واستلمنا الوثيقه

[احساس جامعي]

السلام عليكم ورحمة الله وبركاته

احمد الله سبحانه و اشكره على توفيقه لي في دراستي الجامعيه

اليوم الحمد لله استلمت وثيقة التخرج وكانت جميع الامور سهله

الدكتور عبدالله الفريدان والاستاذ احمد الشعيبي مشرفين اشراف مباشر في التسليم

واشكر جميع الموظفين اللي كانوا متواجدين

الامور كلها ما كان فيها اي تعقيد ولله الحمد

[أَبُو يـَزَنْ]

عليكم السلام ورحمة الله وبركاته

ع البركة اخوي وعقبال وثيقة الماستر

[اداري طموح]

الف مبروك وعقبالنا ان شاء الله.

[TheArrow]

اخي احساس جامعي
وش الإجراءات و كم مبنى رحت و هل الوثيقة وشهادة الثانوية مع بعض .. عطنا تفاصيل لاهنت

[احساس جامعي]

اخي احساس جامعي
وش الإجراءات و كم مبنى رحت و هل الوثيقة وشهادة الثانوية مع بعض .. عطنا تفاصيل لاهنت

تتجهون مباشره لقاعة الشيخ حسن

وفيه الموظفين يخلصونكم مباشره من هناك

جميع امورك تخلص من مسرح القاعه

وجيبوا معكم ورقة اخلاء طرف وورقة الموعد

راح يعطونك الوثيقه و السجل الاكاديمي باللغه العربيه والانجليزيه

وداخل ملف البريد فيه الشهاده الثانويه والاوراق اللي ارسلتها للجامعه

وكلها في ملف

[s.a.m.i]

الف مبروك والحمد لله على السلامة

سؤالي

هل يلزم احضار جواز السفر

[انت وطموحي]

مبروووووووووووك ألف مبروووووووووك يا دفعتي الغاليه ...

الحمد الله ع كل حال انا تاخرت عنكم بترم بسبب تعارض المواد ولكن اقول يمكن خيرة لي بأمر الله ....

اكيد اموركم سهله وخلصت بسرعه لانكم من قسم الرجال بس احنا ..... بيطعلون اعيونا عشان الوثيقه عسى الله يسهلها علينا وعليكم ..

امانه اللي يسمع ان في ماستر يبلغنا هينا عشان نسجل فيه .. الله يوفقكم يادفعتي الغاليه اهئ اهئ اهئ

[TheArrow]

ماشاء الله تبارك الله، تطورت الإجراءات للأحسن وبشكل كبير :(204):

شكرا أخي احساس جامعي على المعلومات :106:

[Nada1420]

ماشاء الله .. تبارك الرحمن
الله يوفقنا واياكم .. عقبالنا و جميع الزملاء والزميلات .

[احساس جامعي]

الف مبروك والحمد لله على السلامة

سؤالي

هل يلزم احضار جواز السفر

لا

اذا كانت عندك بطاقة احوال كافيه

لاكن خذ الجواز احتياط

[احساس جامعي]

ماشاء الله تبارك الله، تطورت الإجراءات للأحسن وبشكل كبير :(204):

شكرا أخي احساس جامعي على المعلومات :106:

نسيت اقلك شغله تراهم يمشون بالدور

في تقريباً خمس موظفين

بس الامور تخلص سريع سريع

[Saudi man]

ماشاء الله

يعني الاجراءات بالكثير تاخذ ساعة ؟

الشي الثاني اذا بغيت كم نسخة من الشهادة المصدقة كيف؟

[ghamaa7k]

الي يبغى ياخذ صور مصدقة يروح يصور الوثيقة من كلية الاداب ( غرفة صغيرة يصور لك عشر نسخ مع الدرجات ب 25 ريال ) جنب قاعة الشيخ حسن ..
ثم يرجع لقاعة الشيخ حسن عشان يختمون جميع الاوراق..

ومبروك التخرج للجميع

[غربة نفس]

بالتوفيق ي رب

[أستاذ حلمي]

وعليكم السلام ورحمة الله وبركاته

مبروك ألف مبروك وعقبال الدكتوراه


الله يوفقك ويوفقنا

[وادي زاعم]

الف الف مبروك اخوي ونسال الله ان تكون بداية النجاح وليس اخره ...............


***سالفة الحضور الى الجامعه لاستلام الوثيقه اشوفها بالنسبه لي صعبه جدا المسافه صعبه بالطياره او بالسياره مكلفه من جميع النواحي ( تبوك - الاحساء ) , لازم يتم مطالبة الجامعه بارسال الاواراق و الوثيقه بالبريد مثل ما ارسلنا لهم شهاداتنا

[Adel F]

تتجهون مباشره لقاعة الشيخ حسن

وفيه الموظفين يخلصونكم مباشره من هناك

جميع امورك تخلص من مسرح القاعه

وجيبوا معكم ورقة اخلاء طرف وورقة الموعد

راح يعطونك الوثيقه و السجل الاكاديمي باللغه العربيه والانجليزيه

وداخل ملف البريد فيه الشهاده الثانويه والاوراق اللي ارسلتها للجامعه

وكلها في ملف



ممتاز ، اذا يعطونك السجل الاكاديمي باللغة الانجليزية .
هل ضروري تطلبه أو بدون طلب ؟

[ابو ابراهيم وبس]

ماشاء الله الف الف مبرووووووك

هل كتبو لك في الشهادة انتساب والا تعليم عن بعد والا عامه

ياليت تفيدنا الله يسعدك

[Deemaa1]

ماشاءالله مبروك..............بس فين مكان قاعة الشيخ حسن يعني من اي بوابه اجيلها.........:confused:

[Deemaa1]

وبالنسبة للتوصيات هل تحتاج توقيع الدكتور ام لا ...:confused:

[صقر القصيد]

اخوي التوصيات بالعربي نترجمه والا هم يترجمونها عندهم

[فطومة علي]

السلام

ياليت وحده من البنات تقول انطباعها والاجراءات اللي صارت اهناك

يعطيكم العافيه

[احساس جامعي]

ماشاء الله

يعني الاجراءات بالكثير تاخذ ساعة ؟

الشي الثاني اذا بغيت كم نسخة من الشهادة المصدقة كيف؟


الاجراءات ما تاخذ 3 دقائق بالكثير

والنسخه المصدقه ما سويتها

[احساس جامعي]

ممتاز ، اذا يعطونك السجل الاكاديمي باللغة الانجليزية .
هل ضروري تطلبه أو بدون طلب ؟



بدون ما تطلب جاهزه مع الوثيقه

[احساس جامعي]

ماشاء الله الف الف مبرووووووك

هل كتبو لك في الشهادة انتساب والا تعليم عن بعد والا عامه

ياليت تفيدنا الله يسعدك

انتساب

والتخصص ادارة اعمال

[احساس جامعي]

ماشاءالله مبروك..............بس فين مكان قاعة الشيخ حسن يعني من اي بوابه اجيلها.........:confused:

الرجال من قاعة الشيخ حسين

البنات حسب المسجل عندكم

لاكن اذا بيروح الوالد يدخل من بوابه رقم 1

لان القاعه بعد البوابه مباشره

[احساس جامعي]

وبالنسبة للتوصيات هل تحتاج توقيع الدكتور ام لا ...:confused:

التوصيات ما اخذتها

[سعود السالمي]

ماشاء الله تبارك الرحمن ..
والله يووفقنا ويوفقكم ..

[لاب توب]

طبعت التوصيات من الموقع....

بس كيف طريقة استلام التوصيات؟؟؟؟

وكم المسموح لختم طبق الاصل للوثائق والسجل الاكاديمي؟؟

[ابو ولـيد]

الحمدالله الذي بنعمته تتم الصالحات
استلمت اليوم الوثيقه ع ساعه 2 الظهر وماكنت متوقع في تسهيل الامور والاجراءات
إلي تجيبونه معاكم حجز الموعد و اخلاء الطرف وبطاقة الأحوال للمطابقه فقط مايحتاج للجواز ابد وراح تستلم الشهاده والسجل الاكاديمي عربي وانجليزي وكل الامور تتم في مبني المسرح مبني رقم 1 جنب البوابه الرئيسيه اسئل السكرتيه ويدلونك كل شي واضح ومتيسر

كل الامور تخلصها في دقايق بسيطه وانت مخلص امورك .ماراح ازيد على كلام اخوي احساس كفى ووفى وبالتوفيق للجميع
http://im78.gulfup.com/lJMEXi.jpg

[حسين سعيد]

الف الف مبروك يا رب
وجالس انتظر موعد الاستلام تبعي وانشالله الامور كلها ميسره للجميع يا رب

[ابو رياض]

الف الف مبروك وعقبال جميع الطلاب والطالبات يارب

[بن عاقول]

ماشاء الله ألف ألف مبروووك للخريجين

[body1408]

ماجيستير الجامعة السعودية الالكترونية ( إدارة الاعمال )

حسب ماوصلني البرنامج الكامل 42الف ريال مقسمة على 4 اترام ( الترم الواحد 9500ريال تقريبا )
يضاف لها رسوم دراسية في البداية
الحظور يوم واحد كل اسبوعين ويكون خلال الويك اند جمعة او سبت


*ان اصبت ف من الله وادعولي وان اخطأت فمن الشيطان وسامحوني

[love story]

الحمدلله حمدا جما
الاجراءات جدا سلسه وجميلة
ولا تتاخر
لكن صادفت لي مشكله وهي ما اخر الشهادة عندهم ليومين اضافيه
وهي خطأ الاسم بالانجليزي مع اني مرسل لهم الجواز
ف تاكدو وقت استلام الوثيقه من ان جميع بياناتك صحيحه

[Dammami]

الف مبروك انا حجزت موعد استلامها يوم الخميس الساعه 9 والله يعني لازم اطلع من الدمام

بالتوفيق

[خوان دي ماركو]

مكتوب بالوثيقة " خريج انتساب " او تعلم عن بعد
والف مبروك التخرج ، ومنها للأعلى

[بورا بورا]

ماشاء الله تبارك الرحمن

الف الف مبروك ومن حسن الى احسن

وعقبال باقي الطلاب والطالبات

[منذو مبطي]

السلام عليكم ورحمة الله وبركاته

احمد الله سبحانه و اشكره على توفيقه لي في دراستي الجامعيه

اليوم الحمد لله استلمت وثيقة التخرج وكانت جميع الامور سهله

الدكتور عبدالله الفريدان والاستاذ احمد الشعيبي مشرفين اشراف مباشر في التسليم

واشكر جميع الموظفين اللي كانوا متواجدين

الامور كلها ما كان فيها اي تعقيد ولله الحمد


وعليكم السلام ورحمة الله وبركاته ..

مبرووووك وألف مبروك

والحمد لله على التساهيل


الله يسهل لنا الأمر

[النظرة الخجولة]

طيب والبنات كيف نستلمها
نفس الطريقه ولا؟؟

[موجي ازرق]

ابي اعرف كيف نحجز موعد من وين وماهي الاجرائات وهل البنات مثل العيال ولا كيف

[ياقوته]

ابي اعرف كيف نحجز موعد من وين وماهي الاجرائات وهل البنات مثل العيال ولا كيف

من الخدمات الطلابيه هناك الاجراءت توني شايفتها



بنااات فيه احد استلم وثيقته ؟؟؟؟ يخبرنا شلون استلموهاااا

[First step]

ماشاء الله بالتوفيق
فعلا وين البنات نبي نعرف وين نروح اي بوابه واي مبنى
واللي اخذ توصيات ياليت يقولنا لازم نروح للدكتور يختمها بعد ولا كافيه الطباعه

[السبيعي عبدالله]

السلام عليكم ورحمة الله وبركاته

انا بكرة ان شاء الله رايح للجامعة لاستلام الوثيقة عسى الله يسرها ويبارك لنا فيها

وعقبال المقبلين على التخرج


دعواتكم

[First step]

موفقين جميعا

[bader358]

طيب والبنات كيف نستلمها
نفس الطريقه ولا؟؟

اذا حجزتي موعد يكت لك القاعة

الترم الماضي وديت زوجتي -- من البوابة 4 مبنى 64 تقريبا (هو البداية على اليسار)

تحتاجين كرت العائلة - الأفضل جواز او اذا معك بطاقة احوال خاصة فيكِ

ويخلصونك بسرعه

حاليا التنظيم اسرع واريح من اول


بالتوفيق

[هي قلبي]

الله يوفقك ويسعدك

على التوضيح

[نُـوْوتْ]

أنا موعدي اليوم ع الساعة 1 .. الله يسهل

[ومض]

الف مبروك للكل إستلام الوثيقة




نُـوْوتْ


ننتظرك بعد ماترجعي بموضوع مفصل عن المباني وطريقة التسليم

وكمان اسألي عن اخذ نسخ من الوثيقة طبق الاصل كيف الطريقة

[غواية الفرح]

استلمت الوثيقة اليوم
بس حسبي الله عليهم بكل بساطة يقولوا لي شهادتك الثانوية ضاعت
هذا خطاب روحي للوازة يطلعوا لك بدل فاقد : (

[محمـــــــــد]

استلمت الوثيقة اليوم
بس حسبي الله عليهم بكل بساطة يقولوا لي شهادتك الثانوية ضاعت
هذا خطاب روحي للوازة يطلعوا لك بدل فاقد : (

و الله قوية !!!
كيف مستند رسمي يضيع من الجامعة ...
و بكل بساطة يقولون أنتي راجعي الوزارة لإستخراج بدل فاقد !!!

[ريفان بنت راكان]

ياعرب اختي حالياً مو قادره تسجل
لان كل الايام صار مشار عليها باللون الاحمر
يعني لايوجد حجز فاليوم الفلاني
وش السواة ؟؟
ومتى تقدر تروح ومتى ممكن تستلم وثيقتها ؟؟
تكفوووون لاهنتو جاوبووني ،،

[محمـــــــــد]

ياعرب اختي حالياً مو قادره تسجل
لان كل الايام صار مشار عليها باللون الاحمر
يعني لايوجد حجز فاليوم الفلاني
وش السواة ؟؟
ومتى تقدر تروح ومتى ممكن تستلم وثيقتها ؟؟
تكفوووون لاهنتو جاوبووني ،،

بالنسبة لخريجي و خريجات أدارة الأعمال .. أنتهت فترة حجز المواعيد
و حسب أعلان الجامعة عن تسليم الوثائق فأنه بإمكانها الذهاب في أي وقت بدون موعد
و أن تطبع إخلاء الطرف من الخدمات الطلابية و تأخذها معاها ....


بالتوفيق

[ربي احسن مثواي]

انا مو قادره ادخل على الخدمات الطلابيه كل ماادخل رقم السجل والباس يقول خطاء وانا متاكده منها شنو الحل ابي اطبع اخلاء طرف

[ربي احسن مثواي]

خلاص فتح الحمدلله