> بيان حضور للميداني 2

[نورة بنت فهد]

شئ بسيط ولا يذكر .... بالمرفقات بيان حضور اثناء التدريب الميداني ... من تنسيقي ... لاني شفت الكثير نزل البيان الموجود بالموضوع المثبت للميداني وفيه 18 صف والبعض افتكر ان التدريب من 18 يوم ... وبالتوفيق

[TaT]

ثانكس

[Lady dlo0o]

يااااااااازينك شكرا جزيلا :004:

[سمُو]

اسم المتدربة كل يوم بيتكرر اسمي او كيف

[خولة الهلال]

يعطيك العافيه

[نورة بنت فهد]

اسم المتدربة كل يوم بيتكرر اسمي او كيف

اكيد ياقلبي اسمك ،،،، كل يوم سجلي اسمك والتاريخ والساعه ووقعي
انا عن نفسي كاتبه اسمي بالكمبيوتر ارتب واحلى بس التاريخ والساعه والتوقيع بالقلم لانها مباشره وبلحظتها وحضوري كان متفرق

[بلسم الحياه]

نوري ثانكس يالخفوووق:004::004:

[سعد العضياني]

يعطيك العافية يانورة الله يسعدك يارب��

[واحد جديد]

ماله داعي اكتب الاسم بالكمبيوتر ........ بخط اليد وخلاص ليش التعب ياحبكم يالبنات للغثى

[نورة بنت فهد]

ماله داعي اكتب الاسم بالكمبيوتر ........ بخط اليد وخلاص ليش التعب ياحبكم يالبنات للغثى

على كذا انت راسم الجدول بيدك وبقلم رصاص ومسطره ...... اكيد انت صممته بالكمبيوتر وش يمنع كتابة الاسم بالكمبيوتر..... من باب اسهل وارتب ..... بالمرفق الجدول جاهز .... مدري شقول عنكم يا الشباب
بالتوووفيق

[Om_7neen]

متى تفتح الأيقونة في موقع الجامعة ؟

[مانسيتك !]

الف شكر للاخت الغالية عفت الغلا

[ملاذ الروح!]

يعطيكم العافيه

[عبير الزهور 222]

يعطيك الف عاافيه يا نورة بنت فهد

[سأحقق حلمي]

يعطيك العـافية وجزاك الله كل خير .

[عضو محذوف]

يسلمو نوووووور :004:

[هدؤ أنثى]

اسم المتدربة كل يوم بيتكرر اسمي او كيف

يس تكتبينه في اليوم اللي تحضرينه يعني زيك زي الموظفين والموظفات ويويالييت اي حدى منكم يشرح لها اذا ماتعرف :mh12:

[هدؤ أنثى]

جزاك الله خير :d5:

[خلود 3]

يعني اللي افهمه ان التدريب الميداني لازم نداوم ؟؟؟؟؟

والا بس يوم واحد ونطتب التقرير ؟؟؟

[raqy's]

الله يعطيكِ العافية

ويرحم والديكِ

:106:

[The 3noud]

السلام عليكم ..


ياليت احد يخبرني متى نبدأ التدريب ونروح المدارس ؟. :106:

[جلوي المسحل]

يامال الثانكيوووووووووووووووووووووو

[همه عالية]

:ماله داعي اكتب الاسم بالكمبيوتر ........ بخط اليد وخلاص ليش التعب ياحبكم يالبنات للغثى



ههههههههههههههههه:hahahahahah::hahahahahah::hahaha hahah::hahahahahah:

[اطياف نجد]

طيب الجدول هذا ارسله مع الاوراق للجامعه

[تركي آل هاشل]

مشكوره وماقصرتي

[واحد جديد]

طيب عندي استفسارات بخصوص النماذج/
1-النموذج الاول (مباشرة الطالب في التدريب) ... هذا النموذج ارفقه ؟ ووين اوديه ؟؟
2- النموذج الثاني (الى من يهمه الامر) .. هذا اقدمه على المدرسه صح ولا ؟؟
3- النموذج الثالث (التزام الطالب خلال فترة التدريب العملي) ... هذا النموذج هو زي الجدول الي مسويته ولا غيره يعني هو حق الحضور والانصراف؟؟ وش وضعه
4- النموذج الرابع (بيانات أوليه عن الطالب) .... هل هو دراسة الحاله ولا كيف؟ لانه مكتوب فيه (نموذج التقرير النهائي) ؟

وشكرا ... يا ليت يكون فيه توضح للنماذج

[توتا @]

كم ساعه الدوام ؟

[نورة بنت فهد]

كم ساعه الدوام ؟
دوام المدرسة العادي من 7 الى 12 او 1 /// انا داومت من 7,30 الى 12 , 30

طيب عندي استفسارات بخصوص النماذج/
1-النموذج الاول (مباشرة الطالب في التدريب) ... هذا النموذج ارفقه ؟ ووين اوديه ؟؟

@ تاخذه معك للمدرسة وتعبي بياناتك مع كتابة تاريخ المباشره الى هو اول يوم دخلت فيه المدرسة والجزء السفلي منه يعبيه المرشد ويوقع ويختم عليه
2- النموذج الثاني (الى من يهمه الامر) .. هذا اقدمه على المدرسه صح ولا ؟؟
@ هذا تسلمه للمدير وبس علشان يستقبلك ويعرف الجهه اللي جاي انت منها ومايحتاج ترفعه للدكتور خليه بالمدرسه
3- النموذج الثالث (التزام الطالب خلال فترة التدريب العملي) ... هذا النموذج هو زي الجدول الي مسويته ولا غيره يعني هو حق الحضور والانصراف؟؟ وش وضعه

@ وضعه انك تتعهد بحضورك المدياني وتكتب اسمك وتاريخ مباشرتك وتوقع وتختمه وترفعه مع البقيه للدكتور
4- النموذج الرابع (بيانات أوليه عن الطالب) .... هل هو دراسة الحاله ولا كيف؟ لانه مكتوب فيه (نموذج التقرير النهائي) ؟
@ هذي بياناتك انت طال عمرك اكتبها وتحتها يله ابداء عبي البنود حقت التقرير النهائي يعني جاوب على الاسئله من خلال تدريبك وش سويت ما سويت
وشكرا ... يا ليت يكون فيه توضح للنماذج
@ اذا ماوضحت المعلومه تفضل اسال موجودين
طيب الجدول هذا ارسله مع الاوراق للجامعه

@ فجرتيها يا اطياف هههههههههههههه اهم شئ هــ الجدول يقول الدكتور هو اللي يثبت حضورك للمدرسه واهم شئ تختمينه اذا رفعتيه للدكتور من غير ختم بتنقص درجتك

السلام عليكم ..


ياليت احد يخبرني متى نبدأ التدريب ونروح المدارس ؟. :106:

@ من هالساعه روحي يا قلبي


يعني اللي افهمه ان التدريب الميداني لازم نداوم ؟؟؟؟؟

والا بس يوم واحد ونطتب التقرير ؟؟؟

@ لا عاد هذا اسميه دلع هههههههه ايه دوام رسمي من الصباح لين الظهر لمدة 10 او 8 ايام ثم اكتبي التقرير واختميه


@ يا رب افدتكم . همسسسسسسسسسسسسسسسكو:rose:

[همه عالية]

هل اذا خلصت التدريب ارسله او انتظر موعد يعلنون عنه ؟؟؟؟

[نورة بنت فهد]

هل اذا خلصت التدريب ارسله او انتظر موعد يعلنون عنه ؟؟؟؟

اول ماتخلصينه ياقلبي ارفعيه ،،

[Ms. Saihati]

دوشونا مع هالتدريب

الايقونة توها تفتح !!

معقولة يوم ب الاسبوع وباقي ع الاختبارات شهر ونص واذا اقل عدد للزيارات 8 يعني نحتاج اقل شي شهرين!!

وعلى ماناخد موافقة مركز التوجيه والارشاد عشان المدرسة تقبل تدربنا ،،، الاسبوع الجاي اجازة مافيه مدارس

وانا لمن رحت للمركز طلبو مني خطاب غير اللي وديته وفتحت ايقونة الخطابات التربية العملية في الخدمات الطلابية قالوا لي غير مسجل مدري ايش


ف ماعرف ش سوي

دلووووني



سوري صاحبة الموضوع ماقصرتي كفيتي ووفيتي

يعطيكـ العافية

واعتذريني جد ع مداخلتي بس كتبت ف كدا موضوع محد رد علي ومحتاجة فزعة قرررريبن


احترامي

[نورة بنت فهد]

دوشونا مع هالتدريب

الايقونة توها تفتح !!

معقولة يوم ب الاسبوع وباقي ع الاختبارات شهر ونص واذا اقل عدد للزيارات 8 يعني نحتاج اقل شي شهرين!!

وعلى ماناخد موافقة مركز التوجيه والارشاد عشان المدرسة تقبل تدربنا ،،، الاسبوع الجاي اجازة مافيه مدارس

وانا لمن رحت للمركز طلبو مني خطاب غير اللي وديته وفتحت ايقونة الخطابات التربية العملية في الخدمات الطلابية قالوا لي غير مسجل مدري ايش


ف ماعرف ش سوي

دلووووني



سوري صاحبة الموضوع ماقصرتي كفيتي ووفيتي

يعطيكـ العافية

واعتذريني جد ع مداخلتي بس كتبت ف كدا موضوع محد رد علي ومحتاجة فزعة قرررريبن


احترامي
نعنبو دااااارش انا وموضوعي و كلي لش ،،،،،،، كل هالزعل والبرطمه علشان متى تروحين هههههههههه هذا دلع البنااات
شوفي عندك 10 او 8 ايام ،،،، تروحين من الاسبوع اللي بعد الاجازه يمديك واول ماتخلصين تقريرك وتختمينه ارفعيه دايركت للدكتور ،،،، واذا ماقدرتي تروحين اسبوعين متصله داومي 3 ايام من كل اسبوع والله سهله ،،،،،
اذا على مكتب التوجيه ،،، خليه بقريح ،،، دوري مدرسه ثاانيه ،،،، انتي وين لاتقولين الدمام والله لاصير لك مجمع مدارس :53:
على العموم حاولي تروحين مدرسه غيرها بتحصلين باذن الله
همسسسسسسسسكي :rose:

[جغمه ببسي]

مشكوووووره

[عسل قليل الدسم]

لازم قبل اتوجه للمدرسه اروح ادارة التربيه والتعليم ؟؟ واختار المدرسه ؟؟

[نورة بنت فهد]

لازم قبل اتوجه للمدرسه اروح ادارة التربيه والتعليم ؟؟ واختار المدرسه ؟؟

ياحبيبة قلبي فيه مدارس تقبل تتدربين عندها دايركت ... وبعضهن يطلبون ورقة من التوجيه .... انتي روحي للمدرسة اولاً يمكن توافق بدون خطاب .... المقصد انتي تختارين المدرسه اللي تبغينها

[ĸLσz]

مجهود تشكرين عليه يا نوره ماقصرتي ’

[مهره سعيد القحط]

طيب هل لازم ارسله معا التقرير

[نورة بنت فهد]

مجهود تشكرين عليه يا نوره ماقصرتي ’



اهلن بحضرتك



طيب هل لازم ارسله معا التقرير

اوووومااا يامهررره تسألين من جد هههههههه يااالبيييييه واحنا وش نصيح به من بداية الترم
بيان حضورك ضروري ترفقيه مع تقريرك ولازم عليه ختم والدكتور اكد على هذا الشي
بالتووفيق ياعمري انتي ♡

[روح الفهيقي]

الله يعطيكم العافيه يارب
اممم حبيت اسال الله يعافيكم
الحين نسوي بحث غير التدريب الميداني ؟
واذا صح كلامي وش المواضيع اللي نسوي عنها!!
المعذره انا حايسه بالماده حييل ومو عارفه شسوي :(
الله يوفقكم دلووني :(

[نورة بنت فهد]

روح الفهيقي يا روووحي انتي البحث غير التقرير اللي لازم تعملينه بمدرسه
البحث اي مشكله تواجه الطلاب بالمدرسه خارج المدرسه وتؤثر على تحصيلهم العلمي
مثل التدخين
الهروب من المدرسه
التاخر عن المدرسه
الاعاقه
،،،
،،،،
،،،،
،،،،
وكذا يعني ولاتشيلين هم كثير اللي يعتقدون انهم حايسين مثلك بالمقرر ده وهو سهل

[كف السحاب]

طيب هل لازم ارسله معا التقرير



ايوه ضروري تختمينه وترفقينه مع التقرير
الدكتور حرصنا على هالنقطه




الله يعطيكم العافيه يارب
اممم حبيت اسال الله يعافيكم
الحين نسوي بحث غير التدريب الميداني ؟
واذا صح كلامي وش المواضيع اللي نسوي عنها!!
المعذره انا حايسه بالماده حييل ومو عارفه شسوي :(
الله يوفقكم دلووني :(

نعم البحث غير التقرير الميداني وكلها تابعه لمقرر التدريب الميداني 2
بحث عن مشكله تعليميه تسبب مشاكل للطلاب وتعيقهم عن الدراسه مثل الهروب من المدرسه ايش الاسباب والدوافع وكمان الاعاقه

[عروبه العرب]

الله يوفقك دنيا واخره
ويكتب اجرك على عملك المفيد:love080:

[sulttaan9]

يعطيك العافيه:d5::d5::d5::d5::d5::d5::d5:

[Nsay]

الله يسعدك ويرضى عليك

بس عندي استفسار بسيط

التزام الطالب مايكفي عن الحضور والانصراف ؟

:004:

[نورة بنت فهد]

الله يسعدك ويرضى عليك

بس عندي استفسار بسيط

التزام الطالب مايكفي عن الحضور والانصراف ؟

:004:

ويسعدك ،،،، لا مايكفي والدكتور شدد على ضرورة رفع بيان بحضورك ومختوووووم انتبه الله يرضى عليك
Nsay ،،،، نورت:rose:

[ابوسعود2012]

مشكورة بس ياناس كل مارحت مدرسة رفضوا وش الحل ؟

[Nsay]

ويسعدك ،،،، لا مايكفي والدكتور شدد على ضرورة رفع بيان بحضورك ومختوووووم انتبه الله يرضى عليك
nsay ،،،، نورت:rose:

شاكر لك ع التبيه

[دانه السعوديه]

اخت نورة ما يفتح عندي وانا محتاجة البيان ضروري عشان يساعدني في تعبئة التقرير

[سعودي طموح]

بخصوص نموذج مباشرة الطالب في التدريب :-

توجد فقرة لم أفهمها .. فما المقصود بها ؟

جهة التدريب ؟

عنوان القسم / الإدارة التابعة لها الطالب ؟

رقم هاتف العمل في جهة التدريب للطالب ؟

[نورة بنت فهد]

اخت نورة ما يفتح عندي وانا محتاجة البيان ضروري عشان يساعدني في تعبئة التقرير


الله من الدلع يا دانه ،،،، نعنبو دارش وش قصتش من بين الاعضاء كل مانزلت ملف مافتح معك ،،،، متاكده من طريقتش ،،،، والله للحين ماوصل اللاب حقي ،،،، والميني لابتوب احسه بزر صغير في يدي بس لعيونك بحاول اليوم وانزله من جديد او ادخلي على موضوع حواء المثبت فوق اعتقد منزله بيان ،،،،، موفقه ياحبيبتي



شاكر لك ع التبيه


شاكره لك حضورك



مشكورة بس ياناس كل مارحت مدرسة رفضوا وش الحل ؟


رح مدرسه اهليه امكن يتعاونون معك ،،، الله يسهلها لك


بخصوص نموذج مباشرة الطالب في التدريب :-

توجد فقرة لم أفهمها .. فما المقصود بها ؟

جهة التدريب ؟


جاوبتك من اول ،،،، اسم المدرسه

عنوان القسم / الإدارة التابعة لها الطالب ؟

كلية الاداب والخدمة الاجتماعية




رقم هاتف العمل في جهة التدريب للطالب ؟




هاتف المدرسه





،
،
،
،
صباح الرضا ♡

[نورة بنت فهد]

اخت نورة ما يفتح عندي وانا محتاجة البيان ضروري عشان يساعدني في تعبئة التقرير


نزلت لك نموذجين . طبي وتخيري كم الدانه عندنا
همسسسسسسسسسسسسسسسسسسسسكي :love080:

[دانه السعوديه]

والله ثم والله اني صادقه وما بهزرشيx:53: كل ما حاولت افتح لك شي يقول تعذر فتح المستند على كلا فديت الروح الحلوة ي الغلا مشكورة

[دانه السعوديه]

تعذرت قراءة المستند.

حدث خطأ أثناء قراءة
هذا اللي مكتوب لا فتحة البيان :confused:

[دانه السعوديه]

اخت نورة أوراق التقرير اللي بالخدمات الطلابية ما فيها ورقة حضور وانصراف على ايش نوقع

[نورة بنت فهد]

والله ثم والله اني صادقه وما بهزرشيx:53: كل ما حاولت افتح لك شي يقول تعذر فتح المستند على كلا فديت الروح الحلوة ي الغلا مشكورة

تعذرت قراءة المستند.

حدث خطأ أثناء قراءة
هذا اللي مكتوب لا فتحة البيان :confused:

اخت نورة أوراق التقرير اللي بالخدمات الطلابية ما فيها ورقة حضور وانصراف على ايش نوقع


الله من الدلع . المهم صباحك ورد . وفعلا ايقونة التدريب الميدان ي2 مافيها نموذج حضور وانصراف لكن الدكتور طلب منا مايثبت حضورك للمدرسه ويكون مختوم كمان في هذي الحاله وش بتسوين بتكتبين على ورقة بخط اليد وتوقعين ولا بتصممين جدول بالكمبيوتر وتضبطينه وترتبينه ( يا حبي للفلسفه ع الصبح وكل وقت ) المهم الاخوان صمموا جدول للحضور وانا معهم بعد وهذا هو بالمرفقات ......ز يا رب يفتح معك واذا مافتح معليش بنسحب من الجامعه :007:

[دانه السعوديه]

مشكورة والله فتح:d5:جزاك الله الجنان ي الغلا🌹

[نورة بنت فهد]

مشكورة والله فتح:d5:جزاك الله الجنان ي الغلا🌹

اشوااااااااااااا:mh12:
المهم تاكدي من اوراقك واختميها :106:

[اكاديمية]

لو سمحتو في ورقه المباشره مكتوب فيها الرفع اول اسبوع من المباشره يعني اول اسبوع والباقي بعد الانتهاء طبعا من التدريب 8 ايام ولكن رحت مكتبه يرفعونها لي قالو لا لان لو رفعتي هالورقه معاد تقدري ترفعي التقرير ارفعيها مع بعض ارجو افادتي عن ذلك

[نورة بنت فهد]

لو سمحتو في ورقه المباشره مكتوب فيها الرفع اول اسبوع من المباشره يعني اول اسبوع والباقي بعد الانتهاء طبعا من التدريب 8 ايام ولكن رحت مكتبه يرفعونها لي قالو لا لان لو رفعتي هالورقه معاد تقدري ترفعي التقرير ارفعيها مع بعض ارجو افادتي عن ذلك

الله يسعدك ويفتح على قلبك اذا خلصتي التقرير ارفعيها مع ورقة المباشره وورقة التزام الطالب وورقة الحضور والانصراف اللي في اول الموضوع اطبعيها ولاتنسين الختم ثم ارفعيها سوا ،،، وبعدها ارفعي البحث ،،، لازم تتابعون الموضوع المثبت عن الميداني بيوضح لكم الطريقه ،،، موفقه يالاكاديميه :106:

[اكاديمية]

تسلمين يا نوره بنت فهد فاهمه عليك انا بس ورقه المباشره ليه مكتوب فيها الرفع اول اسبوع من التدريب

[نورة بنت فهد]

اكاديميه ،،،، لاتهتمين للنقطه هذي زي ماتقولين نظام بس فيه مرونه (( وكاتبين يوم واحد بالاسبوع بعد يعني مشكله اذا بنتدرب يوم واحد ثم نكتب به تقرير ونرفعه وهكذا ))
على العموم ارسلت للعميد عن هالنقطه يايعدلونها او يحذفونها دام ان التقييد بها بيسبب مشكله للطلاب لانه لو برفع عن طريق الايقونه ورقه وحده بس احتمال ماتفتح معي علشان ارسل بقية التقرير
ماتلاحظون اننا على اعصابنا بالدراسه ،،،،، ربي يجعل ختامها مسك ونجاح وتخرج بدرجات عليا باذن الله

[Ms. Saihati]

ما شاء الله عليكـ اخت نورة

ماقصرتي ويعطيكـ الله الف عافية




حمدلله ابشركـ خلصت التدريب وقاعدة ازين الاوراق بالكمبيوتر باقي بكرة اروح اختمهم من المدرسة

حتى البحث كتبته وخلصته وارسلته


الحين عاد باقي نتدفر ونذاكر باقي ع الاختبارات اقل من شهر

موفقين لكل خير


احترامي

[sulttaan9]

ضروري ولا لا

[نورة بنت فهد]

ما شاء الله عليكـ اخت نورة

ماقصرتي ويعطيكـ الله الف عافية




حمدلله ابشركـ خلصت التدريب وقاعدة ازين الاوراق بالكمبيوتر باقي بكرة اروح اختمهم من المدرسة

حتى البحث كتبته وخلصته وارسلته


الحين عاد باقي نتدفر ونذاكر باقي ع الاختبارات اقل من شهر

موفقين لكل خير


احترامي

يارب تتوفقين وتاخذين الفل مارك ،،، الله يبارك لك ويسعدك
ياهلااااا وغلاااا ،،،،،، والفل مارك للجميع

ضروري ولا لا


ياوليدي اااايه ضرووررري ترفق بيان بحضورك ويكون مختوم بعد
بالنسبه للنموذج اللي انا مرفقته موب لازم تتقيد فيه بامكانك تسوي وتصمم ااحد لك بالكمبيوتر عادي
لكن خذ نموذجي والله انه حليوووو :16.jpg:

[Shrrug]

سؤالي ؟؟ اداوم بالمدرسه 8 ايام وش اسوي بالضبط !!

[نورة بنت فهد]

سؤالي ؟؟ اداوم بالمدرسه 8 ايام وش اسوي بالضبط !!



جوابي تداومين بالمدرسه على اساس انك مرشده طلابيه وتقومين بمهامها ،،،، تشوفين الحالات اللي عندها مشاكل وتجتمعين فيها وتحليها وكمان تسوين انشطه جماعيه مع الطالبات موب 100 نشاط انما 3 انشطه او نشاطين لان ايام التدريب قليله بصراحه وحدك تسوين نشاطين معهن ،،،،، اطبعي نماذج التدريب من ايقونة الميداني 2 بتشوفين البنود اللي تعبينها وتختمينها لاحقا من المدرسه ثم ترفعينها وتابعي الموضوع المثبت بهذا الخصوص بيوضح لك اكثر ،،،،، يله مافيه وقت يا بنتي


صبحهم بالرضا :rose:

[كاسر11]

يا اخوان ساعدوني
انا باشرت وكتبت في التقرير تاريخ المباشرة 03/05/1436 عادي اتاخر كل هذا الوقت بدون ما ارسل التقرير
لاني اخرني البحث
ومن امس احاول ارسل التقرير يقول فشل مع العلم انه وافق على البحث

[نورة بنت فهد]

كاسر 11 ،،،،،عادي متى ماحبيت ارفعه
حاول اكثر من مره لين يقولك تم الحفظ بنجاح ،،،، فيه ضغط ع الموقع او غير المتصفح