لو كانت الدنيا سهله ميسرة لما كان........

[طلال المطيري1]

السلام عليكم ورحمة الله وبركاته
بهدوء الصبح وروعته
ربي لا تحرم الجميع من أمنيه تفرح قلوبهم
توبه تجلي همومهم . وتوفيقا ينير دروبهم . وسعاده تذهب أحزانهم..
وبما أنها مدونه خاصه لي والشكر للملتقى . كل لحظة فراغ سوف اكتب هنا مشاركات متنوعه .واكلم نفسي وبحسب قوانيين الملتقى لانتجاوز .
متغيير أحب التغيير للخير أن شاءالله.
الشهاده سادس ليلي
أذا اعجبك شي من كلامي دعوه في ظهر الغيب تكفي..لكي لاتضيع تقطعات كل مشاركه اتمنى ..واذا لم تعجبك او نقدت في شي ممكن تبلغ المشرف لحذفها او قل الحمد لله ومنكم نأخذ العبره والعيظه. ولا يشغلنا الى بطاعته
.................................................. .................................................. ..............................................
البدايه
لو كانت الدنيا سهله ميسرة لما كان**الصبر** أحد أبواب الجنه قيل لأ أحد الصالحين .ما هو الصبر الجميل قال .أن تبتلى وقلبك يقول .الحمد لله

[طلال المطيري1]

بالعاميه**
أذا أكتوفك توجعك أو ضعيفه أو ما معك لاقدر الله . هل تقدر تداحم الرجال ؟؟؟
الجواب مايمكن ولا تقدر صحيح منطقي.
من ها المثل قيس على أمثال
مثل.
يمينك ويسراك عزوتك انت أبو لهم اذا ما عزيتهم كيف بيكوون ؟؟؟
قيس أكبر وأكبر وأكبر ووسع خيالك ...وسوف توصل لشئ منطقي لاقدر الله أذا حصل.
تحياتي

[طلال المطيري1]

لا تحاول لفت إنتباه احد
فإن لم تكن ملفتاً بالفطره
ستبدو احمقاً بالتظاهر

[طلال المطيري1]

في أحدى السنواات من قريب.
كنت في الهند ومسافر للرجعه بالتحديد صالة المغادره المطار الدولي مومبي.وانا بالطابور قدامي والمكااان زحمة ومن تعب المشواار والارهااق مانمت كوويس ..شفت قدامي ها البنت .لا اله الا الله سبحانك ..نسيت طوول المشواار والطابوور ..المهم هي لاحظت عيني ماتنزل منها كل مره تلتفت ..انا شبهتها اولا بشيئ خياال لاعربيه ولاهنيديه لا غربيه ولا شماليه اوو ...ما انلام عيني ماناظرت غيرها في المطار..البنت تعبت وبين فيها الزعل مني!! المهم اخذت البوردينق .وانا بعدها اخذت البوردينق وبأتجاههي رايح للدخول للصالات .إلى هي واقفه وانا مار بكلمه انجليزيه قالت انت عربي؟؟؟ وقفت ...........مشينا ونتكلم اول بدايه شبه سب وانا الانجليزي لكم عليه ..واذا مافهمت كويس تحاول تقولها بالعربي ...عندها شوية عربي...
طلعت بنت أسرائليه !!!!;)
جلسنا سواء وكان اكثر الكلام شبه مناظره انتم ياعرب كذا > وانا اقوول انتم يا الاسرائليين كذا ..والبنت ما شاءالله مثقفه . وطاحت بها البدوي.ههههه.
وبنفس المصادفه وللي بوصل له .لكن مع جنراال امريكي متقاعد كان بحرب الخليج هنا في احدى مطارات الشرق اتوقع بانكوك طرانزيت.كنت انا راجع وهو اتوقع كان رايح للفلبين..انا احب دائم استكشف واقرقر خاصه مع ها الاشكال والمواقف .خلاصت مناظرتي معه ..
طلعت بكلمة قوويه..انتم يا السعوودين وخااصه البدوو .أي والله .لايمكن احد يمس ارضكم او يدخل شبر..الى عندما يضعف ايمانكم الذي متمسكيين به ..
لكن قربت الرحله وودعنا بعض وانا اقوول في نفسي ...هل يقصد ايماننا بالله او ايماننا بعدم الخيانه او......!!!!!!!!!!
خلاصه
الاهم اليهوود يعرفووننا جيدااا ويعرفوون اين قوتنا ويعرفوون مالا نعرفه نحن عن انفسنا ..ويعرفوون متى يتعبك ومتى يمرضك . ومتى يشتتوننا.........................................ا لخ
ومتى يدخل بلادك وينهبها.
موااقف حقيقيه وليست من نسج الخيال
.
ركز ووسع خيالك بكلامي من قبل وسوف توصل لنتيجه اذا حصل لاقدر الله

[طلال المطيري1]

م/ن
.............
شعب يحتاج لصعقاااات كهربائيه تستهدف مركز التفكيير في المخ مباشره.
لم تعد أساليب التوعيه اللطيفه مجديه لتنقله من حالة الركود الفكري إلى النور.
...................
لو تخلصنا من المنطق الوصاائي.ستنتهي ثلثي مشاكل مجتمعنا.
...................
ليس الفخر أن يحبك الناس لتوافقهم مع أفكارك المستهلكه..
إن الفخر أن تكون شجاعا بالتعبيير عن أفكارك ولو نبذووك.

[طلال المطيري1]

العبره ليست بعدد رافضييك او متآبعييك..العبره بعقليات مؤيديك ولو كانوا قله.
.......
الحلقه المقبله
.................................................. ..................... من هذا الشيئ والمنطلق سوف أبني بيتي وأحصنه**

[طلال المطيري1]

السلام عليكم ورحمة الله وبركاته
..
قبل الدخول لموضوع الانتظار فوق .
..
على الهامش كلمتين..
اولا بالدكنور الفريدان قبل اتوقع اخر رتغريده له بتويتر بثلاث..قال انه هذه تغيرده رد ع واحد
(غير صحيح الكثير تظلم واتضح ان لديه نقص
البعض كان يكتب مناقشات اخجل ان اضعها هنا)
انا اتوقع بنجلط من ها الجامعه .هو يقصد ع حسب فهمي الطلبه الي تحل مناقشات في الموقع . واعجبني واحد راد عليه :)
انا من الناس اصلن نسخ اللي فوق ولصق. ليش لأن المسئله الكترونيا تنحسب.وسرعة الوقت. ليش اتعب نفسي يادكتور ...اذا تقصد الطلبه ها الحل مقتنع فيه اكييد من الطبيعي لا..الطلبه نبشرك يكتب السئوال ويحطه ع جنب واذا جاء وقت الاختبار يروح يبحث عن الاجابه بعييد عن محاظرات الدكاتره الموقريين لأن نعرف الأسئله اغلبيتها خارجه عن المحاظرات وما ادري من اين ...وكيف ....توضع ويمكن لمستويات اخرى..بسبب وجودكم الله يصلحك.
الشيئ الثاني ليش تكتب.أعيش حياتي الخاصةبعيدا عن العمل ومع ذلك يلاحقني هنا!!!!!!!!!!!!!!!هل تقصد تعيش حياتك بتويتر بعيد عن العمل ويلاحقونك ..ههههههههه طيب ليش من اولها تتفاعل او تكتب انك دكتور كبييير حتى بالانجليزيه في تويتر وتنزل عمل الجامعه...يا عجب..اها صح نسيت عشان ....... جائز ما ادخل بنيتي شي ..لكن هذا اللي افهمه ..
لكن ماوقفت عليك ماشيه الدنيا ع البركه والواسطات من زمان بكل شي..الله له حكمه لهذا الوطن.
...
قبل اي احد يقراء لي يوجد بالمدونات من يكتب افضل مني اتمنى تقراء لهم...انا اتابعهم واتشرف ..
..
اذا واحد بيروح عزيمه او للصلاه مثلا او مقابلة اين كان لابد ان ترتب له من لبس الى غيره شئ معروف وتظهر بحسن المظهر..او للمنتدى مثلا من الطبيعي سواء بكتابه او بصور توضعها او اي شي تحاول تجمل به سواء لنقص عندك او متعود وعاده ...عادي ..ويمكن بحسن نيه ...القصد انا فعلا اكتب بأسمي كامل ومو نقص في من يخفي اسمه لا... كل انسان له حريه..انا انت يا اللي تبغى تشوفني ترا عادي اصور صوره الحين وانزلها واكتب اسمي كمان واتشرف ترا ماعندي مشكله لامع احد ولامع نفسي....ممكن عندي بعض التوجهات بعيده عن المنتدى احاول اصلحها وليس خرابها فقط..والصور اللي قبل نزلتها او بموقع الصور . هي لي فعلا لكن تعرف الناس ع ماقال الشاعر ..الوقت يحن ويمر ويصير ..ههههههه سنيين تكون مرتاح وسنيين تكوون ووقت .ولا يبقى الى وجهه الكريم ....لكن اقصدك انت وهو يعرفني من اقصد...انزل صوره مباشره لي الان عادي سواء حلووو مثلك او شيين ههههههه....صدق بعض العقليات لابد مراعاتها..
انتظرني ان شاءالله اذا ماكانت بالسنوات القريبه بالشهور مباشر ع التلفزيون ههههه عشان ترتاح ههههه
.......
ااااسف جدا ما دخلت بالموضوع الاهم
يتبع

[طلال المطيري1]

الغيره جميله اذا صارت من رجل لرجل للتناقس الشريف في اي مجال بالحياه
لكن المصيبه في الغيره من امراءه لرجل لدناوت الضعيفيين لأضعف الامتحانات
..
تعريف للمراءه بهذا الزمن..ليس لكل من لبست عباءه أمراءه..........!!!
...
راحووا الطيبين فاصل ......ونواصل;)

[طلال المطيري1]

أستغفر الله العظيم .ان لله وأن إله راجعون
اللهم ارنا الحق حقا وأرزقنا أتباعه..وأرنا الباطل باطل وقونا وأبلغنا مسحهه
اللهم لاتحرمنا النظر الى وجهك الكريم وادخلنا الجنه بلى سابق عذاب وحساب

[طلال المطيري1]

الشيخ العوده والشيخ المغامسي وغيرهم قليلين اتابعهم واقتدي بهم.
وهذا الرجل الصريح اقتدي به..أ.د حاكم المطيري وله مقابلات بقناة الجزيره

https://www.youtube.com/watch?v=E2ZNc2HI5lI

[طلال المطيري1]

اكبر غلط اذا دخلت القوات البريه في اليمن لان دخولها لاتعلم من تبعاته ممكن تصير خسائر او كذا او ماتوصل لمبتغاها وتطلع قوى اخرى ما احد يدري لحد الان عنها ع الخط وفي ها اللحظه السعوديه ومصر والعرب لو اجتمعوا مايمكن يرجعوا خسرانيين بيصير يزودوا دخول اكثر وتصير العن والعن وتندمر بلد وتروح قوه عسكريه لها سنواااات تبني فيها وتموتوا من شعبنا بشر لانعرف مصالحها من خيانتها والله اعلم وتنهار الدوله.....
الاحسن وبما اني حاصل ع جندي ركن ومسلم
قتال المسلم للمسلم اصلن حراااااااااااااااااااااااااااااااااااااااااااااام وهدر دمه حرااااااااااااااااااااااااااااااااام اين كان مذهبه
اليمنيين المتسكعيين هينا بدون اقامات فما بالك بالي معهم اقامات بالملايين ومسويين ازعاج لنا وبما انا انقرصنا من شعوب اخرى ساعدناها وضحانا من اجلها وليومك هذا مستحقريينا عندهم واكليينا ببلدنا ومسويين ازعاج لأمننا ولرزقنا يجب تدريبهم وبرسم خطط وتسليحهم وتوضيفهم برواتب مؤقته يدخلوا بلادهم ويوحدونه بالكامل وهم ادرى باليمن وبلاويه ..وتكون مهمة السعوديه طيرااان فقط لتدمير الاسلحه وكذا فقط وليس لتدمير البشر
يعتمد لمن يهمه امرنا هذا وع الجهات ذات العلاقه اعتماده وتنفيذه :53::mh12::Cry111:

[طلال المطيري1]

ومن أعرض عن ذكري فأن له معيشتن ضنكا
..
كل شئ من الله لرفعة لا اله الا الله ونصره دينه والمسلمين التي من اكثر من 200 سنه وهي تنهب ثرواتهم بطرق مباشره او غير مباشره وتدمر دولهم وتنهب اراضيهم تاتي الاسباب ممكن من عدو الاسلام .نفسه..
الربيع العربي اتى من الغرب مرورن بدول ع شكل عكس عقارب الساعه ..الى ان انحصر قريب منا ..ممكن تصيير والعلم عند الله ..العكسيه بنفس عقارب الساعه تاتي بدايه من عندنا وتلف ع شكل صغير تعصر وتعصر وهكذا تتوسع لحد قروبها من الدول التي انطلقت منها الاولى تتوحد الامم الاسلاميه ترجع فتوحات اسلاميه وافضل منها مثل صلاح الدين الايوبي ...ممكن تتاخر لسنواات قريبه او سريعه متى مااراد الله واتت الاسباب تبدأ الدوره العكسيه ...
تبقى هذه النظريه اكييد بنظريه الجندي ركن :icon120:يقارب بقدرات الله والمعجزات والاشياء الواقعه ع الارض والتاريخ القديم ... والله اعلم..

[طلال المطيري1]

االسلام عليكم ورحمة الله وبركاته
قربت الاختبارات الله يوفق الجميع وناوي اخربها غش في غش درجه كامله لابد:)
لا احد يقول الغش حرام ..اذا حرام اجل على من وصل بنا الحال في هالشئ الضعيف للغش... اكيييد وميه الميه ان فيه اكبر واكبر واكبر واكبر في هالمجتمع غش وأفتراء ولو مافييه لكان شفتني انا وغيري بعد مرور 50 عام تعتبر ع الطفره على هذه البلاد وممكن من سبقونا ان يسيروا هذه الامه بقوة المال للتعلييم اولاا على الاقل انكون بها الوقت عندنا شوية ثقافه وارتياح وممكن ماتشوفني انا وانتم ندرس عن بعد او ع الاقل ...مانغش.
...
لكن قامت ع قوانيين وانظمه من اناس من الخارج او مش من البلد اصلن ....انا ماني ضد احد ولاعنصري لكن من المفروض لما كانوا اجدادنا مايفقهون مش مشكله قبل 30 سنه اغلبهم تعلموا يشاركوا ويغيروا انظمه ويبنون اجيالهم ..لكن قوانيين بلبلتها التربان وتعفطت ولاجديد الى انهم مازالوا هم من يسير الامه ...مثل ماانتم شايفين اكبر عبء ع الدوله المعيشه واستقرار الفرد المستحق والواجب والمفروض ع الدوله الي يعيش فيها ان تنفذ ....هذا الوزير الفقيه...وهذه نتائجه ..اكثر وزاره هي المؤثره في المجمتع وبدون مانذكر العيوب ...........الخ الكل يعرف...
...
ماعلينا لكن ..
عندي سئوال
لو انت فجئه حطوك مسئول ؟؟؟
ايش بتعمل ؟؟؟؟
الجواب ..
بنظرية الجندي ركن دائما وابدا :icon120:..
لابد تضع قدامك المصائب والمعوقات .....اولا ...وماهي ...
في الحلقه المقبله والعمل بها

[طلال المطيري1]

صباااح النفسيااات قصدي الخيررررر هههههه
وودي ودي اقول اسم من اذا دون اتحمس واقراء له واستفييد منه وودي وودي اقول من المتحمسين للرقئ والتهذيب والقلوب الطيبه ونسخ ولصق ههههه اني امر مرور الكرام واسوي لك اعجاب ع السريع وانحاااش هههههه لان الدقه من الاولى رسمت لشخصيتك شئ تبقى زي ماهي بهي لو فحطت بعدها يسار وعكس هههه ماعلينا
......
القلوب الطيبه النظيفه دائما ناجحه ان شاءالله وكل الي هينا ان شاءالله ..
..
....
تذكرون قبل سنه واكثر كان فيه صجه من وزارة الهمل والتهديدات وان فيه تصحيح وماعاد فيه همله للعماله بالشوارع...
قلت وقتها خلنا نستغل الفرصه وانزين لنا مؤسسه وانجيب عماله رب انها فاتحت خير والسعودي يقدر ينافس ويشتغل ببلده بعد ماكان محصور للاجنبي..
المهم الكل يعرف فتح المؤسسه من وزاره تجاره ..........الى وزارة الهمل ....الخ تكلف خسرنا ماعلينا فدا لأن التخطيط والوجهه سليمه معوضين خير ...
جينا عند العماله ونبغى نستقدم وضف واحد سعودي ..والافلام اللي الكل يعرفها ويعرف المقصود منها ....طبقناها ..
تأسيس فقط 3 عمال ..ونبي نلحق قبل يقفلوا التصحيح عشان ندخل السوق ...
كيف ياطويل العمر نبي زياده للمؤسسه انا هذه خسائري في المؤسسه لحد الان ابي عماله قال جيبوا فسووح بناء ..قلنا حاظرين جبت 32 فسح بناء توها جديده.لأن اللي راصده للمؤسسه مبلغ وقدره وابي عماله واجد وهاالفسوح يعني ع الاقل اخذ 70 عامل..ولو عارف اني بوصل للي بتعرفونه بنهايه كان خلصتها بزي ماالكل يعرف .لكن قلت ابغى اقوم المؤسسه ع الحلال ولا ابي يدخل فيها لو شبه رشوى او غيره ..قال نرفعها للبلديه ونتأكد من صحتها رفعوها وكل اسبوع الاسبوع الجاي ما وصلت اروح للبلديه و ع نفس الحال الموضف مشغول وعنده ضغط بيطلع بكره الاسبوع الجاي المهم مر تقريبا شهرين ...الكل يعرف ها الفسوح ماطلعت من صاحبها الى بعدما اشتغل فيها وصاير يبني الفلل ما هو منتظر حظرة طلال المطيري لحد مايجيب عمالته. اكنمل ع بناء ها الفلل تقريبا النص او اكثر ...كتبوا البلديه اكثر من النص اكتمال هالفسوح بناء ..راجت ..لمكتب العمل...قالوا ..لا مانعطيك الى 5 عمال فقط هذا النظام لانه قاربت ع الانتهاء هالفلل هههههه قلت نعمه حيل الله اقوى اعطونيها ..ثم قلت له كيف اخذ زياده بدون ها المرمطه..قال توضف 10 سعودين عشان تصير مؤسستك في نطاق الممتاز ووقتها تجي لك نسبه وحسبه وتلقائيا تطبعها من الموقع ..قلت خلني الحق ..بت حتى المبلغ اللي رصدته عشان اقوم ها المؤسسه مايكفئ اعطي رواتب سعوديين اقل سعودي مو موافق الى ع 3 الاف ولايبي يداوم ومن فئه معينه واكسب فيه اثم لأنه يهدم فيها صحته .ولايستفيد منها لافي علم ولا اي شئ لنفسه ..ايش الدبره سئلت اللي جنبي قال يارجال وضف العجز واللي يقربلك فتره معينه وافصلهم ...قلت كويس بصوت إيعاز واحد جمعت القريبات اللي مقبلات ع مشارف الموت هههههه تقريبا 7 وكملت ال 3 بعاطلين معهم شهادات قويه من كندا ...الخ ..ينتظرون افساح المجال لهم ببلدهم من الاستعمار الاجنبي.قلت كله كم اسبوع وافصلكم وبعطيكم ع الف ريال ..الاولاد تقديرا لي وافقوا بدون ماادفع لهم ..العجز رفضوا الى ب 1500 ريال هههههه قلت يستاهلوا عندكم ولاعند غيركم ...بعد ماعطيتهم وسجلتهم السمعه انتشرت قالوا طلال صار تاجر ويوضف الناس الحقوا ماتلحقوا ههههههههه مادروا ...قلت كويس بدال ها الخساره من رواتب اجباريه ع الاقل ايصير لنا سمعه واتكبر ع بعض النفسيات اني تاجر كبير ويحطوني في صدر المجلس هههههه
المهم بعد كم اسبوع انتظر وانتظر مانزل شئ...اروح لمكتب الهمل ..قلت انا سويت اللي تقوله ولا صار شئ ... قال لا لا ليش تخسر انا ماقلت لك ..انا احسب لك مؤسسه من زمان ..هذا الشئ ماينطبق الى ع المؤسسات الكبيره في السوق الي لها اكثر من سنتين .......وقلت حسبي الله ونعم الوكيل وكفى ...امتثلت للامر الواقع ..قلت نعمه 8 عمال خلني اجيبهم ..وفصلت العجز والحسابه تحسب بالخسائر من مال ...الى هدة حيل ...الخ..
ولأني اعرف الهند كويس وباكستان ..جبت عماله فنيين تخصص واحد ...لياسه..جوا واستقبلناهم استقبال المنتصرين في المطار وحسن الضيافه والكرم وأمامهم سكن من شأنهم متوفر كل شئ .من تخطيط ان شاءالله في السليم من قبل وكل هالمعوقات اللي حصلت والتعجيز والاستخفاف بعقولنا واستنزاف الجيوب لهدم الفرد السعودي بدال تشجيعه سريعا .....الخ انا وغيري الاف مثل هالحاله قلت لن ننثني
.ولولا معوقات العمل والهمله والانظمه والرشاوي والوضع المزري المحارب فيه السعودي مايشتغل لكان عينت خيرررر من ال 7 العمال ذولي ويعينوا خير.بما تم الاتفاق معهم من هناك برواتب ومحفزات ..
المهم انتهى التصحيح وقت ماجوا واشوف شوارع الرياض فاضيه واروح لوسط الرياض اساعه 9 صباحا بربع ساعه عقب ماكنا ناخذ هالمشوار بساعه واكثر
قلت لا ان شاءالله عينا خير..
نبدا الان بالبحث عن عمل لهم . كان التفكير ادخل بمشاريع وكذا .قلت خلني ع شغل الافراد .اول اسبوعين مسكت فله صغيره دبلكس لياسه عاديه وخلصناها بخلال 20 يوم .وقلت كويس الفائده الي طلعت اطلع ع الاقل اقامة عامل واحد .
حسبتها يمين ويسار ..قلت خلني ادخل بمعارك الفر والكر وامسك شغل بها المشاريع وبعدما رجعوا العماله والناس وعرفوا ان التصحيح اللي صار هو سرق ولعب وغير مدروس ونصب في نصب ..قلت ادخل بها مشاريع باسم هالمؤسسه ولأنها بالوضع السليم من .......الخ وامسك مشروع واذا اضطر الامر اجيب من هالعماله اللي بالشارع مع عمالي ...المهم كل ماادخل مشروع احصل يايمني يامصري يالبناني العرب فقط ..هم من يدخلونك للمشاريع صغيره او كبيره ....
......
اكمل نهاية افلام دولة فقيه ...وعشان الكل يعرف ..ايش حاصل وابين لكم بالحسبه الدقيقه لاحقا ماهي الاعمال اللي يقدر عليها السعودي بمجالات كثيره اغلبها اعرفها وتعمقت فيها سوائن من هذه المؤسسه او من قبل . او مع ابوي في التجاره. وزياده ع ذلك كيف تنزل كمان الاسعار.تلقائيا.
.ممكن يتغير السعودي رجل او أمراءه من فقر وبخلال سنه يكون له بيت ويتزوج ويعين خيرر.....الخ ..وتنتهي العطاله ويتغير حتى سلم رواتب القطاع الخاص تلقائيا ولو كان موضف بمؤسسه او شركه بدون ماتهينه او تضحك ع الشركات بسعوده وهميه وبرواتب زهيده اجباريه ..
كيف تبني بيتك...ولو خلوك فجئه مسئول ايش بتعمل ...نؤجلها
دمتم

[طلال المطيري1]

نكمل
يسعد ظهيرتكم وأن شاءالله ناوي احرركم من العبوديه وتاخذوا حقكم هههههه لا احد يروح بعييد قصدي من الجامعه وظلمها بوقت الاختبارات ...
فيه بنت هينا اتوقع قالت بمامعناه لاتحاول تبرر اشياء حقيقيه للناس وتفهمهم وهما عارفين زي كذا.. من كلمتها لا اشره على حذف المشاركه الي قبل هذه ,,
..
انا من الناس الي براسه يكتبه قدامه ع طول ما اروح ارتب وكذا لأن وقت محسوب وكذا..وممكن من طبيعة الشخص . ممكن اللي ادعوا له الي يشوف بعثرت الكتابه وكذا يقول هذا متلخبط تبقى هذه نظريته ..لكن ممكن فيه ناس ماتعودوا للترتيب يكتبه ويلقنه لك بالرسائل او في مؤسسه او اي شئ...ممكن عنده قيادة التلقين المباشر وجها لوجه وينظبط مايدعي له مباشرتن من اي شئ بامور الحياه...وفيه ناس العكس..وهكذا..لكن تبقى قيادة وجها لوجه هي الاقوى وعلى ذات العلاقه تدوينه وترتيبه والاعتماد به ههههههه
لكن عندك شئ انت لما تسافر وتروح لدول مثلا بمطعم لابد من اشياء تسويها مثلا الاكل بالشوكه وكذا بها الحاله لابد تتبع طريقتهم بحجة ان لايرون فيك غلط او يستنقصون من شخصيتك او من البلد الي انت منها وهينا كمان لما تروح لأشخاص لابد تكون لك حدود وعادات تقييد بها سوائن ان تفرضها من احترام من مرجله من حتى مسكت الفنجال ل شخصيتك او كرم منك او احترام لأسباب ماتنقص من شخصيتك او سمعت أبوك أو لسمعتك كمان ...
لكن من هذا كله انت بمجتمع نقاد محطم بدرجه امتياز لابد تاخذها بعين الاعتبار سوائن معك شهاده او مامعك يعني لو قلنا انت مثقف وعاليه الثقافه عندك من طبيعه هالمجتمع للاسف غير متقبل والمفروض انه بها الوقت متقبل ومبدع اكثر ..يعني نسخ ولصق يبلشك و نسخ ولصق لتوعية الناس او لثقافه عامه كمان يبلشك ..من الاصح كيف توصل لها اللي امامك او المستمع بطرق تفرضها من منبع ثقافته .لتفرض ثقافتك وفكرك ورقيك ....الخ..يعني مثلا لو قلت ليثاوي الرياض او فهد الشريف او صعب ..دعنا نذهب لتنزهه هههههههه من المستحيل يتقبلونها مني لأشياء كثيره ممكن بدوي ويقول كذا او اي شئ ولو كنت مواليد لندن وعايش هناك مستحيل...والعكس صحيح انا ماتقبل لو قالي فهد الشريف أحذرك أن تأكل باليمنى أدعوك أن تأكل بالشوكه. هههههه فهمتوا وش بوصل له..ع الهامش كلمتين ....يعني مجتمع التركيبه الاجتماعيه الثقافيه الي ....صعبه جدا..لكن لو قال لي أبك ارواح معي نبي انتمشئ وبعد مااتمشينا كان عنده اشياء من ترتيب للتمشيه من اشياء تخليني احترمك تدريجيا وفي الاخير لما تقولي هالكلام الاول او اسمع تقوله لناس بيكون مقبول .....وهكذا حاول تكبر ها الكلمتيين اكبر واكبر للمجتمع بأكمله ..والكل يعرف هالشئ قليل من المسئولين جدا من يتكلم دائما او يلقى كلمه وهو ممكن تحصله عنده اشياء يبغاها تضبط لكن مايقدر تحصل قرارات يوميا وتشديد ولاتنفذ بالشكل المطلوب وهو الحاصل الان ....يمكن في مجتعنا من يأثر مباشر تلقائيا قليل من ظمنهم الشيخ العوده بعلمه بشهاداته ....والملك فيصل كان يأثر مباشر تلقائيا بدون شهادات ..
وتحصل ناس معهم شهادات الان وتشوفه بالتلفزيون ماتقبلها منه ولا يقول كلمتين ع بعض .. وتحصل مثل الاعلامي النصراوي المريسيل وتتاثر ممتاااز هههههه اكيد العالميين دائما فوق ...
..............
المهم انا بديت مدونتي بالصبر . وحاصل ع شهادة سادس يعني لاتحملني مالا أطاق . هههه
...
نكمل لتكملة مشروعي

[طلال المطيري1]

كان قريب من سكن العمال مشروع قلت هالمشروع داخله داخله الله لايعوق بشر
وهو عباره عن فلل كمباوند مستلمته شركه كسب الكل يعرفها .انا اعرف هالمشاريع من زمان كيف مسيطرين عليها الاجانب ولايمكن تدخل لها الى بأمور اما تضحي بكرامتك وبشهامتك وبعد هذا كله لابد يأكلونك ويسرقوك وترضى بالقليل....
المهم كان بعد فتره التصحيح بشهر بعد مااستغلت الشغل اللي ذكرته .المشروع تقريبا اكثر من 250 فله . مشروع يعتبر ضخم من المشاريع الاقل من المتوسط..حصلت العماله من هب ودب ومفليين وكل مجموعه من اي نشاط تحصل يامصري ياهندي يابكستاني داخل المشروع ومعه كم عامل من هب ودب من شارع ..
مافيه اي سعودي داخل هالمشروع أبداااااا
....
قلت هينا لابد اقف مع نفسي واستعيد ذكريات المجد والعلوم العسكريه وتجارب الحياه ومرمطتها وبأضعف رائي وهزه كذا بدخل ان شاءالله..
المهم في ها الحاله ترقبت المسئولين وعرفت اشكالهم زين ودخول المشروع من عندهم ..والصباح هما يمرون ع الفلل رحت قدامهم لفلل ونزلت وانا واقف مع عمال قاعد اسئلهم وانا عارف انه يسمع وقرب من عندي ..وبشكل استهزاء اقول للعامل وانا كني مادريت عن المسئول المصري انه قريب مني من كفيلك وكيف دخلت ووين مؤسستكم .أيووه لازم جوازات يجي هينا هينا مشكله.بشكل سريع كذا وقمت أهز في راسي واتوعد بالعظ ع اللسان ههههههه وطلعت وبعد العصر و ع قرب يخلصوا الدوام مريت اشيك اشوفه وين الى هو بالسياره معه عامل و ع بالي اني مش عارف المسئول من رحت اتكلم مع العامل وسفته هو ..وقلت احنا مؤسسه نظاميه وعندنا عماله وتخصص لياسه والمشروع كبير اشوفه اكييد تحتاجوون ولا لا بقوه صوت ..الى المصري يتشارق نعم يااهلا وسهلا تعال للمكتب ..المهم هذه البدايه وانتوا تعرفوا المصريين كيف لابد يدخلك بدوامات ثانيه ومسئوليين تانيين عشان ماتدخل ولا سعودي يستفيد من هالبلد الي يترزقوا فيه وهما مترزقين ..وكل بكره وبعده كل مادخلوني بمتاهات ولابد للمؤسسه كذا ,,,مدري ايش دخلت بكلام وبطرق ملتويه العن والعن هما متعودين ع سعوديين طيبيين ع نياتهم يقولوا له كلمتين ويروح واغلب الشعب السعودي طيب و ع نياته وها الطيبه هي اللي مدهورتنا من سنيين من استحقار امام الشعوب ........الى انا اغبياء ....الخ ..وطاحوا في يد لعنوا اليوم اللي دخلوا فيه السعوديه هههههههه بعد مده اتصل فيني واحد يقول ماعمر مر علينا سعودي مثلك عفريت رحت اقوى من المصريين ..قلت ماشفتوا شئ اصلن الشعب كله بيصير زيي ..الطيبه والرحمه و ع نياتنا ومفليين فينا ماعاد فيه لها الاشكال صبر صبر الناس فهمت..ههههههه
......
المهم قلت ليش اخذ فلل كثيره واسوي عقد وانا عمالي مامعي الى 7 ..ولو اسوي عقد كبير ممكن ابتلش ولا اقدر اجيب عماله وكذا او ماانفذها وتعرفوا المصريين يدور عليك الصغيره عشان تخسر وبعض العقود فيها الزاميه وكذا . سويت عقد ب 8 فلل واخترت الصغار ولأن حسبتها ع المده و ع العماله والانتاج وكذا ...
قيمة العقد 208 الاف تقريبا ..بعمل لياسه مع المواد
اللياسه هذه وعشان نعطئ فكره للناس الي يبغى يزين بيت وكذا بعض اللياسه اذا كانت شغل استشاري اللي هو يسمونه باللهجه المصريه ..بئوج او ودع ..اللي ماهي لياسه عاديه .الغرفه تتربع تربيع بالملي يعني افضل عمال لياسه يشتغلون لك بالشغل الاستشاري وهو صعب لأن مرحله تاسيس وكذا وبعدين لياسه ...يطلع عيوب البنيان يعني لو عندك الاعمده او الكمر او القواعد او فيه ميلان على اللي اشتغلها عظم وانت ماتشوف الميلان اللي بيسبب لك بعدين تصدعات بالجدران ...هو هالشغل لأن لو فيه ميلان بتبين لك بعمق سماكة اللياسه..وكمان لما تضرب بويه بعدها بتكون مافيه تعوجات واضحه وكذا ...
هل كملت المشروع وماذا صار وهل خسرت ام ربحت وامور اخرى لاحقا
....
المهم يقولون مالكم في الطويله لأني راعي قرق ...
من هالكلام
1 كم سعودي يدخل بها المشروع بنفس التخصص وكم مدته وكم بيكسب وحسبه دقيقه
2 كم سعودي بيدخل بالتخصصات الاخرى في المقاولات بهذا المشروع
3 مقارنه بين الانتظام بالموؤسسه والشغل معها وبين العماله السائبه .وكيف هما تجاوزوا الانظمه.
4 كيف تنزل الاسعار . وتوضيح اسباب ارتفاع الاسعار بشكل عام
5 كيف عامل جاي من بلده يركب حمار وفي خلال 6 شهور كيف استغل الثغره وغباء هالدوله والانظمه وركب افخم سياره. واحنا ذاهبين للركوب للحمار عنه في بلدنا ..
6 بالحسبه الدقيقه او تقريبا كم عاطل المفروض بدعم الدوله استغلت الطفره لصالحنا الي من 7 سنوات وباسباب وزير فاشل مثل الفقيه ..سبب في هذا كله ..من عطاله ........الخ
7 كيف تبني الدوله شعب بالكرامه نفسه بنفسه شريك مع الصغير والكبير والتدوير فيما بينهم .
8 ماهي المعوقات . وماهي الطرق المفروض تنفيذها
9هل يعقل دوله غنيه ماتقدر تعمل شئ لشعبها وهل يعقل عمال في بلدهم فاشلين واذا جوو هينا يكون صاحب شهاده عليا اقل منه.
10 ماهي النتائج التي ستحدث لاحقا في ضل هالفشل ..وماهي الايجابيات مقارانات مختصره ..
11 ماهو تفكير المسئوليين المحدوده . وواسباب تقاسعهم واسباب لماذا هو اصلن بيفكر كذا ؟؟؟
كل هذا واكثر بها المجال وغيره كل مره اكتب هينا
اسف ع الاطاله
صاحب شهادة سادس جندي ركن ...املي تحرير الاستعباد العفوي على المسئولين الذين لايعيون للمستقبل وخطورته وتحرير انفسنا منهم..نحو كرامه وعزه وعدم تمييز وعنصريه وأنتماء للدين وللملك وللوطن قلبا ..ما هو منافق لشاف الصمايل حرفها هههههه

[طلال المطيري1]

لتكملة الموضوع حذفت المشاركه !!!!!!
ولو كان فيها مخالفه بعض الكلمات تتحرر المشاركه وترجع لأن ما اشوف فيها شئ بالعكس يستفيدوا من بعضها
او يمكن تسرق الافكار هههههه او انانيه :hhheeeart4:
البعض يقول مثل هالعمل بدخول مشاريع همجيه او كذا او بدخول باي شئ
الرد
نتمى داااائما نحصل نظام ونكون اوااادم بشريه تستحي ع وجهها وتتنتظم ...لكن احنا وصلنا لمرحلة النظام ضدك وضد رزقك ولابد تصير تغلط وامور اخرى وتصير همجي عشان تترزق او ........ما ههههه
لكن استودعتكم الله وعقباااااااااااال ماتتخرجوا واكون وزير العمل ههههه

[طلال المطيري1]

الحياة واحدة والدنيا ذاهبه
اللهم لاتحرمنا النظر لوجهك الكريم
اللهم لاتكلني إلى نفسي طرفة عين

[طلال المطيري1]

مرحبااااا بالجميييع
الله يوفق الجميع. وللمتخرجيين حياة جميلة ويحققوا امنياتهم
سنعود ....فاصل للأهميه

[طلال المطيري1]

السلام عليكم
أدري تأخرت بوعد سابق وأبني البيت لكن اليومين الجايه قررت ان شاءالله :)
لكن من بعد القرارات الاخيره لي تعليق
صدرت القرارات من التعليم والخدمه المدنيه بالنظر بشهادات أنتساب ووظائف تعليميه ...الخ وبغض النظر أنقول أبر مهدئه ومص غضب وتتأخر في الاخير أو تتلغى بطرق آخرى .
المفاضله الي بتصير وتعلن بعدين منهم أتوقع و ع فهمي
تكون أولويات مثلا صارت أرقام شاغره في مكان ما وتنافس عليها او أستحداث وظائف وأذا المتقدمين منهم أنتساب لابد له شروط أو اللي يوصل لنقاط معينه يستحقه توقع كذا
لكن أتمنى من يحمل هالشهاده او اللي مازال يدرس أن يبدئ وجه نظره بأقل كلمه ويطالب ..
بالاول لو كنت أنت مسئول بهالوزاره وبتضع أقصد الخدمه المدنيه أو غيرها كيف بتضع القانون اللي أقل تقدير منصف للجميع
فأبئ أبدئ بمسح ميداني بالاول بغض النظر عن شهاده تربويه او لا ..
نبدأ بشخص الاول
كمل مراحله التعليميه بأنتظام وكمل بجامعة الملك سعود وأخذ تخصص أين كان مشابهه له بشهادات أنتساب .كل مايملكه أنقول تخرج وعمره 22 سنه بالكثير وحسن سيره وسلوك ممتاز وب جيدجدا وأنقول وهو بالجامعه أخذ شهادة كمبيوتر او انجليزي بأي دوره بجيد فقط
..
شهاده أنتساب أغلبهم موظفين وبنقول أقل واحد فيهم ...دار عليه الدهر ومن شركه بشركه ومن عسكريه بعسكريه بعسكر ويمكن دخل بعالم التجاره ومتوفق ويبي يتعلم او ماتوفق لأسباب خارجه عن أرادته ولها أسباب

أو الكثير ع رأس العمل يبي زيادة بالعلم و شهاده تنفعه بترقيه أو بزيادة علاوه 105 ريال سنوي ولله الحمد ..
في الاخير تحصل معه ممكن ألمام بلغه أنجليزي ومامعه شهاده أو عسكري او مدني او بشركه ع راس العمل وأخذ شهاده أنجليزي وممتاز بزياده ..ومحاسبه وهكذا
.اللي بوصل له وهي حقيقه لأن أنا شخصيا كل اللي أعرفهم بأنتساب ماشاءالله خبرات مهنيه علميه ......الخ بكل شئ بحكم تجارب لكن مااسغفته أن ياخذ شهادات او كان غلط منه بدايه العمر ماأنتبه لنفسه وكذا وتأخر وكمان اللي أعمارهم صغيره أفضل. بحكم أنه ما انقبل بجامعه ما بأسباب نسبه الثانوي ضعيفه لأسبابها وهو يؤمن أنه أفضل من كذا .....الخ
أنا اطالب لكل أنسان أن يطالب بكذا و أفضل
شهادة أنتساب عندما يتنافس مع آخر
1 يعادل بها نفس جامعة اخرى ولو تربويه ويكون أفضل وهذا الصحيح
*ينظر أولا للعمر كلما زاد عمره زاد عدد نقاط الافضليه له
*صاحب شهاده اخرى ولو جاب معه زياده ع شهاده شهادات فبيبقى صاحب الانتساب أفضل لأنه يملك ثروة معلومات وممارسات خلال حياته تعادل كل شهادات اخرى وأفضل بكثييير
*صاحب أنتساب له حق التقدم للوظائف ولو كان ع راس عمل آخر وعندما يقبل ويأخذها تضاف له مده الخدمه كامله+ له الحق يأخذ حقوقه من الطرف الاول ولاتسبب له ببنود معاشات التقاعد او التامينات أين شئ باشياء اخرى بأنظمه راح عليها الدهر ولاتنشاف من الغبره طول العقود
*صاحب انتساب عندما يتوظف تضاف له مده خدمه مجانيه لاتزيد عن 7 سنوات ع حسب سيرته والمقابله الشخصيه ولو كان طول حياته لم يتوظف .
صاحب أنتساب عندما يتنافس ع وظيفه معينه ويأخذها عند التعيين زياده ع اللي فوق ترقيه مباشره من تعينه بمنزلتين فوق اقل تقدير
*صاحب شهاده أنتساب بكل التخصصات بدون نقص من اي تخصص للشروط أعلاه يعتمد لمن يهمه الامر ويجب تنفذ أعلاه :)
*صاحب أنتساب يجب .................................................. ...............كمل لك الحق طالب سمع صوتك قول فكرتك قول ..
انا عن نفسي اشوف اكثر من كذا لهم ويستاهلون
يعني معقوله انت بوظيفه عسكري مثلا خدمه 15 سنه كسبت أشياء كثيره ..........و خارج نطاق العمل أكيد عندك خبرات ميدانيه عمليه ورؤيه شامله ........الخ اقل تقدير ومثلا أخذت أنجليش أنتساب وتنافس ع رقم بأقل شئ مدرس صفوف أوليه تدريس لغه انجليش

هل يعقل هذا البعكوك ههههههه اللي متخرج من جامعة الامام منتظم وعمره 20 سنه او اكثر يصير أفضل منك وبيدرس أولاد أعمارهم كبر أولادك أكثر شئ ويكون تربوي احسن منك ولو كان هو تربوي ....او طول عمرك رقيب في العسكريه مثلا وتجئ بوظيفه مدني وهذا البعكوك يكون مدير عليك ههههههه مايصير صدقوني زلم زلم ..
وقيس عليها بالتخصصات كلها
وزياده ع كذا بالقطاع الخاص ع نفس الموال وبالشركات مع وزارة الهمل قصدي العمل وكذا لك مميزات ...
زيادة اللي يبي يتقدم ع وزارة الصناعه او بنك التسليف او اي دعم حكومي اخر يكون هو الافضل ويعطى تسهيلات ودعم مادي يفتح له نشاظ تجاري حر

شكرااااااااااااااااااااا
باقي اللي قبل بكمله لاحقا
تحياتي للجميع

[طلال المطيري1]

تشرب الماء البارد في حر الصيف
فترتوي وتبتل عروقك . تذكر أنه من اعز
أمنيات أهل النار
( أن أفيضوا علينا من الماء )
اللهم أنا نعوذوا بك من النار

[طلال المطيري1]

لو تقابل شخص من الدول المتقدمه خلنا انقول من الاعلى متعلم ومثقف ....الخ تتعجب منه وبحسن نيه تقول انت اكيد مسئول كبير او ليش ماتصير مسئول بدولتكم عندك ذكاء وكذا وتحسن وضع دولتك وانت شخص يستفاد منك ....
تبي تنصدم من الاجابه يوجد احسن مني بكثير ولايمكن ..وبعدين احنا متقدمين واقل شئ بيقول يكفي وصلنا لكذا من تقدم ..........
لكن احنا مدام انا ياصاحب شهادة سادس وانا اعتبر اقل واحد فما بالك بالاعلى والاعلى يبغى ويبغى ويشوف غلط بمجتمعه سواء اقتصاديا دينيا .................الخ وسواء انت تستفيد من نقدهم او لا ...في كلا الحالتين .يصنف هذا المجتمع اللي اقل شخص يرا الغلط ويطلب بالتصحيح او يقول ليش مايصير فيه كذا وكذا وسبحان الله بعضهم تحصله صائب بقوله ...فأقر على هالمجمتع من الاخير السسسسسسلامما ..لافائدة فيه واذا قدرت تهرب وتعيش بعيد عنه ان لم تغيره فأنت كسبت اجر لدنياك الزائله ..
...........
وفي الاخير يقولوا والله هالوزير فعل وفعل وكويس وهذه اسطوانات مردده من عقود لأن وصلنا لمرحلة فوق الذكاء بكثييييير ..اجعل لي جنود مجنده يطبلون لأيجابياتي ويسترون سلبياتي ..واحنا من يد نشيط في يد نشيط ونلمس الواقع الصحيح ع ارض الواقع . من سنين وليست وليدة اليوم .ونعيش بما كان مستور ظاهرا.
فا الحمد لله ..لله حكم
.
نكمل لموضوع لاحقا
يكتب دائما من اعلاميين وهم قله بالصحف المحليه بنقد صحيح باي مجال وسبحان الله تقول خلاص تبي تزين الامور ولماذا لايدرس ويشارك به ويطبق واقعيا؟؟؟؟؟
وقبل فترة قصيره بجريدة الرياض تبين بما يخدم مصلحة المواطن وهو لمحلات التجزئه بها الموضوع .لكيف يشتغل المواطن وكيف بيكون الترتيب ......الخ .....وكان فيه ردود مطالبه باشياء رئيسيه فقط...ولكي لايشارك الشعب ويفكرون ان هالطلبات هي فقط المطلوبه ولكي يعرف الجميع ان فيه قرارات خمة راس ويفكرون هذا هو الصحيح وبكذا تمشئ التنميه . وهذا بنظري الدمار والعكس
وليس لوزارة التخطيط اي تدخل او دراسه ولغيرها من امور بذكرها وابينها وهي مشاهده للجميع ويمكن تمر ع الواحد عابره عادي .
.وشرح مطول لاحقا نبين كيف استغل هذا التوجه وصار بقالب البيروقراطيه ولاشخاص معينين. وغيرها بدال مايجبر في قوة التخطيط المستقبلي لهذا الوطن ويستفاد منه للدوله وللمواطن وتسيير التنميه بالشكل الصحيح .
.صار العكس
ونفسها نفس قبل 20 سنه كيف صار وعشناها قبل 10 سنوات وقبل 10 سنوات كيف نعيشه الان . وكيف الان يعمل له لتعيشه ع ارض الواقع بعد كم سنه

[طلال المطيري1]

الحمد لله
واخيرا نجحت بمحاسبه 2 و درجه 74 ههههه سبحان الله اللي اخاف اني برسب اعديها بزياده مثل القانون بمستوى اول وهالحين محاسبه 2 شكرا محارفي ..بت لاتجينا بالمستويات الجايه الله يجزاك خير
...
مبرووووك للي نجح واللي حمل معوض خير ان شاءالله بالمقبلات

[طلال المطيري1]

تشوف في هذه الايام كثره فروع لشركات كبيره مثلا بنده تفتح بأي زاويه واي شارع صغير بكثره وملاحظه ..
هي لسبب تاكد من هالشئ قبل اشهر وزي ماقلت فوق طريقة ترتيب الوقت وحصر محلات التجزئه وغيرها من انشطه بطرق ممتازه مثلا المسافه بين محل ومحل ومثل ملائمتها بمواصفات عالميه ونظافه وترتيب.....الخ ومنها يكون تحديد العمل اليومي
وعشان في الاخير تحتكر هذه الشركات لهذه النشاطات سواء من بقاله الى جميع الانشطه وهي بالطريق لتعصر دوامة الفساد اقوى واعظم
..هما يفكروا اذا سوو كذا ...البقالات الاخرى او اي نشاط بيقفل لاسباب قوتهم من ...الى .وهو فعلا سوف يقفلون..ثانيا يوضفوا السعودي وهما فعلا بيوظفوا وبراتب 3 الاف الى 5الاف .....الخ يضنون انه مفيد للبلد والتنميه والاقتصاد الخ ..


فهذا ابدا ماعمره صار تنميه لأي اقتصاد بلد بل فساد ليصير اصحاب الرؤس اموال الصغيره بل ومن يعتبر نفسه الان متوسط الغناء يعني بعض اصحاب ملايين لأن هذه الطرق كل مره تعصر اكثر واكثر والاغلبيه تنزل تحت ولها شرح مطول كيف تنزل ومقنع انك توافقني الرائي وتقول ستحدث وستحدث لها مصائب زياده ع ما احنا فيه الان ....
وسبق شرحت كيف بالمقاولات بتنزل الاسعار وكيف الجوده ......الخ بهذا القطاع وكيف بيكون الصغير مع الاكبر فالاكبر بطرق ممتازه يكون اقتصاد قوي مثل ماانت تمسك سلسلة فوق وتكون نازله الىن تحت.
فما فيه اختلاف بشكلها وتماسكها بقدر ماهي مرتبه من تحت لفوق يعرف كل واحد مكانه وين .
..
هذه الافعال ليش مثلا مايكون لكل شركه كبيره لها نسبه معينه فقط تفتح فروع او ماتفتح اطلاقا بمساحات صغيره وتجبر ع الكبيره وبشوارع فقط رئيسيه ..واذا القصد الترتيب والتنظيم ترا تقدر كل بلديه في كل حي تعطي شروط وموجهه من وزارة التخطيط ووزارات اخرى بحيث يكون حمايه لكل واحد ومفتوح للجميع بنسب معينه كمان ليأخذوا اكبر عدد مواطنيين تشتغل..الخ


والافراد بيسوون احسن منهم .واذا القصد ع التوظيف اكيد مثلا انا بفتح بقاله بمكان ما وادري فيه شروط مايفتح عشر محلات بجنبي نفس مجال بكون اعرف دخلي زين وبدال مايضيع الدخل الكويس بين افراد اجانب كل واحد مقتنع بالقليل وتستر من المواطن لهم وهو مغصوب ع هالشئ وراضئ بالقليل ...
يكون هالشئ لصالح الافراد وبالعكس يكون توضيف نفسه نفس شركات الكبرى مدام انه مرتبط بالتامينات ومرتبط بوزارة التخطيط اللي تعرف مستقبل هالشئ ...مع دعم الحكومه ولو بالكلام ..
ويصير بدال مايروح الواحد لبنك تسليف او غيره ويسوي دراسة جدوى وفي الاخير هذا اذا حصل ع التمويل يطيح بهسترة الدوله من فلته ويضيع بين عماله مسيطره ويخسر ..
.يكون لوزارة التخطيط دور وهي من ترسمه وتوجه الدعم الحكومي او غيره او اللي معه فلوس ويكون مهيئا انه يفتح اي نشاط
ومثلا صيدليات تحصل اسم 3 شركات او 5 حاكره عاصمه بأكملها وفاتحين بجميع الاماكن
وفي الاخير تحصل صاحب شهادة صيدلي عاطل وموظفين هذه الفروع اجانب .وهي كل مافي الامر بضاعه مسعره من قبل تجي الوكيل وينزلها وتبيع بالجهاز والصيدلي او حتى اللي مامعه شهاده بيتمرس اليوم هذا يعرف علبة البندول واليوم الثاني لشئ الفلاني تحصله فهم الانواع كلها ههههههه الاحسن يتدرب ويتمرس ويغلط السعودي او الاجنبي.الاجنبي يجي بشهاده مزوره ويمردغكم وينشف اجيوبكم ويخليكم بالجرده ...مدام همله همله الاولى نصبر ع غلط وهملة السعودي ع الاقل خيره لهذا البلد ولتنميته ولعيشته..
..وصاحب شهادة صيدلي يدعم ويفتح صيديله وهو شغال وموضف كمان سعوديين وبرواتب عاليه عادي مدام اي نشاط تجزئي وغير تجزئي مرتب بالاحياء وغيرها اكييد بيكوون لأي فرد دخل كويس
زياده ع كذا بيصير ترتيب من الموظف الصغير راتب ممتاز الى الاعلى الاعلى الى صاحب محل صغير الى الاعلى صاحب منشئه متوسطه الى الاعلى واهلن مجرى حاله ممتازه ويعتبر هذا المجتمع نوعا ما برفاهيه. ماهو تقول برفاهيه وهو العكس تماما يمسح الجنوط هههههه ويمسك خفارات ع شركات اغلب العاملين فيها لااله الاالله وتهري ظهره بمعيشه غاليه من جميع النواحي.
...
. ويصير الانسان من احسن باحسن يكون نفسه ويبني بيته ويمكن ماينتظر ل سنوات لو كانت بالقليله ودعم من الدوله وتتحرك التنميه الحقيقيه والمفروضه لاي مجتمع بدوله انتاجيه واوادم صحيين .........الخ



قبل ايام وكانت الجرائد تكلم عن 800 مليارات راحت بالمقاولات من الدوله لمشاريعها والمواطن مااستفاد منها ولا الوطن ويمكن تقرا لفوق توضيح اكثر ...وهما الايام هذه يصححوا بهذا الغلط وبيدعموا المؤسسات الصغيره من النظر لها وتسهيل تاشيرات الى ....الخ .... نعم اكثر كلامهم مؤيد خاصه باجتماعاتهم بغرفه التجاريه وماقريناه فلا ترجئ خير لأن من سنوات نسمع ولانحقق ..
السبب بكل بساطه كل الدنيا وماتسمعه تروح لاشخاص معينيين ...وهما جالسين بقعده كذا يقولوا طلعنا والله باشياء حلوه وش رايك انت يالملياردير ماتسوي وجبنا لك دراسه كويسه وتر يبي تصير كذا عشان يصير كذا او يشغلون شركاتهم ولايهمهم المواطن ولا الوطن بقدر مايزيد الرصيد..
..
مثل تكاسئ السعوديين .اول ماجوو بيضبطونها جابوا شركاتهم ورتبوا الامور وقالوا للسعودي تبي تشتغل ب 3 الاف ونكرك ليل نهار ولا ابعد من هينا ويمكن يسجنونه في عيشته اللي كان مترزق منها ع الاقل لو فيه همله احسن بما يسوى بهم الان من طردهم عن العمل ليلجئوا لأمور اقل واقل وتكثر المشاكل...
.
.طيب فيه حل اخر بس هذا للوطنيين وللي يبغى يزرط فلوس وينمي دولته ويمسك بكرسيه ..خاصه حقين وزارة النقل
..قبل الاف السعوديين معينين خير ومعيشين انفسهم بت عذرك تقول فيه همجيه وعدم تنظيم طيب صدقناك ومش مشكله جيب شركاتك واعط السعوديين دورات تهيئه لهذا العمل كم اسبوع وبالنظام اللي تبيه ...لكن بدال ماتزرط الاخضر واليابس ترا فيه امور تقدر تزرط وهي تعتبر من الامثله لفساد الاوربيين اللي يقول ماعندهم فساد لكن عندهم وطنيه لحب وطنهم..
يكون مثلا لكل طلعة صاحب تكسئ رسوم لهذا الشركه بشئ بسيط والباقي للسعودي ع حسب سواء هي ملك له او اذا كان مدعوم بها تزيد النسبه لتغطئ....
في الاخير تحصل نفسك زي ماتبغى فلوس بالطريقه اللي دمرت فيها .جبت نفس الفلوس ولو قلت شويه لكن بطريقة ممتازه انت جبت ماكنت مخطط له من سرق للبلد ولزيادة العطاله
ولصاحب العمل سعودي معين خير بدال مارفض يشتغل ب بأجر معين من الشركه قهري صار عنده دخل متحرك دبل ماكنت تبي تعطيه ...وقيسوا ع جميع الانشطه والتجاره وغيرها كثييييييييييييير ممكن ان يسرقوا لكن فيه سرق عن سرق وممكن ان يمشوون احتكارهم لكن الشعب مشارك
..ومثل هذه الاشياء او اي عمل يكون للدوله علم ويحاولون قمع هذه التوجه من الفساد لطريقه نوعا ما افضل
..
وكمان بدال مايقولوا السعودي مايبغى يشتغل بها الشغله باعلامهم او اي شغله تانيه ويبررونها باشياء تافه ...قالوا مايعرف او مايبغى
وهو المفترض اذا بتسمع عن اعلامهم وتطبييل لهم بان هالشعب يحصل كذا وكذا وطريقه صحيح تحصلهم عاطليين وياليت يمنعون من شئ ويحصلون لهم درب اطيب من كذا ....لا العكس تماما
..
ومن المفترض هذا الشعب الان بنظري ونظر الجميع مايعمل بها الشغلات سوا تكسي او حارس شركه ..ويكون ترتيب لها الشئ وتنظيم زي ماقلت في الاخير ويكون الاعمال الشاقه وغيرها اللي مايقدرها فعلا او اللي المفروض انه بها الوقت مايكون فيها يعمل فيها الاجنبي ويكون الدخل اللي قلته سوا فوق او غيره مايذكر وكثيييير للدوله وللخزانه يستفاد منه ويكون مرتب له مستقبلا عشان اذا بلغ تعداد السكان عندك بخطه 50 اللي تقول بنصير كذا بسوالفكم ههههههه بيزيد عدد الناس وتبي ادور لهم عن شغل الي ماقدرتوا تشغلونهم الان وانتم بعز الطفره وع نهايتها
بيكون هذا جاهز من الدوله اللي كان لها نصيب فيه يترك ويعمل فيه السعودي ووقتها لو تحصله جامعي يشتغل فيها ايش المشكله وبمرتب ممتاز ويكون لكل قطاع امتيازات والناس راغبه باعمل نفسها نفس ارامكوا الان لكن ع شكل مصغر..والدنيا مرتبه صغيره وكبيره تخضع لتامينات وغيرها .......... لايوجد مشكله مدام التوجهه صحيح ويوجد نظام صارم ومفعل للتنميه الحقيقيه ماهو للهمله وتفكهم ..ووقتها فيه اشباع من تخصصات ثانيه واكبر والدوله اقتصاديا متماسكه ويوجد فرص وضيفيه..
وباشياء سبق ذكرتها والان ولو تسئل لكل شخص تحصل حلول وبدون عبء ع الدوله ويكون طفرتها الان بخزانة الاجيال من جميع الامور ولن يحصل هذا
لماذا ...الله ناوي كذا والله اعلم ...
كيف تنتهي شعوب بكذا امور عكسيه خادمه لشخص واحد دامره للالاف خاصه اقتصاديا والاهم قبلها دينيا وانحلال
..
يعني مختصر لكي تعرف كيف طرقهم ليدخلوا ويوقفوا الناس ويصير منهم سلبيات اكثر من ايجابياتهم المدعيين لها
1 مثلا تحويل الاستقدام من افراد ومؤسسات الى شركاتهم وحدوده وكيف كان الاستقدام من رخيص بالتعكلفه و بالوصول والناس مترزقه فيه ........الخ وهو كان كمان بدون تنظيم
الى غلاء فاحش الى تاخير الى ضياع حقوق الى تضييع فرص ناس وخسائر وعطاله ...الخ
2 المقاولات وسبق قلت جزء فقط بسيط
وكل ماتشوف من قبل شيئا فشيئا الى المقبلين عليها واللي بيظهر لاحقا ....بحجة انا هما لما يبغوا شئ مايجوا ع طول ياخذونه لابد يطلعوا سلبيات صغيره ويضخمونها باعلامهم .......الخ ثم يدخلوا بهالطرق بحجة انا
...وحدث ولاحرج بكل شئ....وياليت بعدهذا الشئ واحتكارهم ...الخ تحصل السعودي راغب ويشتغل ..لا...بوظائف زهيده لاتتماشئ مع الوقت الراهن اطلاااقا
هذا جزء 1 بالميه من واقعهم فكيف تبغى مني ............وكيف تبغى ........وكيف وكيف وكيف اطبل لهذا الاشيئاء والسكوت عن مستقبلنا ومستقبل اجيالنا ...؟؟؟؟؟؟
دمتم :060::biggrin:

[طلال المطيري1]

أبد والله ماعمر التقدم والحظاره اللي بتفكر فيها تقول سوو كذا .......
ع شاطئ منتجع ب أبوظبي أمراءه ورجل اسلاميين عربيين سعوديين اتوقع يحوي بأنهم من حملت شهادات عليا ومتعلميين
البنت عمرها 4 سنوات والاخرى سنتين تقريبا
....... ومتعوب عليها كمان عشان تسبح بالمسبح او ع البحر.وسبحان الله وهما صغار كمان ماانبسطوا فيهم خوف من الناس لانهم ع الفطره وتربوا بحشمة أمبين من مجتمعهم.لكن اخونا يفكر اذا سافر لابد يطبق كذا ....... .
صغار والله حراااااام تنشئ بناتك ع هالشئ وهما اصلن لايعرفوا ولا احد بيفضحك او بيقول عليك متخلق اذا لبستهم لبس سباحه كامل ...بنات صغار بعمرهم يهود كمان ماسوو زييك
والبنات الاسلاميات كبار كمان اشوفهم يسبحوا ويتمشون ع شاطئ لكن بلبس سباحه كامل ومسموح به لأنه بلاستيك مو قماش والكل يعرفه يعني ع الاقل فيه حشمه ...
وكل مافي الدعوه يامثقف ويافاهم تراهم صغار يعني بيلعبوا بالمويه ويستانسوا.......
وكل من جاء ع البحر والمسبح يبي ياخذ راحته ويستانس سواء صغير او كبير وكل شخص له خصوصياته ..ما احد بيقول ترا شفنا فلان كذا ...
يضنون ان ها الاشياء نوع من التقدم والانفتاح والحريه ...وهي والله تعلم بناتك وانت لاتعلم بها الشئ ع العهر والتعري من صغار
......
كانوا يروحون لأورباء ودول الغرب وهم بدووو او حظر من سنيين قريبه وشافوووا اشياء ماشافوها من قبل لا بأعلام ولابغيره ...سوا رايحين لعلاج او لدراسه .....لكن ماطبقوا كل ماشافووه لأجيالهم ااااااااااااابدا رجعوا وكن ماشااافوا شئ ولا أثر فيهم..اقصد من اعمارهم من 40 الان وفوق
....
لكن اكييييد من 20 سنه الاعلام والغزو الفكري بالاعلام هو من اثر في الناس الان .
..العتب الاول ماحسبت للغزو السريع ولا اخذت احتياط من المد والجزر ..ورب البيت كمان ..
ع سبيل المثال ...ستار اكاديمي ...اول ماظهر بالغرب. ماكان الخالعه m b c طبقته بحثافيره لنا ..
...كان سووت نفس . قناة بداية . أخذت المشوق ..وو والفكره ..وسوتها بطريقه اسلاميه بعاداتنا وبقيمنا ولو فيها نقص ..لكن هذا المد والجزر وبناء البيت لابد يصير مثل كذا احتياطات ..لتبني بيتك قوي متقدم مع العالم

[طلال المطيري1]

صباح الخير ههههههههه امس كان يوم كويس . سبحان الله
...
يقولون الاب الصحي النظيف المربي للاجيال لابد يكون ...
مثلا
اولاده صغار ماعرفوا حتى ينطقوا او بأعاقه مايتكلموا مثل بعض الشعوب بأعاقه...
لابد للاب ولكل اب اكييد بعائلته يهيئ لعائلته كل سبل الراحه ......ويعلمهم احسن الاخلاق وحسن الادب .............ويتعب عليهم في التعليم في غيره واذا كبروا.......يأمن مستقبلهم ولابد يصيروا بوظائف ممتازه وهكذا وكل الاهتمامات ........الكل يعرفها ويطبقها ان شاءالله ......ويروح ويسئل اولاده ويلبي طلباتهم بالطرق السليمه وبدون هو مايشتكي الابن لأبوه اكييييد للاب الي ذكرته لابد هو من يسئلهم ويحس بأمورهم ويسئلهم ...........وكلكم راع..........وكل اب بيسوي كذا واحسن ...لشئ واحد ان يبارك الله في اولاده ويرفعوا سمعته ...............الخ.
أي شئ عكس كذا لابد تصير العكس تماما والبيت بأكمله ماهو مرتاح ........................
...........
قيس ع هذا المثل من بيت صغير إلى اكبر دوله بالعالم اذا ماكانت هي الدوله من تبحث عن شعبها وهي من تبادر بالشئ الطيب له .................................................. ...................وكل شئ وياقارئ الرساله اللي تفكر فيه ايجابي بان لابد يصير من هالدوله .....الخ ...
وانت ترا العكس تماما فاقر ع الدنيا السلام .
وبالاخير مستحيل يجي أب يتمنن اولاده ويقول انا علمتكم وطلعتكم من مدري ايش .....الى مدري ايش وهي اصلن توفيق من الرحمن و ع البركه
.....نعرف الواقع الذي نعيشه كويس يعني لن يؤثر فينا اي .......


الناس لاتريد الى اقل الحقوق المشروعه والمنطق ...
مسئلة اقل الحقوق يجي عمري مقبل ع نهايته وتقول تفضل شوية فلوس روح سوو لك بيت ودبر حالك ههههههههههه وقبلها ..............................................وحدث ولاحرج
سبحان الله في اي مكان سواء بجلسه او اكبر في اكبر لن يدافع عن الانحلال والظلم ..... الى أصحاب تربيه اكيد تعتبر خاصه لأنها ظهرت من الاستعباد وهو مجبور او لايدري ولايعلم تلقائي لايعرف يحاور بأقل مراتب الادب لابد ينزلك بمستواه القذر لتكون نفسه ومعه .
.
فأ الحر الشريف يتجنبهم ويترفع عنهم
.
الأحرار هم من يطرق باب التغيير**أما العبيد فالتغيير هو من يطرق بابهم
.......
يموت الجبناء مرات عديده قبل أن يأتي أجلهم
أما الشجعان فيذوقون الموت مره واحده


......
تحياتي للجميع