التدريب الميداني مرفوض تكون الايام متصله شالحل ؟

[جواهر سعود]

السلام عليكم
زهقت من هالتدريب وقررت مااسويه تولي 10 الدرجات لما رحت المدرسة قالت في الخطاب مكتوب يوم بالاسبوع واحنا نمشي بالاوراق الرسمية
وش السوات يعني ياريت احد يفكني من هالتدريب

[كف السحاب]

الله يعينك وغيري هالمدرسه روحي خااصه

[حجاب الوريك]

يمدحون التعقيد عند العنصر النسائي مادري وش المشكله
في كل جهة سواء حكوميه او قطاع اهلي
اعانكم الله
تحياتي الاخويه

[جواهر سعود]

لا وتقولي الترم كله لين نص شعبان
اقول لها انا اختبر 16 رجب كيف لين نص شعبان هذا اللي واضح معي في الخطاب

[wintr song]

حاولي منها تختم الاوراق وانتي عبيها
مافية وقت اذا كل اسبوع يوم الاختبارات قربت !

[جواهر سعود]

بروح الجامعة بكرة واذا مافي فايدة سحبت عليه

[ريم 2012]

كل شي من جهه الحريم تعقيد اقوى شي

استغفر الله مب ناقص الا ختم البيت الابيض ويرتاحون نفسيا

ذلونا واوجعو روسنا وربي البيت ي حظ الرجال ماشاء الله واسطه ولابدون

بخلص امورك بسهوله مافيها تعقيد كثير مثلنا الله ياخذ الفئه الغير متعاونه صراحه:41jg::mad:

[كف السحاب]

مو كل الرجال سهالات الامور عندهم
فيه رجال اعقد من العقد نفسها
الله يسمح الامور للجميع

[S H O Q]

-








والله انا منتظره هالرد بكرا انهم يقولون مكتوب يوم بالاسبوع ويحوسوني :icon9:
لكن ان شاء الله تعدي ع خير :icon19:

[YA 7 YA]

من يقول الرجال امورهم سهالات انا اليوم رحت للمدرسة وقالي المدير روح مكتب التربية والتعليم وجيب لي خطاب توجيه ولما جبت لهم قال خلاص حط رقمك وراح نتصل فيك راح ننسق لك جدول كل أسبوع يوم

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يا سعادة المدير الطيب كذا مايمديني اخلص اختباري يوم 16 سبعة

قال يا ابني احنا محنا ضدك راح نساعدك بكل شي ونحاول نخليك تتعلم وتمارس صح !!!!!!!!!!

وش الحل بالله ههههههههههههههه

[جواهر سعود]

الشكوى لله
كرهوني بالدراسة جايو لي عقدة وتندمت اني درست
ياتعرفين احد بالمدارس ولا خيسي

[ام زياد البناوي]

اسمعو الهرجه مني روحو مدرسه خاصه تزبطها لكم وسلامتكم لاتعقدون انفسكم ولا شي والمدرسه الي تحسونها معقده قولو لهم ليش التعقيد يسروها لنا الدعوه سهاله وربي ييسر للجميع

[عضو محذوف]

ببدا فيه الاسبوع الجاي الله ييسر لي ولكم يارب ،،كان ماسوو لي موال بعد وقالو داومي يوم بالاسبوع 😥

[قيتاره جنوبيه]

انا رحت لمديرة المدرسه وقلت لها ان ايقونة التطبيق فتحت متاخره وانه المفروض اطبق من اول الترم يوم بالاسبوع بس بسبب التاخير ابي اطبق ايام متواصله عشان يمديني ارفع التطبيق قالت دامك متاخره اووك فاانتو جربو هالشي وقولو انكم متاخرين لان تطبيقنا يبيله ترم كامل لاننا بنداوم يوم بالاسبوع وماعاد فيه وقت انه يكون يوم بالاسبوع والله يسهل علي وعليكم

[تاج راسي امي]

الحين التطبيق هذا لازم بمدرسه ما ينفع جمعيه خيريه

[ام زياد البناوي]

اييييه لازم مدرسه

[جواهر سعود]

الحمدلله قبلتني مدرسة اليوم ثاني لي دوام وناسة

[ابو افنان]

و لا تهتمين

اذا ما مشى الموضوع معك عطيني خبر

[شمري مطنوخ]

تعال اساعدك بدون تعقيد وابشر بالختم

[Sweaty girl]

عادي مدرسة اهليه
اروح لهم على طول
ولا لازم خطاب من الاشراف

[nola]

انا رحت لمدرستين وكلهم رفضو المديرات يستقبلونا الا بشرط
انك تجيبي ورقه من الاستاذ عشان نقيمك عليها بالدرجات..وكمان خطاب من الاستاذ نفسه
بعدد الايام المسموح فيها بالتدريب ..
صراحه ماعرفت ايش اسوي ..وكل اللي باقي شهر عالاختبارات
.
.
اللي يقدر يختملي الورقه ..واكون ممنونه

[حصه راشد]

انا مع مجموعة بنات تكلمنا مع مرشده وفهمناها وضعنا وقعت الاوراق على ايام متواصله بس نظل نداوم مثل ماهو مكتوب

[سعودي طموح]

بخصوص نموذج مباشرة الطالب في التدريب :-

توجد فقرة لم أفهمها وهي .. فما المقصود بها ؟

جهة التدريب ؟

عنوان القسم / الإدارة التابعة لها الطالب ؟

رقم هاتف العمل في جهة التدريب للطالب ؟

[هدؤ أنثى]

انتي سوي نفسك فاهمه في الموضوع وقولي لا انا تدربت قبل كذا و ورى بعض أسبوع كامل ماهو اول مره اسوي تدريب انا علي انفذ اللي بيدي اما حضوري غير مربوط فيني هذا يخص الموظفين والموظفات مو اول مره اداوم والوضع ايزي بالنسبه لي ومشت مع الجامعه قبل كل همي تمشون وضعي 10 ايام ورى بعض وانا مخلصه والاختبارات قربت ماعاد بقي عليها شئ متى عاد يمدي اخلص اذا بداوم كل اسبوع مره بتقفل خدماتي مابعد ارسلت ولا شئ لهم وبختبر مابعد كملت دوامي انت تفلسفي عليهم خليهم يصدقونك قولي صديقاتي قبلي مخلصينها في اسبوعين آخر دوامهم الاسبوع اللي راح .

[هدؤ أنثى]

انا رحت لمدرستين وكلهم رفضو المديرات يستقبلونا الا بشرط
انك تجيبي ورقه من الاستاذ عشان نقيمك عليها بالدرجات..وكمان خطاب من الاستاذ نفسه
بعدد الايام المسموح فيها بالتدريب ..
صراحه ماعرفت ايش اسوي ..وكل اللي باقي شهر عالاختبارات
.
.
اللي يقدر يختملي الورقه ..واكون ممنونه

قولي دراستنا عن بعد ولا اهتموا يتابعون ايش كتبت لان فيه غيري مليون طالب وطالبة يسوون تدريبهم معي اللي احب اطمنك به انه بس بيشوف ويتاكد من التواقيع والختم ولا رح يقرى ويتفحص تقاريرنا عشان يتفحص تقييماتك لي ومو اول مره اتدرب بدون تقييم اذا كانت دراستي انتظام ok معك حق تقيميني اما انتساب مطور وتقيميني مارح يفضون لك ولتقييمك .. التدريب الأول نفذته بدون تقييم والتدريب هذا على نفس خطى الأول ونفس خطى صديقاتي محد قيمهم والتقييم الوحيد اللي بالتقرير في آخر سؤال منه هو كافي و وافي للتقييم