أنتم مثلي أم لا ..؟؟ درجات مادة الموارد البشرية أسوأ الدرجات

[طالب مشاغب]

السلام عليكم ورحمة الله وبركاته

مبروووك للناجحين والناجحات
والله يعوض على من حمل المواد

صباح الخير وأوراق اللافندر <<< ما يعرفها :biggrin:

نزلت من الرياض للشرقية ،، معي اختي وولدي ،،
ابغي اغير جو ،، ومنها نزاحم اهل الشرقية بالهاف مون :tongue:

ومع احلى تمشية بالعزيزية والبحر
نمت متكسسسسر ،، والولد جنبي منصرررع :biggrin:

صحيت قبل الفجر
عشان اصلي كم ركعة ومنها نصلي الفجر
ولكن
غلطت اني فتحت الواتس واشوف الشباب راسليني عن النتائج
الحمدلله
الدرجات طيبة طيبة ما عدا الموارد البشرية << يا ليل ابولمبة:007:
وش يبي ذا ؟؟
وش قصة اهله ؟؟
خرب علي الدرجات والمعدل وحتى نومي وصلاتي << ضيع علي نافلة الليل والفجر :bawling:
لانه من ضيقة الخلق ،، رجعت للنوم ،، وخذ من احلام الاكشن ،،
منها ،، سعودي ضربوه يمنيين ،، واروح للسعودي واخذه معي ،،
ونرجع على اليمنيين ونجلدهم بالعجرا الين انصرعوا ،،
والا
حلمت بالدوام ومشاكل الموظفين ..
اعوذ بالله
نايم متحصن بالاذكار ،، والنفسية عال العال
ومتعاهد الصلاة ،،
بس خربها ،، ليه يسوي كذا ؟؟

عموما اكتب هالموضوع ،، عشان اصحصح ،،
ونفطر ونكمل تسوق ونتمشى بالظهران مول ،،
ما ودي انااام ،، << يمكن افزع على الحوثيين :biggrin:

وعشان اشوف انطباعكم عن درجات هالمادة

[mbadr]

حتى أنا درجتي النهائية ٦٠ وباقي المواد ممتازه ولله الحمد

[amgpvc]

نفس المشكلة

الدرجة ناقصة جدا


يبدوا ان في الامر إن

[NAMEG]

نفس الشي درجة الموارد اقل شي

[ابو وليد 2020]

نفس الشي وبعيده عن المتوقع هناك مشكله ما

[qlb_sahy]

عكسكم انا درجة الموارد البشريه تجاوزت الثمانين عندي مدري وش السالفه مع انه متوقع العكس والنجاح ب اقل درجه ��

[وصال السعدي]

الحمد لله ع حال نفس مشكلتك الله يسامحه بس

[الإدريسي]

كل المواد عندي امتياز ماعدا الموارد البشرية درجة أقل من المتوقع بكثير نزلت معدلي
وخربت علي درجات المواد الثانية ، حسبي الله عليه
و الجامعة يبدو انها لم تنظر إلى شكوانا أبداً
الله المستعان

[Om Jory]

نفس الحاله طلعت من الاختبار ضامنه اني اجيب امتياز لكن الدرجه ازفت ماده ودي اكلمهم وتفاهم الحين نرفع تظلم ولا

[mans369852]

نفس المشكله لمادة الموارد اسوا مادة 71

[ريما سالم]

وانا بعد اسوء ماده الموارد البشريه

[أعوام]

وأنا كمان الموارد البشريه أسوء درجه مع أن ضامنه الممتاز فيها لكن الله يعوضنا خير منها .

[البسمة الدافئة]

وانا ايضا توقعت اخذ ممتاز بصراحه تظلم مو طبيعي لازم نرفع شكوة اخترب المعدل ولن نرضي لا تسكتون لازم نرفع صيغة الشكوه حرام المجهودنا يضيع حسسسونا انهم يحطون علامات بدون تصحيح والله العالم

[DELETE]

انا ماعندي اخطاء في الاختبار الا 3. اسئلةالمفاجأة انه معطيني 78؟؟؟؟؟؟؟

[nassory]

الحمد لله ثم الحمد لله ثم الحمد لله

كنت اعتقد اني راح احصل على 92 في الموارد البشرية حسب اخطائي
بس تفاجأت كثير بالدرجة 80 ... لكن الف حمد وشكر لله

[جامعيه2]

ايييييه مثلك
صراحه تفاجات بدرجتي جيد ؟؟
وخررب عل المعدل ليششش كذا احساسي انهم مااعطو تظلماتنا وشموانا ا اهمييييه ..
انا صححت اجاباتي كان المفروض درجتي ماتتعدا 89 لكننن انصدمت
يلا اشتكو ونحن معكم
نتعب ونبي درجات زي الناس اخرتها يصكونا بدرجه زفت :(:thumbdown:

[ابوجود2013]

الف مبروووووووووووووووووك النجاح للجميع,بغيت اسالكم انا درجات المشاركه الاعمال الفصليه اعلى درجه 24 وباقي المواد24/22 مع العلم ان حليت جميع المناقشات فيه احدنفس وضعي؟؟؟واذاكان مجموع الماده 60 هل يعتبرناجح ام حامل الماده؟؟افيدوووووني بارك الله فيكم

[أعوام]

درجة النجاح ٦٠ ومافوق
يعني ناجح ألف مبروك

[ابوجود2013]

يبارك في عمرك

[امواج هادئة]

هههههه ضحكتني والله .....

الله يسعدك يارب انبسط وكمل وناستك ولا نزلت بالموقع تاكد منها ..... واذا كانت نفس ماهي ماتغيرت وكلها على ربي الكريم وباذن الله تعوضها بالمواد الجايه بالامتياز .....

للاسف انا لسى ما اخذت هالماده .... وشكلنا بيكون ليلنا بدون لمبات .... بس التفاؤل جميل ....

الله يكتب لك التوفيق ويرزقك ماتتمنى ....

[ranooosha2013]

وانا كمان ماتوقعت اجيب فيها b+ كل المواد امتياز الاهي انا رفعت تظلم على الدرجة

[سحر الشووق]

وانا نفس الشي الدرجه خربت علي المعدل والفرحه

[thamernader]

الله يكون بعونكم فعلا هالديكيتير يتعمد يتلاعب بالاجوبة اللي صح يخليه خطا واللي خطا يخليه صح من السواد اللي في قلبه..اسال الله العظيم رب العرش العظيم ان ينتقم منه اشد انتقام وان يبتليه بالامراض ويجعله عبره لمن لا يخاف الله انه على كل شي قدير

[Tott]

بصراحة درجتي بالموارد صدمممةةة الله لا يسامحك يا الدوغان

[mooony9909]

حتى انا درجه الموارد مرره غريبه المفروض على حسبتي انزل فيها بالكثير 8 درجات ليه كذا !!!!!!!!!!!!

[B.B.A]

فعلا .. وانا بعد اقل من المتوقع بكثييييير وش العلم ؟ :verycute:

[Tott]

ارفعوا تظلم

[tad400]

الله يهديك يا الدوغان ازفت اختبارين عندي مبادئ الاداره والموارد البشريه غريب امرك يا دكتور

راح ارفع تظلم

[ابو وليد 2020]

من الواضح ان مواد الدوغان تستخدم لخفض المعدلات العاليه قسرا

[الإدريسي]

20 درجة راحت علي في هذه المادة فقط ( في الإختبار )
لا زم نرفع تظلم ، المواد العلمية العملية إمتياز و الموارد البشرية اللي المفروض تكون ممتعة و سهلة ومن
واقع العمل يصعبها الدوغان و تنزل المعدل
لا زم نرفع تظلم
لكن بسأل من وين نرفع تظلم على المادة لأن كلما دخلت على أيقونة ملاحظات على الاختبار ألقى شكواي
اللي كتبتها بعد اختبار الماده موجود

[Bsooomh^_^]

فعلا انا اقل دررجة عندي الموارد ماتوقعتها
كنت أحسب النوم لاعب فيني أثناء الاختبار ، طلعت كل الناس تشكي منه :no:


الله يهديه والله كان الاختبار جمميل وكثير طالعين من الاختبار يمدحون فيه


لعب علينا أشك إن الغلط مو منا شكلو من نموذج الاجابات :icon120:

[الإدريسي]

تم رفع تظلم

[zaki7265]

انا بصراحة اقل درجة عندي بمادة ادارة التسويق
انصدمت من الدرجة بصراحة

[ليان555]

طيب لو سمحتو ممكن احد يصيغ لنا اللي ممكن نكتبه في التظلم

[مايق]

انا ماطلعت نتيجتي ومسدد من زمان

[ابواياد]

تم نقل الموضوع من قسم اجتماع 6 (http://www.ckfu.org/forumdisplay.php?f=425).

[طالب مشاغب]

الف مبروووووووووووووووووك النجاح للجميع,بغيت اسالكم انا درجات المشاركه الاعمال الفصليه اعلى درجه 24 وباقي المواد24/22 مع العلم ان حليت جميع المناقشات فيه احدنفس وضعي؟؟؟واذاكان مجموع الماده 60 هل يعتبرناجح ام حامل الماده؟؟افيدوووووني بارك الله فيكم

كثيـر مثل وضعكيحلون كل شيء .. لكن وقت التصحيح ..الجامعة تجحد درجاتهم..وصارت لي الترم اللي طاف ..خصموا علي 8 درجات من 3 مواد..واشتكيتهم ..وسافرت للفريدان بنفسه وقابلته..وخرررررطي ..ما من حل..لأنه غلطت وما صورت الخارطة الأكاديميةهالحين صرت أصور الخارطة الاكاديمية عشان اذا صار خصم أحجر لهم ...و 60 انت ناجح ..وفـالك التوفيـق يارب..

[طالب مشاغب]

السـلام عليكم ورحمة الله وبركاته


وأسعد الله أوقاتكم بكل خيـر
أعتذر للجميـع عن تأخري بالـرد بسبب السفر
وأشكر من قلبي .. كل من شارك هنـا :rose:


وفعـلا فعلا فعلاالدوغــان متعمد التخريب على درجات الطلبة
ومو معقـول .. كلنا على خطأ ..وهو الصـح ..
فيه خلل موجود...والخلل هو بالدوغان نفسه ..
لا بارك الله فيه
عني برفع تظــــلم .. ومخطط أسافر للفريدان ..
واذا عندكم شكوى جماعية موحدة .. أبشروا باللي يسافر له صد رد ..
لأنه الترم اللي طاف خاصمين 8 درجات من المشاركة ..وزعلوني جامعتي العزيزة :love080:
وأزعجت الفريدان على الايميلات .. وسافرت له وقابلته ...بخصوص هالموضوع
ومستعد أسافر له مرة ثانية..عشان اراجع هالموضوع + شكوى جماعية على الدوغــــان


وبالتوفيـــــق للجميـع

[mo7ammo]

سبق واخذت هذي المادة الذيذة لكن للاسف الدوغان يخليك تكره المادة وممكن الجامعة الله يفك المسلمين شره

[رانيا ع]

عاد مخخطه اخذها الترم الجاي:icon9:

[اتسام]

وعليكم السلام ورحمة الله وبركاته

نفس المشكلة الموارد أسوء درجه للاسف

الحمدلله على كل حال

[aysha.]

نفس الوضع عندي
اقل ماده ، الله يعوضنا

[وردهه]

الله يستر من هالماده كل ترم يشتكون منها

[نواف الشرقية]

اسوء درجة في هذا المستوى هي الموارد البشرية توقعت التسويق ولكن طلعت الموارد البشرية

[وردهه]

تعدلت درجاتكم ؟

الترم الجاي بسجلها الله يعين ي رب يتغير دكتورها ويجي دكتور احسن منه

[aburyan]

الله يكون بعونكم فعلا هالديكيتير يتعمد يتلاعب بالاجوبة اللي صح يخليه خطا واللي خطا يخليه صح من السواد اللي في قلبه..اسال الله العظيم رب العرش العظيم ان ينتقم منه اشد انتقام وان يبتليه بالامراض ويجعله عبره لمن لا يخاف الله انه على كل شي قدير




الحمدلله والشكر له على كل ما رزقنا ايه الاحبه شباب وبنات اعرف ان الماده كانت صعبة والكثير تضايق من الدكتور ولكن هناك امر اهم من المادة ومن النجاح ومن الدكتور ومن الجامعه الا وهو

مخافة الله وطلب رضاه فنحن نؤمن بالله فالواجب ان نكون مطيعين له ومتبعين سنة الرسول صلى الله عليه وسلم

وهذا امر لا نختلف فيه ولا نقول لكن ولماذا بل الواجب الاستغفار والدعاء لنا وللمسلمين

وما اريده هو عدم الدعاء على المسلمين بالاذى بل بالهداية لا سواها فقد تدعوا على اخوك المسلم ولن تقبل بل قد يكون هذا اذى له والله لا يرضى بهذا وقد يعود الامر عليك

فالحذر كل الحذر من الدعاء بالمرض او نحو ذلك على اى مسلم

لك الحق ان ترفع شكوى وتظلم وتطالب باعادة النظر لامرك ولكن من غير تلك النبره المتهمكمه ومن غير السبب والشتم فهى ليست من اخلاقنا كمسلمين ,والله يعلم ما فى الغيب وما فى القلوب




وفالكم طيب

[ضحى الحارثي]

جد هي اقل درجه حسبنا الله .. شكل البلاء من الاسأله اللي ما ادري منين جات

[المتدهور]

لا ما تعدلت درجات ولا هم يحزنون انا كنت متوقع 89 شلون صارت 76 مدري

[وردهه]

ان شاء الله تتعدل لكم يارب