استفسار عن اللي فاته الاختبار

[اطرحه]

السلام عليكم

لظروفي الخاصه ماقدرت احضر اليوم
وعندي عذر .. لكن لما دخلت ايقونه الاعتذار لقيت كلام مافهمته محتواه ان حتى ومعك عذر راح تنعاد الماده الترم الجاي

طيب وش فايده العذر اذا ماقدرت اعيد الاختبار بنفس الترم علما اني بتخرج ان شاءالله هالترم يعني بفتح ترم زياده بسبب هالماده فياليت اللي مرت عليه هالقضيه من قبل يفيدنا .. هل ينعاد الاختبار بعد قبول العذر بنفس الترم او تضاف الماده للترم الجاي ؟

[قـورجـس ♛]

ب اختصار عزيزتي
الاختبار بيكون السنه الجاي او ممكن تنزل في الصيفي

[Fahod31]

قدم عذرك .. وماتدفع رسوم الماده .. وماتدخل بالمعدل نتيجة ذا الترم
وتنزل لك دايركت الترم الجاي
في فترة تنزيل المواد .. مثلاً لو بتنزل 18 ساعه .. لازم تحسب حساب الماده اللي بتنزل دايركت .. يعني نزل 15 .. وهم ينزلون الماده اللي حملتها
اما بدون عذر فتعتبر راسب بالماده .. وتدخل بالمعدل وتنزلها انت الترم الجاي
اتمنى اني افدتك

[اطرحه]

طيب واذا ماجبت عذر؟ كيف الاجراء وكيف تكون الماده بالسجل الاكاديمي

وهل العذر معناة فقط ان الرسوم مغطاة ؟ ولا حتى بعد الرسوم ندفعها

[اطرحه]

شكرا فهود عالتوضيح الان فهمت .. لكن هل فيه صيفي هالسنه او لا ؟

[لولي<_>]

اذا ماجبت عذر تصير راسب وتنزل لك في المعدل وتنزلها الترم الجاي وتدفع رسوم مره ثانيه

[الوردة الخجولة]

فيه صيفي باذن الله

والاختبارات بعد العيد

[ناصر بن خلوفه]

الله يعينك؟؟؟
مامعك إلا الترم الجاي ومن المستحيل بهالجامعة يعيدون لك الإختبار بالهترم مهما كان عذرك

[لولي<_>]

الي اعرفه انو فيه صيفي

[Reemy80]

ان شاء الله تاخذينها صيفي

قدمي عذرك واذا قبلوه راح تنحط انك راسبه مؤقتا بالماده وبعد ماتاخذينها وتنجحين ان شاء الله تتغير

انا كذا حصل معي