لهم لو يبون يعرفون اذا موظفه أنا او لا يدخلون بالتأمينات بيشوفون ان أنا موظفه أنا لازالت طالبه بما أني ادرس بالجامعه عفيه ابي تسالون لي وتشوفون لي الموضوع واللي يشتغلون وعندهم خلفيه عن هالأشياء يقولون لي،،،وعذرا عالاطاله

[نورة بنت فهد]

اهلن بالعطر ،،،والله يا بنيتي مافهمت وش تبغين ،،،، بس اللي فهمته انه لازم تعدلين بالاثبات انك موظفه ،،، طيب عادي يابنتي هذا اجراء رسمي لازم يطبق ع الجميع ،،، كلنا عدلنا بالاحوال ،،،،،
اذا ينزل لك حافز ،،، اتوقع يوقف ،،، لانك توظفتي ،،، اما الجامعه مالها علاقه فيك سواء انتي موظفه او بدون ،،، اهم شئ تدفعين الرسوم ،،،، الله يسهل امورك ،،، همسسسسسكي :106:

[تركي التميمي506]

عليكم السلام
مساء الخير على الجميع
بخصوص تعديل المسمى الوظيفي عايدي جداً
لان أغلب الطلاب الي في الجامعة موظفين
يعني ما عليك خوف
بس أذا كانت الوظيفة ما تسوى انصحك ما تعدلينه لانه بيظرك مستقبل اذا بغيتي تكملين الدراسة الماجستير

[المسا أ أ أ فر]

عادي الجامعه اهم شي انك تسددين رسوم مالهم دخل فيك موظفه او طالبه ما تفرق

[نسايم عطر]

جزاكم الله خير وماقصرتوو بس بعد بروح الاحوال وبسال واستفسر قبل لا اسوي اي حاجه

[S H O Q]

-



والله مدري من ناحية هالامور ان شاء الله الاخوان افادوك
بالتوفيق حبيبتي

[m-lulu]

عادي عزيزتي انا كنت موظفه وادرس مافي مشكله واحسن تدخلين بتامينات مثلي عشان تحسب لك الخبره واذا اخذتي الشهادة يمكن يرقونك ويزياد راتبك ترا اغلب الطلاب موظفين
بس سالفة الاحوال ماطلبوا مين الدوام اغير شي بالاحوال اتوقع وزارة العمل
انتي اذا تبين نساعدك اعرفي اول بضبط الاحوال او وزارة العمل ؟؟

[موظفه ام عبدالع]

الله يدبرك علياللي فيه خير وصالح