[●( نصآئحكم للطلبة الجدد )●]

[juoooan]

مسآء الإجازة ..

آخبآركم !

رأيكم و نصآئحكم للطلبة الجدد عن موآدنآ الجمميلة
[ الآخلاق الإسلامية - المحاسبة 2 - ريآضيآت 2 - الإقتصآد الكلي
- اللغة الآنجليزية - تقنية معلومآت 1 - العقيدة الإسلامية - صحة و ليآقة ]

المآدة من حيث السهولة / صعبة
رآيكم بشرح الدكتور / آسلوبة بالاسئلة
نصآئحكم للمذآكرة !






كل التوفيق بالمستوى القآدم


:rose:

[تفاؤل 1]

اللي تحتاج متابعة الاقتصاد والمحاسبة
والتقنية والعقيدة محتاجة وقت في المذاكرة ﻻنها طويلة ومعلوماتها دقيقة
والباقية حلوة واجتهدوا فيها لرفع المعدل

وبالتوفيق ياارب

[Sameerah]

نصيحتي لكم ياللي جايين من مستوى اول لاتظنون ان امتحانات مستوى ثاني راح تكون مثل مستوى اول حتى لو درسكم نفس الدكتور اللي مدرسكم في مستوى اول علشان لاتنصدمون مثلنا نحن الدفعة اللي قبلكم انصدمنا باختبارات المحاسبة2 والاقتصاد الكلي واركز على الاقتصاد اللي كان سهل في مستوى اول ولكن اغلبنا الحين ينتظر النتايج وهو خايف من الرسوب في الاقتصاد وانا واحده منهم �� كانت الامتحانات بالذات المحاسبة والاقتصاد صدمة لنا رغم عدم تغير درجة الصعوبة في المهج وعدم تغير الدكاترة .
لذالك اعزائي انسوا موضوع المذاكرة على الطاير وقت الامتحان والتفتوا لدروسكم من بداية الترم
بالنسبة لمادتي الصحة واللياقة و تقنية المعلومات فهما مادتان سهلتان ولكن ملخصاتهم طويله مما يصعب مذاكرتها قبل الامتحان بيوم
العقيدة مادة حلوة ويبغالها مراجعة بين فترة واخرى ومادة الاخلاق سهله
بالنسبة للاساتذه اذا ماتفهمون عليهم شوفوا غيرهم انا مثلا ماكنت افهم لدكتور الانجليزي فكنت اسمع شرح المادة في اليوتيوب لدكتور آخر يشرح افضل .
آسفه طولت عليكم ��

[خطوة بخطوة]

موضوع جميل ومفيد يا مشرفتنا
انا اخترت محاسبة 2 تابعوها ع اليوتيوب الدكتور خالد عطية
والاقتصاد الكلي يبيلها تركيز وفهم وشفنا وش صار في الاختبارات
اللغة انجليزية شوية اهتمام وفهم ومتابعتها ع اليوتيوب الدكتور عمار المعاني
واخير تبيـ/ ـن تفهم صح وقت المحاظرات انطل الملخص ع جنب وخذ ورقة فاضية وقلم وبدا اكتب وحل
طولت عليكم موفقين جميعا

[فيصل الطامي]

آالاقتصآد آالكلي + آالمحآسبه 2

يبيلهامذاكره اول باول الاعتماد على الكتاب المقرر ثم الملخص المعتمد ..

وآالبآقي سهالات ..

[cavalryman]

بسم الرحمن الرحيم
اللهم صل على محمد وآل محمد
الحمدالله على كل نعمة اعطاها ايانا الكريم المنعم , نعم المواد تحتاج لها مذاكرة وصبر وقوة ذاكرة وخصوصاً المحاسبة والاقتصاد وهما سهلتان جداً اذا تم متابعة المحضرات اول بأول بس اذا اردت ان تمر عليها مرور السلام سوف تغرق وراح تتعب كثير فعليك بالفهم والمذاكرة لأنها سهلتان اذا ما توبعت وهي مهمه في فهم مواد اخرى ولها تداخل كبير فنصيحتي لكم اجعلوا المحاسبة والاقتصاد اصدقاء لكم لانهم سوف ينفعوكم في علمكم وعملكم واذا تمكنتم منهما مهما كانت الأسئلة صعبة سوف تكون عليكم سهلة , لحظتم اخواني واخواتي كيف يعانون من المحاسبة والاقتصاد انا بالصراحة لقد تعبت في مذاكرتهم ودخلت الاختبار والحمدالله كانتا بالنسبة لي سهلة رغم انها صعبه في نفس الوقت ولكني تمكنتوا من الفهم واللإلمام بهما ، واتوقع درجاتي في المادتان اعلا من تسعين درجة 90 ،
فنصيحتي لكم احبتي ان تذاكروا اول بأول لكي تسيرون بشكل صحيح وبعيداً عن الضغوط،،،،،،،
هذا وصل الله على محمد وآل محمد ،،،،،

[ملاك الكون أمي]

أنا أشوف الاقتصاد الكلي والمحاسبه2 يعتمدان بدرجه كبيره على الكتاب وليس المحتوى والله يوفق الجميع

[3ziz 3bdullah]

الاقتصاد الكلي والمحاسبه
تذاكر المحتوى والكتاب واسئلة الاعوام السابقه
وان شاء الله تحل زين

[♪ G ϋ z è l т α я ғ α н]

-
بسم الله
أول شي ججعل ربي يوفقكم ويسهلها عليكم من حيث لاتعلمون
ثآنيا :
مآعليكم من كل اللي يقولن أن الموآد صعبه أو معقده أو الدكآتره متشددين وغيره ،
الموآد كلهآ سهله والدكآتره متعآونين مع الطلبه
نصيحتي لكم :
تآبعوآ المحآظرآت أول بأول ، خصوصا الاقتصاد مو عشان المآده صعبه بالعكس عشآنهآ مآده
مترابطه أذا فهمت البدآيه رآح تفهمون البآقي
لآتستحي أذا مآفهمت شي بأي مآده أدخل وأسال ورآح تلآقون اللي يفهمكم ويعينكم
لآتتسآهلون على أساس أنكم أنتسآب وان الاسئله موضوعيه ويلأ نلعب
تآبعو الآسئله المآضيه لكل مآده ، وحطوآ لكم أهدآف وآقعيه على قد قدرتكم
أسبوع وآحد تقدرون تسمعون فيه المحآظرآت المسجله للمآده الوآحده وتختمونهآ
بأذن الله فآلكم النجآح
:004:

[S O L O]

نصيحتي ان الواحد يبلش يذاكر ويفهم المحاسبة والاقتصاد الكلي من بداية السمستر :(97): , مو تجي حزة الاختبارات وتضغط نفسك زي اختكم ف الله :(49): , ف يبي لهم تركيز وخيال واسع :(42):
.. والله يوفق الجميع :(128):

[jenan.616]

انا راح انصحكم نصيحة واحدة

اللي هي انكم تذاكرون اول بأول

ولاتاخذون بكلام احد ممكن انا الماده سهله عندي لكن انت تكون صعبه عليك او العكس ..

[mikalo]

موضوع جميـــــل/ كعادتك ياجوان متألقه


طبعا المواد كانت كثيره .. وانا برأيي ان المواد كانت متعه لكن المشكله في الدكتور

اذا كان متمكن وقادر يوصل المعلومه فهو بكذا اصلا راح يحط اسئلة منطقيه وبعقل

اما اذا هو فاشل .. يبي يجلس يتحدى الطلبه بالاسئله الخارقه

فلذلك لازم المتابعه اول بأول

[Rfe3Alshan]

انا نصيحتي لهم انهم يتوكلون على الله في كل شيء ..

ويجتهدون ولكل مجتهد نصيب بإذن الله ..

لا تتكاسل ثم تحط اعذار هالكسل على غيركـ ..

وربي يووفقنا جميع لما يحبه ويرضاه ..

[juoooan]

مساء الخير ●

• رأي بكل مادة :
• الآخلاق - المادة جممميلة وممتعه
اسئلة الدكتور دقيقه لكن واضحه وسهله

• المحاسبة 2 -
الدروس جمميلة وتحتاج تكريز ومذاكرة اول بأول
ومذاكرة قبل الاختبار

اسئلة الدكتور متنوعه نظرية / مسائل / 3 او 4 اسئلة للطالب المتمكن بالمادة
عند الحل ركزوا ع التواريخ بالمسئلة هي نص الإجابة
عسب تعرف تحل لازم تنتبه للتواريخ بالمسائل

• الاقتصآد الكلي
الدروس جميلة بالنسبة لي
اسئلة الدكتور متنوعه اترام سهله وةاضحه واترام لا
نموذج دفعتنا ركز بشكل كبير ع المضاعفات حاولوا
تتواصلوا معاه وتستغلوا المباشرات انه يشرح لكم مسائل كامله عنهم
ايضا انصح بمذاكرة الكتاب
بعد كل محاضرة اقروا الكتاب يفيدكم + ايضا اسئلة الكتاب جاب منها
وموجود ملف بحلول اسئلة الكتاب


• الانجلش
الدكتور محمد فتحي جديد له نموذج
اسئلته كانت واضحه وجممميلة ؛الي يذاكر بتركيز ينجح ب a+
وانصح بمذاكرة المادة اول بأول
المحتوى يكفي و الي خلفيته ضعيفه يعتمد ملخص عبادي :oao:

• التقنية 1
ع ان المادة طوووويلة لكن اسئلة سهله ومن الاعوام السابقة
يكرر فيها بشكل كبير



وسﻵمتكم

[حزم الظامي]

المستوى الثاني ممتع جدآ جدآ
عندكم
تقنية معلومات ~> كل شي عن الحاسب سهل مره مره نض المقرر يحتاج تطبيق عملي ف ماراح يجيب لك بالاختبار الا كم نقطه بالبديهه تعرفها و اسئلة الاختبار كانت تجنن وتضمن درجه كامله

صحه و لياقه ~> سهل مرهـ كله عن الفيتامينات و العناصر الغذائيه للجسم و معلومات عامه عن الاسعافات و التدخين و اللياقه البدنيه الاختبار تضمن الدرجه الكامله لانه سهل لابعد حد

اخلاق اسلاميه ~> سهل لان المقرر عن اخلاق الرسول صلى الله عليه و سلم وعن اهم الاخلاق اللي مفروض تكون فينا بالعمل مثل التعاون المحبه الامانه يعني سهل بالمجمل وتضمن تجيب الدرجه الكامله

الانقلش ~> جميل و تستمتع بالدراسه معاه لان في ملخصات مثل سكرتير عبادي لو تعتمد عليه راح تنجح لان المقرر كله عن اساسيات الانقلش اللي ماخذينها بالمتوسط و الثنوي مره حلو و الاختبار كان سهل الكل طلع مبسوط

العقيده والمذاهب~> العقيده بالمجمل سهلخ لانها معلومات عن عقيدتنا الاسلاميه وتوحيد الربوبيه و الالوهيه و الاسماء و الصفات اللي درسناها زمان اللهم زادوا معلومات عن العلمانيه و الصهيونيه والعقائد هذي لكن بالمجمل سهل حتى اختبارنا كان جميل و ضامنين النجاح فيه بدرجه ترفع المعدل مافيه اي صعوبه ابدآ

عندكم محاسبة 2 و اقتصاد كلي
المحاسبه2 اللي يتابع مع الدكتور المحارفي كل محاضرره راح يسهل عليه المنهج بشكل لان بعض المعلومات فالملخصات تحتاج انك تفهم كيف جت وبالمجمل اسئلة اختبر نفسكك ورا كل محاضره جا منها نص الاختبار طبعا
واختبار المحاسبه كان سهل الى متوسط للي مذاكر واللي ماذاكر اكيد مايدري وين ديرته

الاقتصاد الكلي كمان نفس الكلام تابع الدكتور و اسئله الاعوام السابقه و الكويزات بالملتقى هذا راح تستفيد كثير و شد حيلك فيها و راح تعديها باذن الله


بالمختصر
الاخلاق الاسلاميه + العقيده و المذاهب+الصحه و اللياقه+تقنية معلومات1+ انقلش
هذي بتطير معدلك فوق فوق فوق لو ذاكرتها زين لانها اساسا سهله
بس عندك اقتصاد و محاسبه شوي شد حيلك فيها وركزوا على المحاضرات المسجله و الاضافيه و المباشره معاه خصوصا الاضافيه جاب منها كثير بالاختبار وباذن الله بتنجحون و بيرتفع المعدل باذن الله


الله يوفقكم يارب

[فواز النفيعي]

الاقتصاد ثم الاقتصاد ثم الاقتصاد ثم المحاسبه 2


:)

[وردة جورية]

الاخلاق ماده جدا سهللللله بس لازم تذاكرونها قبل وقت الاختبار واعتمدوا على اسئله المراجعه خلف الكتاب + المحتوى
العقيده من 1 الى 8 سهلللله لكن الباقي يبي له تركيز مره ومذاكره اول بأول واعتمدوا على اسئله السمسترات + المحتوى
المحاسبه عشان تفلح ذاكر اول بأول وطبق ع التمارين وفي الاختبارات اعتمد على الملخص + اسئله الكتاب + اسئله اسئل نفسك
اعتمدوا على شرح الدكتور خالد عطيه باليوتيوب .
الاقتصاد واااااه منه جربوا اشتروا الكتاب ويارب تفلحون فيه
الانجليزي انصحكم بدكتور عمار المعاني وهي ماده مرررة سهله لو انت فااااهم القاعدات + حافظ الكلمات الانجليزيه ومعناها ب الانجليزي
الصحة مادة جميله اعتمدوا على ملخص بو موزه + اسئله السمسترات الماضيه / وذاكروها اول بأول
تقنيه المعلومات المحاضرات الاولى فيها دش كلاااااام ذاكروها اول بأول + ذاكروا المصطلحات الانجليزيه // اعتمدوا على اسئله السمسترات
الي قبل + ذاكر المحتوى

[iSara__91]

ذاكرو أول بأول
المواد كثيره و دسمة ...
للاسف انا ماذاكرت الا بأيام الاختبارات و الله لا يوريكم النفسيه كيف ..
خلصو شغلكم من بدري عشان ماتجي الاختبارات الا وانتو مرتاحين ...
ركزو عالاقتصاد و المحاسبة .. الباقي سهل وممتع بس مو معناته تهملونهم لان المناهج طويلة ودسمة نوعا ما ..

[sam0_0]

ذاكرو أول بأول

[مكافحة 80]

مادة الأخلاق الاسلامية مادة جميلة جداً وسهله ولو قرأتوا الملخص قراءة جيدة بتركيز راح تجيبون درجة عالية والدكتور الترم هذا ما كثر من اسئلة الأعوام السابقة لكن المادة سهلة وكمان للدكتور كتاب في نهايته ٧٠سؤال جاب منها كم سؤال في الاختبار
الصحة واللياقة مادة سهله ومفيدة لنا في الحياة انا اعتمدت على ملخص سوكرة قطرية كان سهل ومختصر مع اعتمادي على اسئلة الأعوام السابقة وكرر من اسئلة الترم اللي فات اسئلة كثيرة
العقيدة مادة سهلة بس دش شويه وكمان من المحاضرة الثامنة تبدأ الديانات فيها معلومات كثيرة لكن كل كلمة يقولها الدكتور في المحاضرات المباشرة ركزوا عليها لانه كل الأسئلة اللي قالها في المباشرات جابها في الاختبار وكمان هو من النوع اللي يكرر كثير من اسئلة الأعوام اللي قبل
الانجليزي بالنسبة لي الحمدلله سهل والاختبار كان جداً جميل لكن اللي لغته ضعيفه يتابع مع الدكتور المعاني موجود في اليوتيوب وملزمة سكرتير عبادي كمان فيها شرح بالعربي وركزوا على كل كلمة يقولها الدكتور في المباشرة لانها كانت مواضع اسئلة
تقنية ١مادة سهله لكن معلوماتها كثير والدكتور من النوع اللي يكرر اسئلة تقريبا ثلاث أرباع الأسئلة في الاختبار من اسئة الأعوام السابقة
جميع المواد السابقة ما تابعت ولا محاضرة كنت فقط احمل المحاضرات ولكن المباشرات حملتها وشفتها عشان لو في شي مهم
نجي للمادتين اللي يبغالها شوية مجهود وهي
المحاسبة٢ بصراحة انا ما تابعت مع الدكتور المحارفي ولا محاضرة لآني في محاسبة١ تعبت نفسي وتابعت في البداية معاه وما فهمت ولاشي رجعت تابعت مع دكتور ثاني ففي محاسبة ٢ من البداية تابعت مع الدكتور خالد عطية في اليوتيوب وكان نفس منهجنا وفهمت المادة معاه اهم شي أنكم تذاكرون المحتوى واختبر نفسك بس بفهم ولازم تعرفون للتواريخ تمام التمام لانه لعب فيها لعب في الاختبار وكمان الصح والخطأ جات من اسئلة الكتاب بصراحة الترم هذا لف ودار في الاختبار مو زي الترم اللي فات كانت نسخ لصق من اختبر نفسك وهذا اللي ودى ناس كثير في داهيه انهم بس ذاكروا اختبر نفسك ومعلومة مهمه اقولها اي شي يقوله الدكتور لا تصدقونه جالس في المباشرات يقول ماني جاي اعقدكم وعارف أنكم أمهات وناس تشتغل ومو متفرغين ومن هذا الكلام خلانا نقول راح يسوي فينا زي الترم اللي فات لكن انصدمنا في الأسئلة وكمان قعد يركز لنا على كم شي وما جاء منه ولا شي يعني ذااااااكرووووا تمام التمام وما عليكم من كلامه
نجي للاقتصاد الكلي بالنسبة لي ذاكرت من الملخص اللي هو نفس المحتوى وكان ملخص أكاديمي عن بعد ممتاز بالاضافة للكتااااب وأعيد وأكرر الكتاااااب مافي ولا سؤال جاء من خارج الكتاب كنت أمسك المحاضرة وافتح الكتاب واشوف اي شي ما فهمته اقرأه من الكتاب وايضاً المسائل كانت مهمة وجاب منها كثير وموجودة مسائل زيها في الكتاب موجودة مع الشرح وكمان كرر من نموذج عام ١٤٣٤ الترم الثاني ٢٨ سؤال بالضبط من غير اي تغيير ولكن اكثر الناس هذا النموذج ما طاح في يدهم ما ادري ليه سقط من عندهم سهوا انا لقيته في النت ولكن كان مو محلول وأسئلته ما كان لها حلول في الملخص وفتحت الكتاب ولقيت الحل لجميع الأسئلة وهذا اللي فادني بعد الله أني ذاكرتها وجات نفسها بالاضافة انه نهاية الكتاب في اسئلة وأجوبتها أيضاً مهمه وركزوا على كل كلمة يقولها الدكتور الهجهوج في المباشرات لانه كل كلمة قالها جاب عليها اسئلة
وربي يسهلها علينا وعليكم ويفرحنا بالنجاح

[المنصور بالله]

ان تتقوا الله في السر والعلن

[غنيم السبيعي]

سلام عليكم

يعطيكم العافيه على الموضوع المهم والمفيد

واتمنى للجميع التوفيق

[طلال المطيري1]

خلوني رقيب عليهم وابشروابت نرجع بشهر 12 ان شاءالله هالحين باجازة لربوع بلادي نلفها وحول العالم:sm12:
ازهلوهم عندي اوريكم في اللي ماينظبط هالبعاكيك الجدد..ترا اسمك مكتوب برصاص منك له يعني اي غلطه ترا مصيرك محايه:017: واشوفكم تطلعون من سراياكم وتوطوطون عندنا بها المستويات وتزعجون الناس والله لغيير اشتغلكم شغل ههههههه