لمستوى سادس وسابع انجلش بشرى

[عنوان الوفا]

تواصلت مع صحيفتين اكترونيه وراح تنشر الخبر
اللي هو
طلاب التعليم عن بعد بجامعة الملك فيصل يستغيثو وزير التعليم الدخيل
من المهزله التعليميه والاختبارات الكيدييه
وان شاء الله فيه اكثر من صحيفه بتواصل معها

دعاءكم لي

[hooomy]

ترا انا متحمسه ادخل الانجلش فلا تتحمسون على المظاهرات الا اذا انقبلت وكملت وتخرجت��

[عنوان الوفا]

تم نشر الخبر بصحيفه عاجل الكويت
وتم نشر هاشتاق بأسم جامعة الملك فيصل مهزله تعليميه


اتمنى التفاعل بالهاشتاق
وشكرا

[الشرطي]

ولا تنسون الاختبارات المقاليه لنا سنتين وحنا نختبر ولا احد معبرنا

[الح ـربي]

غبر يا.....!! على قرنك


مااقصد اغلط عليك والله بس المثل يوصفلي بوضوح نتائج هالهاشتاق كيف بتكون

[Samd]

انا تخصصي انجلش مستوى ثاني

ممكن تقولي وش سالفه ؟

[Samd]

ولا تنسون الاختبارات المقاليه لنا سنتين وحنا نختبر ولا احد معبرنا



لايكووون خلوووا اختباراتكم مقاليه !!!؟

[A7HMED]

المقاليه هي المشكله الوحيده ..

في الجامعة ..

[SOZA]

الي مو عاجبته الجامعه باقي الجامعات ترحب فيكم مانت بمجبور الاستمرار

[أفا يا قلب]

ترى المشكله مو بالجامعه ولا بالدكاتره
المشكله الاولى والاخيره فينا حنا

[مقتفي أثر]

موضوعك مو واضح ابدا ؟؟

[Sitah.Alotaibi]

شيء يقشعر له الابدان اللي قاعد يصير

رددو حسبي الله وكفى
شيء لا يتحمله عاقل

[Sitah.Alotaibi]

ترى المشكله مو بالجامعه ولا بالدكاتره
المشكله الاولى والاخيره فينا حنا

لا تحامين عن الجامعه صح جزء من المشكلة يقع على الطالب لكن اللي يصير شيء مو طبيعي ابد
خاصة قسمنا صاير الدكاترة يتفننون في تصعيب الاسئلة بشكل غير معهوود

حسبي الله وكفى

[blossom]

ترى المشكله مو بالجامعه ولا بالدكاتره
المشكله الاولى والاخيره فينا حنا

:(204)::(204)::(204)::(204)::(204)::(204):

[Inter Milan]

شنو في عسى ماشر ؟
-_-

[-PEARL-]

وش العلم

[ابوباسل الحربي]

والله موضوعكم هذا اصعب من كل اسئلة الدكاتره شكلهم اعدوكم:hahahahahah:
وش السالفه؟؟؟؟

[ليثاوي الرياض]

الحمدلله

[Sitah.Alotaibi]

ادخلوووو اقسام الانجليزي وشوفوووو الردوود ....

[صفا^]

الي مايعرفون ايش السالفه لو الاخ وضح كل شيء ببداية الموضوع
اختبرنا امس مادة لغويات تطبيقيه المادة كلها على بعضها تعاااااريف وتعداد
جا الاختبار من بين السطور اتوقع الكل عارف كيف بين السطور انا لو ابغى احفظ تعريف احفظ كل كلمة بالتعريف ولا احفظ المهم بالتعريف !!
الدكتور احمد السقوفي قال الماددة تعتمد ع الفهم وهي مافيها لا قرمر ولا ليسنق ولا شيء !!!
الا تعاريف التعريف ينفهم !!!!
اوكي آمنا بالله وقلنا انو فهم لكن يجيب الاختبار وينقص كلمة بالتعريف ويقول يعتمد ع الفهم !
الحركة ذي تعتمد ع الفهم ولا الحفظ ؟؟؟
غير كذا المحتوى الي منزله مو منظم بالذات اخر المحاضرات كلام كلام كلام ماندري ايش المفيد ؟
ولا احد يقول ماتذاكرررون :007:
انا مختمه المادة قبل شهر ورجعت من اسبوع ذاكرتها زيين ودخلت الاختبار حسبت انا لوحدي الي ماعرفت شي واني انا الي معرف اذاكر !
لكن لمن يكون اغلبية الطلاب يشتكون من الاختبار يكون الخلل في مين ؟
ما اقول الا حسبي الله بس مادة ثلاث ساعات عارف انها تخسف بالمعدل يقوم يتملعن علينا

[Sitah.Alotaibi]

الله يعوضنا بس وغير المحتوى اخطاء ما تغتفر

[ابو فيص]

وش سالفه الاختبارات المقاليه ???
متي هذي ومن اختبر مقاليه
ابي اخذ ترم صيفي لا يكون في اختبار مقالي

[just agirl]

اختباراتنا بتصير مقاليه؟؟؟؟
يختبرونا مقالي وتعب ومذاكره واخر شي مو معترف فينا ومو محترمين جهدنا وشهادتنا هذا ولله القهر

[ام فيصل الشهري]

وش فيها الاسئله مقاليه

[sweet eyes]

نفس الشي معنا مستوى ثامن انجلش مع ماده الترجمة التتابعية

الماده سهله جدااااااا بس دكتور حليمه حط اسئله ملعوب فيها وحاط بهارات وزحمه ومافي من هالحكي

[sweet eyes]

تخيلوو اخر مادتين عشان اتخرج وبالاخير يجي للاسف (دكتاتور) ويبهذلنا عشان نعيد ترم

وش بتستفيد ياحليمه تخيل نفسك مكاننا وعلى وجه تخرج وش بتلقى غير دعاوي قلبيه الله وكيلك

جامعتي العزيزة اشكرك على تعاونك معنا وحسبي الله وكفى

[TAG~alghla]

ياليت تنشرون مقاله باسم
مهزله حليميه
هههههاي من قهر قلبي

[المستقبل المشرق]

من جدكم؟ مستوى سابع كان تافهه. بس مع احترامي للجميع ومااحد يزعل ماعاد اصدق انطباعات احد لان اروح الامتحان الاسئله سهله وتافهه وواضحه وبالمنتدى نص الطلاب والطالبات يقولون صعب وفيه لف ودوران. مرات كثيره احس نفسي امتحنت امتحان ثاني.

(طبعا حليمه برى الحسبه والكل له حق يشتكيه)

[ام ااودي]

لكل مجتهد نصيب

[زينا محمد]

نعيب زماننا والعيب فينا وما لزماننا عيب سوانا

ونهجوا ذا الزمان بغير ذنبٍ ولو نطق الزمان لنا هجانا

[majdinii]

اوكي انا فهمت كل شي بالموضوع وانا من طلاب المستوى السادس ورفعنا شكوى
لكن وش دخل المقالي ؟