الي خلص مستوى رابع يجي بالله

[نـآوي أعـقـل]

:Looking_anim:السلام عليكم

لوتكرمتم الحين اشوف في الخطه في المستوى 4 فيه ميداني

طيب كيف دوامه كم يوم او كم يوم في الاسبوع ولا الشهر وكم ساعه ومتى الوقت

وكيف رتبتم الوضع مع دوامكم

الله يجزاكم خير :Looking_anim:

[ابووتركي]

تساهيل ان شاء الله الدعوى بسيطه ينزلك أسأله في ايقونة التدريب الميداني1 واحد تعليمي يعني للمدارس والثاني صحي أي مستوصف أو مستشفى تعرفه تمره اذا كانوا فاضين بيساعدونك واذا كنت تعرفهم بيختمون لك الاوراق وانت اكتب الباقي وارفعها يعني الدعوى بسيطه ما هي بهالتعقيد

[ستيفن]

شغل اتصالاتك بالمعارف والاصدقاء انا عن نفسي اعطيت الاوراق ناس من الزملاء وخلصوها لي ومارحت مكان

[س,الشهري .]

سهل جداً ولايشغلك عباره عن ثلاث مسارات : تعليمي،أجتماعي،طبي .
تختار من هالثلاثه أثنين فقط !
وتحدد وجهتك سواء لـ مستشفى أو مدرسه أو دار رعايه .
طبعاً قبل كل هذا تطبع النماذج في أيقونة التدريب الميداني ب شرط وجود الأستماره،والتركيز كله ع تعبئة البيانات من قبل الأخصائي بالمكان مع الختم .
تساهيل أن شاء الله،بالتوفيق .

[البنت المنكوبة !]

كلها يوم بس

[كلي لـك]

سهله وربي
بأختصار تروح لمدرسه ولمستشفى والاخصائي والمرشد راح يعبي الاستبيان ويختمه لك
سهل جدا لاتنقل همه وتراها اسهل ماده بمستوى رابع

[نزفّ !]

سهل جداً

في المستوى ٤

صحي تروح اي مستشفى فيه اخصائي اجتماعي وتسجل وانت عنده
تعليمي اي مدرسة وتخلصها

[شموخ الغربيه]

وعليكم السلام مابقول اكثر من اللي قالوا وهذا الموضوع أن شاء الله تستفيد منه عشان تعرف وين تروح

http://www.ckfu.org/vb/t662875.html

[هلاله العسيري]

:looking_anim:السلام عليكم

لوتكرمتم الحين اشوف في الخطه في المستوى 4 فيه ميداني

طيب كيف دوامه كم يوم او كم يوم في الاسبوع ولا الشهر وكم ساعه ومتى الوقت

وكيف رتبتم الوضع مع دوامكم

الله يجزاكم خير :looking_anim:
تساهيل أخوي ناوي أعقل
الأخوة ما قصروا أعطوك المهم
حاول بس تبدر من وقت فتح الأيقونة تطبع لك مجالين طبعا من بين الثلاثة وأنا أفضل التعليمي والصحي وكلها يوم واحد في المدرسة طبعا مع المرشد الطلابي والمستشفى مع الأخصائي الاجتماعي ومن وقتك ما تاخذ ساعة أهم شي الختم
في كل مجال تطبع الخطاب والاستمارة والتقرير
الخطاب تسلم الجهة اللي بيتم معها تعبئة التقرير
والاستمارة يتم تعبئتها من قبل المرشد والاخصائي وتختم بختم المنشأة سواء كانت مدرسة او مستشفى
والتقرير تعبيه ثم تختم الورقة الأولى والاأخيرة
بطبعاً اول ما تخلصها تصورها بالجوال ( طريقتي اللي اتبعتها ) وتفتح لك ملف وورد وتنسخ الصور من الجوال لكمبيوترك وتلصق في ملف الورد الاستمارة والتقرير ثم حولها لملف بي دي أف ثم أدخل على الايقونة نفسها - تدريب ميداني 1 - وبتلاقي رفع التقريرين اختار المجال وارفع - وفي ناس بالإسكنر على حسب ما يتيسر لك
لأنك اذا خلصتها تفك عمرك من همها وتتفرغ للمذاكرة
وبالتوفيق يارب

[بدر الصقري]

المادة سهله جدآ ولا فيها اي صعوبة وبالنسبة للتدريب هم يعطونك ثلاث مجالات ( المجال التعليمي - والمجال الطبي - والمجال الأجتماعي ) وأنت تختار أثنين منها وتطبع اوراق التدريب والاستمارات من الموقع بنفس المجالات اللي اخترتها وبعدها تروح لهم وطبعآ انت تعبي التقرير للمجالين وتواجه نفس الاخصائي الاجتماعي بنفس المجالات اللي تختار ويختم لك أوراقك وانت عنده وبعدها تنتهي من اوراق التدريب الميداني وترفعها بالموقع

[نـآوي أعـقـل]

ي شييييييخ جعلكم الجنه على هالردود الي تشرح الصدر

[ઈઉ M L A M 7 ઈઉ]

النماذج مثل الي بالمرفقات



اذا اخذت المقرر ان شاء الله , بتفتح عندكم ايقونة التدريب الميداني 1
وتطبعون . خطابين لمجالين مختلفه + استمارتين + تقريرين

الاسئلة نفسها لكل المجالات
بس الاجوبه اكيد بتختلف

المطلوب منك تاخذ نسخه من الخطاب الي اخترت انه تعليمي + الاستمارة+ التقرير
وتروح لمدرسة وتطلب تقابل المرشد الطلابي ويجاوبك ع الاسئلة
ويختم ع الاستمارة و الورقة الاولى للتقرير و والورقة الاخيرة (يفضل كذا )
واذا ماختم الا ع ورقة وحده مو مشكلة

ونفس الشي اذا رحت للمجال الطبي

ويفضل يكون التقرير مرتب ومكتوب بالكمبيوتر , او يكون الخط جميل و واضح
يعني تعبي الاجوبه ثم ترجع للاخصائي عشان يختم لك اذا كتبته بالكمبيوتر

وتصور صورة للمدرسة اذا قدرت او المستشفى او المستوصف الي رحت له

ثم تحول الصور لملف pdf والحجم محدد من الجامعة
ثم ترفعه عن طريق الموقع


تساهيل ان شاء الله


وانصحك مع تقدم المستويات ان شاء الله , تاخذ تدريب ميداني 2 و 3 مع بعض
لانهم يبغون في الثاني بحث وتقرير
وفي الثالث تقرير و دراسة حالة

وتداوم بمدرسة اقل شي 8 ايام دوام كامل
وتدرس حالة طلابية . مثلا طالب كسلان تجلس معه 3 او 4 جلسات وكذاا