رساله لـ د/ عبدالله الفريدان بخصوص د/ مصلح

[قلم ينزف الم]

السلام عليكم ورحمه والله وبركاته
ياخوان بخصوص قواعد البيانات
انا عندي تقريبا 35 فقرة صح ولكن للاسف اتمنى من ادارة الجامعه بعدم السماح له بالبقاء لمثل هذا الدكتور لانه للامانه شرحه موب بالطريقه التي نستفيد منها ومثل هذه المادة يبي لها دكتور لديه القدرة على توصيل المعلومه ويعلم الله اني حضرت له المحاضرات كامله ولاحظت بانه يقراء المنهج وللاسف لم افهم منه
كنت اظن المشكله فيني ولكن اكتشفت اكثر من طالب يعانو من شرحه عن نفسي لدي معلومات عملية في ممارستي الحاسب بصفه عامه ولكن غيري حس بالقهر والسبب الشرح ففي السابق كان في مادة مبادي الاحصاء طالبو الكثير من الطلاب رحيل الدكتور احمد النجار لعدم قدرته بتوصيل الرساله للطلاب وتم استبداله بالدكتور سعيد الذي وللامانه شرح يعتبرررررررررررررر من اميز الدكتاره في توصيل المعلومه .
نتمنى من ادارة الجامعه بتغير الدكتور عاجل

[ali.]

:d5::33_asmilies-com:

[منصور الفيفي]

فعلاً كلامك صحيح اتمنى تغيير هذا الدكتور

[كف الوفاء]

انا ااايد
العام درسنا مقرر الاحصاء دكتور والله شرح المقرر شرح وتعب ورسم واشكال
كرف من قلبه ولما جت الاسئلة اغلبها خارج المقرر والله حليتها وجبت a+
لكن هذا لا شرح ولا اسئلة حسبي الله عليه

[بواحمد 18]

الفريدان مشغول الحين بأبتكار طرق للحد من تصوير الاسئلة مو فاضي الله يحفظة

[ام شعاع]

انا حضرت لها المحاظرات بصراحه فقط يقرا قرايه ولا شفت شرح وفوق كذا يدور الاسئله الصعبه والله انا ذاكرت هالمادت وحسيت انها سهله بس هو مصعب الاسئله

[خدام أمه]

كلامك سليم وعين العقل وياليت يتعلم من الدكتور حق الاحصاء العام الماضي يفهمك المعلومه بطريقه لوجستيه < مدري وش معناها بس انه دكتور كويس وفالكم النجاح جميعاً

[بداية امل1]

فعلا حطمنا وجاب لنا القلق من محاضراته المباشره ويعلم الله اني تعبت نفسيا من المادة هذي

والمادة المفروض يعطونها للمتخصصين بالحاسب

[محمد عبدالرحمن1]

جمع بين سوء الشرح وسوء التعامل. وزاد المادة تعقيد

[محمد الهامه]

بكل صراحه والله ان الشرح في وادي والدكتور في وادي ولكن بأذن الله سيتم تغييره

[Aminh@1980]

بالعكس انا حضرت محاضراته اسلوبه وشرحه مفهوم
والاسئله مكرره ولكن الطلاب من كثر تخوفهم من الماده عقدوها واستصعبوها
وماقدرو يفهموها صحيح عندي كذا غلطه بس الاسئله مكرره وحتى الرسومات مكرره

[...بس أحبني...]

مع الأسف المادة بالأساس صعبه .. وتابعت معاه المحاضرات بدون نتيجـة ( للناس اللي ابثرونا يقولون ماذاكرتو )
لدرجة والله قعدت اذاكرة بـ يوم الراحة حق المادة اللي قبل مادته من الحرص الزايد

ياليت لو يشوفون حل ..

[DHAFER_SEATTLE]

بالنسبة لي اشوف شرحه ممتاز خصوصاً للمحاضرات ٥ و ٦ و ٧ وبالنسبة للدكتور النجار لم يستبعد بل بلعكس اصبح في مكانة أفضل مما كان عليه وهو الان‏‏ وكيل الجامعة السعودية الإلكترونية استاذ الاحصاء والتقويم التطبيقي https://www.seu.edu.sa/sites/ar/Administration/vpo/Pages/VicePresident.aspx

[ملامح بارده]

والله كلامك صحيح حتى ب الشرح يلخبط ويجيب العيد ما احسه فاهم بسس يقرا

[NOOF>>]

بالعكس شرحه جميل ماعتمدت لا على كوزات ولا شي
اكتفيت بالمحاضرات فقط
وحليت الاسئله
الاسئله كانت جدا جميييييله

[Mnb3]

يعني يا aminh 1980 كل هالعالم تتبلا عليه ؟؟؟ انتم ليه ماتتتركون فلسفتكم الزايده بجد الحين المنتدى كله قايم على الدكتور ويشتكي منه ونسبه لاتتجاوز 5% حلو زين بعد توفيق الله سواء كان باجتهاد منهم او بضربه حظ جايين يقولوون لنا ان العيب بنا حنا؟ يعني كل هالامه الي في المنتدى ماذاكرت ابد؟ خلوكم واقعيين اتمنى منكم منفعة اخوتكم ف الحق طبعا وفي مثل هالامور بما انك تشوف السواد الاعظم يشتكي من الدكتور ونت واثنين وثلاثه وفقهم الله ونتمنى لكم التوفيق الدائم ...على الاقل .. التزم الصمت لاتتكلم وترسل صوره عننا كأننا مااذاكرنا ولا اجتهدنا في شي وتضيع تعبنا بكلامك اللامبالي

[ابوليان2014]

فعلا الدكتور حطمنا وحنا رجال امن ومرابطين بخدمه وطننا وغير كذا منشغلين باهلنا ياخي ارحمونا ارحمونا

[Aminh@1980]

انا عندي اغلاط مانكر لان مافي تركيز
بس الصدق بالنسبه لشرحه انا فاهمه منه كثير ومادخلت الاختبار الابشرحه ليه انكره وهذا الواقع

[رتوش M.M.M]

وفيه دكتور بعد اسمه محمود احمد ع مااظن بعد لعب بمستوي خامس ع ماده ثقافه المعاصره وماسك بعد للفقه ماده بعد يشتكون منه انا ماادري الدعوه هي تسلط مايبون احد ينجح ولا شالسالفه معن انا من اللذين يجتهدون بالمذاكره لابعد حد
مااقول الاحسبني الله ونعم الوكيل

[game]

حسب اللي شفته
الدكتور حب يفرد عضلاته علينا! النموذج هالسنة أصعب من النماذح القديمة
وقريت كثير يقولون لازم تحضر المحاضرات من 6 وفوق لتفهم ويشهد الله حضرت له 6 و7 و2 ومدري كم بعد بس نفس ماقلت الله يهديه يقرأ من الشرائح وأسلوبه عقيم وسقيم وممل وماحسيت بأني قاعد أفهم شيء بالعكس تضييع وقت
هذا وأنا أبحث عن الامتياز ولست مهملا بالاختبارات.
الحمد لله حليت أكثر من 40 فقرة صحيحة والباقية فيها شك وماتأكدت منها هذا من غير مانذكر سؤاله الخطأ أبو إجابتين صحيحة
الدكتور بالغ بالتعقيد حتى بأسئلة التعاريف والأشكال اللي المفروض تكون مضمونة
وهذي وجهة نظري والله يوفقنا وإياكم

[E L I F]

كنت متوقعه انه رح يكون اسوء اختبار يمر علي

مع اني ذاكرت وفصفصت الملخص واسئلة الاعوام ولكن العيب بالماده

اولاً هي مو من تخصصنا , الماده متعمقه جداً بالحاسب , مبادئ تقنية المعلومات و برامج الحاسب المكتبيه كانت جدا رائعه ومناسبه لنا كماده عامه ,,

ثانياً : ماتنفع تكون ماده نظري الماده تحتاج لتطبيق عملي ,

ثالثاً : الدكتور مستقصد يتفنن بالاسئله , ولا كان جاب التعاريف واضحه ومخطط العلائقي واضح !!!

لكن مابيدنا غير اننا ندعي بالنجاح , ونفتك من هالماده الغثيثه ,

[بدر البسيسي]

الله يستر معيد بالماده وابي فقط درجه النجاح
وان يتم ازالة هالدكتور اللي ما يراعي الظروف
هشتاق المرابطين في عاصفه الحزم ههههههههه

[احمد4]

ان شاءالله يغيرونـه.. كل واحد يرفع اعتراض. ضرووووري

[سلطان الاول]

حسبي الله عليه ونعم الوكيل
دكتور يتعمد انه يسقط طلابه
اسئله ملفوووووووووفه
لاشرح يساعد
والله يومين اذاكر حسبي الله عليه ونعم الوكيل
انشاءالله يتغير هذا الدكتور
يا اخي ماينفع هذا معقد
هل يعتقد اننا طلاب شهادات عليا
احنا طلاب بكالوريوس اقلها احترم عقولنا يا اخي

[اهلي وبس]

اكييييييييييييييييييييييييييييد :mad:

[بنت الهاشمي]

الفريدان يفكر شلون يكشف اي يصور نسي ان في فوتشوب :d
على مين تلعبها

[بنت الهاشمي]

نرسل الفريدان ان هالماذه مالناصلاح فيها
خاصة الاداب مفروض اذارة اعمال واذا ما يبونها الاداره كيفهم عاد يحذفون المقرر الاداب وش دخلها بقواعذ البيانات
قلنا برامج الحاسب لو احد يبي يسوي بحث او عرض بوربوينت لمدرسة
وهذا جزء صغير من تخصصنا
انا قواعد البيانات هذي للاداره والمبرمجين والمحللين وش علينا حنا

[سجى50]

من جد كلام سليم وان شاء الله يتغير حسبي الله عليه ونعم الوكيل

[tarsaq]

صباح الخير
واللة الاختبار كان جدااااا معقد وصعب ويلخبط
وانا الله العالم قد ايش تعبت في دراسته المادة ه\ي
بس ما نقول الا حسبي الله ونعم الوكيل

[جبال الوشوشة]

السلام عليكم
كلامك سليم وبرنامج الاكسس تطبيقي اكثر ومع الاسف في شرحه خاصة في المحاضرات ال 5 الاخيره لم يوضح كيفية التعامل مع الاعمال التطبيقيه وطريقة حلها نظري والله كنت متابعه معاه من اول الترم ولاكن مع الاسف الحمد الله على كل حال

نطالب بتغيره وحسبي الله عليه ونعم الوكيل

[prensesa 22]

بالعكس انا حضرت محاضراته اسلوبه وشرحه مفهوم
والاسئله مكرره ولكن الطلاب من كثر تخوفهم من الماده عقدوها واستصعبوها
وماقدرو يفهموها صحيح عندي كذا غلطه بس الاسئله مكرره وحتى الرسومات مكرره

بالنسبة لي اشوف شرحه ممتاز خصوصاً للمحاضرات ٥ و ٦ و ٧ وبالنسبة للدكتور النجار لم يستبعد بل بلعكس اصبح في مكانة أفضل مما كان عليه وهو الان‏‏ وكيل الجامعة السعودية الإلكترونية استاذ الاحصاء والتقويم التطبيقي https://www.seu.edu.sa/sites/ar/administration/vpo/pages/vicepresident.aspx

بالعكس شرحه جميل ماعتمدت لا على كوزات ولا شي
اكتفيت بالمحاضرات فقط
وحليت الاسئله
الاسئله كانت جدا جميييييله

وأنا رأي نفس رايكم والله الدكتور مصلح شرحة ررررائع جداا الله يوفقة دنيا وأخرة الاسئلة كانت متنوعة وأغلبها سهل جدااا والجواب قدامك
حتى بالاختبار راعى الفروق الفردية بين بين الطلاب وحط أسئلة متنوعة من البسيطة الى المتوسطة الى الي تحتاج تفكير المفروض أنها مادة
تحتاج حضور للمحاضرات أكثر من مرة عشان لوفية شئ ماركزة علية وهنا بالملتقى ماشاءالله مجموعة رائعة من الطلاب المميزين
ساعدوا في الاشياء الى ماكنا فاهمينها المفروض كلنا عارفين من الطلاب الى قبلنا أن المادة طووويلة وتحتاج متابعة شرح وفيها
شئ من الصعوبة ....وأخيرا أسئل الله أن يوفقنا جميعا وأن ننهي هالمستوى وقدنلنا مانتمنى من الدرجات

[حزين220]

حسبي الله ونعم الوكيل ........ F علي اليمين وf غلي اليسار

[f.t.]

ياليت يتغير . لو استمر معنا بانجلط ...

[MS.3MH]

انا اخذت الماده في دراسه مسبقه من جامعة الدمام
جدا الاسئله صعبه و شرح الدكتور مره ماله دخل في المنهج يعني في دكاتره لمن فقط تستمع لشرحة و يجيب لك سؤال صعب تعرف تحله دون الرجوع للمنهج لان يوجد ايصال معلومه بطريقه صحيحه .... و غير كذا الماده عامه مو تخصص عشان يتحمس و يصعبها كذا معليش انا دارسه هذي المادة و جبت فيها درجة زينه في جامعة الدمام بس مع هذا الدكتور اذا نجحت نعمة صراحة لان الاسئله جدا معقدة ولا احد يقول ما ذاكرتوا لان انا جربت المادة و اعرفها جدا و كانت مشروع تخرج يعني النقطة الصغيره فيها اعرفها بس مع هذا الدكتور جدا جدا يستهبل

[noof1]

والماده في وادي هههههههههههههه

[تمره يابسه]

ما اقول الا حسبي الله عليه ع ها الاسئله ... شرح مخيس واسئله صعبه ... بس شاطرين يبصمونا ع الورق مدري جامعه ولا قسم جنائي قمة التخلف

[حنوووووو 66]

شرح سيءءءءءء

[مزهر 2]

ارى الدكتور الزهراني احسن من العضايلة في الشرح وتوصيل المعلومة .

[شاعر الجامعة]

هناك ايقونه للتظلم نأمل من الجميع المشاركه وكذلك مراسلة الفريدان على حسابه في تويتر

[Sweetg2]

لا تقولون كذاء وش أسوي انا ناويه اخذه بل صيف :12::12: علموني وش سوت المهم عطوني كل مايتعلق في هل ماده :d5:

[نسايم فرح]

صراحه انا استفدت من شروحات الطلاب اكثر منه جزاهم الله الف خير لولاهم مادري شنو سويت

[اهلي وبس]

اي واحد اسمه مصلح كرهته :mad:

[اهلي وبس]

امانه الدوفير الي معنا ينقطونا بالساكتهم

[ابووتركي]

ان جيت للصراحة عز الله انه مجتهد ومجهد نفسه لكنه هو نفسه أتوقع انه ما هو فاهم المادة ولو رجعتوا للمحاضرات المسجلة أتحدى واحد يقولي وش قال الفرق بين المفتاح الجزئي والأجنبي للاسف قال هو نفسه المفتاح الخارجي أو الأجنبي أو الجزئي مسمى اخر له واللي ذاكر بيعرف الفرق الشيء الأخر ما هو عارف ينشئ جداول الأكسس يضيع فيها وهذا ما هو إقلال من شأن الدكتور هو سوى اللي عليه لكن توصيل المعلومة بالشكل المطلوب افتقده في شرحه لا اقلل من مجهود الدكتور لكن اتمنى يكون النقد بناء وفق الله الجميع وان شاء الله ناجحين

[عبدالله محارب]

السلام عليكم
طبعا كل واحد يتكلم عن وجهة نظرة الخاصه به انا عن نفسي للامانه كانت اسئلته واضحه رسومات مكررة عدا سؤالين قد يكون فيها تكرار الاجابة ايضا كان شرحه من خلال المحاضرات المسجلة جدا واضح مافيه شي كان صعب لم احضر مباشرة له