الله يجزاكم الجنة ريحوا بالي عندي استفسار وابي اهل الخبرة يساعدوني تكفون

[زوز عسيري 1414]

ياجماعة انا شكلي بتورط ولاني عارفة كيف اتصرف وتوي ادري ان تخصص علم الاجتماع تقفل يعني مافيه دفعات جديدة.. انا الحين بمستوى 4 مآخذه نص المواد منه مع اللي تأخرت عنها في المستوى الثالث ..المهم السنة الجاية ان شاءالله بدخل مستوى خامس وباقي لي 4 مواد من المستوى الرابع كيف اقسم ها المواد اللي ناشبة لي بآخذ مادة التدريب الميداني 1 في المستوى الخامس ويبقى 3مواد عادي اوزعها على المستويات 6و7و8 من دون ما اتعرض للأسئلة المقالية ..:Cry111::bawling:
ان شاءالله تكونوا فهمتوا عليه والله مالي الا الله ثم انتم

[saud050842]

في تسجيل في رمضان ان شاءالله يكون علم الاجتماع معهم .

[زوز عسيري 1414]

ان شاءالله يارب

[عبدالله الحربي0]

اذا تاخرتي بتكون اسئله مقاليه ..مثل ماحصل مع التربيه الخاصه
لان علم اجتماع مقفل ..الحين ادره وانجليزي فقط .والتسجيل الجديد بيكون بعد رمضان

[بدر 2011]

اهم شي ركزي على اختباراتك الحين
انا كان عندي مواد من مستويات سابقه
وكنت مأاجلها واغلبها خلصتها الفصل اللي راح
وكان باقي لي مادة من مستوى رابع قواعد البيانات
واخذتها هالفصل يعني اذا عديت على خير ان شاء الله نتخرج
وفيه كثير مثلك من الطلبه مااخذ مواد ومااجلها فلا تشيلين الهم
وربي سبحانه بييسر امرك ويسهلها عليك فالك التوفيق والنجاح

[ام عمر2]

انا ماجله ماده من مستوى ثاني ومادتين من ثالث وماده من رابع والمستوى هذا ماخذه مادتين من الي اجلتها

[زوز عسيري 1414]

الله يوفقكم جميعاً ويسعدكم والله ريحني كلامكم وان شاء الله انا ماراح احمل مواد لاني مابعدت عن جو الدراسة من الاساس وتأخرت ب 4 مواد لظروف خارجة عن إراداتي ولكن الحمدلله على كل حال وان شاء الله ربي يسهلها لي ولكم

[عبدالله الحربي0]

نصيحه للي مؤجل مواد ياخذها بدري علشان مابيكون مقالي

[هارت]

فيه الصيفي بإذن الله يهون عليك ..

[زوز عسيري 1414]

انا ودي أخذها بس عدد الساعات مايكفي اخذها مع المواد اللي بنفس الخطة عندي 16 ساعه ومقدر آخذ الا مادة وحدة عشان تصير18 ساعة اللي هو الحد الاعلى