موضوع نقاش للفائدة للكل

[EeAlroqi]

مرحبا بنات .. يمكن تستغربون من موضوعي بس لأني مجربة ونبي غيرنا يستفيد من التجربة
حبيت اخصص هالموضوع لتأثير علاقة الاستاذة بدرجات الطالباات
يعني بسبب خلاف ممكن تحملين المادة او ينقص من حقك او تنظلمين
ياليت اي وحده مرت بموقف مع استاذة او عضوة تدريس
تكلمنا عن تجربتها وكيف تجاوزتها
خلونا نفيد بعض

[J A M I L A H]

دكتور/ة الماده المنصفه لايمكن تربط علاقاتها بالدرجات
وانتي حاول تنتقين الافضل لما تسجلين موادك
في حاله صار موقف سلبي ؟
عليك تثبتين العكس ، شلون ؟
ماتتاخرين ع المحاضره ، تكملين واجباتك وبحوثك وتسلمينها بوقتها
تحضرين حق المحاضره وتشاركين معها ..
يعني حاولي تجتهدين + النيه الطيبه وربي بييسر لك
و راح تثبتين نفسك من دون طرق ملتويه ..
و لو صار رسوب لاسمح الله ، لك حق رفع التظلم
و لو صار خسف بدرجات معظم الكلاس ، لكم حق الشكوى عند رئيسه القسم وترد حقكم


بقولك موقف دكتوره رسبتني ،
كنت كارهتها لدرجه فظيعه -الله يسامحني-
لاني اول مره اذوق طعم الرسوب .. ولعد سجلت موادي عندها
بسنه ثالثه كان فيه ماده لها متطلب لازم اخذها
ولحد يدرسنا غيرها ، توكلت بعد تردد
( اكتشفت اني ظالمتها بنظرتي لها ) بعد ما شاركتها بتنظيم رحله
وكنت دقيقه في رصد وحصر الاسماء و كانت متعجبه مني

المهم ، انها بحفل التخرج كانت تبكي وهي تودعني انا وصديقاتي ❤️

ف كل شي قابل للتغيير والتصليح ، حاولو :106:

[EeAlroqi]

ماشاءالله كلامك ايجابي ������
الله يوقفك

[تك تك مخك معاي]

عليك تثبتين العكس ، شلون ؟
ماتتاخرين ع المحاضره ، تكملين واجباتك وبحوثك وتسلمينها بوقتها
تحضرين حق المحاضره وتشاركين معها ..
يعني حاولي تجتهدين + النيه الطيبه وربي بييسر لك
و راح تثبتين نفسك من دون طرق ملتويه ..


وانا اشهد .. ولا ازيد على كلام جمووله

, الدكتورة اللي حاطه ربها نصب عينها م راح تلتفت للامور الدنيويه
اكره الطالبه = ارسبها !

ولو كانت كذا ف الله حسبها ويتكفل بامرها .

انتي اجتهدي ووكلي امرك لربك وهو ييسر لك امرك من حيث لاتحتسبين

موفقهه يارب :rose:

[D.dove]

عجبني الموضوع ..

أنا توني بعدني ما داومت ولا أعرف نظام الجامعه والدكاتره ><

الله يوفقنا جميع لما يحبه ويرضاه ..

وان شاءالله كل شي سهالات ..

عجبني كلام البنات جموله وتكتوكه ^_^

الله ييسرلنا ويعيننا ويسخرلنا ويفتح علينا يارب ..

ماحبيت أطلع ولا أترك لي بصمه في موضعك يَ حلوه ..

وان شاءالله الكل يفيد ويستفيد ..

يعطيك العافيه ع الموضوع ..




#استغفرك ربي وأتوب إليك..