جايب العيد تكفووووون افيدوني الله يسعدكم

[الحبابي818]

سلام
بأختصار انا بس باقي علي مادتين ومنها مشروع التخرج وعلى بالي انها ماده وكالعاده قبل الاختبارات أحل الواجبات والمناقشات وافتح المحاضرات وأنزل ملخص واروح اختبر
فتحت المنتدى توني وهنا كان العيد
لقيت الموضوع بحث
ولازم اراسل الدكتور علشان يوافق
وكلام كثير مافهمته
الزبده انا عارف حجم العيد
والسوأل .......بيمديني؟؟؟؟
يعني راح أقدر؟؟؟؟؟
باقي فيه مجال أو فيه حل؟؟؟؟
ألف سوأل طبخت راسي مو لاقي اجابه :Cry111:
الله يسعدكم شايل هم وصعب أضيف ترم علشان بحث اللي عنده أي اجابه يفزع ويفيدني لاهنتوا

[الحبابي818]

شكلي بسوي نفسي ميت
13 مشاهده ومافيه ولا رد ؟؟؟

[فستق وكاجو]

من ناحية جايب العيد فأنت جايب العيد الا شي بسيط ان شاء الله يمديك في يومين تسوي البحث والاستبيان وبنفس الشروط اللي قالوها وبسرعه ارسلها لأنه باقي بس 4 ايام ويقفلون الايقونه

[فستق وكاجو]

افتح ايقونة مشروع التخرج وشوف اسم الدكتور اللي ترسل له المشروع
وبس ابدأ اكتب بحث لا يزيد عن 40 ورقه ولا يقل عن 20 ورقة ويكون بحث اجتماعي وبصيغة الوورد

وموفق يارب

[ELisSa]

الموضوع سهـل إن شاء الله
باقيلك ابتداءً من اليوم 5 أيـام
أعمل لك خطه و راح يخلص كل شي ،
وتأكد من اسم الدكتور المشرف ع بحثك ،
أول شـي حدد موضوع مشكله اجتماعية مثال : " الطفل الخجول ، الطلاق ، التفحيط ، المراهقة ... ألخ "
اعمل استبيان إلكتروني بإستخدام موقع google forms (https://www.google.com/forms/about/?utm_source=product&utm_medium=forms_logo&utm_campaign=forms) أو استبيان (www.estebyans.com)شارك الرابط بالمنتدى لأجل يشارك الجميع فيه و
تاخذ الاحصائيات وتستخدمها بالبحث ،
أطلع ع هـذا (http://www.ckfu.org/vb/t648370.html) الموضوع العام للماده و أستخدم مافيه لعمل البحث
وترفعه من ايقونة ابحاث الموجوده بالخدمات الطلابية ،
اي استفسار اخر ؟

[أسماء عبدالعزيز]

يمديك بالراحة بإذن الله اليوم التاريخ 7/7 في تاريخ 16/7 يقفل رفع البحوث ، هذا اخر ما سمعته من مصدر موثوق ،،
ابدا بسرعة وتوكل علی الله ،
اهم نقطة يكون موضوعك اجتماعي والشغلة الثانية إذا جيت تكتب البحث لا تنسخ من النت ولا من كتاب ولا حتی تنسخ وتغير في الكلام ، لكن اقرأ الموضوع اللي بالنت ثم اكتبه بأسلوبك لو ما تستخرج منه الا شيء بسيط وباسلوبك ، وتضيف عليه باسلوبك من هنا وهنا لين تكمل من 20 إلی 40 صفحة بدون الغلاف والاهداء وهالامور ،،
ان شاء الله سهالات بس نتوكل علی الله

وفيه موضوع بالقسم مثبت فوق باسم مشروع التخرج
راح يفيدك أكثر بتلقی فيه نماذج انصحك بنموذج الأخت سنديان بسيط وواضح ..
وبالتوفيق

[ضحكه خجوله]

الله يسررررررهاااااااااا لك ويوفقك مع هالفجريه
يمديك ان شالله

[الحبابي818]

الله يجعل أيامكم سنين ولا خلا ولا عدم
انا الان قريت إن فيه ناس يراسلون الدكتور بخصوص موضوع البحث يعني الحين لازم الدكتور هو اللي يختار موضوع البحث؟؟
ماعندي مشكله بس مافيه وقت أرسل الموضوع وعلى بال مايرد
وأخاف اكتب بحث واتعب واسوي كل المطلوب ويطلع لازم هو يختار

[الحبابي818]

والمشرف تامر عبدالغني

[ELisSa]

بالنظر لضيق الوقت الحالي فـ لا مو لازم تراسلة ،
اطلع ع بحوث اشخاص اخرين حتى تستفيد من طريقة اعدادهم .

[أسماء عبدالعزيز]

لا تراسله مايمديك بس اختار موضوعك بعناية ويكون اجتمااعي

[الحبابي818]

الله يسعدكم وربي ماقصرتوا
الله يطمن قلوبكم

[hanadi2288]

الله يعينك ويسهل امرك

[Monalizza]

الله ييسر امرك

[ابو جنااا]

هي ياشنب وريني كيف

http://www.up-00.com/?XoiY

خذ حمل الملف وعبيه وارفعه وخلي صفحاتك 25
خمس الصفحات
عنوان ومقدمه و فهرس واهداء

الباقي عبيه انت بنفسك كتابه


الخط للعناوين 18 و للمحتوي 16

وحط استبيان 10 -15 سؤال


ودي ازعلك بس ...

ياخي باقي مادتين اش تبي اكثر

يارجل الشباب ماقصرو معك اضغط على نفسك 12 ساعه وارفع البحث

ان اصبت فمن الله و ان ما توفقت فلك شرف المحاوله




موفق خير

[عالم من الحياة]

يمديك بالراحة بإذن الله اليوم التاريخ 7/7 في تاريخ 16/7 يقفل رفع البحوث ، هذا اخر ما سمعته من مصدر موثوق ،،
ابدا بسرعة وتوكل علی الله ،
اهم نقطة يكون موضوعك اجتماعي والشغلة الثانية إذا جيت تكتب البحث لا تنسخ من النت ولا من كتاب ولا حتی تنسخ وتغير في الكلام ، لكن اقرأ الموضوع اللي بالنت ثم اكتبه بأسلوبك لو ما تستخرج منه الا شيء بسيط وباسلوبك ، وتضيف عليه باسلوبك من هنا وهنا لين تكمل من 20 إلی 40 صفحة بدون الغلاف والاهداء وهالامور ،،
ان شاء الله سهالات بس نتوكل علی الله

وفيه موضوع بالقسم مثبت فوق باسم مشروع التخرج
راح يفيدك أكثر بتلقی فيه نماذج انصحك بنموذج الأخت سنديان بسيط وواضح ..
وبالتوفيق

اسماء لو سمحتي شنو قصدك باالي باللون الاحمر؟؟؟؟

[أسماء عبدالعزيز]

اسماء لو سمحتي شنو قصدك باالي باللون الاحمر؟؟؟؟

أقصد ياحبيبتي ماتاخذين الموضوع جاهز من النت وتغيرين فيه أشياء بسيطة ,, حتى كذا ممكن برنامجهم يكشفه من خلال عبارات متكررة وكذا ,,

فأفضل طريقة اللي قالها الدكتور انك تقريئين الجزئية اللي عاجبتك وتعيدين تكتبينها بأسلوبك ,

[فنوُ *]

يمدك خذلك بحث اجتماعي وغير بصيغة كل البحث وباذن الله ناجح بس كله تغير بثيغة الجمل والبحث عن بدائل او نقص او زيادة

[همسة الصمت]

الله يسعدكم وربي ماقصرتوا
الله يطمن قلوبكم

ابوجنا قال كل شي اوك بس التعليمات حقت الخطوط خطاء الخط فقط 16 في كل شي بس حط العنوان 16 وخله بولد اذا تبيه يفرق وغير لونه ونوع الخط لا تنسى لااااازم عربي تردشنل - وصيغة البحث ورد

[الحبابي818]

ابوجنا لاهنت الله يسعدك
فنو سلمت ويسلم غاليك
هنادي ومونوليزا وياكم وتبلغون المراد في الدنيا والاخره والجميع بدون استثناء

[الحبابي818]

لحظه وين ألقاه ذا التردشنل؟؟
انا الحين نزلت نماذج الكل مو مقصر في المنتدى واخترت موضوع وراح ابتدي بس التردشنل الآن هو اللي وقف في طريق نجاحي:d
سامحوني وربي ماتعديت الإبل والمعدات ولو سمعت بالتردشنل من غيركم لأتوقع إنها تطعيمه

[همسة الصمت]

لحظه وين ألقاه ذا التردشنل؟؟
انا الحين نزلت نماذج الكل مو مقصر في المنتدى واخترت موضوع وراح ابتدي بس التردشنل الآن هو اللي وقف في طريق نجاحي:d
سامحوني وربي ماتعديت الإبل والمعدات ولو سمعت بالتردشنل من غيركم لأتوقع إنها تطعيمه

هههههههههه في نمط الخطوط فوق ماعليه يارجال انت الحين اخلص من البحث وثرى انا كلمت ناس بلجامعه وعلى كلامه ان شاءالله بيمددون رفع المشاريع والمشاركان ان شاءالله لين اول يوم في الاختبارات ونوع الخط هذا بتلقاه في نمط الخطوط وذا مالقيته كمل بحثك وده اي مكتبه وهو بنسقه لك

[الحبابي818]

نمط خط ؟؟؟؟
بديت أحس إني من الفئات الخاصه
عسى الله يجبر بخواطركم