فاتني اختبار تعاقد وتفاوض وش السواة

[صالح المسيلط]

السلام عليكم ورحمة الله وبركاته

يااخوان راحت علي نومه ورحت الاختبار ضايق صدري

مع نهاية نصف الوقت وحاولت ادخل لكن رفضوا ..

المهم الحين .. هل فيه ترم صيفي اقدر اخذ الماده فيه ؟؟؟

ولا المواد اللي ينزلونها في الصيفي تكون مواد معينه من اختيارهم ؟؟؟

الله يوفق الجميع

[محفوظ الساده]

نجحـــــــــــــــت

[aizo]

حاول تدبر اليوم اي عذر طبي
وان شاء الله يعيدونه لك

[شذرات]

احسن لك الف مبره دور عذر طبي افضل لك وعيد الماده

[مريم27]

جيبي بمرضي من المستشفى حكومي عشان ترفعينه عادي

[saad.m633]

الف الف الف مبروك
والله ان الله اللي انقذك


رح خذلك سكليف من اقرب مستشفى
ولا خطاب من عملك
وتزين امور

[عبدالله الالمعي]

ازين انك ما اختبرت رح دبر عمرك اجازه مرضيه ويعيدونه لك ����

[ابومحمدالودعاني]

خيره انك ما اختبرت

[im Diamond]

الله يعينك الفتره الاولى مقرفه من التوتر مانمت خايفه يفوتني الله يسهلك

[حنان 66]

المواد الصيفيه يحددونها هم

[looolooz]

لعلها خيره

[lolo]

احمد ربك
مافاتك الا الشر ان شاء الله
امك داعية لك والا كان ضعة من اسلوب الدكتور

[وادي زاعم]

بما ان راح عليك نصف الوقت ليش ما دخلك المراقب ...وش ها التعقيد اللي هو فيه ...وش يخصر لو انه دخلك الحين ..سبحان الله ...الله يهديه ويسامحه ...اتخيل لو انا خريج وحصل لي ضرف وجيت ومضى ع الوقت نصه ورفض يدخلني الاكيد اني ودي اتخانق معه ....

[sam2003f]

ماظنيت طافك شي وانا اخوك الظاهر الدفعه كلها بتختبر معك :d

اهم شي جيب عذر طبي

[وادي زاعم]

ماظنيت طافك شي وانا اخوك الظاهر الدفعه كلها بتختبر معك :d

اهم شي جيب عذر طبي
ههههههههههههههههههههههههههههههههههههههههههه

[Nice 90]

حاول تدبر عذر طبي مختوم من مستشفى حكومي

وقدمة في ايقونة تقديم الاعذار راح تفتح بعد الاختبارات

وترجع تنزلك الماده الترم الجاي وتبدا فيها من اول وجديد

[عبدالحليم حافظ]

والله حتى انا فاتني الاختبار يوافقون على مستوصف اسنان ولا لازم حكومي

[Koke]

الف الف الف الف مبروك حظك ممتاز شف لك عذر بس قدمه على الخدمات الطلابيه

[lolo]

احمد ربك
مافاتك الا الشر ان شاء الله
امك داعية لك والا كان ضعة من اسلوب الدكتور

[صالح المسيلط]

الله يجزاكم خير على الردود

انا شايف الاغلبيه متذمرين من الاختبار

لهالدرجه الجيزاوي الله يسامحه منزل اسئله صعبه ؟؟

القهر اني خريج وبضطر اعيد الماده حتى لوجبت عذر طبي ...

الله يوفق الجميع لما يحب ويرضى

[ابو سليمان 33]

الف الف مبروووووووووووووووووك انك ما اختبرت اختبار قمة الصعوبه
روح مستوصف خاص ويعطونك عذر ب100 ريال

[عبدالله..]

اهم شي تجيب عذر طبي علشان موضوع الاعاده بس ما راح تعيده الا الترم الجاي لان الترم الصيفي غير مجدوله واذا اختبروك صيفي راح تختبر عندهم في الاحساء وتحريري ماهو اختيارات

[صالح المسيلط]

قدر الله وماشاء فعل

يعني اعادة الماده ترم جديد فيني فيني ..

انا قلت يمكن يسوون اعادة لاختبار للي عندهم عذر طبي او صار فيه تظلم كبير من صعوبة الاسئلة ..

يعني بجلس ترم كامل جديد علشان ماده واحده ,,

الله المستعان

[الولهان2010]

عذر طبي من اي مستوصف اهلي وانتهاء الموضوع

[اكليل من الماس]

يا اخوان انا نفس الشي فاتني الاختبار اليوم تعاقد ؟؟ هل ضروري اجيب عذر طبي حتى ينزلون لي الماده الترم الجاي!! معليش فهموني وش مناسبه العذر بما انو ابعيد ترم

[الشامخ11]

قدر الله وماشاء فعل
عسى في الامر خير
ومن حسن حظك انك ما دخلت الاختبار بس حازل في العذر الطبي
اخ صالح او دبر عمرك بتقرير حادث الله لايقدر على احد بشر وإن شاء الله تتيسر الامور

[صالح المسيلط]

الله يجزاكم الجنه جميعآ وبيض الله وجيهكم

الاخ اكليل الماس .. العذر الطبي ماهو الا ذر الرماد في العيون كما يقولون
اذا جبت العذر ورفعته لهم وتم قبول العذر بينزلون لك الماده آليأ الترم الجاي بدون رسوم ..
هذا اللي فهمته من الاخوان الله يجزاهم خير ..
يعني جبت عذر او لا
الماده بنرجع ندرسها الترم الجاي ان شاء الله
الله يعوضنا واياك خير ,,,

[Dr. Diamond]

يا اخوان انا نفس الشي فاتني الاختبار اليوم تعاقد ؟؟ هل ضروري اجيب عذر طبي حتى ينزلون لي الماده الترم الجاي!! معليش فهموني وش مناسبه العذر بما انو ابعيد ترم

الله يجزاكم الجنه جميعآ وبيض الله وجيهكم

الاخ اكليل الماس .. العذر الطبي ماهو الا ذر الرماد في العيون كما يقولون
اذا جبت العذر ورفعته لهم وتم قبول العذر بينزلون لك الماده آليأ الترم الجاي بدون رسوم ..
هذا اللي فهمته من الاخوان الله يجزاهم خير ..
يعني جبت عذر او لا
الماده بنرجع ندرسها الترم الجاي ان شاء الله
الله يعوضنا واياك خير ,,,

لا فيه فرق بسجله الدراسي، فإذا ماجاب لهم أي عذر طبي بيسجلون له المادة راسب، لكن إن جاب عذر طبي وقبلوه فبيسجلون له المادة بصيغة أخرى بس ناسيها وأعتقد إنها منسحب أو شيء مشابه له.

فطبعا لو تسجلت عليك راسب فحتكون عليك نقطة سوداء في شهادتك لحظة تقديمك لأي مؤسسة حكومية أو خاصة :(177):

فالحذر من عبارة راسب