بسبب غلطة، ما حليت واجبات و لا محاظرات ولا مناقشات،، راحت الـ ٣٠ درجة؟

[DKNY]

السلام عليكم
حسب معلوماتي ان حل الواجبات و المحاظرات فيها مجال حتى اول يوم من الاختبارات
انا كنت كل في فصل دراسي اسويها قبل الامتحانات بيوم او يومين او ثلاثة
علما اني اراجع على المحاظرات في اليوتيوب من اول الفصل
اللي حصل ان اول امتحان لي راح يكون يوم السبت القادم، قلت احل الواجبات الخميس
لكن المفاجأة ان الامتحانات كانت قد بدت فعلا منذ يوم الاربعاء!!! و تم ايقاف حل الواجبات و المحاظرات من البلاك بورد!!!
اتصلت اليوم على الرقم المجاني حق الجامعة،، رد علي واحد و قالي خلاص راحت عليك!!
قلت له بدون الـ ٣٠ درجة حقت اعمال السنة مستحيل انجح!
قالي اجل لا تدخل الاختبارات، و دبر لك عذر عشان تقدر تسوي غياب بعذر عن الاختبارات!!
===
وش رأيكم؟؟ امشي على كلامه؟ و الا فيه محاولة؟؟ انا مستعد امشي الحين للحساء و أتوسد باب الجامعة اذا فيه امل،،
و الا خلاص؟؟ طار علي الترم؟؟!!

[ولد عبدالعزيز]

الله يوفقنا وياك ان شاء الله
اقترح عليك اولاً راسل الفريدان بتويتر ولا الشعيبي واستفسر منهم واتوقع بيقولون لك نفس ماقالك خلاص راحت عليك
بس دبر لك عذر وقدمه مسئلة تخش الاختبار هذي شلها من راسك

[فوق السحايب]

من رأيي صل إستخارة يمكن يحنوا عليك و يدوك فرصه

[ابتسام 2012]

السلام عليكم ورحمة الله وبركاته
اولا صلي استخارة بعدها اذا فعلا راحت الدرجات اجل ايش فايدة دخول الاختبار لان علامة النجاح غلى الورقة 70 اذا تقدر تجيب 60 في كل مادة اتكل على الله اما اذا المذاكرة نص ونص اجل اختباراتك

[سعودالشهراني]

الله يعينك هذا اولا ً ثانيا عليك تدبر عذر وتحاول ماتكرر هالشي مره ثانيه وانا اخوك واسئل الله ان يجعل لك في الأمر خير

[ifofah]

بأعطيك النصيحة هذي مع إني أحس إنك ما بتأخذ بها
أدخل و حل إللي عليك و حمل المحاضرات جميعها
و حضّر بالإختبار
و إن شاء ربي حسبت الدرجات بتحسب لك
و إن شاء ربي ما تحسب ما حسبت لك


و أنا أقولك هالنصيحة لأن مر علي موقف مشابه الترم إللي راح
كم محاضرة ما حملتهم لكل المواد بسبب خطأ برضه
و تداركت الموضوع قبل نهاية الاختبارات
و حملتهم
كنت متوقعه درجاتي بتنقص
و لله الحمد كانت كاملة


بالنسبة لي ما أنصحك أبداً إنك تترك الإختبار و تقدم عذر

[DKNY]

انا لله و انا اليه راجعون
الله يخلف علي بالوقت و الجهد و الفلوس اللي راحت
===
طيب نشوف موضوع العذر
الموظف اللي رد علي بالرقم المجاني قالي دبر عذر من جهة عملك و تكون مختومة
طيب متى اقدم العذر؟؟ و كيف؟
و الحمد لله على كل حال

[DKNY]

يا اخت ifofah
بدون اعمال السنة مستحيل انجح
و اذا سقطت بدرجات سيئة راح يتدمر المعدل

[هولمز]

وسع صدرك ...

والخيرة فيما يختاره الله

[ifofah]

يا اخت ifofah
بدون اعمال السنة مستحيل انجح
و اذا سقطت بدرجات سيئة راح يتدمر المعدل


القرار راجع لك

بس الموقف إللي صار معي أكد لي أن الجامعة لا تدقق في تاريخ حلك للواجبات و المناقشات و تحميلك للمحاضرات قد ما تدقق في تحميلك لها أو لأ

ع كل حال بالنسبة لك تعتبر مغامرة إنك تعمل إللي قلت أنا عليه

[زمرد :$]

لعل في الامر خيره

الله يييسر لك امرك اخي الكريم

[الخطر القادم]

راس مالها ماده وحده إنسفها على ظهرك الترم الجاي

و إجتهد فالمواد اللي عقبها

[فوق السحايب]

لا تضيع ع نفسك و حاااااول و حاااااااول و حااااااااول منت خسران شي
يمكن الدكاتره الممتازين و المتعاونين يتغيروا زي دكتور المعرفه و القانون
فصل و ادعي ربك والله يارب يكون بعونك

[فوق السحايب]

قصدي حاااااول تتمسكن عندهم و تقنعهم

[الاسم ابوناصر]

مستويه معك ادخل الاختبارات

وزي ما تجي تجي

[عبآدي الشوووق]

الله يعينك يعني عندك سمستر كامل ما حليت شلون قدرت تتحمل كذا
المهم دبر لك عذر افضل حل ولا تخاطر بشي مو مضمون لا يطيح المعدل

[هدوء آنثى♪]

انا لله و انا اليه راجعون
الله يخلف علي بالوقت و الجهد و الفلوس اللي راحت
===
طيب نشوف موضوع العذر
الموظف اللي رد علي بالرقم المجاني قالي دبر عذر من جهة عملك و تكون مختومة
طيب متى اقدم العذر؟؟ و كيف؟
و الحمد لله على كل حال

ايقونه لاعذار تفتح بعد الاختبارات
قدم عذر راح تختبر السمستر الجاي بدون ماتدفع رسوم اذا قبلو العذر

[الحرف السامي]

:الافضل ابحث عن عذر ولاتحاول تختبر راح يتدمر المعدل

[ابوماجد4]

يالغالي دبر لك عذر وعسى الامور فيها خيره

[reema*]

الله يسهل أمورك
شف لك عذر ولاتجازف بشيء مو مضمون ..

[DKNY]

الله يعينك يعني عندك سمستر كامل ما حليت شلون قدرت تتحمل كذا
المهم دبر لك عذر افضل حل ولا تخاطر بشي مو مضمون لا يطيح المعدل

يا عزيزي انا بالمستوى السادس
كل المستويات الماضية بنفس الطريقة
اذاكر من اليوتيوب والمنتدى،،، و اخر يومين ثلاثة قبل الامتحانات اخلص اعمال السنة
لكن هالفصل تبداء اختباراتي بعد بداية الاختبارات بخمس ايام
و هذا اللي لخبط الدنيا عندي

[DKNY]

عموما مشكورين جميعا
راح اطلب خطاب مختوم من الشركة اللي اشتغل فيها
لكن وش يكون النص؟ و ايش نوع الاعذار المقبولة؟
اخاف احط عذر و ما يقبلونه!!

[راعي الهدباء]

ادخل الأيقونة واحذف الترم بضغطة زر والمستوى الياي حاول تضبط امورك

[الغلا روحي]

ادخل اي مستشفى حكومي وعطهم زبدة القصه وحاول معهم يعطونك عذر طبي انك منوم طول فترة الاختبار لان هذا العذر قوي وسيتم قبوله


او ان الشركه مكلفتك بدورات اجباريه بالشركه
او عدم وجود من يغطي مكانك خلال فترة الاختبار


اختار اللي يعجبك ودعواتكم لنا بالفل مارك

[salehzoom1978]

اذا انت مؤظف شركه الحل سهل
خطاب من شركتك انك كنت في دوره في اي دوله في العالم
من تاريخ 1 مايوا حتى 20 مايوا
وقدمه على النظام بعد الاختبارات اذا فتحت الايقونه حقت الاعذار

[عناد21]

خيره لك ..
قدم عذر ولا تغامر الموضوع ماهو سهل
هذا درس لك شد حيلك بالسمستر الجاي
الله يوفقنا وياك ويسسر لنا امورنا .

[أميرة أميرها]

عادي غيب في يوم الاختبار وروح اقرب مركز صحي في نفس اليوم ع انك تعبان وراح يعطنك عذر ...سويتها الترم الي فات

[صدى المحبه]

جعل في الامر خيره هذا احسن شي تقوله ماتدري يمكن احسن لك انا من رايي لاتختبر وبعد الاختبارات تفتح ايقونة الاعذار قدم عذرك من اي مستشفى شرط حكومي

[الجنوووبي 505]

توكل على الله فهو حسبنا ونعم الوكيل
رايي لك ذاكر وادخل الاختبار اسأل الله لي لك التوفيق

[~ شمآلي ~]

فعلاً .. اذا بتضمن تجيب عالورقة 60 من 70 توكل ع ربك وخش الاختبار ..

اذا لا .. زي ماسويت الترم الماضي ..
نفس يوم الاختبار رح مركز صحي حتى لو خاص !
ويعطيك عذر طبي تقدمه لهم بعد الاختبارات ..

وللعلم الاختبارات بدت الثلاثاء مو الاربعاء .. :biggrin:

الله يعينك ويوفقك ويوفقنا جميعاً ..

[وتيني]

جيب عذر و لاتقدم اختبار ... اعمال السنه لها دور كبير ف النجاح بمعدل كويس

[Velvet Eyes]

جيب عذر اخوي والله يعوض عليك في تعبك

لانك في احسن الاحوال لو جبت الدرجة الكاملة في الاختبار 70 بتنجح ع الحفة <<< ومستحيل طبعا

مصيبة الاعادة اهون من مصيبة المعدل النازل+احتمال حمل مواد بعد



بالتوفيق ان شاء الله ولعلها خيرة :2:

[السمبلكس 2014]

دبر عمرك بالعذر احسن واحرص بالمرات القادمة صعبة تدخل بدون اعمال سنة مع اعمال السنة ويالة ننجح

[الفيصل9]

السلام عليكم

عزيزي اذا كانت مادة وحدة شد حيلك واختبرها ولو حملتها ماتأثر على المعدل

اما اذا كانت جميع مواد الترم احذف الترم كامل اذا فيه امكانية لان معدلك راح ينزل بشكل كبير حتى لو نجحت بالمواد كلها

وفي الاول والاخير القرار لك
وموق خير والله يعوضك

[saudi-com]

اذا انت متمكن من المواد بشكل كبير توكل على الله و ادخل الاختبار بس بأحسن الظروف راح تنجح بين مقبول و مقبول مرتفع يعني معدلك بيتضرر ..

انا لو مكانك احاول اخاطب الجامعه يعطوني مهله لحل الواجبات او يعطونك درجتها كلمهم قل وش الحلول .!

اذا ما وافقوا ما راح ادخل الاختبارات و راح اجيب عذر من تحت الارض و اعيد الترم ..

لأن المعدل اللي راح تتخرج فيه راح يبقى معاك طول العمر . اما هذا الترم اعتبرة درس لك .

الله يوفقنا و اياك

[maaram66]

اول شي مقدر ومكتوب بعدين ماينفع العتب بسس اخذها درس انه تخلص الشي قبل نفاذ الوقت يعني اذ قالوا باقي على الاختبار بعد اسبوعين مفروض مخلص لانه احياانا يعلق النظم او يصير نفس مشكلتك لاكن قدر الله ومشاء فعل والله يعوضك ترى يفتحون النظام مع الاختبار او بعد الاختبارات يعطوون فرصه كلمم الفريدان وتواصل معه وادعي ربك بااخر ساعه من يوم الجمعه عسى ربي يوفقك ويحالفك الحظ وتتوفق هالترم ويمكن خيره قراءه ايه البقرة وصلي على النبي وعليكم بالدعاء لي وللمومنين وصل الله عليه وسلم .

[maaram66]

انا قدر مرره قفل النظام وانا مغيره المنطقه الي فيهاا وكنت بالرياض وابي القصيمم والله على اخرر لحظه فتحووه غيرته صددددق لو ربي كاتب لك شي بيصيرر وانا كلمت كل ربع الجامعه من مسووله من فراش من له علاقه ومن ماله علاقه حتى الفريدان وربي فرجهاا علي الله يفرج لك وكل مومن ويوفقناا ...

[maaram66]

توكل على الله ونصيحه انت خسران خسران فلوس على الاقل تنجح بمادتين ثلاث اسن من ولا شي احسن من يضيع الوقت وترم عليك على الاقل تقل موادك شوي مااادري لوووووووووووووووول احسن مرره تحمست معك والله شلت همك لاكن من راي تدخل الاختبار .

[الغالي النفيس]

الله يعوض عليك ياخوي ، أشوف تدبر عذر حتى لو أنه الجامعه سمحت لك بحل الواجبات والمناقشات وتحميل المحاضرات ، بيكون وقتك ضيق وبتعيش بصراع مع الوقت بين المذاكرة والتحميل
أرى بتأجيلها وطرق تقديم العذر فعلا ما أقدر أفيدك فيها

[ريومي الشهراني]

انا صاير معاي شي مشابه لكذا في اغلب المواد حسبي الله ونعم الوكيل والله احل ويجي عندي اكسات في الخارطه ولما كلمتهم قالو ان شالله انها تحسب لك والله عدت المناقشات والواجبات والمحاضرات يمكن 4 مرات :(

[طالب ثقافة]

الله يعينك يارب ..
دورلك عذر وتأكد انهم يقبلونه

[H R]

لا تدخل الاختبارات و جيب عذر , سالفه تدخل تختبر من 70 يعني قاعد تلعب على ال c في احسن الاحوال يعني تنقص درجة تروح d و المعدل يروح ....

[اداريه بعملي]

حرام والله لا تجازف اخوي جيب لك عذر احسن ترى المجازفه والله خطره بهالحاله والله يوفقك مره ثانيه انتبه وترى الامتحانات باديه من الثلاثاء*

[saif88]

اسمع نصيحتي لا تختبر وجيب عذر طبي وخيرها بغيرها

[عيسى الفضلي]

سسسسسسسسسسسسسسسسسسسكلفها

[Z!zi]

ما انصحك تغامر ابدا لان ما تضمن الأسئله ومدى صحة اجاباتك في الأختبار

قدم عذر طبي انك منووم في المستشفى الله يعديك شر هالكذبه

افضل من تقرير العمل لان الجامعه تقبل الأعذار الطبيه اكثر شي

والله يعوض عليك تعيد المستوى وفلوسك ضامنها احسن من دخولك الأختبار وشختك بختك


الله يسهلها عليك ..

[ميمي خليفه]

الله يعينك ويسر امرك

المرات الجايه حاول تحل وتخلص اول باول

[عبدالله سعيد01]

ما اقول الا ربي يسهل امرك ..

[هنووويي]

الله ييسر امورك

[_ياسمين_]

لعله خير

ربي راد عنك شر

تعوضها بالترم القادم ان شاء الله

[Ahmedad1]

حالتك صعبة ياصاحبي ،، يوم شفت مصيبتك هانت مصيبتي انا ماحليت المناقشات وكنت زعلان
بالتوفيق

[ياسينو]

موضوعي نفس موضوعك بس انا ناقصه عليه فقط المناقشات الواجبات والمحاضرات كنت مخلصها

[hgmm]

دبر لك عذر صحي مختوم من مستشفى او من جهت وظيفتك تمنع دخولك الاختبار وقدمها لما تفتح ايقونة تقديم الاعذار بعد الاختبار بكم يوم واذا قبلوا العذر راح تنزلك المقررات الي ما اختبرتها بدون ما تدفع الرسوم مرة ثانيه