ملخصات مواد إدارة الأعمال من مستوى 1 إلى 4

[الريم e]

عندي ملخصات ل إدارة الأعمال من المستوى الأول الى المستوى الثالث لكل المواد وطبعاً حاليا لمواد المستوى الرابع بس اخلص ماابيهم بعد

اللي يبيهم يقولي هنا واجيبهم له

انا مقري الرياض 48 (( مدارس الرواد ))

قلت يستفيد منهم غيري بدل المبالغ اللي تندفع على طباعتهم

وفقنــا الله وإيـاكم لكل خيــر

نقرتين لعرض الصورة في صفحة مستقلةنقرتين لعرض الصورة في صفحة مستقلةنقرتين لعرض الصورة في صفحة مستقلة

[Musaed Al-TMiMy]

اذا ماعليك أمر احتاجهم انا اذا تقدرين وأكون لك من الشاكرين

[لون الزهر]

كيف اقدر اخذها منك أنا بجده ومحتاجتها بذات اذ هي حقت ١٤٣٦

[الريم e]

اذا ماعليك أمر احتاجهم انا اذا تقدرين وأكون لك من الشاكرين



اخوي حاليا متوفر عندي 1 و 2 اذا تبيهم قولي

[فني مكافح]

ابي اسئلس ياخيتي الحين كيف المستويات الي جربتيهن وش اصعب مستوى
وكيف المواد بشكل عام وزي كذا

[الريم e]

ابي اسئلس ياخيتي الحين كيف المستويات الي جربتيهن وش اصعب مستوى
وكيف المواد بشكل عام وزي كذا



هلا اخوي

سألتني وبجاوبك على ماشفته وجربته طبعا انا ماشية على الخطه الجامعية لكل مستوى وهذا اللي انصحكم فيه عشان ماتتعبون بمبتابعة المواد لان لكل مستوى هناك ورش للمواد اللي يتفق عليها الغالب وع الغالب تكون نفس الخطه الجامعية وعشان مايصير تضارب بايام الاختبارات يعني ممكن تصير عندكم مادتين بيوم واحد وهالشي صعب طبعاً...

عندك المستوى 2 كل مواده رائعة بالنسبه لي وفرصة تكسبون فيه معدل قوي
-الأخلاق الإسلامية وآداب المهنة : نصحنا الدكتور بالإعتماد على الكتاب وفعلاً نصيحته بمحلها والمادة سهلة ومعلوماتها تقريباً معروفة للكل من واقع الحياة.
- انجليزي " تقريبا نفس منهج الثانوي" وملخص عبادي شامل ورائع.
- تقنية معلومات 1 : المادة اشوفها سهله للي عنده خبرة في الكمبيوتر او يشتغل عليه ( واتوقع نفس اللي يدرس بالثانوي )
- العقيدة الإسلامية والمذاهب المعاصرة : مادة حلوة وممتعه في بدايتها نفس اللي درسناه سابقاً بالثانوي واخره يتكلم عن المذاهب وانصحكم في هالمادة تبداون المذاكرة من عند محاضرات اللي تتكلم عن المذاهب وبعدين ترجعون للمحاضرات الأولى .
- صحة ولياقة : مادة حلوة وممتعه ومن واقع الحياة يعني فيها معلومات معروفه بالنسبه للكل .
اجمالاً هالمواد غير معقده والاساتذه كانوا رائعين ماعدا :

1. محاسبة 2 : مادة علممممية تحتاج متابعه من الأول وماتركمونها عشان تسهل عليكم واشوفها تسهلت عن محاسبة 1 بس مثل ماقلت لك اخوي المتابعه او تعطي نفسك وقت اكثر في مذاكرتها قبل الاختبار وطبعاً في ملفات وشروحات للاخوان والاخوات تساعدكم كثير .

2. اقتصاد كلي ... ايضاً مادة علمممممية تحتاج متابعة من اول واعطاء وقت اكثر في مذاكرتها وايضاً هناك ملفات وشروحات للاخوان ممكن تساعدكم واشوفه اسهل من اقتصاد جزئي او بالأصح ممكن صار اوضح لنا .


مستوى 3 :
- تقنية معلومات 2 : تابع للحاسب يعني اللي ملم بالحاسب او عنده دورات فيه بيكون تمام معه .
- نظم معلومات : مادة دسمه نوعاً ما ومعلوماتها كثيرة .
- محاسبة تكاليف : مادة علمية نوعا ما امممم احسن من محاسبة 1 و 2 بكثير انا اشوفها حلوة بس طبعا تحتاج لمتابعه عشان القوانين والمسائل اللي فيها .
- إدارة مالية 1 : مادة علمية تحتاااااج متااابعة اول باول و وقت كافي للمذاكرة لا تتركونها لوقت الاختبار ماينفع طبعا مسائل وقوانين ومعلومات مترابطه فلا تهملونها ابدا نصيــحـــة عشان ماتتعبون معها.
- احصاء في الادارة : ايضاً مادة علمية فيها رياضيات كثير من اللي اخذناه بالثانوي والدكتور بوقتها ماقصر ( ملفي الرشيدي ) ساعدنا نوعاً ما ونزل محاضرة فيها مراجعة للمنهج كخارطة طريق نسبيه.

مستوى 4:
- موارد بشرية : مادة فيها تعداد كثير ومعلومات متقاربة نوعا ما تحتاجون وقت عشان تميزون بين مواضيعها المتشابهه نوعا ما.
- اساليب كميه : مادة علمية وتحتاج متابعه وووقت كافي دكتورها ( ملفي الرشيدي ) الله يجزاه خير ماقصر.
- اساسيات البحث العلمي : مادة سهله نوعاً ما ولا تأثر بالمعدل كثير لانها ساعه وحده فقط ( مو معناتها تهملونها لا بالعكس ) وحذف لنا الدكتور منها اشياء كثير .
- إدارة مالية 2 : وراكم وراكم وبهالمستوى أدسممم وتحتااج متابعة اول باول و وقت كاااافي لمذاكرتها وطبعا مثلها مثل اي مادة علمية تحتاج اكثر من ساعتين في الاختبار يعني لا تاخرون ابدا بدخول القاعه عشان تلحقون تبداون فيها وخاصه ان تعبئة البيانات لحالها تحتاج وقت وحالياً انا ودفعتي نحاول نطالب بزيادة وقت الاختبار للمواد العلمية اللي مثلها وعلنا نصل لنتيجة ( واقترح لو تشاركونا بالمطالبة لكل المواد العلمية ):064:
- إدارة التسويق : مادة دسمة تقريبا وفيها تعدادات كثيرة تحتاج وقت كافي لمذاكرتها والإلمام بمعلوماتها ونوعاً ما ممتعه بس يعتمد على دكتور المادة مثلاً دكتورنا : دقيق ويجيب بين السطور .
- التحليل الإحصائي : مادة علممممممية وتحتاج للمتابعة اول باول طبعاً وووقت كاااااافي للإلمام بها .. انا حالياً ماخلصتها بكرى اختباري فيها بقولكم وش صار بعدين :mh12:


وهذا ماقدرني ربي عليه من ذاكرتي وبالرجوع لبعض الملخصات

وبالآخر .. وفقنـــا الله وإياكم لكل خير

:icon19::icon19::icon19:

[فني مكافح]

يامال الجنه ياختي الريم
وجزاك الله خير على الي كتبتيه
تعبتك بكثر الكتابه الله يسعدك
شرحك قمه في الروعه وافي وشامل
وعقبال مانشوفكم بالمستوى الثامن
مشكوره الف شكر والله يعينا على هالمواد

بالتوفيق

[الريم e]

يامال الجنه ياختي الريم
وجزاك الله خير على الي كتبتيه
تعبتك بكثر الكتابه الله يسعدك
شرحك قمه في الروعه وافي وشامل
وعقبال مانشوفكم بالمستوى الثامن
مشكوره الف شكر والله يعينا على هالمواد

بالتوفيق


اللهم آميــــن وياك أخوي ولوالديك ومن تحب يا رب
ان شاء الله يا رب ربي يسهل علينا ونوصل لثامن ونخلص
العفـــو أخوي انا حبيت اكتب لك وللاخوان والأخوات هالشرح المتواضع باسلوبي عشان يكون لكم مرجع
وربي يوفقنــاو إيـاكم ل أعلى المناصب في الدنيــا والآخــرة

وعلى فكرة : ضفت لكم شرح لمادة التحليل الإحصائي بعد مااختبرتها امس ولله الحمد

[الريم e]

وهذي اضافة شرح لتحليل الإحصائي بعد ماخلصت اختباري امس منها ولله الحمد

- التحليل الإحصائي : مادة علممممممية وتحتاج للمتابعة اول باول طبعاً وووقت كاااااافي للإلمام بها .. ولولا الله ثم مساعدة دكتور الماده لنا بتنزيله لمحاضرة تشمل تقريبا 84 سؤال ( اللي كانت عبارة عن مراجعة للمادة ) كانوا شاملين للمنهج وانا شخصيا اعتمدت بمذاكرتي على هالمحاضرة اللي الاخوان والاخوات في الورش ماقصروا ضافوا شروحات حل لكل سؤال والحمدلله جا الإختبار نفس اسئلة هالمحاضرة بالفكرة بس تغيير ارقام وفي اسئلة حتى الأرقام فيها لم تتغير الله يجزاه كل خير عنــا هو واخواني واخواتي في الورشه اللي كان لهم دور كبير في اخراج المحاضرة بطريقة رائعو وسهلة للي يبي يذاكر وتم طباعتها والإعتماد عليها بعد الله اعتماد كلـــي (( توني امس مخلصه من هالماده وكانت آخر اختبار اتي في هالمستوى ولله الحمد))
وللعلم : دكتورها : أحمد فرحان يعني ان بقى نفسه خذوا الماده وانتم مطمنين


موفقين

:icon19::icon19:

[فني مكافح]

مشكوره على الاضافه ياخيتي

الدكتور هذا من يوم حط المراجعه والاسئله بالمحاظره الاخيره حبيته
الله يجزاه خير ماقصر باختبار الرياضيات نفس الطريقه سواه
الله يسعدك

["_tooooot_"]

الله يعطيك العافية