لكل مشكله حل وبعد كل عسر يسر

[هدى ابراهيم]

السلام عليكم ورحمة الله وبركاته


صباحكم مليء بالجد والاجتهاد
والايمان بإن لكل مشكله حل وبعد كل عسر يسر

انا اتدرب الحين في مدرسة ابتدائية وماخذه الوضع خبره اكثر من انه شيء اجباري لازم ناخذ عليه درجات

المهم .. المرشدة الطلابية ماعندها خبره بس هذي اقرب مدرسة لي ومايمديني اروح غيرها
وللامانه المرشدة ماعندها خبره في الارشاد بس تعاملها جدا جميل

قالت لي عن حاله طالبه معنفه اسريا من ابوها واخوها بالضرب والسب والشتم وحالتهم الماديه سيئة
الام شخصيتها ضعيفة جداً ورغم هذا الا انها تحاول تساعد بنتها وقالت للمرشده مستعده اسوي اي شي تطلبيه مني بس للاسف البنت من الضغط الي تعانية من ابوها واخوها بدت تتمرد على امها وعلى المعلمات في المدرسه وسلوكها عدواني مع زميلاتها وتسرق وتكذب .. وهذا كله من الضغط والكبت الي تعاني منه


جلست معها يوم الخميس حاولت اسولف بسوالف عامه كا اول جلسة سالتها عن الي تحبه والي تكرهه بالمدرسة عن يومها بشكل عام وعن صديقاتها عن اقرب الناس لها وهذا كان كل الكلام بس البنت كنت ماتتفاعل كثير يعني تعطي بس كلمه ورد غطاها ما تسترسل بالكلام



وانا جيت لكم ابيكم تساعدوني يمكن نكون سبب في تعديل حال البنت او حتى سلوكياتها اذا ماقدرنا نغير البيئة الي حولها نغير في نفس الطالبه

لقائي الثاني معها بيكون يوم الاحد ابيكم تقترحو لي حلول ومحاور اقدر اناقش الطالبه فيها بحيث انه تتكلم باريحيه وتطلع من الكبت الي بداخلها والي بيئثر عليها حاليا ومستقبلا



في النهاية اسأل الله لي ولكم التوفيق

[الجــــ@ـارح]

شي جميل اختي هدى وكان بودي اني اداوم في مدرسة لمدة 8 ايام

وحاول اطبق تخصصنا . لكن للاسف الوقت ما يسمح مع العمل والحمد لله

راح يتيسر التقرير وتوقيعه وختمه . كانت امنيه لي التطبيق العملي لكن خيرها في غيرها

طبعا , البيت المعنفه الي حصلتيها حاولي في البداية تتقربي لها اكثر وتعطيها مجال تثق فيك

وفهميها انك طالبه مثل مش مرشده او مدرسة . ووضحي لها انك ودك تساعديها

وذكريها بالله سبحانه وبالجنة والنار والصبر حتى تثق فيك اكثر وبعدها تقدري تخذي منها

الكلام والمشاكل الخاصة فيها .. بالتوفيق والله يكتب لك ماهو خير , والله يعينها على ابوها واخوها

[هدى ابراهيم]

شي جميل اختي هدى وكان بودي اني اداوم في مدرسة لمدة 8 ايام

وحاول اطبق تخصصنا . لكن للاسف الوقت ما يسمح مع العمل والحمد لله

راح يتيسر التقرير وتوقيعه وختمه . كانت امنيه لي التطبيق العملي لكن خيرها في غيرها

طبعا , البيت المعنفه الي حصلتيها حاولي في البداية تتقربي لها اكثر وتعطيها مجال تثق فيك

وفهميها انك طالبه مثل مش مرشده او مدرسة . ووضحي لها انك ودك تساعديها

وذكريها بالله سبحانه وبالجنة والنار والصبر حتى تثق فيك اكثر وبعدها تقدري تخذي منها

الكلام والمشاكل الخاصة فيها .. بالتوفيق والله يكتب لك ماهو خير , والله يعينها على ابوها واخوها


الله يوفقك وييسر امرك .. وبإذن الله تعوضها في التدريب الميداني3

وشكرا لك .. مدري كيف راحت عن بالي اني اقولها اني طالبه مثلي مثلها

وبإذن الله هذا الي بيسير بحاول قد ما اقدر اخليها تثق فيني

آمين الله يعينها ويهدي ابوها واخوها ويحنن قلوبهم

شكراً على مرورك

[نورة بنت فهد]

الله يوفقك يا هدى ،،،،، طيب تواصلي مع الجهات والمؤسسات الثانيه المعنيه بحل مثل هالمشكلات بتستفيدين كثير من خبرة الباحثات الاجتماعيات ،،،، واكتبي خطوتك هذي بالتقرير ،،،،، واهم شئ ان الطالبه فعلا تثق فيك وانك تصبرين على اسلوبها معك لانها بتحاول تستفزك كثير واساليني عن هالمرحله ،،،، كان الله بعونك ،،،، ودي لك يا اخصائيه ♡

[الوتين.]

الله يقويك ويعطيك العافيه هدى ولو جلستي مده اطول بتمر عليك حالات اكثر الله يعينهم علي مجتمعهم يحتاج نعدل من نفسيه الطالبه اول شي واذا قدرتي تتواصلين مع اهل البنت يكون افظل اصعب مرحله الابتدائي
....

[معلمة***]

السلام عليلكم ورحمة الله أختي اتصلي على خط مساندة الطفل وراح يعطونك حلول رائعة للمشكلة التي تعاني منها الطالبة

[معلمة***]

الرقم 116111

[Queen_a]

صار عندها ردة فعل تبي تقوي شخصيتها في المدرسه وعلى المدرسات لانها معنفه في البيت
اقترح بعد ان الحوار يكون جنبها مو قدامها لان ممكن تحس كأنك تستجوبيها حتى لو مو واضح من
اسلوب اجلسي جنبها لانها فقدت الامان وتحسيس بالامان نصف المساعده


هذي وحهة نظري والله يجزاك الف خير

[المستجير بالله]

في رأي اختي
عليك بالاتصال بالوالدين البنت وشرح الحالة التي وصلت لها ابنتهم
والسؤال عن الأسباب التي جعلت ابنهم في هذه الحالة .. طبعا هذا
كله يدور في عدم أفصح أي شيء من انك تعرفينه عن ابنهم والمعاملة
من قبلهم .. بعد ذلك قدمي الحلول اللي عندك مثل المعاملة الحسنة والتحفيز
وغيرها من الأمور التشجيعية اللي ينبغي تقديمها لابنتهم .
بصفتي آب لأبناء وبنات ثلاث ابتدائي وثانوي وجامعة مرت علي حالات من هابيل
لأسر كانت تعامل أبناءها بهذه المعاملة والنتيجة كانت مثل هذه البنت ومع التوجيه
والإرشاد والنصح تغير السلوك للأفضل . هذا رأيي والله يوفقك

[هدى ابراهيم]

الله يقويك ويعطيك العافيه هدى ولو جلستي مده اطول بتمر عليك حالات اكثر الله يعينهم علي مجتمعهم يحتاج نعدل من نفسيه الطالبه اول شي واذا قدرتي تتواصلين مع اهل البنت يكون افظل اصعب مرحله الابتدائي
....

صدقتي اذا يومين وشفت العجب الله يعينهم ويحفظهم
اما بالنسبة للطالبه هذا االي انا اشتغل عليه نفسيتها لان على حسب علمي الاب الا الان يضربها
يعطيك العافيه على المشاركه

السلام عليلكم ورحمة الله أختي اتصلي على خط مساندة الطفل وراح يعطونك حلول رائعة للمشكلة التي تعاني منها الطالبة


وعليكم السلام ورحمة الله وبركاته
مشكووره على الاقتراح وبحاول اتوصل معهم


صار عندها ردة فعل تبي تقوي شخصيتها في المدرسه وعلى المدرسات لانها معنفه في البيت
اقترح بعد ان الحوار يكون جنبها مو قدامها لان ممكن تحس كأنك تستجوبيها حتى لو مو واضح من
اسلوب اجلسي جنبها لانها فقدت الامان وتحسيس بالامان نصف المساعده


هذي وحهة نظري والله يجزاك الف خير

وهذا الي سويته في اول لقاء اخذتها في الساحه الخارجيه للمدرسة وجلست جنبها
ويجزاك الفردوس الاعلى مشكوره على المشاركه




في رأي اختي
عليك بالاتصال بالوالدين البنت وشرح الحالة التي وصلت لها ابنتهم
والسؤال عن الأسباب التي جعلت ابنهم في هذه الحالة .. طبعا هذا
كله يدور في عدم أفصح أي شيء من انك تعرفينه عن ابنهم والمعاملة
من قبلهم .. بعد ذلك قدمي الحلول اللي عندك مثل المعاملة الحسنة والتحفيز
وغيرها من الأمور التشجيعية اللي ينبغي تقديمها لابنتهم .
بصفتي آب لأبناء وبنات ثلاث ابتدائي وثانوي وجامعة مرت علي حالات من هابيل
لأسر كانت تعامل أبناءها بهذه المعاملة والنتيجة كانت مثل هذه البنت ومع التوجيه
والإرشاد والنصح تغير السلوك للأفضل . هذا رأيي والله يوفقك


مثل ماذكرت سابقا الوالد مازال حاله على ماهو يعني مانقدر نغير في بيئتها اذا والدها ماتغير
اما بالنسبة للام فهي الحين املنا بعد الله انها تكون اقرب لها وتحتويها وتحاول تخفف من معانتها

الله يوفقك ومشكور على المشاركة

[ward . . !]

-


تقريباً قصتها مقآربه لـ قصة وحده تحكينا عنهآ المرشدة ،

فـ كانت تقول لنا طريقتها فَ التعامل مع هالشخصيات بحكم انه مروا عليها كثيير على قولتها

اول شي : ابني علاقتك معها بـ الصداقه مو بالأمر كوُني مرشده ضروري اوصل لـ مستوى تفكيرها

يمكن لا سمح الله تستجيب معي ،

ثآني شي : اتقرب منها مثلاً اشوفها فـ ممر المدرسه اناديها تساعدني ف بعض الشغلات ، اعطيها كلام حلو

يعطيها الثقه في نفسها ، ف هالمرحله البنت تحب تسمع يقويها الحكي بكذا هي راح ترتاح لك وتثق فيك

وتتقبل منك الكلام .

لو غيرت من نفسها للأحسن ، مهما كآنت البيئة اللي هي فيها مابيأثر عليها شي .


* والله يقويك ويسآعدك ويكتب أجرك *

[هدى ابراهيم]

-


تقريباً قصتها مقآربه لـ قصة وحده تحكينا عنهآ المرشدة ،

فـ كانت تقول لنا طريقتها فَ التعامل مع هالشخصيات بحكم انه مروا عليها كثيير على قولتها

اول شي : ابني علاقتك معها بـ الصداقه مو بالأمر كوُني مرشده ضروري اوصل لـ مستوى تفكيرها

يمكن لا سمح الله تستجيب معي ،

ثآني شي : اتقرب منها مثلاً اشوفها فـ ممر المدرسه اناديها تساعدني ف بعض الشغلات ، اعطيها كلام حلو

يعطيها الثقه في نفسها ، ف هالمرحله البنت تحب تسمع يقويها الحكي بكذا هي راح ترتاح لك وتثق فيك

وتتقبل منك الكلام .

لو غيرت من نفسها للأحسن ، مهما كآنت البيئة اللي هي فيها مابيأثر عليها شي .


* والله يقويك ويسآعدك ويكتب أجرك *




يعطيك العافية وردتنا على المشاركه

والله يعينهم على الي يمرو فيه ماكنت متوقعه يكون العنف منتشر لذي الدرجه

[احلام احمد حسن]

هدى انا بكره بروح اول يوم وش اقول للمرشده الطلابيه

[احلام احمد حسن]

يعني كيف اناقش حاله طالبه

[هدى ابراهيم]

يعني كيف اناقش حاله طالبه

اعطيها اورق التقرير وقولي لها هذا المطلوب مني

اجلس مع حاله فردية ومع مجموعات

[حجاب الوريك]

فكرتك جدآ رائعه خصوصآ انك تفضلتي لنا بطرح الحاله اللي راح تتعاملين معاها وبهذه الطريقه احسنتي التصرف والتدبر بإنك راح تتبنين حاله جئتي هنا لتقتبسي من جميع الثقافات المتواجده معنا بهذا الملتقى بحيث يوجد هنا من بيننا اصحاب اقلام لامعه وثقافات مختلفه من كل الجنسين
اختي تختلف الحالات على حسب الاعمار بس حسب كلامك وبعض طرحك لنا ماحصل بينك وبين الطالبه
يبدو لي انها على اواخر المرحله الابتدائية
هنا راح نتعامل مع الشخص بانه على وشك انها مرحله وانتقال الى مرحله اعلى اولآ
بالنسبه للحاله اللي ذكرتيها حاولي انك تنفردين بها لوحدك طبعآ لزوم توضحي للإخصائية او المرشده انك راح تنفردين بها/ وضحي لها انك مومعلمه انك جايه من جهة سريه وحابه تعرفي اكثر عن حالتها هل تفضلين اجواء المدرسه على البيت او العكس وانك راح تساعدينها اذا تواجه مشكله وحاولي تحضري لها هديه متواضعه وخليها تتقرب منك راح تبدي لك اكيد مشكلتها اذا نفس ماذكرته لك المرشده لان بعض الحالات اللي عندهم مشاكل وانحلال بالعائله راح يخترعو اعذار من عندهم بهدف انه يحصل على اللي يبيه من المدرسه كامبلغ مالي لاني اطلعة على المدرسه اللي تدربت فيها وشفت حالات كثيره طبعآ فيه صندوق تبرعات من المعلمين وفاعلين خير عندالمرشد يصرف منه على الايتام واللي اولياء امورهم بالسجون وبعض الحالات المحتاجه :
@اذا وضحت لك مشكلتها نفس ماخبرتك فيه المرشده حاولي تحضري لها كتيبات من التسجيلات الاسلامية او المكتبات حاولي تختاري الكتيبات اللي تخصها مثل حسن تربية الابناء والبنات وخليها تهديه لوالدها
حاولي تعرفي عدد اسرتهم ومن الاكبر هي او اخوها اللي يضربها
وصلي لها كيف تحترم معلماتها وزميلاتها حاولي معها حتى لو انتهى تدريبك اذا المدرسه قريبه منك انك تزوريها كل فتره وتسألي عنها حسسيها انك صديقتها وانك ماراح تترتاحين الا اذا شفتيها وتعدلت امورها واسأليها هل حسيت ان والدك تغير معك واخوك وبهذا يمكن إن شاء الله تكوني حليتي عقده عند البنت وهلها وتؤجري عليها
هذا مابجعبتي اختي حاولت اطرح بعض الافكار وطريقة الاسئلة مع الحاله الى هنا اكتفي
اتمنى اني افدتك وستفدت من موضوعك

تحياتي الأخويه

[سعودي طموح]

كل ما أحاول أرفع التقرير يقولي فشلت المحاولة ؟

مع العلم أني رفعت لهم أمس البحث بكل نجاح ويسر

[هدى ابراهيم]

فكرتك جدآ رائعه خصوصآ انك تفضلتي لنا بطرح الحاله اللي راح تتعاملين معاها وبهذه الطريقه احسنتي التصرف والتدبر بإنك راح تتبنين حاله جئتي هنا لتقتبسي من جميع الثقافات المتواجده معنا بهذا الملتقى بحيث يوجد هنا من بيننا اصحاب اقلام لامعه وثقافات مختلفه من كل الجنسين
اختي تختلف الحالات على حسب الاعمار بس حسب كلامك وبعض طرحك لنا ماحصل بينك وبين الطالبه
يبدو لي انها على اواخر المرحله الابتدائية
هنا راح نتعامل مع الشخص بانه على وشك انها مرحله وانتقال الى مرحله اعلى اولآ
بالنسبه للحاله اللي ذكرتيها حاولي انك تنفردين بها لوحدك طبعآ لزوم توضحي للإخصائية او المرشده انك راح تنفردين بها/ وضحي لها انك مومعلمه انك جايه من جهة سريه وحابه تعرفي اكثر عن حالتها هل تفضلين اجواء المدرسه على البيت او العكس وانك راح تساعدينها اذا تواجه مشكله وحاولي تحضري لها هديه متواضعه وخليها تتقرب منك راح تبدي لك اكيد مشكلتها اذا نفس ماذكرته لك المرشده لان بعض الحالات اللي عندهم مشاكل وانحلال بالعائله راح يخترعو اعذار من عندهم بهدف انه يحصل على اللي يبيه من المدرسه كامبلغ مالي لاني اطلعة على المدرسه اللي تدربت فيها وشفت حالات كثيره طبعآ فيه صندوق تبرعات من المعلمين وفاعلين خير عندالمرشد يصرف منه على الايتام واللي اولياء امورهم بالسجون وبعض الحالات المحتاجه :
@اذا وضحت لك مشكلتها نفس ماخبرتك فيه المرشده حاولي تحضري لها كتيبات من التسجيلات الاسلامية او المكتبات حاولي تختاري الكتيبات اللي تخصها مثل حسن تربية الابناء والبنات وخليها تهديه لوالدها
حاولي تعرفي عدد اسرتهم ومن الاكبر هي او اخوها اللي يضربها
وصلي لها كيف تحترم معلماتها وزميلاتها حاولي معها حتى لو انتهى تدريبك اذا المدرسه قريبه منك انك تزوريها كل فتره وتسألي عنها حسسيها انك صديقتها وانك ماراح تترتاحين الا اذا شفتيها وتعدلت امورها واسأليها هل حسيت ان والدك تغير معك واخوك وبهذا يمكن إن شاء الله تكوني حليتي عقده عند البنت وهلها وتؤجري عليها
هذا مابجعبتي اختي حاولت اطرح بعض الافكار وطريقة الاسئلة مع الحاله الى هنا اكتفي
اتمنى اني افدتك وستفدت من موضوعك

تحياتي الأخويه


يعطيك العافيه اخوي اثريت الموضوع بطرحك
وهذا كان مقصدي لما يكون اكثر من راي اقدر اعطي اكثر للبنت واستفيد وافيدها اكثر

اما بالنسبة للطالبه فهي بالصف الرابع الابتدائي واخوها اكبر منها
ووالد البنت المرشده كلمت داعي يروح له بالبيت ينصحه ويارب يحنن قلبه على بنته

ولما كلمت الطالبه سالتها عن اقرب شخص لها وقالت لي فيه اخت لها متزوجه قريبه لها ودايم تتكلم لها عن الي يضايقها والحين انا احاول اتواصل مع اختها لعلها تقدر تفيدنا ونتعاون في تحسين سلوك الطالبه


شكراً لمرورك

[هدى ابراهيم]

كل ما أحاول أرفع التقرير يقولي فشلت المحاولة ؟

مع العلم أني رفعت لهم أمس البحث بكل نجاح ويسر

حاليا اتوقع الموقع زحمه بما ان المحاضرات كلها نزلت والكل يبي يخلص تحميل

حاول في اوقات الفجر او الظهر