ابعتذر عن التسويق !! كيف 😞

[SEMO.0]

السلام عليكم

يعطيكم العافيه انا مسافره لامي تعبانه ولا اقدر اجي اختبر التسويق بكرا :verycute:

هل يقبلون لو جبت لهم عذر طبي !

او كيف اعتذر عشان تنحذف الماده لاني بصراحه م اقدر ارجع الرياض اليوم

وفيه احد جرب يعتذر وقبلوه الجامعه والا :sm1:
ي ليت تفيدوني الله يعافيكككم ويسعدكم :verycute:

[عنب اخضر]

اذا رحتي لمديته ثانيه
وتقدرين تختبرين اختبري بمقر المدينه الي بتروحين لها
الله يعينك
وماعندي خلفيه صراحه بالتوفيق

[im_fawaz]

عذر طبي وبالتوفيق للاسف لايقبلون حقيقة الظروف القاهره
ولكن يقبلون ان تكذب عليهم بعذر طبي :Cry111:
بالتوفيق وما تشوفون باس :oao:

[شذاااا]

ماعتقد تقدر تختبر بمدينه غير المدينه اللي اختارتها....لانهم يرسلون عدد الاسئله على عدد الطالبات

بخصوص طريقة الاعتذار عن الاختبار ماجربت صراحتا مااقدر افيدك

[SEMO.0]

يعطيكم العافيه م قصررتوا وفالكم النجاح يارب

): ان شاء الله فيه احد يفيدني لانو م اقدر ارجع وامي كذا تعبانهه

[SEMO.0]

يعطيكم العافيه م قصررتوا وفالكم النجاح يارب

): ان شاء الله فيه احد يفيدني لانو م اقدر ارجع وامي كذا تعبانهه

[اتسام]

و عليكم السلام و رحمة الله وبركاته

سلامة الوالدة ماتشوف شر

عزيزتي اعتقد خلصت فترة الاعتذار عن المواد

لكن جيبي عذر طبي بتاريخ يوم الاختبار
و قدميه لما تفتح الأيقونه ..

عشان تنزل لك المادة المستوى الجاي ان شاءالله

والله يخليها لك .. بالتوفيق

[زمآن الصمت]

عليكم السلام

الله يقوم امك بالسلامه

عندك حلين :
الاول : تجيبين عذر طبي من مستشفى حكومي ( فيه بعض الطلاب جابو من مستوصف اهلي وقبلوه) او اذا انتي مرافقه مع الوالده خذي تقرير طبي +ورقه المرافق. ( وفيه طلاب كتبو عذر خطي وقبلته الجامعه)

ثانيا : يمديك تختبرين في اقرب مركز ( خذي معك الاثبات +شهاده لحضور الاختبار مع الجدول وتلقينها بالخدمات الطلابيه)
و تتوجهين (لمشرفه المركز) قبل الاختبار بوقت كافي .

[SEMO.0]

الله يسلمكم ويسعدكم يارب
مشكورين :verycute:

وموفقين ان شاء الله ب اختبار التسويق :rose:

[~ شمآلي ~]

وعليكم السلام ..

بالنسبة للعذر الطبي ..
الفصل الماضي غبت عن مقررين ! ادارة مالية 2 و تحليل احصائي ..
وجبت لهم عذر من مستوصف خاص وقبلوه وعدتها هالفصل بدون دفع رسوم ..

اما بالنسبة انك تختبرين بمركز ثاني !
ماعندي خلفيه والله بالموضوع بس ممكن ترسلين للفريدان او غيره يفيدك بهالشي

موفقه ان شاءالله
وسلامات للوالدة الله يقومها بالسلامة ويطول بعمرها ويرزقك برّها ..

[mo7med7121]

ماتشوف شر والله يقومها بالسلامه
بالنسبة لك عذرك اكيد بيقبلونه طالما معاك تقرير طبي اهم شي اول ماتفتح ايقونه الاعذار قدميها ولو قدرتي ترسلين معروض بطلبك مع صورة للتقرير الى فاكس الجامعه الرسمي افضل زيادة للتاكيد
عموما خليك مع الوالدة وهي راس المال بالدنيا والف لا باس عليها .

[nanoo211]

سلامت امك ماتشوف شر ..
توكلي على الله في كل حاجه
وبتتيسر امورك والله يفرجها عليك ..

[هيام فهد]

بالضبط زي ماقالو الاخوان التقرير بيفيدك سواء حكومي او خاص وكثيرر اعرفهم تغيبو وقبلو اعذارهم
والله يشفيلك امك ويخليها لك ي رب

[غلا دودي]

ماتشوف شر الوالده الله يخليها لك يارب


والله يسهل امورك

[مهاوي الشهري]

سلامة امك ياعسل تقدري تختبري في اقرب مركز اختبار عندنا بنا جو من نجران لظروف الحرب واختبرو في مركز خميس مشيط دوري اقرب مركز

[طالب نشط]

الف سلامات على الوالدة قدامها العافية طالما تركك للاختبار فيه ارضاء للوالدة فعلمي ان الله معك

والمشرفين سوف يفيدوك ان شاء الله

[SEMO.0]

الشر م يجيكم يارب
والله يسلمكم من كل شر

ومشكورين والله .. الله يسعدكم ويفرحكم بنجاحكم ويوفقكم ويرزقكم كل م تتمنون يارب
ان شاء الله بقدم عذر طبي وتساهيل يارب

موفقين ان شاء الله