مغبووووون

[شاعر جامعي]

الحين الي فاته الاختبار بسبب تعطل سير لأكثر من ساعه وش يسووووي
هذا الي صار معي وفاتني اختبار استماع وتحدث
غبنة وقهر قسم بالله

وش الحل بالله

[ياسر الاسمري]

حاول تلحق وان خلاص فاتك دبر عذر من الحين


أرسلت بواسطة 6 iPhone بإستخدام جهاز الايفون6

[شاعر جامعي]

لازم عذر طبي ؟

[fahd_1417]

ماعليك انا فاتني اختبار

وكتبت لهم خطاب وقبلوه

[Q.Abdulrhman]

اكتب لهم خطاب او جيب لهم عذر طبي من اي مستشفى حكومي او مستوصف اهلي اذا تبي اسرع :d قولهم بطني وبتضبط امورك انا حصلت معي الترم الي راح وهم الحمدلله يتقبلون الاعذار باي شكل كان ،، واحد اعرفه قدم عذره و كان كورس تبع الشركة و قبلو عذره الحمدلله ،،


الله يعوضك خير ،، و عساها خيره إن شاء الله

[شاعر جامعي]

ماعليك انا فاتني اختبار

وكتبت لهم خطاب وقبلوه

شلون خطاب عادي بدون عذر رسمي؟

[شاعر جامعي]

اكتب لهم خطاب او جيب لهم عذر طبي من اي مستشفى حكومي او مستوصف اهلي اذا تبي اسرع :d قولهم بطني وبتضبط امورك انا حصلت معي الترم الي راح وهم الحمدلله يتقبلون الاعذار باي شكل كان ،، واحد اعرفه قدم عذره و كان كورس تبع الشركة و قبلو عذره الحمدلله ،،


الله يعوضك خير ،، و عساها خيره إن شاء الله

الله يطمنك بكل خير

بس متى اخر يوم يستقبلون الاعذار

[وبه نستعين]

الله يعوضك خير

[Neena]

قدم عذرك الحقيقي اللي بسببه ما قدرت تحضر الإختبار اللي هو تعطل السير

ما تقدر تترك السياره وسط الخط وتروح تختبر

إذن ,, عذر قوي والصدق منجاة

[ابو حنونه]

الله يعوظك اخوي وقدر الله وماشاء فعل ..
لعله خير ...

[شاعر جامعي]

اشكر كل من تفاعل مع هالمشكلة

لكن ليت احد يزودني بكامل الاجراءات

[إفتكارات]

أولاً : لعلها خيره

ثانياً : كاتبين أن الأعذار اللي مثل كذا لا تقبل , جرب وأرسل للفريدان بتويتر أن قال عذرك ممكن يقبلوه كان بها
أو حاول تستخرج عذر طبي أضمن,
رح تفتح أيقونة الأعذار بعد الاختبارات
بالخدمات الطلابية وأكتب العذر أو أرفقه صورة إذا كان تقرير .

[minister1]

شاعرنا الله ييسر امررك

[fahd_1417]

شلون خطاب عادي بدون عذر رسمي؟





ايه بدون عذر رسمي

[شاعر جامعي]

أولاً : لعلها خيره

ثانياً : كاتبين أن الأعذار اللي مثل كذا لا تقبل , جرب وأرسل للفريدان بتويتر أن قال عذرك ممكن يقبلوه كان بها
أو حاول تستخرج عذر طبي أضمن,
رح تفتح أيقونة الأعذار بعد الاختبارات
بالخدمات الطلابية وأكتب العذر أو أرفقه صورة إذا كان تقرير .

طيب عندي استفسار

الحين لما يقبلون العذر هل اعتبر حامل للمادة ؟

[إثراء]

حتى أنا فاتني الاختبار غصبا عني وأدور للحل


لاحول ولا قوة الا بالله

[شاعر جامعي]

طيب عندي استفسار

الحين لما يقبلون العذر هل اعتبر حامل للمادة ؟

ليت احد يجاوبني

[ام حاتم427]

طيب عندي استفسار

الحين لما يقبلون العذر هل اعتبر حامل للمادة ؟

ليت احد يجاوبني


الله يسهل امورك ..ولعل بالامر خيره وانا اختك


اذا قبل عذرك تنزل لك الماده المستوى القادم
دايركت بدون ماتسجلها وبدون ماتدفع فلوسها
يعني تسجل مثلا 15 ساعه وماتسجل الاستماع
وهم راح ينزلونها لك

الافضل تدبر لك عذر طبي

و اذا كان المنطقه الي انت فيها زحمه كذا
الافضل تمشي من بيتكم قبل الاختبار بساعه مثلا

بالتوفيق

[شاعر جامعي]

الله يسهل امورك ..ولعل بالامر خيره وانا اختك


اذا قبل عذرك تنزل لك الماده المستوى القادم
دايركت بدون ماتسجلها وبدون ماتدفع فلوسها
يعني تسجل مثلا 15 ساعه وماتسجل الاستماع
وهم راح ينزلونها لك

الافضل تدبر لك عذر طبي

و اذا كان المنطقه الي انت فيها زحمه كذا
الافضل تمشي من بيتكم قبل الاختبار بساعه مثلا

بالتوفيق

الله يسعدك يا ام حاتم

لكن سؤالي هل لو قبلو عذري راح يعتبر اني حامل الماده والا كيف

[Little space]

الله يعوضك خير ويمكن خيرة اتوقع يعتبر غياب مو حامل للمادة
بس نصييحة المرات الجاية حاول ترووح قبل الاختبار ولو بثلاث ساعات وذاكر قريب من المركز افضل
احطياط لمثل هذي الظرووف والله يسهل امورك

[ام حاتم427]

الله يسعدك يا ام حاتم

لكن سؤالي هل لو قبلو عذري راح يعتبر اني حامل الماده والا كيف


شف الموضوع هذا وان شاء الله يفيدك
اتوقع الي كاتبه الفريدان
:(107)::(107):
http://www.ckfu.org/vb/t403484.html

[البندري11]

مالك حق تسوي قروب مختلط يعني ذحين تقبل أختك او زوجتك او بنتك تعطي رقمها واحد وتدخل في هيك قروب وتأخذ وتعطي ورقمها موجود بينهم

ولو بحجة الدراسة

وبعدين كلا بذنوبه يالله يقوم تبغى تاخذ ذنب كل فتاة وشاب في القروب
والمصيبة لو صار علاقات من جراء هذ القروب تجلس تتحمل وزر كل شي يقولونه لبعض او يسوونه صغير او كبير

استغرب من الناس اللي تسوي قروبات حتى لو مو مختلطة لكن تتجلس تتحمل أوزار الناس ليش وش حادك
الناس صارت تتساهل في فتن برامج التواصل الأجتماعي الله المستعان وماقدرت تقاومها أشلون بتقاوم أعظم فتنة على وجه الأرض فتنة المسيح الدجال الله يعيذنا وأياكم منها

أسئل الله ان يهديك هداية لاتضل بعدها ابدا
وان يجعلك داعي خير لاداعي شر
وان يجنبنا وأياك وجميع أبناء وبنات المسلمين الفتن ماظهر منها ومابطن

[إفتكارات]

رح تكون F إلين تختبرها ,

اللي يحمل المادة بدون عذر يأثر على معدله

أما اللي يحملها بعذر و يختبر فيها يغيروا f لدرجته ويرجع المعدل يتوازن

[شاعر جامعي]

الله يعوضك خير ويمكن خيرة اتوقع يعتبر غياب مو حامل للمادة
بس نصييحة المرات الجاية حاول ترووح قبل الاختبار ولو بثلاث ساعات وذاكر قريب من المركز افضل
احطياط لمثل هذي الظرووف والله يسهل امورك

شاكر لك تفاعلك اختي والله ييسر امورك ويوفقك

[شاعر جامعي]

شف الموضوع هذا وان شاء الله يفيدك
اتوقع الي كاتبه الفريدان
:(107)::(107):
http://www.ckfu.org/vb/t403484.html


الله يخليك لعين ترجيك يا ام حاتم دايم سباقه بالخير الله يكثر من امثالك

لكن هو ذكر بالموضوع ان العذر تاخذه من مركز صحي او مستشفى هل يعني ان العذر من مستوصف اهلي مرفوض

[شاعر جامعي]

رح تكون f إلين تختبرها ,

اللي يحمل المادة بدون عذر يأثر على معدله

أما اللي يحملها بعذر و يختبر فيها يغيروا f لدرجته ويرجع المعدل يتوازن

الله ينور عليك ويوفقك

[ShooSho]

أنا جبت عذر من مستشفى حكومي مايقبلون اهلي مكتوب في الخدمات الطبية عند الاعذار المتغيبين وبعد الاختبارات بتفتح الأيقونة اعذار المتغيبين سوي اسكان له وأرسله لهم مالك غير كذا او ابي تكتب لهم بدون عذر تكتب أسباب غيابك وترسله وبعدين يرسلون ع جوالك اذا انقبل ولالا وبينزلونها لك بنفس الترم بالتوفيق

[{تهاويل}]

الجامعات كلها ما تقبل اعذار الا من مؤسسات حكومية
مستوصف او مستشفى ، او شرطه او مرور
او غيرهم
وانا بطبيعة عملي في جامعة اقول لك ان شرح اي ظروف مهما كانت غير صحيه او ليس لها توثيق حكومي لن تقبل.
اما انك تتقبل الي صار، وتقول لهم الحقيقه ، ولا تدري يقبل او لا.
واما انك تتحايل على النظام وتجيب عذر طبي مزور
وانت وظميرك :biggrin:

[ShooSho]

آيه المادة تظل f لين تختبرها وإذا نجحت تتغير ويتغير معدلك أنا صارلي كذا في مادة الإحصاء بالتوفيق

[منتسبه 2013]

انا غبت عن ترم كامل بسبب ظروف صحيه استنيت لغاية م فتح ايقونة الاعذار ورفعت الاعذار على شكل pdf

في منها من مستشفى حكومي وفي مستشى خاص ...

طبعاً انقبلت الاعذار خلال شهر عرفت من نفس ايقونة الاعذار

وقبول العذر مو برساله نصيه انسى انهم يدلعوك :D

وعالمستوى اللي بعد التغيب نزلت تلقائي مع الجدول ولقيتها f وهبوووووط غير طبيعي للمعدل

ولمن كملت مستوى ونجحت اتعدلت كل المواد وراحت البلاوي السودا الله يكفينا واياااكم الشر وبس

[المحترمه]

عزيزي العذر هذا غير كافي ولن تقبله العماده
العذر أما يكون طبي أو حاله صحيه كـ مرافق
أو حالة وفاة لا سمح الله .. ما عدا ذلك لا يُقبل
حاول أن تدبر أي عذر طبي من المستوصف
والمقرر راح يكون رسوب ولا يتم تعديله في السجل
إلا في حال أنك رفعت العذر .. بالتوفيق

[إثراء]

السلام عليكم

طيب اللي ماقدر يحصل عذر طبي بنفس اليوم والتاريخ حق الاختبار وش بيصير معه أنا ماقدرت اروح للمشفي الا اليوم وعطوني بتاريخ اليوم لان الكمبيوتر مبرمج حق اليوم

[المحترمه]

السلام عليكم

طيب اللي ماقدر يحصل عذر طبي بنفس اليوم والتاريخ حق الاختبار وش بيصير معه أنا ماقدرت اروح للمشفي الا اليوم وعطوني بتاريخ اليوم لان الكمبيوتر مبرمج حق اليوم

وعليكم السلام ورحمة الله وبركاته

بعد إذن صاحب الموضوع ..
العذر لا فائده منه إن ماكان في يوم الإختبار
بهالحاله راح يكون الوضع رسوب ويُحمل المقرر
ولا يتم تعديل التقدير في السجل الأكاديمي
بالتوفيق

[شاعر جامعي]

وعليكم السلام ورحمة الله وبركاته

بعد إذن صاحب الموضوع ..
العذر لا فائده منه إن ماكان في يوم الإختبار
بهالحاله راح يكون الوضع رسوب ويُحمل المقرر
ولا يتم تعديل التقدير في السجل الأكاديمي
بالتوفيق

هل يقبلون عذر طبي من مستوصف اهلي والا لازم حكومي ؟