الغياب عن الاختبار

[نوف الشهري]

السلام عليكم ورحمة الله وبركاته

عندي اليوم اختبار تاريخ الخليج العربي وما اقدر اختبر وما ابغى معدلي ينزل لان المستوى هذا ابغى ارفع المعدل والحمد لله اختباراتي الي فاتت كلها حلو طبعا رح ادبر تقرير طبي اصابه باليد اكييد رح تقبله الجامعه او مارح تقبله الي اقصده هل الجامعه تقبل جميع الاعذار من المستشفى او لا لحالات معينه
تكفوون ردو عليه

[نوف الشهري]

:Cry111::mh12:

[انا واختي خوات]

ايه عادي يقبلونه بس تابعي الموقع عشان تعرفين متى تفتح ايقونه الأعذار والله يسهل امورش

[ع قد نياتي]

حسافة لا تاجلين ان شاء الله انه سهل

[عاشق نجـد]

التقرير الطبي يقبل اذا هو من مستشفى حكومي

وأيقونة أعذار المتغيبين تفتح بعد نهاية الأختبارات مباشرة

ولما يقبل العذر تنزل لك المادة دايركت فالمستوى الجاي

[انووووس]

انا عندي مادة التوجية ووالارشاد وجبت تقرير طبي من مستوصف الراي الاهلي
الجامعه كدا مراح تقبله مني لانه مو مستشفى حكومي

[عضو محذوف]

الله يعينك ويوفقك
اذا تقدرين ذاكري الاسئله وادخلي ان شاءالله مكرر اذا ضرفك ماذاكرتي واذا غيره الله يفرج عليك وتعوضينه يارب

[ابوباني]

عذر من مستشفي حكومي

[مـ غ ـترب فـيـ عـذابـكـ]

حتى الاهلي حالات كثير تم قبولها

[نوف الشهري]

الله يعطيكم العافيه جميعا وييسر لكم واختباركم ياارب

بس انا رحت الطواري واعطوني مشهد وماذكرو فيه السبب يقولون التقرير من العيادات واليوم السبت مافيه عيادات تتوقعون يقبل او لا ردو عليه لان خلال ساعه بمشي من البيت لان مركز الاختبار بعيد عن البيت

[م العسكر]

اقول توكلي على ربك واحضري الاختبار وان شاء الله يكون سهل وتعدي الامور على خير

[خالد الاسلمي]

راسلي الدكتور علي اميله
بس الي اعرفه يقبلون اي عذر وكذا واحد اعرفه وقبلو عذره
واختبر الترم الي بعده بدون رسوم

[ابو فجر-1]

السلام
التقرير الي معاك مايقبل لانه مشهد لمراجعه الطواري مافيه اي شي يفيد
تبي نصيحتي اذا تقدر تدخل الاختبار توكل على الله
واذا معندك غير المشهد حق الطواري فاكبد مراح يقبلونه الجامعه لانه مو عذر طبي...
الله يسهل اموررك

[نوف الشهري]

اخواني الله يجزاكم خير وفالكم a+

والله ييسرها لي ولكم يارب

[سارة ع]

ولله ياختي انا اقول كانك تقدرين تختبرين توكلي على الله وذاكري اسئلة الاختبارات الي فاتت وادخلي الاختبار

[نوف الشهري]

الله يعطيك العافيه طيب تتوقعين لو اذاكر اسئلة الاختبارات الي فاتت اضمن النجاح

[ĸLσz]

النجاح بيد رب العالمين
والدكتور اسئلته مو معقده والاغلب انها سهله ومكرره هذا من واقع تجربتي بالماده

فنصيحتي لك ادخلي الاختبار والله يسهلها عليك وراح تنجحين بالماده

[mohanad1992]

باقي معك وقت اذا تقدري تروحي الاختبار ذاكري الاسئلة حقت الاعوام اللي راحت وانشاء الله ييسرها

[فاقده غالي]

وحده من البنات ماختبرت ولاجابت عذر
شرحت لهم ظرفها وقبلوه

[نوف الشهري]

انا الحمد لله اختبرت التاريخ الخليج العربي صحيح خربطه شوي بس بشكل عام تمام

الله يعطيكم العافيه ويسعدكم وشكرا لكل من رد