من أخذ القانون التجاري الترم الماضي ؟!

[Olay]

السلام علكيم ورحمه الله وبركاته

ياريت فزعتكم يا اخوان
بكره علي

قانون تجاري + نظرية منظمات :)

حبيت استفسر عن ماده القانون التجاري كيف كانت اسأله الدكتور وايش اعتمد في الترم الماضي ياريت تفيدونا

شكرا لكم

[Shyhana]

الدكتور عمر السعيد
الله يسعده أسئلته مباشرة وواضحة اقرأ الملزمة بتركيز وان شاء الله الأمور سهله
عندك ملخص نورة القحطاني

[saleh-9]

عمر السعيد :) ونعم الرجل
مايعرف يلف ويدور
اسئلته واضحه ومباشره
وكرر من الاسئلة السابقه

[* Sarah *]

حلو في أحد من دفعتي ماخذ معي قانون << :verycute:

خيي إذا كان عندك وقت نصيحتي لك ملخص بوسي كات

أما إذا لا .. فـ اعتمد ..
# المواضيع اللي ذكرها في المحاضرات المباشرة << ترى حرص عليها كثير
# أسئلة اختبار ثلاث أترام ماضية "تقريباً من نفس المواضيع اللي ذكرها"

أرفقت لك الثلاث ملفات وملف للدكتور نزله في حسابه "عن اللي ذكرها في المباشرة"

يمكن هالملفات مو جديدة عليك وشفتها بمستوى سادس بس أكيد إنها عندنا أحلا :biggrin:

فالك التوفيق :icon1: ~

[Olay]

رفع الله قدركم وجزاكم الله خير


شكرا لك ساره ما قصرتي والله

[فراات]

الدكتور عمر السعيييد الله يوفقه
بجد اسئلته واااضحه وتراه يركز ع الملاحظات اللي قالها واسئله الاترام الماضيه

عموما لاتشيل همها مررره رووعه

[Abo JoOd]

أقرأ الملخص وبعدين راجع أسئلة الأترام اللي راحت وحاول تركز على اللي جاء منها اسئله وفالكم +a

الدكتور الترم اللي فات الله يسعده ويجزيه عنا كل خير ...

[NASD]

أنا معاكم الله يسهلها يارب

[نوونه77]

ياليييت كل الدكاتره زي عمر السعيد الله يبيض وجهه دنيا وأخره

[صالح ولد رقيه]

التجاري سهله وبتعدي ان شاءالله

[سارونيشن]

انا جبت بالقانون التجاري الدرجه الكامله سهل الحمدالله ركز على المحاضرات المباشره الاسئله اللي فيها جابها كللللها واسئلة الاختبارات الماده حلوه الحمدلله والدكتور متعاون الله يجزاه خير وبالتوفيق

[شبل نجد]

القانون التجاري ماده سهله ودكتورة أكثر من رائع لكن يبيلك تذاكر الملخص ولكن مايمديك تجمع بين المادتين لأن نضرية المنظمات تحتاج مذاكرة أكثر لكن انصحك بأسئلة الأترام الماضية ذاكرها وعسى الله يوفقك

[Olay]

بيض الله وجيهكم وكثر الله خيركم طمنتوني اجل بشد حالي في نظريه المنتظمات

[victor_ksa]

قانون تجاري سهله جدا

ربي يسعد د.عمر السعيد ونعم الرجال

مبااااشر في اسلوبة و واضح

يكرر من الاختبارات الي فاتت

الله يسهل لك

وبالنسبه للنظريات خذتها وليتني ما اخذتها هالسمستر صعبه

[حروفي]

الله يسعدكم انا مثلك عندي منظمات بعد :(

[ايه فيه امل]

الاستاذ عمر السعيد من افضل الاساتذه الي مروا علي
اذا قال لكم ركزوا على شي معناته راح يجيبه نصا
عموما اسئلته واضحه وما فيها لف ودوران
الماده جبت فيها الدرجة الكاملة

[ابو سليمان 33]

انا اخذتها الترم الماضي ولا ذاكرت الا قبل الاختبار بساعتين وجبت a
الدكتور عمر السعيد لا تشيل هم


ادخل حسابه بالتويتر ممكن يعطيكم شي

[التعب]

الدكتور في قمة الروعة جميل وأسئلة واضحة

[طالب كويس]

الدكتور والسيناتور والرجل المحترم عمر السعيد
الله يحفظه ويحفظ ذريته ويسعده هو ومن يحب وين ماراح

رجل بمعنى الكلمة
انسان واضح.......واثق من نفسه........وش اقولك بس

اسئلته مباشرة جدا لا يلف ولا يدور ولا يحب يعقد احد ...اسلوبه راقي ورائع جدا

خلك متطمن...وربي يوفقكم جميع

وتحية عطرة للدكتور الحبيب عمر السعيد..الله يسعده

,

ولا انسى محمد بن دليم
اقوله
قبحك الله وين ماكنت فوق اي ارض وتحت اي سماء

[زمآن الصمت]

يالبى دكتور هالماده
هذا انطباع الطلاب الترم السابق
http://www.ckfu.org/vb/showthread.php?t=646551

[طالب كويس]

انظروا الى كمية الثناء من مختلف الاطياف وطلاب وطالبات للدكتور عمر السعيد
لتتأكدوا ان الناس" شهود الله في ارضه " !



وفي المقابل
ماذا استفدت يامحمد بن دليم غير الدعاء عليك والسب والسخط


الخلاصة
الحياة تمضي ولا يبقى لك الا الاثر الطيب
ستمضي الحياة يابن دليم بإدارة الاعمال الصغيرة او بدونها
وليس لك عندي إلا....( الله لايذكرك بخير ) !!!

[عبدالله الرشدان]

دكتووور يحب قلبك ماشاء الله عليك
ممتاز في الشرح وأسلوبه رهيب وممتع

طبعاً مدري أي فترة لكن أتوقع الوقت ضيق فأنصحك لااااززم وضروري تسمع محاضراته المبااشرررة
صدقني راح تفهم المادة وتصير سهله بشكل ماتتوقعة
أعيد وأكرر انتبه لاتفوتك المحاضرات المباشرة ولا ماراح تفهم المادة
ثم أختبر نفسك على الكويزات السابقة ، وبإذن الله تشوف النتيجة ألي تفرحك .

[عيسى الفضلي]

الحال من بعضه .. انا مثلك بعد .. لذلك حولت ع الخطة ( ب) مذاكرة اسئلة الترم الماضي وصلى الله وبارك
مادتين بنفس اليوم وش تاخذ وش تخلي..

بس القانون التجاري واضح من الاسئلة ان الماده سهلة


لكن الله يعين من نظرية المنظمات..

وبالتوفيق لنا ولكم

[¦¦ JùLḭἑT•• ®]

ماده سهله اختبرتها الترم الماضي وكانت درجتي 100

نصيحتي ركزوا على المواضيع والامثله اللي يتكلم عنها في المحاضرات المباشره
لأنها بتجيكم في الاختبار والله يوفقكم

[ريمي_22]

الله يجزاكم خير

كمية تفاؤل جممممميلة 😍
ربي لا يحرمكم الأجر

ويارب تكون ذَا المادة خاتمه خير ومسسسك وعطور وكل شي زين ياكريم

[الصقر المهاجر]

المادة حلوه وممتعة
والترم الماضي كانت مره سهلة الاسئلة

بالتوفيق

[حروفي]

الله يرحم والديكم مشيت على نصايحكم شي خيااااااال اتعب وانا اقول خيااااااااااال تندمت اني ماتابعت محاضراته الا في الوقت الضايع مبدع وعبقري عداه العيب وجعل والديه في الجنه