استفسار ضروري لو سمحتو

[tahani.m.t]

السلام عليكم ،،، الله يجزاكم الجنه ويرزقكم خير الدنيا والاخره. عطوني طريقه اذاكر احس اني ضااااااعيه ولا ني عارفه شي افكر واخاف اتهور اني اغير التخصص تعبت ،،،،،
كيف اذاكر اللغويات والمواد الثانيه تكفون ابي دفعه معنويه النفسيه سءيه جداً :Cry111::Cry111::Cry111::Cry111:





ياليت اذا ممكن اذاكر مع احد ويوجهني ويعلمني :mh12:

[حواء طموحة]

نفس الحالة ماني عارفة كيف اذاكر ومن اي مادة ابدا

[tahani.m.t]

معقوووووووله محد عنده طريقة او يقدر يساعد لييش تكسفوني فرجو لي الله يفرج لكم بالدنيا والاخره

[ـنودي]

حتى انا احس ضايعه ولكن بديت اسمع المحاضرات واقرا الشروحات القديمه اللي من الطلاب والوضع شبه اوك

[{تهاويل}]

اللغويات ركزوا على التعاريف كلها
وايضاً اذا فيه مرادف لمسمى التعريف اعرفه
كما ان بعض التعاريف سواها فينا وجاب بالمعنى وليس نصاً
يعني حاول تفهم التعريف وليس حفظ شكل كلمات فقط تدل على التعريف
انا خذيته الفصل الماضي ، كمية من التعاريف كثيره ، لهذا ذاكروه بدري.
يحتاج لو قت وجهد ، انا ذاكرت الفصل الماضي نصفه قبل كالاختبارات ، ونصفه في يوم الفراغ ايام الاختبارات
النصف الاخير ما قدرت اخلصه في يومين الاختبارات، كان ضغط شديد فيه ويبي له حفظ
بينما جاوبت افضل ما عندي في الفترة الي ذاكرت فيها على راحتي قبل الاختبارات

[مناهل]

طيب الادب كيف انذاكره ؟ وشكرا

[sham9966]

طيب الادب كيف انذاكره ؟ وشكرا
الأدب حفظ كله في حفظ

[Rmsh_]

tahani.m.t م راح انصحك بطريقة مذاكره او كيف تذاكرين لان احس هالشي انتي بنفسك تلقينه
يعني كل واحد فينا له طريقة مذاكره وفهم للماده تختلف عن غيره
بمعنى اصح هالشي يعتمد عليك وعلى فهمك واعتمادك على نفسك واستمتاعك فالحفظ او الفهم
ترا اهم شي تحاولين تستمتعين فالمذاكره ولا تصعبينها على نفسك مهما كانت درجة صعوبتها
اعذريني لاني مقدر افيدك بطريقة مذاكره لاي ماده معينه بس حبيت اذكرك بشي مهم وهو حاولي تستمتعين بالشي اللي تسوينه مهما كان حفظ او فهم استمتعي وثقي فنفسك
و ي رب فهمتي علي وقدرت اوصل لك اللي فبالي <<< فاشله فالشرح 0% :16.jpg:
واسفه على الاطاله , عسى فالنا التوفيق ي رب

[ام حاتم427]

حبيبتي البدايه بالمذاكره لازم تكون من عندك
هي ماهي طبخه نقول لك مقاديرها
النفسيه والحماس للمذاكره هي البدايه
اجلسي مع نفسك وعطيها دفعة تشجيع وحماس
كلمي نفسك بصوت عالي وقولي المذاكره سهله وانا اقدر عليها
بتحسين نفسك سخيفه وانتي تتكلمين بس ولا يهمك كملي عادي
:16.jpg:
اسمعي قران في مكان هادي
رتبي موادك في جدول
شوفي وش الساعتين الي يكون فيها هدوء وسكري الباب
وجهزي لك كوفي واجلسي ذاكري
انا شخصيا شاله قشي وقافله مجلس الرجال علي
عشان عصافيري مايجون ويغردون على راسي
ويطيرون كل المعلومات
:mh001:
هذي طريقتي لما احس اني ملخبطه
محد يقدر يعطيك دفعه وحماس اكثر من نفسك
:(204):
مدري وش موادك الي انتي مسجلتها
بس على العموم لو احتجتي مساعده في حاجه معينه
انا حاضره بالي اقدر عليه والاخوان والاخوات هنا ماراح يقصرون
:106::106:

[Rmsh_]

100% ام حاتم :(304):

كمان لا تحبطين اذا شفتي المذاكره كثير او حسيتي انك مو فاهمه
حاولي تجزئين وتفصلينها بطريقتك اللي تريحك
اهم شي تخصصين من يومك وقت للمذاكره عشان م تراكمين المواد والفهم عليك
راح تكتشفين ان المذاكره ممتعه وسهله
ولا تنسين رطبي لسانك بذكر الله والاستغفار (فائدة ذكره سبحانه عظيمه عالنفس)

وربك يسهل :(114):

[Hinnd]

عزيزتي حلو اذا خلصتي من محاضرة اعملي لك كويز يثبت المعلومة ويعلمك تقربيا طريقة السؤال

[tahani.m.t]

الف شكرررررر لكم كلكم والله ماتتخيلون كيف الحماااااس ورفع الهمه ربي لا يخليني منكم صحبه في الدنيا وبالجنه ربي يجمعنا
الله يجزاكم خير الدنيا والاخره. ويوفقكم لما يحب ويرضى

[sham9966]

انا توني ببتدي وراح ابتدي بالادب كم محاضره وبعدها مدخل اللغويات واتنقل بين المواد عشان ماتصير ماده مافتحتها الترم قصير والظروف شاءت كذا والله يسهل انا خايفه من كل المواد ههههههه لاني مافتحت شي بس ربك يسهل وانشالله الوقت المتبقي يسعفنا ياالله

[tahani.m.t]

انا توني ببتدي وراح ابتدي بالادب كم محاضره وبعدها مدخل اللغويات واتنقل بين المواد عشان ماتصير ماده مافتحتها الترم قصير والظروف شاءت كذا والله يسهل انا خايفه من كل المواد ههههههه لاني مافتحت شي بس ربك يسهل وانشالله الوقت المتبقي يسعفنا ياالله

توكلي على ربك وشدي الهمه باذن الله ربي بيسر لنا وفالنا التوفقيك
انا زيك بس كل يوم افتح شي ولا بعد دوست