اجتماع بنات كلية الغد بالدمام

[فرواله بالعسل]

يللا اي وحده عندها سؤال او اي شي
وكمان عشان نتعرف ع بعض

مين داومت اليوم ؟؟

[براءة]

داومنا لنا اسبوع :g4:

وانا بعدني ادور سواق ياليت تسدحوا لي ارقام سواقينكم يمكن يتكرمون ياخذوني :(

لحد الحين كلمت 4 تخيلوا كلهم قالوا بعيد

بنات مافيه احد من ام الحمام والديرات اللي حوالينها زي الجارودية الحلة القديح ؟ سنابس الجش ؟

[أبكتني جروحي]

هلاااا
كيفكم بنااات
حبيت نتعرف على بعض
انااا مسجلة بكلية الغد والحمدلله قبلوني وانشاء الله من السبت راح اداوم
وانتو؟

[سجود الروح]

واني بعد كمان قبلوني بالكلية تخصص مختبرات يوم السبت بداوم انشاءالله

بس متى نبدأ
ادراسة السبت والا متى ؟؟؟

[غنج بنوته]

احس انه يوم السبت رح نجلس فاضيين مافي دراسه بس مدري هل رح نبدا ندرس من يوم الاحد او متى هل كل بنت تسوي جدولها او كل تخصص له جدول واحد

[تاج حيدر]

خبروني ..إلي مقدمين عالمنح ناويين يروحوا يوم السيت ؟
بالنسبة للسواق كان في واحد مستعد يوصل إلي في القطيف للكلية ماادري شو اسمه >>> حط له موضوع هنا
إذا احد سجل معاه يخبرنا إذا في مجال نصير معاهم

[lahfa]

انا تبع المنح للحين ماطلعت النتائج

الله يوفقنا

[اذكروا الله]

سلآم الله عليكم ,,,,

كيف حالكم بنوتآآآت ... ؟؟؟

بسألكم بنات بكرا الجمعة الكلية فاتحة ؟؟؟

لان الرسوم لسا مادفعتها

ابوي راح الثلاثاء عشان يدفع وقالوا له لازم كاش

وكان بيروح امس بس مسكرين عشان العيد الوطني

واليوم راح مو فاتحين ,,,,

مالي الا يوم الجمعة او السبت

[غسق بنت امها]

وانا مسجله ع المنح
بس الا عرفه ان النتائج تطلع هذا الاسبوع
ومراح يكون دوام هذا الاسبوع
عشان نتايج المنح
مدري بس هذا الاسمعته

[ツAиa..B]

السلام عليكم ورحمة الله وبركاته

كيف حالكم بنات ..

بنوتات الي مسجلين جدد .. مراح يعطونكم شي ... وراح تطلعون 11 .. مثل ما صار لنا ..

ودوام ويوم جامعة .. ما عمري سمعة فيه .. روحي السبت وادفعي الرسوم ..

وحياكم الله بـ كليتنا ..

[raween]

لايدااومو يوم الجمعة

[reem ahmed]

هلا هلا انا بداوم السبت ^_^

[فاطمه يوسف]

انابعد بداوم بكره ...
وان شاء الله خير

بس نبي نشوف سواق مع بعض يعني اللي تبي سواق تقول لان السواق اللي كلمته باقي 2 ونخلص

[تاج حيدر]

اوه فطوم ..حطوني معاكم احتياط >>>> فريق كرة قدم صار ^_^

[سكاكر]

الله يوفقنا اجمعين

علمونا شنو يصير معاكم

[فاطمه يوسف]

خلاص اوتيه يالغلا....

[تاج حيدر]

فطوم بسألك انتوا كم وحده بالباص وكم الرسوم للشهر
وعلى فكرة اعرف ناس كثير ممكن تحتاج سواق لكلية الغد يعني هو عادي عنده يسوي دفعتين

[reem ahmed]

فطوم انتي بيجيبك من القطيف ولا من هني ..؟

[غنج بنوته]

بنات مين بيروح مع سواق من الخبر ياليت يخبرني

[lahfa]

فطووووووووم انا من سيهات ممكن تسجلوني معاكم اذا فيه مجال
وياريت تراسليني على الخاص علشان تعطيني رقمه واوصف له بيتنا
بس مادري انا مسجلة على المنح فما ادري متى تطلع النتائج ؟؟؟؟؟؟؟؟؟؟
وادعوا لي بالقبول ان شاءءءءءءءءءءء الله

[secret55]

^
^
انا اقول لو تفتحي لكـ جامعه ولا كليه لوحدك :(204):

[Bronita]

الناس وصلوا للقمر والناس موب راضيه تتحضر ..
وانا رايي من راي secret55 :(204):

[تاج حيدر]

هههههههههههههه
اللخ يخلف بسـ

[ترآنيم الامل]

استغفر الله هالتفكير المتدني للحين !!!!

الله يخلللللللللف

[secret55]

O_o
×_×
يع ـني مش عآارفه كيف لسى في تفكير طائفيّ

[صرخـآت الرحيــل]

بنات انا من الجـآرووديه احد قريب من منطقتـي احتاج سوواقـ ..

[تاج حيدر]

لحظة لحظة ...لاتغلطين ...اول شي هذا من حقنا وللمعلومية القطيف كثير يعني آكيد راح تشوفينا في كل مكان
وغير كذا هذا يدل على آهتمامنا بالمستوى الثقافي ..ولا آنا غلطانة

[ghadeer ali]

صلــو على محمد يا بنات

أنا بعد من القطيف وشفت سواق وقال لي أقل شي خمس
وأحنا أحتمال نكون ثنيتن أو ثلاث

بنات الي داومو السبت كيف كان الوضع ؟

[تاج حيدر]

حركات ..غدير إذا كانوا خمس كم الرسوم للشهر

[ghadeer ali]

والله ماأدري بكم بالضبط بس من منطقة لمنطقة يختلف
لأن اللعام الصيف كان يودينى مشوار الدمام بعد
ويعني أحنا الي من القطيف سعرنا يختلف عن بنات تاروت وختلف عن بنات تركيا
فيعنــي

[معشوقة زوجها]

بنااات اني من القطيف واستنى المنح يارب كلنا مقبولين وابغي كمان سواق ؟؟

واذا على التفكير الله يخلف بس

(( وإذا خاطبهم الجاهلون قالوا سلاما ))

[فاطمه يوسف]

تاج حيدر اتوقع يالغلا 400 بس مو متأكده..
لهفه.. اييه انا من سيهات بس السواق قال لو المجموعه كبيره عادي بيأخذ من القطيف

فياليت اللي بتروح تراسلني على الخاص