راح علي الاختبار

[غريم الشووق]

:verycute:السلام عليكم

والله توني انتبه انا اليوم اختبار تقنية المعلومات

وش الحل

[juoooan]

وعليكم السسﻵم ورحمة الله وبركاتة

الجامعة لا تقبل بعذر نسيت او ما انتبهت

حاولي تدبري لك عذر طبي
ترفقية للجامعه بأيقونة الطلبة المتغيبين بعذر
وإن شاء الله يتم قبولة

ولا رح تعتبري راسبة بالمادة

[haymah11]

الله يصلحك رزي الجدول بكل مكان وحطي تنبيه بالجوال

اشين شي هالموقف وربي رعب


بس زي ماقالك دبريلك عذر طبي وارسليه لهم

[صلو على نبينا]

وبعد ماترسلي العذر الطبي حتختبري السنة الجاية الفصل الدراسي الأول وتعيدي تحميل المحاضرات والواجبات والمناقشات وكانك اخدتي الماده من جديد

واجباري تاخديها بالترم الجاي ولو غبتي فالترم الجاي تعتبري راسبة

[جوجو2020]

كيف ماتنتبهون يعني مامعاك قروب مامعاك صديقات عموما اهم شي تجبين عذر طبي والله يوفقك

[يوسف العضيله1]

يالله قدر الله وماشاء فعل
اهم شي دبري لك عذر طبي وارفقيه وان شاء الله يقبلونه والمستوى الجاي او بالترم الصيفي اذا فيه ترم صيفي تختبرينه

[خطوة بخطوة]

لازم يكون بنفس يوم الاختباررر تقدمين العذر اما بعده بيوم تعتبرين راسبه
كل شي يهون وانا اخوك اهم شي الصحه والعافيه

[ahmed2020]

نفس الحال صارت معي باختبار الاخلاق السلامية واداب المهنه دبرت عذر من المستشفى قالو لي مانعطيك الا تجيب خطاب من الجامعة وصرد ادق عليهم اربع ايام محد يرد علي الين راسلت العميد قال مانعطي خطاب قالي مايحتاج كل الدوخة قالي لي جب بس مششهد انك راجعت المستشفى ورحت للمستوصف الي بحارتنا مستوصف حكومي لازم وقلت ابي مشهد انا متغيب عن الاختبار بظرف خمس دقائق عطونياه واذا تبيني ارسلك المحادثة العميد واتس ماعندي مانع وقال لي تقدم العذر بعد الاختبارات تفتح ايقونه الاعذار تلقاها شوون الاختبارات وانا الايقونه متابعها متى تفتح عشان اقدم عذري الايقونه تفتح لمدة اسبوع فقط

اذا قبلو عذرة راح تعرف من نفس الايقون على ماضن بس الترم الجاي لاتدخلها هم راح يدخلون المادة تلقائي انتبه من الشي هاذا اذا انت دخلت المادة راح عليك كل شي وراح تدفع مبلغ بعد انتبه من الشي هاذا


بالتوفيق ياشباب

[متطلع]

لا تقلقي يا أختي ، الأمر بسيط .. حاولي فقط أن تكوني حذرة في الفصول القادمة ، وتذكري أن فرصة الدراسة لن تتكرر بعد أن أقفلوا باب القبول في الجامعة ، لذلك لا تفوتيها على نفسك .. أنا مررت بأسوأ من تجربتك ، حيث دخلت الاختبارات في الفصل الثاني ، واختبرت وحققت درجات عالية ، واكتشفت بعد ظهور النتائج أن خللًا في رصد درجات المشاركة حدث عندي ، فرسبت في ثلاث مواد ..

أعدت اختبار المواد الثلاث بعد أن حزنت وتضايقت ، لكن ذلك لم يثبط همتي أو يكسر عزيمتي ، وأنا اليوم أكتب لك ولم يبق بإذن الله على تخرجي إلا يومين .. الأيام تمضي ولن يضرك أن تعيدي اختبار مادة أو مادتين .. الأمر يسير ، فلا تتحطمي ..

أسأل الله لك التوفيق والسداد ..

تحيتي ..

[rashid7360]

اضاة الى افادات الاخوة والاخوات ... انتبه الى ضة تسجيل المادة ... لا تسجل المادة ( بعد تقديم عذر طبي ورفعة عن طريق ايقونه المتغيبن بعذر عن الاختبار ) .. الجامعة بتنزل لك المادة مباشرة ولا يحسب عليك رسوم .. وسوف يرصد نتيجة هذا الفصل رسوب .. وبعد ما تختبر يتم تغيير الرسوب الى معدلك بالمادة اللي حصلت عليه .. وبذلك تضمن الجامعة عدم تاثر معدل الطالب .