ابي نوع ومواصفات لجهاز لابتوب مناسب لاستخدامه للجامعه

[جامعي والله معي]

السلام عليكم ،،
اسأل الله ان يوفقني واياكم جميعا في دراستنا ويسر امري وامركم اخواني واخواتي الاكارم انا ما اعرف في اللابتوبات كمواصفات ونوعيات ممتاز اتمنى منكم تساعدوني في اختيار لابتوب يكون مناسب في السرعه والمعالج ويكون ممتاز للجامعه والاستخدامات الاخرى البسيطه فضلا اذكروا النوع والمواصفات والمحلات اللي تبيعه والبرامج اللي تفيد في استخدامات البلاك بورد وتحويل الملفات وغيرها من البرامج المفيده واعتذر عن الاطاله،،

كل الامنيات لكم بالتوفيق والنجاح


تم الإرسال بواسطة iPhone بإستخدام Tapatalk

[•• شجون ~]

.

وعليك السلام والرحمه

انا كنت استخدم توشيبا وجميل نوعا ما
بس الحين استخدم Dell من محلات الكمبيوتر
و شريته تقريبا ب ١٥٠٠
وتاركته للجامعه بس تحميل وكذا
و يكون سريع حسب اتصال الانترنت

اهم شي يكون الويندوز ٧
لان ٨ معقد..


والبرامج
هي مشغل الصوتيات
و قارئ ملفات pdf
و الوورد
و الجافا لاجل المباشره



و ان شاء الله م نسيت شي




بالتوفيق

[سعود بن ثامر]

اذا ميزانيتك توصل إلى 2699 ريال

شوف هذا في جرير

من شركة aser
الموديل : E5-571G
المعالج i7
الرام 8 جيجا
الشاشه 15.6
الهاردسك 1 تيرا

مناسب لجميع الأعمال والتصفح ومشاهدة الأفلام ما عدى الألعاب طبعاً .. !
طبعاً ما فيه لاب توب مافيه عيوب بالنسبه للابتوب هذا

1- الشاشه ليست FULLHD وأتوقع الشيء هذا ما يهمك كثير . !
2- المعالج من نوع الفئة U الموفره للطاقه لكن لا تستحمل الألعاب والمونتاج الثقيل .. !

لكن الواحد على حسب ما يدفع , وهذا أفضل المناسبين من ناحية جميع المواصفات وبالمبلغ هذا .. !

[نورة بنت فهد]

معي hp قيمته 1800 تقريبا ،،، للجامعه مخصصته جميل جدا ،،،،

[جامعي والله معي]

الله يعطيكم العافيه جميع ومشكورين على التفاعل


تم الإرسال بواسطة iPhone بإستخدام Tapatalk

[الطالب المملوح]

سوني لك وللزمن

[Adel F]

أنصحك لابتوب من شركة Asus ..
والمواصفات لاتاخذ حاجه عالية ، المعالج يايكون i3 أو i5 .. والرام 4 جيجا .. وباقي المواصفات ماتهم لانها تكميلية .. الأهم المعالج والرام ..

سعره راح يكون مناسب جداً واللابتوب من شركة أسوس عملي جداً ..

[ولد حبيل]

اذا ميزانيتك توصل إلى 2699 ريال

شوف هذا في جرير

من شركة aser
الموديل : E5-571G
المعالج i7
الرام 8 جيجا
الشاشه 15.6
الهاردسك 1 تيرا



شكلة مقرش فلوس دبل راتب

[غرشـوب]

كــان عندي acer وكان ممتاز للجامعه

لكن الجهاز انتهت صلاحيته والشهر هذا شريت lenovo واستخدمته أسبــوع حتى الان ممتـاز

[Mark Twain]

عن تجربة

أهم شي تركز على المعالج لأنه الأساس إذا عندك ميزانية اختر i7

والشركة عندك Acer من عائلة Aspire هذي الفئة تخدم بشرط المعالج مايقل عن i5

وعندك شركة Asus و شركة Dell

وبالتوفيق

[أم تولاي]

الديل افضل شي

[ابواسامه1]

اتمنى اللي ينصح بجهاز معين يكتب مواصفاته حتى يستفيد الكل

[azeez0623]

عليك بDell
صوت وصورة وقوة تحمل
انا عندي واحد المعالج i5مايطفي له مايقارب 4 سنوات ولا تغير فيه شي (يفضلi5)

[azeez0623]

أنصحك بDell
سعره مناسب واستخدامه حلو ولا يحتاج سماعات
يفضل ان لايقل المعالج عن i5

[خلود الشهري]

انا عن تجربه عندي جهازين محمول ومكتبي ( شاشه وكيبورد بس )
المحمول ابل وماعليه كلام لك وللزمن سهل وسريع

المكتبي اتش بي حلو بس احس خراباته واجد ومايتحمل بس مريح للدراسه


بالتوفيق

[غيداء1]

لاب توبي. Asus جميل اخذت الترم الماضي. واهم شي بالنسبه لي انه مايحتر
بطاريه 3 ساعات المعالج i3 اخذته 1500 لونه ابيض

[همس الروح 2015]

والله شوف اخوي انت الان تبيه فقط لدراسة فلا تدور لك
على كمبيوتر ذات مواصفات عالية لان انت ما راح تسوي عليه
شئ لا بتمنتج عليه ولا بتعمل افلام او صور ولا شي فقط تبيه لدراسة وحل واجبات
يبيلك واحد سعره مناااسب يعني مكتي عندك dell كويس وحجمه صغير ومناسب للجامعة
او hp هم بعد سعره منااااسب و احجامه مناسبه. وانت اذا بتشتري اسال راعي المحل قوله
انك تبي واحد فقط لدراسة وتصفحت النت لا غير وهو يعرف كيف يطلع لك
وبنهاية القررار لك


موفق

[جامعي والله معي]

يعطيك العافيه


تم الإرسال بواسطة iPhone بإستخدام Tapatalk

[جواهر فيصل]

كــان عندي acer وكان ممتاز للجامعه

لكن الجهاز انتهت صلاحيته والشهر هذا شريت lenovo واستخدمته أسبــوع حتى الان ممتـاز

يب حتى انا دوبي استخدمة ،،ان شاءالله يبيض وجهيننا وفالنا أعلى الدرجات يارب ،،أن شاء الله يكون هالترم فال خير خير علينا وربي يوفقنا جميعا ..

[سعود بن ثامر]

فيه ناس ماشيه على الشكل وناس ماشيه على إسم الشركة وناس ماشية على راعي المحل هو يختار لك .. !

حرام تشتري لاب توب بمبلغ 1500 وبكره تروح تشتري غيره لأن طلعت لك شغله ثانيه . ! هذا إسمه عدم حسن تصرف .. !

لازم تشتري لاب توب بمواصفات جيده وعلى حسب ميزانيتك حتى يخدم معاك بعد الله إلى 7 أو 8 سنوات اذا كرف حشمه بإذن الله تعالى .. !

[منور العسل]

اش رايكم في الﻻب توب الي يكون عليها عروض في بنده وكارفور والدانوب
تنصحوني اشتري منهم
وﻻ افضل اشتري من المحﻻت المتخصصة بالﻻب توبات اقصد محﻻت الكمبيوتر

[سبسر]

أنا ارى أن ماركة ابو كلب تمشي الحال
لان مشكلة السرعة والبطئ سببها أنظمة جامعتنا الحبيبه

[ddlovato]

عن تجربه شخصيه انا استخدم ماك بوك برو زين وقوي ويناسبك للزمن الطويل ويكفي انه مايدخله فايروسات وسريع ، بس عيبه شيء واحد انه غالي سعره ١٣ انش حوالي ٤٨٩٩ ويختلف من حيث المواصفات فيه ١٣ انش الي ذاكرته ١ تيرا ب ٧٨٩٩ وفيه ب ١٢ الف الي هو ١٧ انش وفيه ١٥ انش ب ٦٨٩٩ يختلف بس يستحق كل هذا المبلغ ، انا عن نفسي استخدم ماك بوك برو ٥٠٠ جيجا + ذاكره عشوائيه ٤ جيجا ، وسريع وماعليه كلام ، واستخدم ايباد ٢ متصفح بافن ، و ب النسبه ل برامج اللابتوب جافا + ادوبي + اي بوك التابع للابل ، وفي الايباد المتصفح الرائع بافن لاانه يدعم الفلاش ويفيد حتى ل حافز :(204)::lllolll:

اتمنى لك ولي ول جميع الطلاب والطالبات التوفيق والنجاح ، :004:

وفي الاخير اختر يالي يناسبك ، بس ب التأكيد انصحك ب الماكبوك برو موب اير برو افظل للانه سريع وميزاته عاليه ويصلح حتى للزمان حتى مايحتاج اي مضاد فيروسات للانه مستحيل يدخل فيه للانه من شركة ابل :d5:بس العيب الوحيد:eek: فيه مثل ماقلت لك السعر وفيه بعد بعض الهارديسكات ماتصلح له :000:، اما الابتوب ممتاز وقوي وتمام ولا ترتتفع حرارته وبطاريته اطول بس عيبه انه البطاريه داخل يعيني اذا لا قدر الله خلصت بتضطر توديه محل يفتحه لك من داخل ويغير البطاريه والجهاز ماعليه كلام قووي ومريح . :biggrin::d5:

[سعود بن ثامر]

اش رايكم في الﻻب توب الي يكون عليها عروض في بنده وكارفور والدانوب
تنصحوني اشتري منهم
وﻻ افضل اشتري من المحﻻت المتخصصة بالﻻب توبات اقصد محﻻت الكمبيوتر


كلها وحده لكن الأفضليه تكون فقط من ناحية المواصفات وسنة الصُنع والتأكد إن عليه ضمان ..

[ttturki]

يالحبيب اهتم بالحصول على المعدل العالي والدرجات الكامله هذا همنا يالسعوديين الاهتمام بالمظاهر والفشخره والله يرحمنا من الداخل
اما بالنسبه للاب توب فاي لاب توب ييؤدي الغرض انا اشتريت لاب توب emachines by acer خااااص للجامعه وقام بالواجب واكثر واتمنى التوفيق لي ولكم ولجميع الطلاب

[المستقبل المشرق]

Lenovo G4070

تلقاه بجرير سعره 2000. ماتلقى لاب توب معالجه i7 بهذا السعر. مواصفات لا يلعى عليها على الفين بس.
انا اختي تحتاج لاب توب جديد ونصحتها فيه للجامعه.

[آي فون]

فيه نوع لاب توب اسمه " اللاب توب السحري "

هذا طال عمرك بس تشبكه في الكهرباء وهو على طول من نفسه يدخل على موقع الجامعة ويكتب رقمك الجامعي والرقم السري ويبدا يدخل على المحاضرات ويحملها من نفسه ويحضر عنك المحاضرات المباشرة ويتواصل مع الاساتذه اذا لزم الامر ،، وفيه نوع منه يحضر الاختبارات اذا تبي

يا اخي الكريم كل انواع اللاب توبز تمشي الله يصلحك ،، المهم الشخص اللي يستخدمه

[جامعي والله معي]

بالله عليك خفيف دم ما شاء الله عليك ظريف جدا، الله يصلحك انت يا اخي ارتقي بنفسك في الرد اذا عندك كلام مفيد تفضل فيه و رد مستغنين عن ظرافتك وخفت دمك الزايده


تم الإرسال بواسطة iPhone بإستخدام Tapatalk

[ttturki]

كلام سليم يا اي فون كلها تؤدي الغرض

[gєℓηαя]

اغلب الردود تبط القلب

ترا الرجال ما غلط على احد يبي فقط الاستشارة منكم عندكم افاده فيدوة بلا خفت الدم

انا حاطه موضوع قبل سنة والاغلبيه انصحوني ب dell واخذته على النصيحة

[آي فون]

بالله عليك خفيف دم ما شاء الله عليك ظريف جدا، الله يصلحك انت يا اخي ارتقي بنفسك في الرد اذا عندك كلام مفيد تفضل فيه و رد مستغنين عن ظرافتك وخفت دمك الزايده


تم الإرسال بواسطة iphone بإستخدام tapatalk

الله يصلحك بس ،، كلامي مفيد بس المشكلة انك ما فهمته ،، وبالنسبة للظرافة فأنا مو أظرف منك ومن موضوعك

حسب بياناتك أنك مستوى رابع ،، مستوى رابع ؟؟؟ ويسأل عن لاب توب

تصدق لما قرأت موضوعك رحت اشوف التاريخ حق الموضوع ،، حسيت أن الموضوع انكتب في التسعينات وقت ظهور اللاب توب

يالله هذا أنت استفدت مني معلومة قيمة ،، وهي أول ما ظهر اللاب توب كان في التسعينات ومن شركة أبل :(269):