اسئلة اختبارات انطباعكم عن اختبار [ مهارات الاتصال ] [الأرشيف] - ملتقى طلاب وطالبات جامعة الملك فيصل,جامعة الدمام

MY WORLD

2015- 5- 9, 08:32 PM

والله احساسي داخل اختبار تخصص دقيق ومجال طيران ماهو اختبار مهارات اتصال حسبي الله ونعم الوكيل كنت ابي اخذ درجه كويسه اللحين اقول يالله النجاح بس

روح ياسر

2015- 5- 9, 08:35 PM

الحمدالله الاختبار للي قرا المذكرة وفهمه مع الاسئلة بيقدر يجاوب
وصراحة الاختبار كان واضح وشكرا لكل من اجتهد
ونشكر الاخت اسوم على الملخص الجميل بامانة اغلب الاسئلة نفس مافي الملخص
ومشكورين الكل وبالتوفيق للجميع وموفقين جميعا

خفجاوي 123

2015- 5- 9, 08:42 PM

انا حليت زين وبكل امانه واقولها بكل صراحه أسئلة الدكتور فيها من الخبث لدرجة أنه اعتمد على شي واحد اللي فاهم الملزمه بنسبة 80 بالميه أعتقد أنه يجيب فوق 90 درجة انا من ناحيتي ولله الحمد حليت واتمنى التوفيق والنجاح للجميع

ابومشعان

2015- 5- 9, 08:45 PM

الاختبار سهل ويعتمد على الفهم لكن الدكتور يحتاج دورة في مهارات الاتصال وكتابة الأسئلة

على قلبي

2015- 5- 9, 08:49 PM

لف ودوران ، بس الحمدلله رب العالمين حليت منيح

بالتوفيق للجميع يارب

المقبل

2015- 5- 9, 08:49 PM

اللي يقول الاختبار سهل هذا يكذب على نفسه

إنّتو ما تقرون الأخطاء الإملائية ولا انا غلطان

اللي أقوله الله لا يسامحه

MY WORLD

2015- 5- 9, 08:52 PM

نبي الاسئله تكفون

حمود العلياني

2015- 5- 9, 09:00 PM

صراحة مثل ماقالوا الاخوان أسئلة فيها لف ودوران وخبث كأنها أسئلة تخصص دقيق نادر معرض للانقراض

الوتر

2015- 5- 9, 09:08 PM

الماده سهله ىممتعه لكن الدكتور كان هدفه تعجيزي مو قياس مدى فهم واستيعاب الماده انا مذااااكره الماده بس الاختبار تعجيزي مو بمستوى السنوات الي قبل

sense771

2015- 5- 9, 09:12 PM

الأختبار صراحه كان فيه صعوبه بنسبه 70%

ثاي شي الاجابات كلها تحتمل الصحه وفيها اجابه اصح يعني لف ودوران

المقبل

2015- 5- 9, 09:26 PM

نرجو من الجميع رفع تظلم على هذا الدكتور مع بيان الأخطاء الإملائية اللي موجوده في الاسئله

المقبل

2015- 5- 9, 09:33 PM

السؤال رقم ١٣ و ١٤ و٣٠ فيه اخطاء إملائية

زيزو إبراهيم

2015- 5- 9, 09:41 PM

بجد فيها لف ودوران وان الاجابات مقربه لبعضها
حسبي الله ونعم الوكيل
شكله الدكتور مصري
حليت بعد تشغيل مخ وان شا الله ناجحين

ابو متلع

2015- 5- 9, 10:00 PM

الاسئله تعتمد ع فهم الماده وليس حفظها والدكتور هذا الله يسامحه ومهي غريبه عليه الاترام اللي راحت مامدحوه

وليف الدار

2015- 5- 9, 10:11 PM

الاسالة صعبة وفيها لف
وبعدين يادكتوور المذكرة مو المزكرة

ابو راشد الشمال

2015- 5- 9, 10:23 PM

المادة اسمها سهل ولكن اسئلته فيها من الف ودوران والاجابات متشابهة بصراحه الاختبار :23:

Thekrayat

2015- 5- 9, 10:49 PM

لو سمحتوا احد يكتب لنا الاسئله مع الاجابات نبي نتأكد من اجوبتنا :53:

turki.s

2015- 5- 9, 10:51 PM

بالله كيف عسكري وخفارة ومرابطه وحرب واسئلة ملفوفه
كيف احل بالله
الدكتور مايقدر الوضع
فاهم الحزم غلط حزمنا في الاسئبة
اااااااااااااه

turki.s

2015- 5- 9, 10:51 PM

بالله كيف عسكري وخفارة ومرابطه وحرب واسئلة ملفوفه
كيف احل بالله
الدكتور مايقدر الوضع
فاهم الحزم غلط حزمنا في الاسئلة
اااااااااااااه

herz

2015- 5- 9, 11:01 PM

السلام عليكم
طبعا الدكتور عنده مهارات في وضع الاسئلة و عنده مهاره الف و الدوران و تصعيب الماده علينا بس باذن الله بناخذ درجة النجاح رغم المهارات التي يتمت بها .. و بالتوفيق للجميع

الشجاع

2015- 5- 9, 11:37 PM

صراحة وبكل أمانة المادة سهلة بس الدكتور يبي يصعبهاالله يهديه الله يستر وننجح اهم شيء

محمد الشمريـ

2015- 5- 9, 11:47 PM

السلام عليكم اسئل الله ان يوفقنا ويجمعنا بجنات النعيم المقرر سهل جداً والاسئلة صعبة جداً صدقوني فيه 3 اسئلة خطا بالاضافة الى التشتت الذهني وعدم الكتابة الصحيحة اضف الى ذلك توجد اسئلة فيه اجابتين ,
انا لله وانا اليه لراجعون كنت طامح اخليها اخر ترم عشان ارفع المعدل ولكن خفس بنا حسبي الله على عدوه قسم اني دعيت المراقب قلت بالله شف السؤال واعطيتة اجابتين وكلها صح استغرببب كثير قال الله يعينك شف الاقرب ...
مع العلم تم الاطلاع ع الملخص والاسئلة السابقة ولكن مخرج الاسئلة من بين السطور
قدر الله وما شاء فعل نشوف المقرر الي بعده
يعطيكم العافية

mu7_z

2015- 5- 10, 12:10 AM

اسعد الله مساكم

بصراحة الأسئلة فيها ماهي صعبة ولا هي سهله متوسطة فيه خبث من الدكتور الله يوفقكم جميع

وضحكت من أحد الأسئلة كاتب المزكرات الداخلية تخيلت شكله وهو يكتب السؤال :(219)::(219):

Zoom88

2015- 5- 10, 12:27 AM

حسبي الله ونعم الوكيل
الله يستر من هذي المادة

نايف البراق

2015- 5- 10, 01:03 AM

بصراحه فيها لف ودوران

الله يوفق الجميع

moheidsa

2015- 5- 10, 01:17 AM

صراحة ماهو من زين شرحه عشان يحط اسئلة صعبه و اجوبة متشابهه لدرجة انه بعض الاسئلة فيها اكثر من اجابة

الدكتور هذا متوهقين فيه الجامعه وكل ترم يعطونه ماده

مستر مجهول

2015- 5- 10, 01:38 AM

السلام عليكم جميعاً

بالنسبة لي انا ولله الحمد مذاكر كويس بحكم اني خريج ان شاء الله الترم هذا

مابي ينزل معدلي وقدرت احل واجاوب على 70% من الاسئلة بس للأمانة الاختبار ماكان سهل على الي دارس زين

ومذاكر فما بالك بالي ماذاكر زين !!!يعني مادري ليه الدكتور حط مثل هذي الاسئلة مادري يبي يشوف من الي ذاكر وذاكر وذاكر

علشان يشوف هو يقدر يحل ولا مايقدر ؟؟؟؟

على العموم ماقول الا حسبي الله ونعم الوكيل ماكان يلزم كل هذي القساوة بالاسئلة حقيقة الله يكون بعون الي ماذاكر لانه ماراح يجاوب الا على سؤال او سؤالين وبالصدفه بعد

Ndaoo

2015- 5- 10, 01:55 AM

فيها لف ودوران واعتبره متوسط بس خبصصصصت واندار راسي لانه تعارض مع ماده ثانيه:(

فهد الخالدي 911

2015- 5- 10, 04:01 AM

ريحو نفسكم هذي المادة a ,ولا c زي بعض ماترفع المعدل كثير ركزو على الجاي والله يوفق الجميع

moheidsa

2015- 5- 10, 10:05 AM

ريحو نفسكم هذي المادة a ,ولا c زي بعض ماترفع المعدل كثير ركزو على الجاي والله يوفق الجميع

الكلام هذا على عيني وراسي بس احس ان الدكتور او اللي وضع الاسئلة متعمد وضع الاسئلة بهذي الطريقة

عشان يحط قيمة للمادة

اللي كان متوقع يجيب A من سهولت المادة الحين يقول يالله السلامة يبي ينجح فيها بس عشان ما يحملها

خصوصاً اللي على وشك التخرج وماخذ عدد الساعات القصوى

تخيل ترسب في المادة وتقعد ترم اضافي على مهارات اتصال بس ..................... ام القهر :Cry111:

المادة تقراها لذيذه و مفيدة شرح الدكتور هو اللي مخربها وجات اسئلتها وخربتها زيادة