مبروك .. تم دفع الرسوم طلبة #عاصفة_الحزم في الخدمات الطلابية

[أبو جَنىَ]

السلام عليكم ورحمة الله وبركاته


مثل ماهو واضح في العنوان ، تمام سداد الرسوم بالكامل عن طلبة عاصفة الحزم في الخدمات الطلابية
طبعًا عشان تتخيلون كم المبلغ .. 20 الف طالب من 2500 ريال على اقل تقدير هذا يعني ان المبلغ اللي
تنازلت عنه الجامعة دعمًا للوطن يقدّر ب 50 مليون ريال .. شكراً د. عبدالله وجزاك الله خير ..

+ ومن حظي الطيب كان الترم هذا عندي 22 ساعة :) والمبلغ 3650 ريال وطاح عني ..

[^ام روان^]

الف مبروك اخوي و هذا شي قليل بحقكم
الله يسر امركم و يوفقكم ان شاء الله

[ابو غيداء]

من زمان يابو حنى



من قبل ظهور النتائج وهي مسدده

[عبدالله الحربي0]

نزلت عندك بالحساب

[أبو جَنىَ]

الله يبارك فيكم ..

اخوي ابو غيدا ، ما قريت اي موضوع عنها وانا عن نفسي ما تم سدادها الا اليوم

[moubark]

الظاهر قبل مايعلنون عن الغاء الصيفي وهم اعلنو على حقيين العاصفه الله يجزاك الجنه ويكتب لك اجرك

[أبو جَنىَ]

عبدالله انا ما سددتهم اصلًا ، جرت العادة اني اسدد قبل النتائج
تحسبًا للطوارئ وتسويف كعادتنا الجميلة :)

[أبو جَنىَ]

الظاهر قبل مايعلنون عن الغاء الصيفي وهم اعلنو على حقيين العاصفه الله يجزاك الجنه ويكتب لك اجرك



اعلنوا طال عمرك صحيح ، بس بقت الحالة ( لم يتم دفع الرسوم بالكامل )

الحين ( تم دفع الرسوم بالكامل .. شكراً لك ) وشكرًا لك انت ايضًا

[عبدالله الحربي0]

انا مسدد بس باقي مادخلت الحساب

[ابو غيداء]

لو ما اتسددت كان ماشفنا النتائج تكون محجوبه

الخميس اتسددت والجمعه نزلت النتائج


بالنسبه للميزانيه الدوله مهي مقصره كل سنه تدعم الجامعه بملايين الريالات

[أبو جَنىَ]

^ يا ابن الحلال انا اقول لك ما تسددت عندي الا اليوم .. وانت قاعد تقول الخميس
انا مشيّك يوم الأثنين كانت الحالة لم يتم .. بعدين اذا انت تعرف غيرك ما يعرف ومعلّق
طلبه لحد الحين .. مايدري تم قبوله ولالا مع الفئة المشمولة .. ثالثًا ما كانت الجامعة
مجبرة انها تلغي الرسوم .. بالعكس خطوة جميلة تذكر وتشكر وليس تنكر !

[ابو غيداء]

طيب لاتعصب

وانا اقول لك لو ما ضبطت الجامعه وضعك المالي ما شفت نتيجتك


وغيرك واجد ماسددو للحين ماشافو نتايجهم




الجامعه يوم الخميس عدلت الوضع المالي لجميع العسكريين ليتسنى لهم
الاطلاع ع نتايجهم

[أبو جَنىَ]

^ خلاص انت صادق .. الله يجزاك خير ، وارجع فوق وشوف وش كتبت "في الخدمات الطلابية"
ممكن توقف نقاش في الموضوع هذا ؟؟ خل الناس اللي مهتمة تقرأ

[ابو غيداء]

وانت بعد صادق

[sham9966]

مبروك
كان اسقطوها بعد عن المتفوقين
شكلنا كلنا بنروح عاصفة الحزم
هههههههه ماشاء الله راتبين واسقاط مكافئه واحنا نجلس نتنظر مكافاة التفوق المليون هههههه
عموما مبروك وتتهنو

[ابو منيف]

انا مارجعو لي الفلوس الى الان

[خالد بن وليد]

مبروك
كان اسقطوها بعد عن المتفوقين
شكلنا كلنا بنروح عاصفة الحزم
هههههههه ماشاء الله راتبين واسقاط مكافئه واحنا نجلس نتنظر مكافاة التفوق المليون هههههه
عموما مبروك وتتهنو

راتب مو راتبين وعقبالكم

[hail]

يستاهلون
عسى الله يردهم سالمين غانمين ويحفظهم ويحفظ بلدنا من كل عدو للدين والوطن

[almalkifahad]

محسوبة كرصيد إضافي ولم يتم التحويل للبنوك بالنسبة للي سددوا بداية الترم وطلبوا استعادة المبلغ

وأكيد تم احتساب السداد لمن لم يسدد




موفقين

[ابو منيف]

محسوبة كرصيد إضافي ولم يتم التحويل للبنوك بالنسبة للي سددوا بداية الترم وطلبوا استعادة المبلغ

وأكيد تم احتساب السداد لمن لم يسدد




موفقين

رصيد اضافي


انا خريج ماباقي شي لي عندهم ؟

[ابو منيف]

نعم مكتوب

تم تسديد المبلغ كامل : وله 2650 ريال سعودي


في يقونة الاشؤن المالية

[ابو منيف]

؟للرفع ...

[خليفه المطيري]

حسبتك غلط لان في ناس سددت زمان وطلبت استرداد المبلغ وللحين م جاء شي

[نور باوادي]

تستاهلون كل خير يـ عاصفة الحزم

[المحترمه]

وعليكم السلام ورحمة الله وبركاته


شكرآ للعماده وللوزير على هذه اللفته الكريمه
لأخواننا في عاصفة الحزم .. حفِظ الله الجميع
من كل مكروه .. شكرآ على نقل الخبر

بالتوفيق

[نايف200]

مساكم الله بالخير
مارجع البلغ و كاتبين ماتنطبق عليك الشروط وش الشروط
انا مرابط في عاصفة الحزم
فيه شروط غير المعلنه ؟؟؟؟؟؟؟؟