إستفسار بخصوص التصنيف لقسم علم إجتماع ")

[sadeem_5]

السلام عليكم ورحمة الله وبركاته .. :g2:

مبروك للخريجين والخريجات والله يوفقنا ويااكم :34:❤

حبيت استفسر عن التصنيفات لقسم علم اجتماع ؟

اذا ابي أكون بمسمى اخصائي اجتماعي !
سمعت ان فيه دوره اخذها ومدتها 3 شهور بأي مستشفى أبي ..
وغير كذا كيف أسجل و اقدر ادخلها بسهوله ولا فيه شروط
وهل فيه إنجليزي المخنز ولالا :verycute:

ااااي وبعد اذا أخذت التصنيف اقدر أستفيد منه باي مجال ؟

ولا لازم بمستشفى !



تجاهلو اذا فيه طلاسم داخله من تلفون :biggrin:

والله يجزاكم خير :icon19:

اللهم صَلِّ وسلم على نبينا محمد ،

[عطرالحياة]

وعليكم السلام ورحمة الله وبركاته


هلا بك سدومه ..راح انقل لك تجربة خواتي لأنهم يشتغلون بالمجال الصحي
بالأول تاخذين دورة cpr الانعاش القلبي الرئوي من أي مستشفى ومدتها تقريبا ساعة
وبعد مايعطونك شهادة الدورة تاخذينها + الوثائق المطلوبة شهادة التخرج وبطاقة الهوية مع الصور

وتروحين لهيئة التخصصات الصحية بمنطقتكم تقدمين لهم اوراقك ثم يحدوون لك المستشفى اللي راح تتدربين فيه

مدة التدريب بالنسبة لعلم الاجتماع اللي سمعته ان المده 3 اشهر
ويوجد رسوم 3000 الاف مادري عن صحة هالكلام

بعد التدريب فيه مقابلة شخصية + اختبار <<مادري ينطبق هالكلام ع تخصصنا اولا :(

لأني للحين ماقدمت ع التصنيف

بالنسبة للوظائف اللي اعرفه ان التصنيف مطلوب للعمل بالمجال الصحي كـ أخصائية اجتماعية
غيرها للاسف ماعندي علم


اطلعي ع هالموضوع وإن شاء الله يفيدك
http://www.ckfu.org/vb/t611424.html

موفقه :icon1::icon1:

_

[sadeem_5]

ي مرحبا فيك عطر الحياه .. ولاهنتي ي عيني :icon19:

طيب سمعت اني آقدر اخذ الدوره قبل الوثيقه ؟؟ يعني مو شرط بوثيقتي اتدرب ومادري هل هذا صحيح ولالا


ويعني بس مجالي بيكون بالمجال الطبي ؟ ماستفيد منها بشيء ثاني
ودوام التدريب صباحي او مسائي وكم ساعه :/

ووش تنصحوني اقدم ولالا محتاره للآن آخاف ماستفيد منها :(

[خوان دي ماركو]

ان شاء الله يفيدونك الاعضاء

موضوع مهم .

[abo0o0d]

يوجد اخصائيين اجتماعيين بوزارة الشؤون الاجتماعيه بس ما يحتاجون التصنيف بالوقت الحالي لانهم علي السلم العام ولم يتم تحويلهم للكادر الصحي لان ما يطلب التصنيف الا للي يعمل بالكادر الصحي ووزارة الشؤون الاجتماعيه كما سمعت انها في صدد تحويل الاخصائيين من السلم العام الي الكادر الصحي وبهذا راح يطلب منهم التصنيف

[مُلهمــــة]

هلا سدوم

كلام عطـــــر 100% وهذا الي صار معي

ابالنسبة لي لتدريب من شهر انتظر موعد لاكتمال عدد المتدربات :(269):


كلمة اخصائي لا تكون الا في الكادر الصحي

والدوام صباحي ويكون بالاتفاق مع الاخصائية الي تدرب بعدد الايام في الاسبوع ممكن الاسبوع كامل او تحدد لك ايام معينه

طبعا هذا كله لازم بشهادة التخرج

وبالنسبة لنصحيتي : اقولك توكلي ع الله وباذن الله ماراح تندمي

في بعض العوائل ترفض هذا الشي بحكم انه في المستشفى !!!

اذا عادي عنك اول ما تستلمي تو كلي ع الله وقدمي ع التدريب لانه مو طول السنه الهيئة تقبل متدربين يعنى كان قبل شهرين ماضي موقف وراجعوه من شهر

[غلا الجوري]

سنديان حبيبتي بس لو تكرمتي

اخذتي شهادة السي بي ار ولا بس رحتي بالوثيقة وانتي بأي منطقه لاني سمعت حسب المنطقه اللي انتي فيها بعضهم مايطلبون دورة الانعاش

[مُلهمــــة]

سنديان حبيبتي بس لو تكرمتي

اخذتي شهادة السي بي ار ولا بس رحتي بالوثيقة وانتي بأي منطقه لاني سمعت حسب المنطقه اللي انتي فيها بعضهم مايطلبون دورة الانعاش

تأخذيها بعد او قبل التدريب

لكن أثناء التدريب ممنوع

بإذن الله أخذها بعد التدريب

[غلا الجوري]

طيب سنديان ليش ماتاخذين الدوره قبل دام الوثيقه ماراح تصدر الا بعد شهرين يمدي ناخذ شهادة الدوره وبعدين التدريب

[مُلهمــــة]

طيب سنديان ليش ماتاخذين الدوره قبل دام الوثيقه ماراح تصدر الا بعد شهرين يمدي ناخذ شهادة الدوره وبعدين التدريب

قصة طويله حصلت :(269):

المشكلة في التحديد للبدء ف التدريب هو السبب يعنى مو تروحي ع طول تبدئي

لازم عدد محدد من المتدربين ولازم المستشفى يقبل يعنى جلست أسبوع كامل عشان الأوراق من موقع آلى الاخر وكذا

ومكتب النساء يقولو ابدئي وقسم الرجال يقولو لا لازم قبول المستشفى والتنسيق معهم

طبعا ف النهائية قسم الرجال كان الصح

عشان كذا قالو عادي خليها أخر يوم بعد التدريب ما يأثر ابدا

[غلا الجوري]

سنديان الله يوفقك ويوفقني معاك انا حاليا ابي اخلص امور الدوره وبشوف شلون اضبط وضعي مع مستشفى حكومي اتدرب فيه

[حصه محمد]

غلا الجوري اذا بتتدربين بالخبر انا معك والله يسهلها

[l0ly]

بنات من الحين التقديم لاني ابي اقدم

[طفله البحر]

كيف الاجراءات اروح للهيئة واطلب دورة انعاش رئوي وكم مدة الدورة عادي قبل لاااستلم الشهادة

[سعود القحطآني]

تروحين لأقرب فرع للهئية السعودية للتخصصات الصحية
الوثائق المطلوبة
- شهادة التخرج
- السجل الاكاديمي
-صورة البطاقة المدنيه
- شهادة ( bls ) انعاش قلبي رئوي ( تقدرين تأخذينها أثناء التدريب ) اهم شيء ماتخلصين التدريب الا وهي معك
وبعدها يتم تحويلك ( للتدريب ب أجر ) ب أحد مستشفيات الصحة النفسية ب المنطقة أو اي مستشفى فيه قسم خدمة اجتماعية لأكمال دوره مدتها 4 اشهر ( سابقاً كانت 3 اشهر ) واحتمال يرفعونها 6 شهور

بعد أنتهاء فترة التدريب تقدمين بالاوراق مره ثانيه للهئية ، ويتمّ تقييمك وأختبارك من قبل 3 من الاخصائيين الاجتماعيين بالمستشفى .
واذا عديتي , يرفعون ب اوراقك للرياض ويتم اعتمادها خلال اسبوع أو اسبوعين


كل هالكلام عن تجربة شخصية ، والله يوفق الجميع

[مُلهمــــة]

انا فقط رحت بشهاده التخرج مع البطاقة الشخصية والدورة أعطوني مدتها ٣ شهور من ١ رمضان الى 30 ذو القعدة
ودورة الانعاش عادي في اي وقت
ومبلغ التدريب ٣٠٠٠
قيمة البطاقة كما سمعت ١٦٠٠
ودورة الانعاش مع البطاقة ٣٠٠



...