لطلاب وطالبات الانجليزي - مطلوبه وجهة نظركم اذا سمحتوا

[haya-89]

السلام عليكم , أنا بإذن الله ناويه اسجل انجليزي السنه الجايه وعندي كذا استفسار لطلاب وطالبات التخصص وياليت احصل جواب شافي منكم :

1- كيف أجهز نفسي للتخصص لأنو عندي رغبه في دراسة اللغه لكن للأسف اللغه سطحيه

2- بعد ما اتخرج ابكون حصلت نتيجه مرضيه في تعزيز لغتي فعلاً " يعني كأني منتظمه والإ راح تكون دراستي بدون فايده او النتيجه بسيطه ما تستاهل التعب "؟


3- قريبتي خلصت سنه ادارة اعمال في جامعة الامام عن بعد وحابه تكمل في فيصل - تقدر تحول ويكون لها معادله والا مافيه امكانيه ؟


4-ساعه التخصص بكم ؟ والتيرم الاول بالذات كم يكلف ؟

وممنونه لكم

[Hayooff]

وعليكم السلام والرحمه
اولا تعلم اللغه يعتمد بالاول والاخير عليك وعلى اجتهادك في تعلمها وماراح تكفيك الدراسه لاتقانها لان يبيلها ممارسه بالدرجه الاولى

وعموما ماراح تكون الدراسه عن بعد زي الانتظام اكيد فيه فرق كبير واكيد راح تستفيدي اذا اجتهدتي
ولكل مجتهد نصيب
وبالتوفيق

[haya-89]

مشكوره حبيبتي , واتمنى إفادات أكثر

[Mark Twain]

السلام عليكم , أنا بإذن الله ناويه اسجل انجليزي السنه الجايه وعندي كذا استفسار لطلاب وطالبات التخصص وياليت احصل جواب شافي منكم :

1- كيف أجهز نفسي للتخصص لأنو عندي رغبه في دراسة اللغه لكن للأسف اللغه سطحيه

1- دفتر ابو 200 صفحة + قلم
2- كل يوم تكتبين صفحتين من اي مجلة أو صحيفة
3- ترجمي اللي كتبتيه
4- احفظي الكلمات الجديدة
------------------------------
اسمعي محادثات صوتية بكثرة (قنوات bbc الإذاعية)
احفظي الجمل اللي يقولوها على قد ماتقدري
ترجمي الكلمات الغير معروفة
ادخلي في محادثات مع غيرك أو مع نفسك بخصوص اي شي اهم شي تتكلمي حتى لو في أخطاء

2- بعد ما اتخرج ابكون حصلت نتيجه مرضيه في تعزيز لغتي فعلاً " يعني كأني منتظمه والإ راح تكون دراستي بدون فايده او النتيجه بسيطه ما تستاهل التعب "؟

أهم شي ماتدخلي الترم الثالث الا وبراسك انجليزي وتعرفي تفهمي اللي ينقال امامك سواء بالتلفزيون أو الراديو

3- قريبتي خلصت سنه ادارة اعمال في جامعة الامام عن بعد وحابه تكمل في فيصل - تقدر تحول ويكون لها معادله والا مافيه امكانيه ؟

اعتقد يعادلون 15 ساعه فقط بس مو متأكد

4-ساعه التخصص بكم ؟ والتيرم الاول بالذات كم يكلف ؟

الساعه ب 165 ريال والحسابه بتحسب

وممنونه لكم



الردود باللون الأحمر وبالتوفيق

[-PEARL-]

1- كيف أجهز نفسي للتخصص لأنو عندي رغبه في دراسة اللغه لكن للأسف اللغه سطحيه

لازم تطورين من نفسك ..
ويبي لك تمآرسين اللغه :icon120:

2- بعد ما اتخرج ابكون حصلت نتيجه مرضيه في تعزيز لغتي فعلاً " يعني كأني منتظمه والإ راح تكون دراستي بدون فايده او النتيجه بسيطه ما تستاهل التعب "؟

هالنقطه بالذات هي اللي قاهرتني
لان احنا ندرس أدب انجليزي ( روآيه - نثر - شعر ..آلخ )
ف بالتالي ماظن ان دراستنا هذي بتطورنا :Looking_anim:


3- قريبتي خلصت سنه ادارة اعمال في جامعة الامام عن بعد وحابه تكمل في فيصل - تقدر تحول ويكون لها معادله والا مافيه امكانيه ؟

والله هذي مدري عنها يفيدونك الاعضاء

4-ساعه التخصص بكم ؟ والتيرم الاول بالذات كم يكلف ؟

الساعه 165

يعني الترم الاول ظني 2485
لان الجدول من عندهم اجباري

وبالتوفيق :icon19:

[Dr.Lavender]

مافي فرق بين الانتظام والانتساب

الانتظام حضور يومي ودروس تطبقينها مباشر مع الدكاتره

لكن مهارة واتقان اللغه يعتمد على فهمك للاساسيات

واتقانها بشكل جيد مثل القراءه والكتابه وغيرها

والانتساب عن بعد نفس الفكره لكن حضورنا عن بعد في متابعة المحاضرات والواجبات وووالخ

والنتيجة النهائيه في كل الحالتين تعتمد اعتماد كلي على الطالب ومدى فهمه واستيعابه

للغه

ملاحظه : البعض من طلاب الانتظام والانتساب يتخرج من الجامعه وهو مازال لا يجيد اللغه باتقان

واللي اقصده هنا التحدث بطلاقه والترجمه وحفظ الكلمات وغيرها

[just agirl]

الإنجلش مو لغه وبس لغه وفهم أتذكر كانت تدرس معي بجامعة الملك سعود طالبه كانت عايشه برا بواشنطن وتزوجت وجت لغتها مانفعتها وحملت نصف المواد سواء لغة أو مناهج لازم تعتمدين على نفسك أبوي مدرس إنجلش ولحد الآن يراجع القواميس ويقرأ ويطلّع لأن اللغه إذا لم تمارسيها تنسينها

[ماذا لو ؟!!]

انا كنت متخصصه ادب انجليزي وفي المستوى الأول والثاني كنت متفوقه بس لما بدت عندي مرحلة التخصص الي هي المستوى الثالث صارلتلي ظروف قريب الاختبارات اثرت في مستواي مع اني كنت مذاكرة قبل الاختبارات بفتره فلاحظت ان تخصص ادب انجليزي بالذات يبغيله مذاكرة اول بأول + تفرغ
وللاسف عانيت من بعض الدكاترة السعوديين الي يعاملون الطلاب وكأن عندهم التوفل ويتفنن في وضع الاسئلة
طبعا انا الحين تلاحقت نفسي وغيرت التخصص بس بعد ضاع مني مستوى كامل تمنيت اني اخذت هالقرار من قبل
وآخر شي بقوله لك ان تخصص أدب انجليزي يختلف عن تخصص انجليزي عام ادب انجليزي كأنه تخصص لغة عربيه بس بالانجليزي
فالله يكون بعونك
انا مااخوفك اذا انت تحبين هالمجال وعندك الوقت الكافي للمذاكرة فالله يوفقك

[المربع]

الجامعة تمنحك على هالتخصص ( شهادة ) فقط ,,, وربما تمنحك الدافع للتعلم والعلم


أما مستوى لغتك بعد التخرج , فهذا منوط بكرفك وشغلك على نفسك وتطويرها وتحفيرك في هذا الشأن

عندها راح تغردين انقلش بإذن الله ,,, والله من وراء القصد

[haya-89]

يعطيكم العافيه جميعاً وما قصرتوا

طيب فيه رقم اقدر اتواصل عن طريق مع العماده بخصوص التحويل ؟

[سامي-]

الجامعة تمنحك على هالتخصص ( شهادة ) فقط ,,, وربما تمنحك الدافع للتعلم والعلم


أما مستوى لغتك بعد التخرج , فهذا منوط بكرفك وشغلك على نفسك وتطويرها وتحفيرك في هذا الشأن

عندها راح تغردين انقلش بإذن الله ,,, والله من وراء القصد

:biggrin::biggrin::biggrin:

[ربي يوفقنا]

انا كنت متخصصه ادب انجليزي وفي المستوى الأول والثاني كنت متفوقه بس لما بدت عندي مرحلة التخصص الي هي المستوى الثالث صارلتلي ظروف قريب الاختبارات اثرت في مستواي مع اني كنت مذاكرة قبل الاختبارات بفتره فلاحظت ان تخصص ادب انجليزي بالذات يبغيله مذاكرة اول بأول + تفرغ
وللاسف عانيت من بعض الدكاترة السعوديين الي يعاملون الطلاب وكأن عندهم التوفل ويتفنن في وضع الاسئلة
طبعا انا الحين تلاحقت نفسي وغيرت التخصص بس بعد ضاع مني مستوى كامل تمنيت اني اخذت هالقرار من قبل
وآخر شي بقوله لك ان تخصص أدب انجليزي يختلف عن تخصص انجليزي عام ادب انجليزي كأنه تخصص لغة عربيه بس بالانجليزي
فالله يكون بعونك
انا مااخوفك اذا انت تحبين هالمجال وعندك الوقت الكافي للمذاكرة فالله يوفقك
:(204):