كيف نذاكر مقرر قواعد البيانات😓؟؟؟

[كف الوفاء]

اسأل هذا السؤال لان بدأت بالاطلاع عليه احس طووووووووويل ومتشابه وكأن المقرر تخصص
ليه كذا من جد راح انهار:sm1:

هل فيه حذف او تسهيل من الدكتور
المحاضرات المباشرة ماتفتح عندي
الله يسهل يارب

[﹎ нαįαя ♪]

-


المقرر سهل اذا تابعتيه مع شرح الدكتور

اول 3 محاضرات حفظ ومن 4 الى 7 فهم مع الدكتور

ومن9 للاخر تطبيق عملي

شوفي المجلس هنا فيه جميع روابط الدفعة السابقة
شروحات منوعة لكامل المنهج

http://www.ckfu.org/vb/t660702.html

وانتي سهليها بنظرك وراح تسهل معك


موفقة

[ابو قمراء]

اختي لازم تتابعين محاظرات الدكتور المسجله
خصوصآ من المحاضره 6 وإلى 13
وال 14 مراجعه شامله

لأن فيه شي تطبيقي وماراح تفهمينه الابمتابعة الدكتور
والامور ان شاء الله تسهل

والاخوان ماراح يقصرون بأي نصائح .

[Toomy90]

الصراحه المذاكره مع شرح الدكتور يسهل عليك الماده ويحببك فيها

بالتوفيق للجميع

[كف الوفاء]

الله يعطيكم العافية
هذا انا مشيت مع الدكتور ربي يسهل

[فهد العنزي9999]

كف الوفاء خذيني معك بصراحة فكت مخي هالمادة بس بتابع شرح الدكتور زي ما قالوا الاخوان :icon120:

[فزاع911]

الله يسهلها


عندي سؤالين ماني فاهمها

ليت احد يشرح اكون له شاكر

1_ طريقه معرفة الصفه التي ينتج عنها جدول

2-عدد الجداول الناتجه

[ميشو باحسن]

انا كنت زيك بس تابعت مع الدكتور من المحاضره الرابعه تقريبا هو يشرح لك الكينونات وكذا لايغرك عدد صفحات الملزمه اغلبها تكرار ومراجعات واعاده للمصطلحات

* تابعي مع الدكتور < حتي هو يعيد في كل محاضره الدرس اللي قبله عشان تستوعبي صراحه ماقصر
* بعدين ابدائ ذاكري من الملزمه امسكي كل يوم 4 او 3 محاضرات عشان تفهميه تمام
وتقدري ترتاحي لوقت وذاكري ماده تانيه


انا مسويه كذا والحمدلله ماسكه الملزمه واصله لـ 7 بكره امسك كمان 3 وزي كذا

عندك مجلس المذاكره + شروحات شجوون تساعدك تفهمي اكثر


موفقه

[نكهة القهوة*]

انا توني بدأت فيها ومشكلتها تحتاج وقت
يعني اذا تابعنا مع الدكتور كل محاضره ساعه متى نخلص ونراجع ونطبق!!
عموما نتوكل على الله وربي يسهلها للجميع

[﹎ нαįαя ♪]

الله يسهلها


عندي سؤالين ماني فاهمها

ليت احد يشرح اكون له شاكر

1_ طريقه معرفة الصفه التي ينتج عنها جدول

2-عدد الجداول الناتجه

-

عشان تعرف الصفة اللي ينتج عنها جدول
هي (الدائره المزدوجة) خطين مع بعض يعني وتسمى صفه متعدده

عدد الجداول

تروح للرسمة وتعد معي هالاشياء

- الكيانات القوية (الأشكال المستطيلة)

2- الكيانات الضعيفة (الأشكال المستطيلة اللي إطارها مزدوج)

3- الصفة المتعددة (شكل بيضاوي مزدوج الإطار)

4- علاقة كثير إلى كثير (علاقة على طرفيها مكتوب ك ك)

5- الكيانات الفرعية من العلاقة isa (علاقة isa شكل معين داخله مكتوب isa، وهي علاقة فرع بأصل)

والعدد اللي طلع معك هو عدد الجداول

موفق

[خلود الخالدي]

اناا تابعت كم محاضره مع الدكتور مليت شرحو مره طويل ويعيد كتير
كملت الباقي من الملزمه مع اسئله الاعوام السابقه وبس .. والله يسهل