كل الي خايف من قواعد البيانات تعالوا

[العلم ماله حدود]

السلام عليكم ورحمة الله


اخواني واخواتي

المادة مهي صعبة لكن تحتاج تركيز و رواقة

حرام الحال هذا الي مسوينه في نفسكم والله مو في صالحكم

طول ما الواحد يقول لنفسه صعبه وليش ندرسها ومي تخصصنا

والله ماحتفهما لو جلست شهر تدرسها

لان هذي الكلمات تترسخ في عقلك الباطن وماتخرج منه الا بالكلمات الي عكسها

تجي تفتح الملزمة او اي شرح وانت في راسك انها صعبه مستحيل توصلك المعلومة



سواء صعبة ولا معقدة ولا زي مايحلو لك

هو مقرر الزامي علينا مافي منه مفر


قوم تعوذ من الشيطان وصلي ركعتين

واقرأ صفحتين من القران

سوي لك مشروب دافي

واجلس برواقة وافتح الملزمة

وحط في بالك انك في تحدي كانها لعبة تلعبها او برنامج جديد من برامج اللاب ولا الجوال

عليك تفك رموزه و لازم تعرف تستخدمه

حط في بالك الي نجحوا فيها اذكياء وانت غبي / لا طبعا

حط في بالك الي نجحوا فيها كلهم حبوها / لا طبعا

لاتقول بس انجح على الحفة قول ابي درجة حلوة و a+ بعد

لاتقول اوف وقول حان الوقت للتحدي ومافي شي مستحيل

حاول وحاول تفهم ولو مافهمت اكتب في ورقة و امشي للنقطة الي بعدها

لاتوقف واختم محاضرتين ثلاثة وبعدين ارجع للنقاط الي مافهمتها

لاتحسبوني فاهمتها 100% لكني حاولت فك رموزها وقاربت على الانتهاء بالتحدي والاصرار ولله الحمد

والاخوان ماقصروا في الشرح وما اكثر المواضيع والملفات اختار مايحلوا لك وتوكل على الله

بعزيمة وتفاؤل


واهم شي لا تدخل الامتحان وانت قلقان ولا مجهد لازم تكون ريلاكس على الاخير

كتبته على عجالة

نصيحة من القلب اوجهها لنفسي اولا ولكم ثانياً

تذكرت موضوع كتبته زمان من القلب للقلب الي :sm1: يمر عليه

وبإذن الله بكره نكون مبسوطين :(204):

وتفائلوا بالخير تجدوه

[ملامح بارده]

تسلممي حبيبتي..
*
والله تحمست من كلاممك>>تعدل جلستها:cheese:

[وزير السلطان]

عليكم السلام ورحمة الله وبركاته::
كلام جميل...بارك الله فيك...بديت بالماده تقريبا الساعه 10مساء..وتوي الحمدلله ختمتها..
الماده ماأخفيكم كنت نوعا ما متخوف منها...وخص نص بعد قرأتي لها بالمنتدى..بس بعد قرأتي لها..
لاحظت أنها تبي تركيز وخصوصا بالرموز..وصدقوني أعتقد أقل واحد فينا ذكاء..بيجاوب بس يركز بالأختيارات..
والحمدلله هي في الغالب تتكلم عن برامج الأوفيس الأكسس والأغلبيه تلاعب مع هالبرنامج..وفهم عليه..
فالماده سهله...سهله...سهله..وفقكم ربي جميعاً وعقبال مانشوف أنطباعاتكم عن إختبار بكره..وخص نص اللي
يختبرون بمدارس دار العلوم..مايقصد أحد...ههههه

[ابو غلاا]

يسلمووووووالف شكر وانشالله نعديها

[moon2014]

الله يسهل ويجزاك خير

[نكهة القهوة*]

انا مو شايله همها كثر سياسات الرعاية الاجتماعيه :24_asmilies-com:

[manool79]

الله يعطيك العافيه اختي كلامك يريح
الله يجزاك الجنه ووالديك
وان شاء الله ربي بيسهلها
مع اني جدا مرعوبه بس
نسوي اللي علينا ونحاول ونتوكل على الله
ان الله ﻻيضيع اجر من احسن عملا

[ملامح بارده]

انا مو شايله همها كثر سياسات الرعاية الاجتماعيه :24_asmilies-com:

انا لسسا م شريت الملزمه ايش اخذتو ؟؟
.
وليه شايله همها هل هي دسمه او صعه ولا ايش ترا قسمم مرا انحبطت :Cry111:

[نظرة جديدة]

انا لسسا م شريت الملزمه ايش اخذتو ؟؟
.
وليه شايله همها هل هي دسمه او صعه ولا ايش ترا قسمم مرا انحبطت :cry111:



نصيحة لوجة الله خيتووو

ارتاحي وخليك مركزه باختبار اليوم

السياسات لنه دكتورها جديد
ف التركيز مطلووووب

فقط لاغير

[ريمووونا]

سياسة الرعايه بسيطه بالعكس وجميله



مشكوور اخوي ربي يجزاك خير تفائلت

[tham3rr]

الله يعين اللي يبي معدل أكثر من النجاح فقط

[ام غلاتي]

ياوييييليييي انا من المغرب وانا هواااااااش:007:
مع الملزمة افتح واسكر
يارب تسهلها علينا يااارب

[العلم ماله حدود]

ياوييييليييي انا من المغرب وانا هواااااااش:007:
مع الملزمة افتح واسكر
يارب تسهلها علينا يااارب


لا تستسلمي تهاوشي وتهاوشي بس اطلعي بنتيجة

ولو مافتحتي المحاضرة اسمعيها الرابعة والخامسة تقريبا اهم شي

او افتحي 14 مراجعة عامة

ولا باليوتيوب و لا الشروحات الرائعة الموجودة

[العلم ماله حدود]

سياسات جدا جميلة وخفيفة نوعا ما

والدكتور متفائلة منه وان شاء الله بيكون زي د/ حسام صالح المستوى الماضي نسبة كبيرة جابوا 100% معاه

والملزمة مهضومة

[نور البرق]

جزاك الله خير

[نايف الدبسا]

السلام عليكم ورحمه الله وبركاته

صباح الخير

بالعكس ماده ممتعه وشويه تركيز بس راح تفهم الماده وبصراحه ماقصروا إخواننا واخواتنا بالمنتدي مسهلين كل شي علينا


من جد يعطيهم الف عافيه

[ميسي 10]

هههههههًااي اولا الله يسعدك ويوفقك والجميع يارب وثانيا الماده معقده وصعبه ومخي مقفل وابغا اخش الاختبار وانا وحظي بالنسبه لااختيارات الجداول والتشعبات والشجرات حقتهم اما التعاريف الباقيه احفظها انا مافي خوف من كوفيل ههههه

[فهد العبدالله]

مشكوره ع الدفع المعنوي بس والله الذاكره عندي نصف قيقا هههههههههه
فالكم a

[ذكريات الرحيل]

عطوا أنفسكم فرصة ساعتين على يوتيوب شرح للدكتور نفسه من 3 الى 8
صدقوني بتختصروا وقت طويل وبتخلصوا 50 صفحة مغمضين
لأن السر يكمن في الشرح وكل مافهمت محاضرة تسهلت المحاضرة اللي بعدها
ما اقول لكم اني ختمت المنهج بس انهيت أصعب جزءْ < ماهو مستحيلْ
باقي التطبيقي أشياء معظمها بتكون واضحة من الايقونات
بالنسبة للتعاريف أبو نت ماقصر نزل كويز عن التعاريف
تتسهل بإذن الله يا إخوانْ لكن ينقص دائما الإصرار والعزيمة

[نايف الدبسا]

شوف بصراحه انا ماذاكرت الملخص ولا المحتوي بس صراحه جلست على الكويزات واستفدت منها كثير واحس اني :smile: بالع المحتوي والملخص

[Alhussam]

الله يعطيك العافيه اختي كلامك يريح
الله يجزاك الجنه ووالديك

[ابو تالاا]

الماده لزيزه جدا

[غِنَى]

بالفعل كلآمك جداً سليم

المادة هذي حتى بكاء بكيت فيها قبل ماادخل للمحاضرة السابعة

من كثر تخويف بعض الناس وتذمرهم بس جلست بيني وبين نفسي قلت

ليش أقلق ؟ القلق بيحل شي ؟ بيعطيني شي أعمله لقيت انه لا

وقررت أخوض المحاضرة السابعة بكل برودة أعصاب وفي الصباح

ولقيت انه شرح الملزمة كافي ووافي البعض قال لازم متابعة للدكتور وهذا اللي خلاني

أتخوف منها بس الحمدلله بعد ماخلصتها فهمت الغالبية منها ولو صحيح توقفت عند أشياء

بس اغلب الاشياء ركزت بيها ووثقت بقدراتي ومن أحسن مايكون

,

[ميسي 10]

ياخوان لقيت لكم الحل والله طلعت سهله بس ماني عارف كيف انزلكم الصور صور توضح ايش الكيان والعلاقه والجداول

[نسايم فرح]

مجتاجين صراحه لمثل هذا الكلام لرفع المعنوياات
انا خاطري في موضوع الي ذاكروو الماده وحلو زين في الاختبار اصحاب الخبرات السابقه

[ابراج الماس]

:d5: كلام جميييييييييييييييل ويرفع المعنويااات ويبعث في النفس الطمئنينه :53:

[rgood]

كلامك يفتح النفس امس راح يومي وانا افتح واسكر ولين اللحين مافتحت مدري وش ببدا :Cry111:

[امطارليل1234]

اليوم لازم ننجح بالتحدي بأذن الله ومع كل المواد لازم نشد الهمه ونقول بصوت واحد انا قدها

[وريث 72 ميلوون]

اول مره اتشتت بالمذاكرة تنصحوني احمل الماده لا قدرت استوعب مالي نفس اذاكر متحطم مذاكرتي اغلبها اقتباسات دورس اكسس ملخبط فيها

[Naghmoush1984]

الله يجزاك خير و ما قصرتي و الله يعطيك العافيه

[angel.22]

انا بالنسبه لي مافهمت ولا تمرين عجزت افهم رغم اني متخرجه دبلوم برمجه
الى الان محتاسه ماذاكرت مجرد قراءه للتعاريف وربي يسهل

[أم جاسم..]

عندي خبره بالكمبيوتر بس عجزت اهضم الماده

مدري من التعب ومخي مو راضي يستعوب

لحد الان مخلصه بس 4 محاضرات و قلت بطمر المحاضره 9 وبخلصهم وبرجعه ابتدي من 5 لو فيه وقت
مافيه وقت اجلس فالبيت واذاكر الماده اللي بعدها :(

[~النايفه~]

....

هي الماده تتكلم عن البيانات اللي تحت الارض << اي بالخفا اقصد خاني التعبير ...اللي مانشوفها اقصد يعني اللي تسنع لنا الملفات اللي بالمستشفيات والمنشئات الحكوميه اللي عنده حب الاستطلاع ووده يعرف كيف تدار كل هالاشياء راح يحب الماده ... واشكرك خيييتي العالم ماله حدووود اسمك حلو وموضوعك جميل

[س,الشهري .]

انا مو شايله همها كثر سياسات الرعاية الاجتماعيه :24_asmilies-com:

ماعلينا خوف مع ملخص أبو آيه :(204):

[مستشاركـ]

حسيت اني اختبرت وجبت +a

يعطيك العافية

[محسن بن دلمه]

يعطيك العافية

[SaraH-S]

(( وَأُفَوِّضُ أَمْرِي إِلَى اللَّهِ إِنَّ اللَّهَ بَصِيرٌ بِالْعِبَادِ ))

جزاك خير على النصيحة وكلامك صحيح
بس ترا صدق المقرر جداً دسم ..

يا رب نعديه كلنا ونكون ناجحين في هذا المقرر

[أبوزيادS9]

والله انك فاضي وانا اللي جاي مدرعم ابستفيد لي معلومه .. شكلك صام المحاضره من الجلده للجلده .. وجاي تطقطق علينا .. من جد فاضي


أرسلت بواسطة iPhone بإستخدام Tapatalk

[على المنيع]

الصراحه صعبه انا المفروض اني خريج من قبل سنتين بس هالماده ومعها انقليز كتابه معقديني اختبرها كل ترم لحالهم وما انجح


ليتني انجح لو على الحفه

[lovetrain]

الله يخارجنا من هالماده
للمره الثانيه اختبرها
يا الله التوفيق لي ولكم
ابي انجح فيها لو بتقدير مقبول واخلص منها
توكلو على الله قبل الذهاب للأختبار
اللهم لاسهل الاماجعلته سهلا