::::: تنبيهات هامة حول "عدم ظهور النتائج" و "نقص درجات المشاركة" :::::

[طموح شايب]

السلام عليكم ورحمة الله وبركاته


لاحظت كثير يشتكون من أمور مختلفة وحبيت أوضح المشكلة و الحل "حسب معرفتي المتواضعة"

اولا ظهور النتائج يكون على تطبيق الجامعة وبعدها بيوم الى يومين بالكثير تظهر في الخدمات الطلابية - الجامعة ما ادري وش قصتهم مع "الساعة 6 مساءا"
يبدأ التسجيل 6م وينتهي 6م
كذلك النتائج في الخدمات الطلابية تظهر 6م
بس حبيت اوضح للي ما استخدموا التطبيق لأي ظرف عشان يشيكون بعد الساعة 6م

نجي للمشاكل
المشكلة الأولى : عدم ظهور النتيجة
و لها احتمالين


الاحتمال الأول "عدم السداد"
اللي ما سدد ماراح يشوف نتيجته الا بعد السداد "حدود ساعة تقريبا من السداد تظهر النتيجة"


الاحتمال الثاني : تم السداد ولم تظهر النتيجة ؟
ادخل على الخدمات الطلابية وتأكد من الوضع المالي
1- اذا "تم تسديد الرسوم"
ادخل "مشكلات السداد" وقم بتعبئة البيانات في النموذج الموجود ثم حفظ
2- اذا تم السداد وظهر انه "لم يتم تسديد الرسوم"
ادخل "مشكلات السداد" وتحت النموذج اضغط على عبارة (اذا قمت بالسداد الخطأ يرجى الدخول)
بيفتح لك صفحة
ولكن قبل هذي الخطوة ارجع لعملية السداد اللي عملتها وتأكد كم الرقم الجامعي اللي سددته وصورها عشان ترفقها
يمكن معرفة ذلك بإحدى الطرق التالية:
- موقع البنك على النت : تعمل كشف حساب وتبحث عن عملية السداد وتفتح التفاصيل وتصور الشاشة"
- عن طريق فرع البنك : تطلب كشف حساب لمدة 4 شهور "لأنها المدة بين تسجيل المواد ونهاية الترم" وتصورها وترفقها في النموذج


المشكلة الثانية : نقص درجات المشاركة
وهذي لها اربع احتمالات
الاحتمال الأول : لم يتم اكمال جميع المناقشات والواجبات وتحميل المحاضرات بشكل كامل (وهذا ماله عذر)
الاحتمال الثاني: المشاركة في بعض المناقشات ب"حرف او حرفين" أو خربطة اي كلام (وهذا ماله عذر)
الاحتمال الثالث : تحميل جميع المحاضرات وحل جميع الواجبات والمناقشات دفعة واحدة في آخر يوم (وهذا ايضا من وجهة نظري ماله عذر)
لأن الجامعة نبهت عدة مرات على هذي النقطة بالاضافة الى أنه يظهر في أنظمة الجامعة تاريخ المشاركة وتاريخ التحميل ... الخ
الاحتمال الرابع : تحميل المحاضرات بانتظام وحل الواجبات والمناقشات بصدق فهذا له كل الحق في التظلم والتصعيد حتى لو استدعى الأمر الى مقابلة العميد شخصيا


واخيرا دعواتي للجميع بالتوفيق في الدنيا والآخرة

[ابو هتان 1405]

:21::21::21::21:

[MS.MOODY]

الله يعطيك العافيه ..

[ادارة اعمال 222]

يعطيك الف عافيه اخوي طموح شايب

[bandar902]

الله يعطيك العافيه

[*روز*]

انا صرحه ماطلعت نتيجتى ع موقع الجامعه انا مسدده من زمان


ع حسب علمى ان نظامين مكملين لبعض


اللى هو الفتراضى او البلاك بورد:g2:

[هجوووله]

طموح انا مسدد كامل الرسوم ومع ذلك ماطلعت النتيجة ومكتوب في الاستعلام عن وضع الطالب المالي / تم تسديد الرسوم بالكامل بعد وبيض الله وجهك على دفع الرسوم .


وش الحل !!

[هجوووله]

.

[طموح شايب]

طموح انا مسدد كامل الرسوم ومع ذلك ماطلعت النتيجة ومكتوب في الاستعلام عن وضع الطالب المالي / تم تسديد الرسوم بالكامل بعد وبيض الله وجهك على دفع الرسوم .


وش الحل !!

صدق انك مهجول !!


تقول في التجمع انك عديت وبدرجات حلوة والحين تقول ما طلعت !!


حدد موفقك معايا :(107):


http://www.ckfu.org/vb/t685112-59.html#post12491137 (http://www.ckfu.org/vb/t685112-59.html)

[هجوووله]

صدق انك مهجول !!


تقول في التجمع انك عديت وبدرجات حلوة والحين تقول ما طلعت !!


حدد موفقك معايا :(107):


http://www.ckfu.org/vb/t685112-59.html#post12491137 (http://www.ckfu.org/vb/t685112-59.html)


ههههههههههههههههه


طلعت على التطبيق بس على الخدمات الطلابيه ماطلع شي :41jg:

[تايلور]

سلامات تقول لاتنزلها في وقت واحد

المفروض الجامعة تحسب لك المشاركات والواجبات وش دخلها في تحميل المواد هذي لي انا اذاكر منها ومن زين ذا السيرفر الي كل فتره مقفل :(

[زوال الشمس]

يعطيك العافية

[ohood-]

ياخي الفاضل طموح شايب هو اصلا تنزل محاضرات في وقتها ماتنزل الا بعد الدراسة بوقت ولا تنزل بانتظام كل اسبوع مثلا محاضرة تنزل 4 او 5 مع بعض متى مانزلت وتوفر لنا الوقت لان دراستنا عن بعد وليس انتظام لاننا نعمل ولدينا وظائف والتزامات وغيرها من شؤون الحياة ومشاكل النت ووووووووو
والله يجزاك خير لكن نقص الدرجات معاك حق للمشاركة والسداد مقصرت الجامعة تؤدي الاختبارات وبعضهم ماسدد لكن اكيد بضروفهم بس جامعتنا تعطيهم اكثر من فرصة جزاهم الله خير

[عيد الحمراني]

ممتاز كلام جميل وانت على حق الله يوفقك

[ابوفيصل 2012]

جزاك الله خير

[صاحب البيان]

:106:سؤال للي ناقص درجاته بسبب المشاركة او تنزيل المواد او حل الواجب هل تم التاكد من الخارطة الاكاديمية وافادتكم بانه صح ام حفظ في الذاكرة . وشكرا . شايبنا طلع مو هين:icon19:

[Oxjen]

يعطيك العافيه
وما قصرت

[دوسريه كفو]

متﻯ النتائج عالموقع

[منتسبه 2013]

الله يديك العافيه انا بعد ماسددتهم طلعت بشي عشر دقايق لكن
الدرجات الفصليه والاختبار مي راضيه تطلعلي على طول النهائي
لكل ماده عشاان ابغى اتظلم بعدينه من فين اتظلم والف شكر لك

[دوسريه كفو]

؟

[ليثاوي الرياض]

الكبير كبيييير ياستاذي فيه امور مالها لا انت ياستاذي (( طموح شايب (http://www.ckfu.org/vb/u123531.html) )) الله يذكر الايام الي كنت معكم فيها في الاداره

[طموح شايب]

سلامات تقول لاتنزلها في وقت واحد

المفروض الجامعة تحسب لك المشاركات والواجبات وش دخلها في تحميل المواد هذي لي انا اذاكر منها ومن زين ذا السيرفر الي كل فتره مقفل :(

يا اخي الكريم هذي سياسة الجامعة وهذي توجيهاتهم اللي كرروها عدة مرات خلال الفصل لأنه في آخر كم يوم قبل الاختبارات يسير ضغط ع الموقع وما يلحق يرصد كل شي

ياخي الفاضل طموح شايب هو اصلا تنزل محاضرات في وقتها ماتنزل الا بعد الدراسة بوقت ولا تنزل بانتظام كل اسبوع مثلا محاضرة تنزل 4 او 5 مع بعض متى مانزلت وتوفر لنا الوقت لان دراستنا عن بعد وليس انتظام لاننا نعمل ولدينا وظائف والتزامات وغيرها من شؤون الحياة ومشاكل النت ووووووووو
والله يجزاك خير لكن نقص الدرجات معاك حق للمشاركة والسداد مقصرت الجامعة تؤدي الاختبارات وبعضهم ماسدد لكن اكيد بضروفهم بس جامعتنا تعطيهم اكثر من فرصة جزاهم الله خير
انا معاك ان المحاضرات تتأخر ولكن في أسوأ الحالات تنزل آخر محاضرة قبل الاختبار بأسبوعين
يعني اللي متابع من بداية الترم يصير ما يبقى عليه الا محاضرة وحدة ومناقشة وحدة بس


طريقتي أدخل مرة وحدة في الاسبوع وأشيك اذا نزلت محاضرات جديدة حملتها وحليت المناقشات والواجب اذا فيه جديد
والحمد لله من دخلت الجامعة ما نقص علي ولا درجة في المشاركة

الله يديك العافيه انا بعد ماسددتهم طلعت بشي عشر دقايق لكن
الدرجات الفصليه والاختبار مي راضيه تطلعلي على طول النهائي
لكل ماده عشاان ابغى اتظلم بعدينه من فين اتظلم والف شكر لك

ايقونة التظلمات

[طموح شايب]

الكبير كبيييير ياستاذي فيه امور مالها لا انت ياستاذي (( طموح شايب (http://www.ckfu.org/vb/u123531.html) )) الله يذكر الايام الي كنت معكم فيها في الاداره

هلابك ليثاوي


الكبير الله وانا اخوك


اخبرك معنا وشفيك هجيت من ادارة اعمال ؟


شكلك ما تحب الارقام والحسابات :biggrin:

[تسساهيل]

والله انا عجزت من كثر ماكتب مشكلتي مع التطبيق
حتى اصابع يدي تصارخ علي تقول خلاص يرحم امك حفظنا السالفه هههههههههههه
بنتظر موقع الجامعه وعسى الامور تمام ان شاءالله

ويعطيك العافيه ي شايبنا ماقصرت

[gla]

يا اخ طموح شايب
انا كان شغلي كل على الافتراضي نزلت المحاضرات وحليت الواجبات والمناقشات وكل شي كامل
بس شفت بالخارطة ان المحاضرات ما تنحسب رجعت ونزلتها بصيغه ثاني وبعد أسبوع تحدث الخارطة ومع هذا ما تنحسب لي درجات المحاضرات وكانت اخر شي حتى المحاضرة المباشره الثالث تنحسب والمحاضرات لا اخر شي حملتها بالبلاك والحين ماادري انحسبت لي او لا
اذا ماانحسبت لي وش أسوي .. وشكر

[B AL Duwais]

فيه احتمال آخر مهم وهو الاختبار في غير المكان الذي تم تحديده للطلاب وهذا سبب لخبطه وتاخير في ظهور النتائج

[B AL Duwais]

احتمال تغير موقع الاختبار يسبب تأخير في ظهور النتائج

[joj8377]

يعطيك العافيه

[Body1407]

والله اذا الجامعة غير قادرة في استيعاب جميع المشاركات للطلبة والرصد ف على اي اساس العطلة الصيفية الماضية يتم تركيب سيرفرات ؟؟؟

جامعة الامام ليس هناك معوقات في انظمتها و الرصد والخ,,, والجامعة الالكترونية نفس الشي


جامعة الملك فيصل فاشلة الكترونيا ً

[عهدوعد]

اخوي مسدد لكن ما طلعت في للتطبيق

[صمت أنسان]

عهد ووعد
في مشكله في التطبيق على اجهزه السامسونج اذا حد عنده ايفون من اهلك ادخلي منه

[ابوريووف]

لو سمحتو وش اسم التطبيق

[صمت أنسان]

وش نوع جهازك

[سكون الكون]

انا حليت وحملت المحاضرات 3 مرات ( حملت المحاضرات )
واخر يوم تغيرت الخارطة الاكاديمية وحطو اني ماحملتولا محاضرة واضطريت احملهم كلهم بنفس اليوم ونقصوني في كل المواد 6 درجات مشاركة
شالوضع مع النظام الدايخ كل ماتظلمنا يعطونا رد من اقرب سوبر ماركت
الي مر عليه الحال يفيدني وبالتوفيق للجميع

[رفيق الحكمة]

جزاك الله خير اخوي

[طموح شايب]

يا اخ طموح شايب
انا كان شغلي كل على الافتراضي نزلت المحاضرات وحليت الواجبات والمناقشات وكل شي كامل
بس شفت بالخارطة ان المحاضرات ما تنحسب رجعت ونزلتها بصيغه ثاني وبعد أسبوع تحدث الخارطة ومع هذا ما تنحسب لي درجات المحاضرات وكانت اخر شي حتى المحاضرة المباشره الثالث تنحسب والمحاضرات لا اخر شي حملتها بالبلاك والحين ماادري انحسبت لي او لا
اذا ماانحسبت لي وش أسوي .. وشكر

تأكدي من الدرجات أول شي واذا فيه نقص لا يردك الا ايقونة التظلمات

فيه احتمال آخر مهم وهو الاختبار في غير المكان الذي تم تحديده للطلاب وهذا سبب لخبطه وتاخير في ظهور النتائج
:(204)::(204)::(204):
اخوي مسدد لكن ما طلعت في للتطبيق
تطبيق أبل أفضل من سامسونج
لو سمحتو وش اسم التطبيق

تطبيق الخدمات الطلابيه للنتائج
iKFU student
#أبل
https://t.co/Vb7WNgR7rz

#الاندرويد
http://t.co/u18lIdQ8pC

[Nasser ALGhamdi]

وانا جالس اقراء موضوعك الساعه 6

وانت كاتب الموضوع لك 6 ساعات

:(

[al_hawawy]

الله يعطيك العافيه ويوفقنا وياك امين

[ohood-]

يعطيك العافية اخي الطموخ صح كلامك انا اتكلم عن الاخوان والاخوات اما انا مشاركاتي كاملة من اول ترم لاني انزل كل شئ في وقته اول ماينزل ومتابعة لجميع موادي بفضل الله مع الشكر

[دافنشي كود]

:106:سؤال للي ناقص درجاته بسبب المشاركة او تنزيل المواد او حل الواجب هل تم التاكد من الخارطة الاكاديمية وافادتكم بانه صح ام حفظ في الذاكرة . وشكرا . شايبنا طلع مو هين:icon19:

انا تأكدت من الخارطه الاكاديميه وكان كله صح اخضررر ،، وتطمنت

واليوم تفااجأت خصممم .. ياليته درجه ولا ثلاث

الا عشر درجات من بعض المواد ..

ما ادري المشكله من ايش

ورفعت تظلم اليوم

واذا مافيه تجاوب بيكلمهم اخوي تليفون لعلى وعسى

[دوسريه كفو]

للحين مانزلت النتائج بالموقع وش السواة

[al_hawawy]

معوضين خير ان شاء الله والجامعة للاسف ,,,

فيها تخبطات كبيره من حذف مواد الطلبه قبل الاختبارات بأسبوع بحجة انهم ليسوا من الدفع القديمه علما انهم متجاوزين 90 ساعه ووضع الخطأ على الطلاب بأضافة ساعات اكثر ههه شر البلية مايضحك !!

الى اخطاء الدكاتره في كثير من الاسئله في الاختبارات الى التأخر بأعلان النتائج الى نسبة الرسوب الكبيره بين الطلبه بذات في المشروع والتعقيد الكبير الى تدني درجات الطلبة في التدريب الميداني 3 وتفاوت الدرجات بشكل مريييب وينم عن تدوين الدرجات بشكل عشوائي الى الاعلان عن الصيفي من قبل العمادة وتحديد المناطق الى عدم تطبيقة بحجج واهيه وتهرب !!



بالعربي يبيلها اعادة هيكلة اداراتها

[Basma]

يعطيك العافية طمووووح

انا تظلمت امس على درجة المشاركة في القضايا الثقافية المعاصرة
نقصوني 3 درجات مع ان كل شي فيها تمام زيها زي باقي المواد ومخلصة قبل بوقت كافي والحضور سليم
و الاجابات سليمة و ظهر في الخارطة كل شي :(