صدمه ..في أول محاضره للانجليزي؟

[محمد حمد]

أخواني وأخواتي ..أنا منتسب جديد في قسم اللغه الأنجليزيه ...اليوم وعند مشاهدتي لمحاضرة مادة اللغه الانجليزيه 121للدكتور ابراهيم المحبوب كان طول المحاضره يتكلم انجليزي ..سؤالي هو هل كل المحاضرات يتكلم فيها بالانجليزي ؟ لأني توقعت ان الشرح يكون بالعربي وأذا كان الطالب مستواه في اللغه مبتدئ مثلي أنا كيف يفهم المحاضره ..أفيدوني وشكرا

[متعلم]

لا اسهل ماده في الوجود هذي

[*Mo_14_oN*]

كان ينزل لنا محاضره توضيحيه بالعربي

[محمد حمد]

متى ينزلها يعني بعد كل محاضره بالانجليزي ينزل اللي بعدها بالعربي

[حلا دنيتي]

أكيد راح ينزلون لكم توضيحيه بالعربي


< انا هالماده بالذات ماشفت محاضراتها

بس ذاكرت الكلمات و القرااااامر

سهله

[الملتزم]

لحد يوسوس---

[bronze]

هو دايما يشرح انجليزي


بس اذا ماغير نظامه


راح يعطيكم محاضرات توضيحية يبسط لكم الفكرة بالعربي


بس مافي احسن من شرحه :>

[KHUBRANI]

الله ييسرها كله بأمر الله يأخوان اطلبوا الخير...........

[قمر شمر]

شي طبيعي يتكلم انجليزي بس المنهج مرره بسيط

[عضو20]

اللي تكلمه الدكتور كان عباره عن مقدمه تطمن ركز من المحاضرة القادمه لانه من الدرس القادم بيشرح من الكتاب وبتشوفه امامك وبيسهل عليك ان شاء الله
واللي منت فاهمه مستعدين نتعاون معاك انت وكافة الاعضاء الجدد

[mssssh]

هذه المادة جبت فيها a+

[الزين]

يااخوى اذا داش قسم نجليزى وتوك مبتدئي ياليت تحول اى قسم الان الماده مافيه اسهل منها للامانه


والتخخصص غيرر وفررق عن هالماده وشى طبيعى يتكلم انجليزى :119: الله يوفقك

[m3dmosail]

ترى بالبدايه بس

بعدين يبدى يترجم تقريبا من المحاضره الخامسه

ولاتحاتون كل شي سهل ولله الحمد

[shwa8]

لا تقلق مو بكل المحاضرات في محاضرات بلعربي


و في االاختبارات يحذف اشياء كثيرة بس انت تابع اول بااول:119:

الله يوفقك

[عادل الحربي]

أبو حمــــد

يسعد لي مســـــــاك :106:

بالنسبـــة لموضوعــك فالمادة ذي بالــذات للي ما عنده خلفية أو مبادئ جيده باللغة الإنجليزية راح تكون صعبة .

بالنسبة لي لم أعتمد على محاظرات الاستاذ / المحبوب لأنها بصراحه كلها رطن بالإنجليزي وما كان فيه محاظرات بالعربي إلا ثلاث محاظرات كان عبارة عن توضيح بعض الجزئيات في بعض المحاظرات .

فأنا أنصحك ... من البداية ... إشتر الكتاب المطلوب وتابع مع الدكتور حتى لو ما كنت تفهم كل كلامه .

ونصيحه ... جب لك مدرس من البداية وخله يتابع معك المحاظرات اول بأول وراح تستفيد بإذن الله .

وربي يوفقك دنيا وآخره


:106:
,,,

[يوسف المطيري]

اظن كلام اخوي احمد صحيح المدرس الخصوصي بيسهل عليك شي كثير

[كورديليا]

اخوي انت مثلي انا امس سمعت المحاضره من اولها لأخرها ما فهمت شي

بعدين عرفت انها مقدمه واتوقع انه اغلب المحاضرات الجايه بتكون بالانجليزي كمان

فا من الحين حاول تلاقي احد شاطر بالانجليزي يساعدك والقسم هنا ما راح يقصرو معانا ان شاء الله

اما اللي يقولو انه قسم انجليزي حول قسم ثاني دامك مبتدئ في اللغه

فوالله القسم مو مفتوح لمن يتقن اللغه طبيعي انا مبتدئه في الانجليزي ادخل هذا القسم علشان

احسن مستواي

التوفيق يا خوي لك وللجميع يارب

[تفوق ـآلوصف]

بليــــــــــــــــز احد يرد لي بالخاااص كيف احضر محاضرات الانقلش للترم الثااااني
للانتسااااااااااااااب



باسرع وقت اللة لا يهينكم :bawling:

[بناس]

اخوي شوف قسم المستجدين في موضوع للتلاخيص مثبت


في لمادة الانجليزي رابط لقمر شمر حملته وبترتاح


ربي يسهل عليك اخوي

[رورو البطه]

اي كل يتكلم إنجليزي بس الماده حلوه قاعادتها زينه...

[ИυЯαђ]

هي سهله مررررررررررررره وماعليك من المحاضرات اللي بالبدايه بس يبلش يشرح من الكتاب راح تفهم عليه ..

وأنت أرجع لتلاخيص الأعضاء لترم اللي فات تلاقي شرح لقاعدات وترجمه قطع

والأستاذ نفسه حبوب ومتعاون بشكل كبييييير فلا تتخوف أبد

والله يوفقك

[القاضي]

والله انها مادة سهلة من اول مانزلتي في النظام وافظلها من مادة علم الاجتماع الي كلها تعاريف ...الخ وانشاء الله مع الحاظرات القادمة بتفهمينها اكثر وتحبين المادة