استفسار بخصوص التحويل من جامعة الى كلية الأمير سلطان العسكرية الصحية

[azoz.mutairi]

السلام عليكم ورحمة الله وبركاته ..
مساء الخير ..

اولاً اعتذر اذا اخطأت بوضع استفساري بهذا القسم .
ثانيا . الموضوع باين من عنوانه ..

انا طالب بالسنة التحضيرية بجامعة تبوك ..
وحبيت احوّل لكلية الأمير سلطان العسكرية الصحيّه ،
وماني عارف ايش الشروط للتحويل
دورت بالموقع وللأسف مالقيت الجواب الكافي.

ف ياليت اللي عنده خلفية عن هالشيء لا يبخل علي لو بمعلومه ..

دمتم بخير .

[ENOSHA]

وعليكم السلام والرحمة والإكرام
وصبااحك سعاده ورضا من رب كريم
..
شوف أخوي هو مافي تحويل بين الفصلين بسس مع بدآية الدوام شهر 11 تقدر تقدمـ
وعادي جيب ورقة إخلاء طرف من جامعتك وهذا الرابط حق الشروط أذا كان مستوفي لشروطهم وبأذن الله تنقبل

http://www.psmchs.edu.sa/admission-ar/2014-01-27-08-43-23/2014-01-27-08-45-09/diploma-bsc-requirments

[azoz.mutairi]

اي الله يسعدك ادري انو مافي تسجيل هالترم .. كنت اقصد مع بداية السنة الجايّة ..
لكن عندي سؤال غير الشروط ؟
فيه مقابلة شخصيّة بعد القبول ؟

لاني ان شاء الله بطلع بهالصيفيّة خارج المملكه باخذ لغة على حسابي
واخاف يكون فيه مقابلة وما اكون متواجد .
وبالنسبة للرابط الله يجزاك الخير
ماحصلت الا شروط القبول للطلاب خرّيجين الثانوي
شروط تحويل للتخصص اللي ابغاه مالقيت شيء
اللي هو تخصص طب طوارئ ؟
او انّو يكون دارج تحت قسم الطب بشكل عام والقبول فيه شوي صعب ؟

للأسف بحثت كثير بالنت وماحصلت جواب وافي بالنسبه لي ويجيب عن استفهاماتي ..
انا بمنطقة بعيدة للأسف عن الكلية ولا كان رحت للعمادة وسألت بنفسي .

يعني مالي بعد الله الا هالموضوع .
وربي يجزاك الخير مَ قصرتي ،

للمعلوميةّ : ما اتكلم عن الكلية اللي بالظهران بس . اللي يقدر يفيدني بشيء يخص كلية الأمير سلطان بن عبدالعزيز للخدمات الطارئة بالرياض يسوي خير والله : )

[جنان مصطفى]

التحويل لازم على حسب المعدل
وكم ساعه مخلص

[azoz.mutairi]

اذا على المعدل ان شاء الله تنطبق عليه الشروط
الفصل الأول 4.72
وهالترم ان شاء الله مثله او أفضل .
واذا على عدد الساعات ..
بعد ما اخلص السنة التحضيرية ان شاء الله بكذا اكون خلصت 33 ساعه من او 32 تقريباً .

[aasrar]

حتى انا ابغى احول لكلية الامير سلطان اذا حولت اتمنى تفيدني :love080: