ممكن مساعده من الطلاب اللي اختبروا الانجليزي

[am_alghamdi159]

السلام عليكم
في هذه الفتره يتم اختبار الطلاب اللي غابوا ايام الاختبارات وانا منهم :119: وعندي اختبار الانجليزي
وعندي بعض الاستفسارات عن الاختبار لان المنهج طويل ..
اولا كيف كانت الاسئله عن القرمر والكلمات
اسئلة الدكتور عموما كيف؟؟

[اامي نبض قلبي]

امممممممم
والله من الخوف وقت الاختبار ماتخليك تركزين
بس اللي اتذكره
جاتنا القطعه حقت sleep
جانا سوال هذا السوال قهرني لااني مافهمته بالبدايه بس قريته وفهمته
هي اربع اساله على السوال ذا كل سوال في اربع كلمات
وانتي تختارين الكلمه اللي ماتنتمي لهم
يعني خلبني اعطيك ممثال وعااد مثالي غبي بس مرريها هالمره عشاني
مثلا بلوزه جاكيت بنطلون كتاب
ادري ادري مثال غبي بس اكيد عرفتي الكلمه اللي ماتنتمي لهم اللي هي الكتاب
واذكر بعد جات كلمات احفضي الكلمات واعرفي معانيها زين
وجات بعد من القواعد وذاكري امرجعات الاربع الاخيره والواجبات والاختبار الفصلي
وانشالله تعدينه على خيير انا ذاكرت المراجعات والاختبار والواجبات والقطع وجبت B
وكنت راضيه عنها لاني ماكنت مذاكره زيين من قبل يعني واصلا حسبالي والله اني بحمل الماده بس الحمدلله انصدمت وفرحت بنفس الموقت الله يوفقكك باختبارك يارب وتعدي على خيير ها الله الله بالدرجه الزينه
وبشريني بدرجتك
يارب تتوفقين :D

[دآيموند]

الي جانا قطعه وعليها أسئلة و ايش تتكلم عنه

و تصريفات الفعل يعني زي متى تحطين ing و ed و s في الجمل

و سهل علينا وجاب أسماء الشهور بالانجليزي و وهي بأي مرتبه من الشهور يعني مثلا يناير هو الشهر الأول ولا الخامس و لا السادس وكذا

وحفظي الكلمات مهمه جدا بتجيك منها

و جانا ال either و neither متى يكون الرد بهم او ب me too

و هذا الي اذكر اسمحيلي والله يوفقك يارب ويسهل عليك

[مـدمـوزيل أمـانـي ♡]

بصراحه الدكتور ركز على الجزئيه الاخيره من المنهج
ماجاب شي من الجزئيه حقت الاختبار الفصلي الا كم سؤال

احفظي الاشهر كويس ، والكلمات ، جاب سؤال عن الكلمه الشاده
والقطعه كانت sleep هذا اللي اذكره عموما الاختبار كان حلو وسهل

[Mit3b]

احفضي الاشهر بالترتيب ركزي عالترتيب , و كيفية بناء الجملة لانه تقريباً 7 اسئلة عليها , و متى نستخدم ing او ed , و الضمائر مهمة جداً اقصد فيها her , them , him و انتي ماشية , ايضاً المفردات اللي نزلها بالبلاك بورد بععد , القطعه اسهل شي لو افترضنا انك م بتفهمين اللي تقرينه شوفي السؤال وين مكانه بالجملة و دائماً يكون الجواب الجملة اللي تتبعها و بتاخذين من 3 الى 4 درجات من 5.


و ركزي ع الواجبات كثير كثير.


موفقة,,

[احلى ميموو]

ماشالله الطلاب ماقصروااا بس ركزي عالقطعه لان عليها كذا سووال والشهور احفضيهم بالترتيب والقاعدات زيما قالوا البنات وبعض الكلمات وتطلعين الكلمه الشاده بينهم واخر شي كان كلمات ومعانيهم هنا اني تبهدلت شووي واغلبهم ماعرفتهم لان ماقدرت احفضهم بس القاعدات ادا فهمتينهم بتعرفي الحل علطوول والقطعه تحلينها كامله وان شالله a

[Bu Turky]

بسم الله الرحمن الرحيم



بدايةً . .



هذا رآبط موضوع المذاكرة الجماعية للانجليزي بتلقى فيه الواجبات و الاختبار الفصلي



http://www.ckfu.org/vb/t619164.html (http://www.ckfu.org/vb/t619164.html)



و هذا رابط انطباع الطلاب بعد الاختبار , البعض شرح وش واجه من صعوبات في الاسئلة .. يمكن يفيدك في حاجة



http://www.ckfu.org/vb/t649832.html (http://www.ckfu.org/vb/t649832.html)



ــــــــــــــــــــــــــــــــــــــــــــــــــ ــــ



بالنسبة لطريقة الأسئلة اللي أتذكرها , بعلمك وش أذكر و ليصحح لي الشباب ان أخطأت أو نسيت حاجة



1- القطعة .. و الحقيقة ما اذكرها وش كانت




2- الأفعال الشاذة و تصاريفها ما جاتنا



( go = went = gone ) و انت ماشي .. اظنه حدد 70 فعل , ما جات معنا




3- كيف تكوّن سؤال .. يعطيك خيارات مهيب مرتبة و ترتبها انت بحيث تكوّن سؤال



( name / your / what / is )



ذي مهمة و جات عليها تقريبا 5 الى 6 فقرات



ركز في الترتيب الصحيح لتكوين السؤال




4- ترتيب الأشهر الانجليزية



January = First


February = Second


March = Third



و انت ماشي , و ذي عليها تقريباً من 4 إلى 5 فقرات




5- متى تحط On , In , at




6- احفظ قاعدة الـ ing و الكلمات اللي تجي بعد to




7- بيعطيك كلمات و فيه كلمة شاذة عنهم



( جينز / تي شيرت / شلحه / جوال )



كل الكلمات تتعلق بالملابس الا الجوال شاذ عنهم .. و هنا يفضّل تكون حافظ كلمات الانجليزي و عارف معانيها



لأنه فيه سؤال ما نسيته كان يتعلق بكتب عن الرياضيات



( الجبرا ) و فيه حاجتين نسيتهم و كان الكتاب الشاذ عن التكنلوجيا او وسائل الاتصال




8- المحادثات الموجودة اللي حددتها الدكتور , يفضل انك تفهمها .. و اذا انك راعي حفظ احفظها



بتجيك اسئلة من بعض القطع



اذكر القطعه اللي فيها وحدة تخيط جا سؤال منها



( هل تجيدين الحياكة ؟


- لا , و لكن أختي تجيدها )



بتجيك الاسئلة اللي موجودة في القطع بهالاسلوب

9- الضمائر

( him , her , their )
و الباقي
مهمين جداً و جا منهم كثير






هذا اللي اذكره حالياً .. و ان ذكرت شيء ان شاء الله كتبته لك



تمنياتي لك بالتوفيق :004::rose:

[hnyeef]

مثل ماتفضلوا اخواني وازيد عنهم ان القطعه اللي جاتنا اللي هي عن النوم sleep

[جودي قمري]

لا تنسين الضمائر مهم جدا

[بدون اسم20]

,

,
ماشاء الله ماقصروا الاعضاء انا ما اتذكر شي بس اتذكر سوال قاهرني لين الحين =/
السوال خيارات فا ثنين من الخيارات نفس الشي بالضضضبط وكلهم صح بس وش نختار اي واحد ..!! :000:
سالنا المراقبات كل وحده تقول انتي و ذاكرتك :(269):
نحاول نفهمها صراحتن انا وككثير بنات وخلصنا كل شي بس استقعدنا ع ذا السوال .,,, :007:
المهم في اخر شي ماعطونا لا حق ولا باطل وكل وحد حطت ع حدسها :139:

^^
صارت هالسالفه في مادتين او ثلاث مواد :(177):

[am_alghamdi159]

ماااااقصرتوا يعطيكم العافيه احرجتوني والله بمساعدتكم الله يجعلها بميزان حسناتكم
للاسف جالسه ادور على المحاضرات المسجله ناقصه عندي خاصة حقت المراجعه فييين القاهاا؟؟؟

[am_alghamdi159]

وبصراحه ماشفت كل المحاضرات صعبه عليه اشوفها كلها بس ابغى اعرف طريقة المذاكره بالضبط
هل اسمع المحاضرات كامله والا اركز على المراجعه بالاضافة للاشياء اللي ذكرتوها لي؟؟

[rayom92]

ما شاء الله ذكروا كل شيء ما قصروا
بس بخصوص القطعة sleep وراء القطعة في أسئلة محلولة بعد نفسها الأسئلة جات
عاد انا ما ذاكرت ولا قطعة بس لحسن حظي قريت ذي الأسئلة

لازم تشوفين المحاضرات عشان تفهمين شرح القرمر و معاني الكلمات و شرحها
مو شرط تشوفينها كلها محاضرات المراجعة انا ما شفتها لانها تكرار و إعادة لما سبق


و بالتوفيق ..:love080:

[بيدو11]

سلام عليكم ورحمة الله وبركاته :
لو سمحتو الي عندة صورة كتاب الانجليزي لمستوى ثاني
ترسلة:(107):

[Mit3b]

سلام عليكم ورحمة الله وبركاته :
لو سمحتو الي عندة صورة كتاب الانجليزي لمستوى ثاني
ترسلة:(107):

قصدك كتاب الانقلش اللي كان متطلب بمستوى اول ؟