الى متى الانتظار

[ابو ابراهيم وبس]

]الى متى الانتظار طفشنا والله وانا نشيك يومياً علشان تظاف درجة المحاسبة وينفتح لنا كم اتخرج ويتعدل السجل الاكاديمي ونحجز موعد ونعيش حياة الخريجين الموضوع طووووووول مررررره :sm1:
تعبنا من المماطلة الشهادات تطول عشان تطلع وكذلك التعديلات وغيرها :007:
والموضوع ما يستاهل كل هذا التاخير :(269):
والموضوع يجيب رده عكسية للطالب ويصاب باحباط :mh12:[/]

[الماضي الجميل]

الله يعين ..
وش اقول بس ..
نفس وضعك بالضبط باقي ما تعدلت لي ، والله يستر من اللي جاي ، انا كل يوم على هالحال ادخل اشوف الدرجة وباقي ما تغيرت .
راسلت الفريدان على تويتر وما رد ، وارسلت سؤالي بأيقونة الاسئلة والاستفسارات بموقع الجامعه وللحين محد رد ..
طالت مدة هالتحديث ، واحنا اللي ضعنا من ورى تأخيرهم ...

[وله منثور]

نفس الحال لكن ما نقول الا صبر جميل والله المستعان على ماتصفون
وفالنا وفالكم التوفيق يارب

[عادل الثنيان]

مالنا الا الصبر وطولت البال
والله المستعان

[ممكن انجح]

مالكم الا الصبر وش وداك له ؟؟
المهم السداد فتح وتم الدفع قبل لا تطير الدراهم

[ابو ابراهيم وبس]

من اول يوم تسجيل مقرارات وايقونة دفع الرسوم مفعلة .. عشان مصلحتهم مضبطين وضعهم

والباقي مهمش لا تحديث ولا حياة لمن تنادي

تاركينا لا نظام افتراضي ولا تنزيل محاضرات ولا واجبات

ومشاركات الفاصل الماضي حليناها كلهما وفي النهاية نتفاجأ بعدم اضافة الدرجات كاملة بسبب نظامهم البطيئ

ولعبو بنفسياتنا قبل الاختبارات ما ندري نذاكر والا نعيد حل مشاركاتنا ...

وكل هالحوسه بسبب اخطاء موظفينهم وانا يالطلاب المساكين ناكلها ولا رقيب ولا احد يرد على استسفاراتنا وطلباتنا في الاستعجال في التحديث ..

والله يصبرنا .. والحمدلله على كل حال ..

[ابو ابراهيم وبس]

ما زال الانتظار جاري ...

[رشوف123]

الله يصبرنا الوضع غريب بديت احس انهم يعاقبونا شكلهم ماكانو راضين على تعديل الدرجات

[ابو ابراهيم وبس]

ما فيه اخبار جديدة الناس حجزت مواعيد ودخلوا ايقونة التخرج وانا مربطين ما نقدر نسوي شي ، ياليتهم خلونا نعيد المادة ولا يعلقونا كذا كل يوم داخلين البرنامج ننتظر التعديل ...

[الماضي الجميل]

لا يوجد تعديل حتى الآن ...

نصبر والله كريم

[رشوف123]

الله يعين ياليتنا مسجلين المادة كان اريح لنا

[تيباتبيتؤت]

الله كريم طولوا علينا

[رشوف123]

ردد ماطولك ياليل كاني شفت رد احد الاعضاء ان الوضع يبي له من اسبوعين لثلاثه

[الماضي الجميل]

من شهر وهم يقولون الوضع يبي له اسبوعين او ثلاثه ..
الحين داخلين بالشهر الثاني ..

[ابو ابراهيم وبس]

واحد من الطلاب راسل الفريدان ورد عليه بان السجل بيتعدل بعد شهر يعني رددو ياليل ما اطولك بنقعد ننتظر ع اعصابنا شهر زيادة والله حرام

[ابو ابراهيم وبس]

ما فيه اخبار جديدة
ملينا من كثر الانتظار ..