مبادى الرياضيات 1

[أحمد خريج]

السلام عليكم ورحمة اللهاخواني واخواتي قدر الله علي ورسبت في مادة الرياضيات 1 للمرة الثالثه
المره الاولى جبت 53
والثانيه 53
والثالثه 51
انا سمعت ان المره الثالثه تفصل من الجامعه هل هذا صحيح


والي اختبر معايا الماده اذا فيه اخطاء بالاسئله او اي حاجه نحارشهم يمكن نطلع بكم درجه وننجح


والله ولي التوفيق

[hail]

بما أنك هلالي يبقى لك فرصة أخيرة
تراسل الجامعة ويعطونك فرصة رابعة أخيرة
وشد حيلك
تراها نهائية

الله يوفقك ويسعدك

[moubark]

وعليكم السلام
اخوي بقدم لك نصيحه دام حاط في بالك انها صعبه راح تبقى صعبه انت عندك علم ان اسئلتكم الترم هذا جات من المحاضره ال14 الجديده بالارقام والى لا

[AL RABIE]

نصيحه .. شوف لك مدرس رياضيات شاطر .. يشرح لك من واقع ورقة اسئلة الاختبار .. وتعمل تمارين الحلول بنفسك بشكل متكرر حتى وقت الاختبار ..

[سلمان20]

الله يعينك وانا أخوك انت لاتنظرلها انها ماده صعبه وتابع المحاضرات دام معك وقت طويل بس لاتتابع المحاضره ونفسيتك تعبانه وتنظرلها انها صعبه قسم مراح تفهم شي دام معك وقت طويل حطها براسك وكل يومين تابع محاضره والمحتوى خله معك تتابع فيه بالمحاضرات وكل يومين على محاضره اذا فهمت المحاضره الاول بعد التكرار افتح المحاضره اللي بعده ماتمشي الا كذا اما تطنش حتى لو باقي شهرين على المواد اللي تدرسه و رتباطاتك راح تبلش بقوه
الحمدلله ان رياضيات 2 مو معنا ولا كان اعلووم .
والله يوفق الجميع ..

[عبدالله الشّلاحي]

بما أنك هلالي يبقى لك فرصة أخيرة
تراسل الجامعة ويعطونك فرصة رابعة أخيرة
وشد حيلك
تراها نهائية

الله يوفقك ويسعدك

بما انه هلالي يستاهل ينجح هههههه:biggrin:

أول ماأختبرت الرياضيات من الوفبيا اللي فيني منها رحت وتحمست وجبت مدرس خصوصي

وكل ماشرح لي موضوع طلع سهل جداً . وقاعد انتظر الصعب اللي اذكره وأنا بالمدرسة ..

في الأخير اكتشفت اننا كنا مصعبين الدروس على انفسنا نفسياً لاأكثر

فنصيحة لصاحب الموضوع أن يتعامل مع الرياضيات بأنها سهلة وليست معقدة ويتابع الشرح عن طريق اليوتيوب وصدقني راح تجتازها بسهولة:106: