ياليت كل يوم نختبر ماده نبي نخلص بسرعه

[ام جود 15]

مادري ليش الاختبارات يوم ويوم لا
بدل ما نخلص في 10 ايام
تصير بسبب الجدول 15 يوم

[مـ غ ـترب فـيـ عـذابـكـ]

عشان تقدرين تذاكرين

بعدين انتي اللي تحطين الجدول

تقدرين ترتبينه ع كيفك

الجامعه ماجبرت احد ع وضضع يوم ويوم لا

كان اخذتي من المستويات المتقدمه

ايام ورا بعض :)

[جنون العاصفة]

انا ما عندي مانع اختبر كل شهر مادة:(34):
بس ما عندي استعداد اختبر كل يوم:(150):

[غيدْ.]

لا ياأختي الوضع كذا زين ومناسب لي ومناسب لكثير من الناس الحمدلله :29:

[كاشف الاسرار]

انا اتفق معك نبغاها كل يوم عشان نخلص ونرتاح

[-PEARL-]

بالعكس .. لو يصير بين كل ماده وماده يوم عالاقل .. يكون افضل بعد ..
ولا يرصونا ورى بعض .. وضغط ونفسيّه ..!

وانا من النوع اللي مايحب يذاكر الا حزة الحزه ..
يعني ماينفع لنا اللي ورى بعض (:

[Malaky1987]

لا والله صعبه مررره اتفق معك اننا نطول بس والله ان يصير الوضع مزري الاغلب موظفين ولا عندنا عيال ونتلعوز بالمذاكره الله شاهد

كذا مناسب جدا

[الحلم1]

لا والله صعبة اذا انتي تبين كل يوم خوذي من المستويات المتقدمة .

[noon1990]

لا والله بالعكس الوضع الحين زين بعض المواد صعبة وتحتاج لها تركيز ويكون قبلها مافيه اختبار عندك حلو يكون يوم اي ويوم لا مرات أروح مع اختي الجامعة يكون اختباري العصر وهي وراي بالليل على طول اجلس انتظرها لين 8 تطلع وعلى ما اوصل البيت واريح 9 وين يمديني اذاكر بسرعه لليوم الثاني مرات ابطل عين وعين لا من الإرهاق :24_asmilies-com:

[س,الشهري .]

ماشاء الله وتو تحسين ب هالشيء ع آخر يوم :)!
لو جينا من الناحيه النفسيه أريح ب كثير,مذاكره + مراجعه وقت للنوم بعد وش له الضغط النفسي :3:?
الواحد ياليت يفكر ب غيره قبل لايقدح من راسه :23:.

[ابوباسل الحربي]

كذا افضل لو كل بين اختبار يومين افضل بعد
لأن فيه ناس موظفه واشغال الدنيا ومافيه وقت يذاكر قبل فما عنده الا هاليوم يراجع الماده فيه
واغلب المواد يبلها ماذاكره على الاقل يومين

لكن هذا تفكير الدوافير يحسبوا كل الناس مثلهم فاضين :53:

[ممموني]

لا ويننن مستحيل يادوب يكفيني يومين مع مواد الانجليزي

زي ماقالو خذي لك من مستويات ثانيه واضغطي ع نفسك

[البنت الشطوره]

صعب جددددددا...
متى يمدينا نراجع 14 محاضره في نصف يوم...
اكثرنا عندهم التزامات ووظايف وعيال..

[ريميه الخالدي]

آبشرس انا مخليه الجدول بين كل ماده وماده يوم والا يومين ومرتآحه
إذا تبين يوم ورى يوم ، زيدي المواد وخذي لس مواد من مستويآت ثآنيه وارتآحي
كل واحد ينام على الجنب اللي يريحه يآوخيتي :$

[ام جود 15]

كذا افضل لو كل بين اختبار يومين افضل بعد
لأن فيه ناس موظفه واشغال الدنيا ومافيه وقت يذاكر قبل فما عنده الا هاليوم يراجع الماده فيه
واغلب المواد يبلها ماذاكره على الاقل يومين

لكن هذا تفكير الدوافير يحسبوا كل الناس مثلهم فاضين :53:
ما اذاكر الا اسئلة الاعوام الماضيه فقط
الملازم ماعمري شفتها

[زهراء !]

اتخيل الاختبارات ورا بعض ، عز الله لاارتحت ولا نمت وفوق ذا كله عقلي راح يتوقف ، تبين ورا بعض خذي من المستويات المتقدمه وعندي لك حل اسرع خلي مادتين بيوم واحد عشان تخلصين بسرعه : )

شر البليه مايضحك .

[ام مووودي]

ما اذاكر الا اسئلة الاعوام الماضيه فقط
الملازم ماعمري شفتها


عشان كذا تحسين نفسك مخلصه مذاكره وعندك وقت
قولي من اول مذاكرتك اسئلة فقط ماعرفتي التعب والسهر صح:sm4:

[MARYAM90]

هههههههههههههههه تظحكون قسم بالله

:d

[عزة محمد]

الأغلب ينشغل طول الفترة بدوام وظروف ما نفتح المنهج الا وقت الاختبار
وانا من نوع هذا والأفضل يوم آيه ويوم لا
وقبل ما أسجل المواد اشوف الأيام اذا فيه يوم وراء بعض اضطر اجل المادة

[عبير الزهور 222]

لاوالله ليش وراء بعض :eek:

اليوم حيل تعبت لان عندي مادتين وراء بعض

[Raw3a]

انا جربت اختبر مادتين ورا بعض مرا تعب و اجهاد !!

بس الحمدلله عدت بخيرها وشرها

[Hictar]

انا ودي تكون 3 اسابيع

وانتي تقولين يوم وراء يوم

ههههههههههههههههههههههه

اقل شئ ما أداوم وافتك من الوجيه الودره بالدوام

[سميره عبدالله]

اقول الله يررررررد لك عقلك ياشيخه قال كل يوم قال