شباب الجبيل اللي محتاج الكتب يقولي

[علي الشمري]

السلام عليكم ورحمة الله وبركاته

شباب اللي محتاج الكتب وما يقدر يجيبها يقولي


راح نتساعد ان شالله انا ما حصلت الكتب في الجبيل راح اروح ان شالله بكره الى الدمام واي خدمة يا شباب انا راح ادخل بكره ان شالله اشوف اللي يبون وبجيب لهم الكتب ..

[ǺĽ ẕeeห]

هلا خيووو :

وهـ يسعدك ربي يالغالي ماتقصر راح تريح كثير من الأعضاء بموضوعك وشهامتك هذه .

اوصيك بمكتبه ( المتنبي ) انا اليوم جبت منها الكتب كلها الحمد لله بس الإقتصاد ماجبته

لأن الدكتور مالزم عليه ولا جاب طاريه بالمحاضره ان جاب وشدد عليه جبته

اوكي خيوو عشان لا تتعب وتدور لا عبيكان ولا جرير بالدمام ولا بالخبر بتلاقي بهم

روح المتنبي يالغالي بتحلصهم ان شاء الله هناك :119:

وربي يعطيك الف الف الف عافيه ويسهل عليك ويوفقك .

[ليدي لندا]

ياقطوة انتي شريتي كتاب القانون؟؟؟؟مع
وياخيي يعطيك العافية والله

[علي الشمري]

الله يعافيكم يارب


انا اخذت المحاسبة والرياضيات والاقتصاد الجزئي باقي لي القانون والادارة ..

[ادارة اعمال]

الادارة مالقيته في المتنبي خلص
وكل يوم يقول بكرة يجي ان شاء الله يكون وصل

[كاتم]

لاخ علي الشمري
لاتنسانا من الكتب

وفق الله

[جرح شمران]

الي يبي كتب راح تجي بعد ثلاث ايام في مكتبة السراة
في الجبيل البلد انا رحت اليوم قالو خلال ثلاث ايام وراح يجبونها
في المكتبة
وبدق على المكتبة اذا جت بحط موضوع عشان الكل يقراة

[ǺĽ ẕeeห]

حبوبه ماشريت القانون مابعد

والمتبني ان شاء الله بيجيبون الكتب لكم يالغالين

[غموض إمرأة..]

معليش حبــآيبي .. بس مكتبة آلمتنـبي وين ..؟


وهل الكتب لزمو عليهـآ الدكــآترة ...؟

[@الشمالي@]

معليش حبــآيبي .. بس مكتبة آلمتنـبي وين ..؟


وهل الكتب لزمو عليهـآ الدكــآترة ...؟


هلا غموض

المتنبي بالدمام


وبعضهم لزم وبعضهم لزم

[غموض إمرأة..]

.

.

تيب اخوي الشمــآلي لزمو على ايش .. بالضبط

[@الشمالي@]

.

.

تيب اخوي الشمــآلي لزمو على ايش .. بالضبط

المحاسبه لزم

والرياضيات

والادارة

[ابوسعود1]

سلام عليكم ورحمة الله وبركاتة
كيفكم عساكم بخير الاخ على الشمري اشكرك على جهودك يارب ما يضيعلك تعب
انا اخذت (cd)من المحل ومشكور ماقصرت
بخصوص الكتب موجود في جرير الجبيل القانون بس الطبعه 2009م ماتنفع فيها اختلاف كثير ورجعتها وانتظر منهم الطبعه الجديدة وكتاب المحاسبة موجود لديهماما باقي المواد يقولون خلال هذا الاسبوع
وشكراً............

[ابو جنى ..]

طيب اللي اخذ الكتب من جدة ياليت يقولنا من وين اخذها ....


انا امس رحت جرير ماعندهم ولا كتاب ....

[InSpIRe]

اذا صارت باحد مكتبات الجبيل الصناعيه او البلد ياليت تعلمونا تكرما .. تشكرات :)

[جرح شمران]

ريحوا ولا تشيلون هم الكتب راح تجي بعد ثلاث ايام في الجبيل
واذا جات بعلمكم تروحون تشترون اي خدمة تراني حاضضرة بالي يسركم
يعني لا حد يقولي يبي يروح الدمام عشان الكتب
وهو بس يبي يفرك يتمشى :mh35:

[! خــوش ولــد !]

الاخ علي انا صار لي ثلاث ايام افر بمكاتب الخبر والدمام وللاسف ماحصلت الا ثلاث كتب

الرياضيات 2005 اتوقع والمحاسبه والاقتصاد الجزيء

والاداره مالقيته ولا القانون وانتبه لكتاب القانون راح تحصل واحد ازرق نسخه 2009 خله يولي

واذا لقيت هالكتابين بالله جيب لي وياك وابشر باللي يرضيك يالشمري :119:

[InSpIRe]

ريحوا ولا تشيلون هم الكتب راح تجي بعد ثلاث ايام في الجبيل
واذا جات بعلمكم تروحون تشترون اي خدمة تراني حاضضرة بالي يسركم
يعني لا حد يقولي يبي يروح الدمام عشان الكتب
وهو بس يبي يفرك يتمشى :mh35:

يوميا اروح الدمام بس سبحان الله مابي اخذ كتب من هناك .. مابي اخذها الا من الجبيل مادري واي:mh19:

[كاتم]

وين المكتبة في الجبيل البلد
ممكن العنوان

[! خــوش ولــد !]

وين المكتبة في الجبيل البلد
ممكن العنوان



يا اخوي هذي قريبه عند مطاعم كبانا

شوف خل النادي والمستشفى الجبيل العام على يسارك امش قدام شوي بتحصل المكتبه على يسارك

اسمها السراه

[جرح شمران]

يا اخوي هذي قريبه عند مطاعم كبانا

شوف خل النادي والمستشفى الجبيل العام على يسارك امش قدام شوي بتحصل المكتبه على يسارك

اسمها السراه

مشكور اخوي كنت حايسة كيف اشرح لهم العنوان
تعرف احنى البنات مانسوق عشان كذا مانقدر نفيدكم في
مثل هذي الامور :119:

[ابوعبدالله26]

مشكورين

اذا وصلت بلغونا




تحياتي

[مهاجر جنوب]

مكتبة السراة وين هذي

[ادارة اعمال]

جرح شمران انا انزل الدمام علشان الكتب والله وعلشان شغلات ثانية تعرفين عندنا بالجبيل سمينا اسواقهم السوق السوداء
السعر دبل
غير كذا مافي خيارات في المواد المستهلكة
يعني تاخذين هذا الشيء والا روحي طقي بوجهك عالدمام والخبر
وغير كذا الفناتير الماركات اللي فيه والمعروضات اللي فيه الاقي فيها موديلات غير غير عن اللي موجودة بالراشد وطبعا اللي في الراشد تكون غير عن اللي في مدينة جده وطبعا كلها غير عن اللي في البحرين وغير عن الكويت مع انها كلها تنزل في نفس الموسم
بس الظاهر اختلاف المصانع
يعني كل منطقة لها موردين غير
يووه احس اني هذرت خارج الموضوع

[علي الشمري]

جرح شمران انا انزل الدمام علشان الكتب والله وعلشان شغلات ثانية تعرفين عندنا بالجبيل سمينا اسواقهم السوق السوداء
السعر دبل
غير كذا مافي خيارات في المواد المستهلكة
يعني تاخذين هذا الشيء والا روحي طقي بوجهك عالدمام والخبر
وغير كذا الفناتير الماركات اللي فيه والمعروضات اللي فيه الاقي فيها موديلات غير غير عن اللي موجودة بالراشد وطبعا اللي في الراشد تكون غير عن اللي في مدينة جده وطبعا كلها غير عن اللي في البحرين وغير عن الكويت مع انها كلها تنزل في نفس الموسم
بس الظاهر اختلاف المصانع
يعني كل منطقة لها موردين غير
يووه احس اني هذرت خارج الموضوع

شدخل جده والكويت والبحرين واسواقنا والماركات في كتب الادارة هههههههههههههه

والله ليت عندي حبوب اللي تمنع التسوق اللي يقولون عنهم انها نازله با السوق في الصين

اقول خلينا على الكتب :150::150:

واتركي عنكي الهذره ههههههههههه:hahahahahah::hahahahahah:

[جرح شمران]

والسموحة على التاخير الغير مقصود

المكتبه اسمها السراة
العنوان الجبيل شارع الملك عبد الله تقاطع شارع مشهور

التليفون 3615056

جوال 05011890250
او 0507747010

اسم الرجال
ابو عبد الرحمن

اتمنى اني عرفت اشرح لكم العنوان
والبتوفيق

[جريح الصمت]

مشكور اخوي على

انا محتاج الكتب بس انا من القصيم

ماحصلت الا كتاب المحاسبة والباقي مو موجودين اذا تقدر ترسلهم لي القصيم اكون شاكر

عطني رقم حسابك وانا حاضر باللي تبي

اخوك فهد الشمري

[MANSOUR]

طيب الملخصات شصار عليها :s11: