استفسار عام توهقت في التدريب واحسه صعب مرره مدري وش اسوي تعالوا تكفوون [الأرشيف] - ملتقى طلاب وطالبات جامعة الملك فيصل,جامعة الدمام

مشاهدة النسخة كاملة : استفسار عام توهقت في التدريب واحسه صعب مرره مدري وش اسوي تعالوا تكفوون

غرور انثى**

2015- 4- 5, 11:56 AM

السلام عليكم
بنات من الي باشرت بالتدريب؟؟انا رحت اليوم وقالت لي لازم تسوين ارشاد جماعي وتمسكين حاله فرديه وتدرسينها وتسوين نشاط او برنامج اذاعي
حسيت هم كببيير على قلبي انتوا مثلي؟؟
حسيت انه شي صعب اقسم بالله انخرشت
وش السواة
علموووني بكره لازم اباشر وامسك الحاله الفرديه وادرسها ومدري كيف ابدأ
ياليت تريحووني وتهدووني احسهم بكرفووني لأن مافي الا مرشده وحده بس 😭😭

عضو محذوف

2015- 4- 5, 12:22 PM

بكره ابدا التدريب باذن الله ،،الله يستر بها انشطه وحركات ��
طيب شوفي نموذج صاحب قرار يمكن تستفيدين منه طبقي عليه وقوليلها ماعندك وقت يمكن تختم لك وتفتكين

غرور انثى**

2015- 4- 5, 12:33 PM

عضو محذوف

2015- 4- 5, 12:46 PM

عيت المديره وولمشرفه قالوا لازم تطبقين عندنا
وبكره ببدأ ادرس حالة طالبه عندها بطء في النطق ومدري وش اسوي ابي احد يفهمني المشرفه شديده شوي
ابي اعرف كيف ابدأ مع الطالبه وش اقولها وكيف ادرس حالتهاا احسه صعب ساعدوني يااهل الخير

طيب شوفي هالرابط ان شاءالله بيفيدك حاولي تاخذين منه الاشياء الي تساعدك كله عن اضطرابات النطق واسبابه يعني اتوقع يفيدك بدراسه الحاله
http://www.acofps.com/vb/showthread.php?t=17989

جلوي المسحل

2015- 4- 5, 01:39 PM

ياشين طبوع الحريم ياناس ههههههههه

حنا وانا وبدوامي خالص وضعي والمدير يقول وش يجيبكم

الوتين.

2015- 4- 5, 03:08 PM

ياشين طبوع الحريم ياناس ههههههههه

حنا وانا وبدوامي خالص وضعي والمدير يقول وش يجيبكم

دايم وابدا نظام الحريم معققققد :Cry111:

عبير الزهور 222

2015- 4- 5, 07:25 PM

حتى أنا نفس الشئ المديرة والمشرفه يقولون لازم تكون لك بصمة .

دمعة حلم

2015- 4- 5, 07:48 PM

من جدكم بنات لازم ندرس حالات فرديه طيب كيف يعني <<انصدمت
انا بكره اول يوم لي واخاف يجيني ماجاكم

طيب كيف ادرس حالاتها ومدري ايش وانا في فترت تدريب ماعرف راسي من رجليني

يارب يعين
طيب وش بتسوين غرور ..؟؟
طيب شوفي الرابط الي فوق وان شاء الله يفيدكك
وانتي قولي للمرشده كيف ابدا معها علميني وكذا
او خليها تكون معك وانتي تشوفي وش تسوي بهالحاله
وان شاء الله بتعدينها بنجاح يااااارب

دمعة حلم

2015- 4- 5, 07:51 PM

دايم وابدا نظام الحريم معققققد :cry111:

صدقتي ورببي :(177):

ام دحوم 99

2015- 4- 5, 10:24 PM

اختي غرور انثى .....
ليش تطلب المدرسه منك متابعة حالة بطء النطق ؟؟؟؟
اذا علشان تدرسين حالتها الاجتماعيه واذا فيه مشاكل محيطه فيها سببت المشكله هذا ممكن
لكن اذا علشان تساعدين البنت في النطق الصحيح . فهذا مو تخصصنا
هذي يا تخصص علم نفس
او اعاقه نطق ٠ قسم التربيه الخاصه ممكن يساعدونها

بنت فيصصـل

2015- 4- 5, 10:41 PM

ايه غريبه انتي مو تخصصك تربيه خاصه !

اول شي بحثك عن اي ايش يتكلم ؟
*مثلا عن وسائل التواصل الحديثه و سلبياتها على الطالبات
انتي ابدا لا تطلعين عن محور البحث
بحصص الانتظار كلمي البنات و اسأليهم بالبدايه مين اللي عندها جهاز ومين المؤيده و مين المعارضه لبرامج التواصل ؟
خليهم يتكلمون و اسمعي وجه نظر كل طالبه ,جسي النبض بموضوع الارقام الغربيه و الاضافات
اذا ماشفتي تفاعل قولي كل وحده تكتب لي بورقه مشكله واجهتها او ايش حابين نتكلم عنه
الزبده سحبي منهم ..
واللي تصيدين عليها شي كلميها ع جنب و تناقشي معاها
بكذا انتي عملتي مع حالات فرديه و جماعات ع حسب موضوع بحثك

وسهالات ان شاء الله :love080:

بنت فيصصـل

2015- 4- 5, 10:45 PM

والانشطه المذكوره بالتقرير اللي هي العمل مع الحالات الفرديه و الجماعيه
قوليلها هذا اللي انا ملزومه فيه بس اللي موجود بالتقرير

غرور انثى**

2015- 4- 5, 11:13 PM

والله اني بهم

احس فاجأتني وانا مدري وين الله موديني بهالأمور
بكـره بروح لها وبقولها عن الحاله اللي بدرسها وان شاءالله توافق
والله بيسسر

جواهر سعود

2015- 4- 6, 07:36 AM

انا لي يوم ثاني بالتدريب وجالسة ماسوي شي فقط اناقش المرشدة والبحث حقي عن كثرة الغياب بالمدرسة واسبابه

zaz666

2015- 4- 6, 07:49 AM

كلها 10 درجات اتركيها وركزي في المذاكره هذا رايي ارفعي بحث واتركي المدرسه

ماسه نادره

2015- 4- 6, 11:41 AM

شوفي لك مدرسه ثانيه
المفروض ترافقين المرشده في انشطتها وتسجلين ايش سويتو
والاجتماعات الفرديه هذي ممكن تسجلين اجتماعاتك ع المرشده او مع المديره والاشياء للي ناقشتوها وانجزتوها
اما اللي عندها مشاكل في النطق من رأيي انك ماتقدرين تقدمي لها شي الا تحويل للوحده الصحيه وتناقشين معلماتها في المشكله

عبدالله عطيف

2015- 4- 6, 12:05 PM

انا رحت لمدرسة ختم لي وقال لا اشوف وجهك:71::53:

Lady dlo0o

2015- 4- 6, 01:38 PM

أستغرب منكم بنات !!
يعني تدريب ميداني وش ممكن تسوون فيه ؟!
أكيد شغل و الشي الي درسناه جا الوقت الي نطبقه ،
و التطبيق مفيد لنا لأن مهما درسنا ماراح نفهم لحد مانطبق ،
و بالنسبه أنهم يكرفونك !!
انتِ شوفي عندك وش مكتوب بأوراق التقرير كل هالنقاط الموجوده لازم تنفذينها بعدين تعبين الي نفذتيه،
أنا رحت مدرسه فيها 3 أخصائيات وعطوني أكثر منك ،
راح أسوي إذاعه ونشاط و دراسة حاله فرديه بالنسبه للدراسة خليها تعطيك حاله تكون موجوده عندها مثلاً تأخر دراسي او غياب متكرر و أدرسي أسبابها ..

Lady dlo0o

2015- 4- 6, 01:39 PM

و زياده بعد راح نسوي امل تطوعي مع جهه خارجيه