اللة لايوفقك ملفي

[سيكو2]

السنة الي فااات الدكتور سهلها عليهم
مدري لية صعبها علينا
المثال شبكة الاعمال لو تلاحظون الترم الي فاااااات عبها لهم
وحنا لا جابها مربعات فااااارغة
ماقول غير اللة لايوفقة وبس

[سوسو3]

قول حسبي الله و نعم الوكيل بس لاتدعي

[ابو دانه9908]

عين خير


ولا تتدعي عل المسلم
الاسئله كانت في متناول الجميع

وش قالو


جامعين كن لبق بكلامك

[سُميه]

الاسئله كانت بالنسبه للي ذاكر وفاهم سهله

[سلطان المغيري]

بالعكس اسئله طيبه

[hassann]

الدكتور ماقصر في تنويع الاسئلة

الله يوفقه ويكتب له الأجر

[زهراء !]

الاسئله تافهه جداً ، كان كم فقره يبي لها تركيز ، والاسئله صعبه على اللي ماذاكر وعقله لك عليه :)

[طالب الجنوب]

الحمدلله كانت جيده

[samorah83]

الاسئله كويسه وكلها من الموجود بالشرح يعني ما طلع عن المحتوى

اللي ذاكر كويس بحل أما اللي لا اكيد بدعي عليه

[VIP.]

الي ذاكر ولو شي بسيط بيعدي براحه والي ذاكر شويات بيجيب a ,والي فوق الشويات بيجيب a+

[lamar sami]

بالعكس اختبار سهل وجميل اللي مركز بالمذاكرة راح يشوفها سهله واللي ماذاكر عاد مشكلته

[TOFAH]

انا نموذجي e اخر خمس فقرات ترتيب الاختيارات كان ملخبط يبدا مرة ب( ج ) وفقرة يبدا ( ب )

مدري الوضع هذا عادي والا مشكلة بالطباعة

[abunawaf2008]

جيده جداً الاسئله طبعاً للى ذاااااكر ولو شي بسيط
وبالتوفيق لنا ولكم جميعاً

[abo jassar]

الاسئله تافهه جداً ، كان كم فقره يبي لها تركيز ، والاسئله صعبه على اللي ماذاكر وعقله لك عليه :)

الحمد لله خير ما يقال عند تحقيق الأماني

[خــــالــــد]

بصراحة كانت الاسئلة ممتازة وسهلة جداُ وحتى الي ماذاكر بس انتبه للمراجعه مع الدكتور بيجيب اقل شي نصف الدرجة
حرام عليكم تدعون عليه تبونه يحل عنكم؟

[N.M.M]

هو قال بالمباشره راح يكون فاضي وانتم تعبونه واللي مذاكر وشايف المحاظرات المباشره بيعرف الملاحظات اللي قالها

[محمد بادغشر]

والله الاسئلة مرا سهلة الله يعطيه العافيه

[aza90009]

الحمد لله
جيد جدا
والله يوفق

[ابو خالد5]

الله يعطيك العافيه على الاسئله بصراحه اللي ذاكر لمدة خمس ساعات بتركيز راح يجيب فل مارك

[MAHAWY33]

صح الماده سهله وجميله بس فيه اخطاء كثيره وخيارات مو مرتبه في نموذج e
شي ينرفز

[abo jassar]

الي ذاكر ولو شي بسيط بيعدي براحه والي ذاكر شويات بيجيب a ,والي فوق الشويات بيجيب a+


سلام كليم

عين العقل:(204):

[هدى مـحمد]

لاتدعي اسستغفر ربك

الاسئله سهله بشهادة الاغلبيه
صح فيها لخبطه الفقرات بسس بشكل عام سسهله

[ommesho444]

(( ما يلفظ من قول الا لديه رقيب عتيد ))

ارتقو بالفاظكم

الدكتور الله يجزاه الف خير
ماقصر في سهولة الاسئله

دكتور رائع جداا

[ام فهووودي]

الله يوفقه دنيا واخره ماقصر كان ذاكرتو وانا اكره شيء اسمه الحساب وشايفه الاختبار روووووعه لاني سمعت كل محاضرات الدكتور وكان شرحه ممتاز ماشاء الله عليه فعيب ندعي عليه وهو متعب نفسه بالشرح ويجون اشكالكم تدعي الله يهديكم

[الرجل الابيض]

انا نموذجي e اخر خمس فقرات ترتيب الاختيارات كان ملخبط يبدا مرة ب( ج ) وفقرة يبدا ( ب )

مدري الوضع هذا عادي والا مشكلة بالطباعة

لا انا نفس النموذج وسألت المراقب .... قال عادي
والله مدري عنده سالفه والا لا

[hassann]

اتوقع بنسبة كبيرة أن الدكتور كان متعمد في لخبطة الأجوبة 46 * 47 * 48 * 49

حتى تحسب للطلاب درجتها
بمعنى اسهل هدية من الدكتور

[M a r w a n]

اتوقع بنسبة كبيرة أن الدكتور كان متعمد في لخبطة الأجوبة 46 * 47 * 48 * 49

حتى تحسب للطلاب درجتها
بمعنى اسهل هدية من الدكتور

وانا متيقن من ذلك، ملفي كويس وررجل يحب الخير لطلابه ويقدر ظروف الجميع، وهدفه هو التسهيل للجميع

[Kaiser]

حرام عليك الاختبار كان سهل الى حد كبير باستثناء بعض الاخطاء في المسائل

والتي باذن الله ستحسب للجميع كاضافة لاننا ليس لنا ذنب فيها

[yousef2013]

الاسئلة في متناول الجميع بس شوية تركيز
الله يهديكم لا يجوز الدعاء على الناس

[hawi03]

اللهم لك الحمد حتى ترضى ولَك الحمد اذا رضيت ولَك الحمد بعد الرضا

[هيفاء لمياء]

الله يسعده والله بطله

[hawi03]

بطله

[ASYAD]

والله ماقصر وبيض الله وجهه يعني تبونه يجي يحل عنكم الاسئلة سهله جداااا
والله يوفق ملفي

[طالب الله يعيني]

فيه اكثر من خطأ في لخبطه بالخيارات وفي خاطري اقول شكله متعمد ! لانه سواها اكثر من مره

بس كيف متعمد يعني هو اللي طبع الاسئله ؟؟؟




عموما نرفع شكاوي ويعوضونا عن الاسئله ان شاء الله



بشكل عام الاسئله يبيلها تركيز تركيز

[sarah2]

الاسئله كانت في متناول الجميع مايحتاج تدعي الدكتور ماقصر بشيء

[المهاجر2]

شكراً د. ملفي الرشيدي

[خيال الافلاج]

الله يجزاه خير الصراحه تنقال

انا داخل اليوم واقول الله يستر بس بعد ماشفت

الاسئلة أحمد ربي وأشكره صحيح فيه بعض الاخطاء فالاسئلة

واتوقع الدكتور راح يكون متعاون معا لابعد حد والدليل اختبار اليوم

بالتوفيق للجميع ان شاءالله

[nawaf2014]

بالعكس الا الله يبيض وجه كانت اسئله سهله وممتعه لابد الانسان يذكر ويجتهد ياخوك ولاتدعي على اخوك المسلم
فقط قل حسبي الله ونعم الوكيل

[طالب علمــ]

والله ياحبيبي الدكتور الله يوفقه
حنى الي منذاكرونجي ندعي عليه
مايصير حتى لو رسبت العوض الجنه^_^

[ابوخالد المطلق]

يارجل لكل مجتهد نصيب

ماترضى ان احد يدعي عليك وش ذنبه هو عمله كذا ولاهو مستقصدك

اتمنى من المراقبين حذف موضوعك حتى لاتتحمل ذنب شتائم لرجل لايستحق ذلك

هداك الله

[rash@123456]

يالبى ملفي الرشيد اروح له فدوا كم انا مغرم بعاطفت هذا الرجل السهل الممتنع أسألته كما توقعت سهله جدا

[عاتي1]

ليه التحسب علي اخوك المسلم لكل مجتهد نصيب
مشاء الله كان وما لم يشاء لم يكن

[hamdanma]

لو اطلعت على المحاضرة الرابعه عشر + اطلعت على أسئلة الأعوام السابقة ..

بتشوف الإسئلة بمنظور غير اللي تقوله الحين ..

[نجود التونسي]

كان الاختبار جدا سهلا

[Tott]

لا تدعي عليه
الدكتور ماقصر والاسئلة سهلة جدا

[كلي ثقه]

الاسئله كانت حلووه .....وكل شئ واضح مافيها غموض ولا لف ودوران بس للي مذاكر زين....فيه سؤالين اضمنوا درجاتهم ...

[abo jassar]

دالة الأسئلة لا يوجد فيها قيم سالبه
ولذلك تم التوصل الى الحل في الاختبار الحالي

لم يكن لدينا قيوم تمنعنا من الدراسة
والسالبية ان تدعي على اخوك المسلم بشكل لا تحقق فيه اي استثمار ناجح مع رب العالمين

يسر الله اموركم جميعا ... عند لخبطه مثل الجميع ... وتوقعت اني اجيب الفل مارك
لكن الخير في مقبل الأيام

لا ابرر الثناء والشكر للدكتور ولا ابرر الدعاء عليه

تحياتي ( ودي اتفلسف):(280):

[ابوعزوز العنزي]

الاسئله ممتازة ويعطيه العافيه الدكتور

ماتذكر الى الاسئلة الاعوام الماضية وتبي تنجح

الاسئلة من المنهج وماطلع منه وبالعكس سهلها

انا اتوقع لو كاتبها مثل ماتبي ثاني تكتب موضوع وتقول ليه ماحليتها لنا :)

[Sara29]

بالعكس الاسئله كانت حلوه بس كان ف اغلاط منه هو ف النماذج

[f.mujaljal]

الأسئلة جدا سهلة وتافهة

والله يعطيك العافية يادكتور ملفي وبيض الله وجهك

[ممتاز جدا]

نداااا لادارة بحذف هذا الموضوع

[jawaher alsaad]

لو ينحذف الموضوع حرام ليش تدعي عليه بالعكس انسان متعاون والأسئلة جدا سهله

[رياض المالكي]

حسبنا الله ونعم الوكيل فيه

[معاصر]

انت ماذاكرت ولا تعتبت !

[7anoe]

بالعكس الاختبار كان جدا سهل وجميل اللي مذاكر زين بيحلها الله يوفقه ويسعده

[ابوعزوز العنزي]

يا صاحب الموضوع الكل يمدح ويشكر الدكتور

اسمح لي مافي غيرك شكله ماحل

ولاذاكر

ونصيحه مني لاتحط نفسك بموقف مثل كذا مره ثانيه

[ام مجتبى]

الف شكر لدكتورنا العزيز
ما توفيه هالكلمه على مجهوده
على اسئلة المراجعه في المحاضره الاخيره نزل بعد نموذج لاسئلة الاختبار ..اي دكتور يفكر بطلابه بهالطريقه
امبين انه يحاتينا ويفكر في مصلحتنا
اتمنى من البعض ينتبهون لكتابتهم وكلامهم سواء هالدكتور ولا غيره اتمنى ان لايدعون فما يلفظ من قول الا لديه رقيب عتيد
احنا مضغوطين بالحياه ولكن مشروع التخرج من الجامعه مشروع يحتاج منا وقت مو في اخر لحظه نفتح الملازم والملخصات وندور اختصارات ونقرئها وندخل الاختبار وبعدين نطلع ندعي ونتحسب
المستوى الجامعي مو سهل هذا مشروع كبير لازم نعطيه حقه

[ابوعزوز العنزي]

نداااا لادارة بحذف هذا الموضوع

حدد ياذيب حذف الموضوع او صاحب الموضوع

[صمت المدينة]

الحمدالله الاسئلة جميلة:)

[محمد آل عبود]

السنة الي فااات الدكتور سهلها عليهم
مدري لية صعبها علينا
المثال شبكة الاعمال لو تلاحظون الترم الي فاااااات عبها لهم
وحنا لا جابها مربعات فااااارغة
ماقول غير اللة لايوفقة وبس





واضح انك ماذاكرت وصراخك على قد كسلك :019:

[طالب الله يعيني]

تطيير جبهات بالموضوع

هههههههههههههه

[Fatima999]

جاب لنا مربعات فتضية وعبيناها

مثلكم

[صـــــمـــــت]

الاختبار سهل جدا ماغير اللخبطه في 3 او 4 اسئله مايحق لك تدعي عليه عشانها مشها والله يعين ارفع تظلم عليها وانتهت السالفه

[-غدير محمد-]

الاختبار بشكل عام حلو لكن فيه شوي لخبطه شكرا دكتور ملفي

[مشاري بن ماجد]

جزززاك الله خير يادكتوررررررررررر الاسئله كانت كويسه

[.ساري الليل.]

ماتوصل انك تدعي عليه بعدين الدكتور ملفي من أفضل الدكاتره بجامعه الملك فيصل وهذا خطانا ليه تحمل الدكتور المشكله

[أبو عبدالله]

لا حول ولا قوة الا بالله
مهما كان الامر ( من علمني حرفاً صرت له عبداً )
والدكتور / ملفي الرشيدي
مااقصر ابداً ( وضع لنا الاسئلة ع طبق من ذهب
ولكن امر غريب ياااخي ( ان الاسئلة السهله هذي ) وتدعي عليه
فماادري وش اقولك ( الله يهديك )

لدرجة ان الدكتور / ملفي فيه اخطاء بالاختبار عشان ترفع تظلم وتكسب لك درجة
مانسى الجميع ابداً ,, الله يجزاه كل خير

يغلق واي موضوع فيه هجوم راح يغلق
انتقد بأسلوب ويوجد خانة ملاحظات بالخدمات الطلابية اكتب ماشئت
ولكن تجنب كتابة انك تدعي على دكتور مهما كان الامر

بالتوفيق للجميع