اللي رياض اطفال كم نسبكم واللي قبلوكم بهالقسم او اللي عندها علم في القبول في هالقسم ترد الله يسعدها [الأرشيف] - ملتقى طلاب وطالبات جامعة الملك فيصل,جامعة الدمام

تسجيل الدخول

مشاهدة النسخة كاملة : اللي رياض اطفال كم نسبكم واللي قبلوكم بهالقسم او اللي عندها علم في القبول في هالقسم ترد الله يسعدها

ريتال99

2015- 6- 7, 02:25 PM

السلام عليكم اخواتي انا ماادري اذا الموضوع هذا مكانه او لا بس قلت اكيد احد عنده علم كم القبول بقسم رياض اطفال الله يجزاكم خير
تكفون ردوا علي لاتخلوني بلا رد محتاجه مساعدكم الله يساعدكم :verycute::bawling:

صمتي لغتي!

2015- 6- 7, 03:20 PM

وعليكم السلام
القبول بالتخصص يكون على أساس نسبتك بالثانوية من 95 وفوق
وبعدها بفترة يسون لك مقابلة وهي عبارة عن مجموعة أسئلة يختبرون فيها النطق عندك ويطلبون منك تسوين تمرين رياضي ويسألونك ليش اخترتي القسم وأيش المواد اللي تفضلينها أو استفادتي منها
أتمنى اني أكون افدتك ��

Nawal Mohammed

2015- 6- 7, 09:29 PM

صمتي لغتي!

2015- 6- 8, 01:11 AM

يمكن على حسب الدفعة حنا دفعتنا طلبوا منا نسبة الثانوي وحتى خلونا نجيب نسخة من شهادة ثالث ثانوي

ريتال99

2015- 6- 12, 02:06 PM

ما يطلبون لا نسبتك في الثانوي ولا معدلك اهم شي تجتازين المقابلة تسألك ليش تبغين القسم وايش تعرفين عنه وتطلب منك تسوين رياضة وتسألك اذا حافظة شي من القران وتحدد لك سورة وتقولك سمعيها وغالباً مافي عائق، دخول القسم مضمون بإذن الله.

الله يسعدك حبيبتي طيب مايطلبون درجتنا بتحصيلي والقياس ؟؟؟ طيب القبول فيه على اي اساس واذا مااجتزت المقابله مايقبلوني بالقسم😢 وانتي قسمك رياض اطفال؟؟؟ ويوم انقبلتي فيه كان على عهدك فيه تحصيلي وقياس في الثانوي؟؟

انتظر ردك حبيبتي ❤️

ريتال99

2015- 6- 12, 02:07 PM

يمكن على حسب الدفعة حنا دفعتنا طلبوا منا نسبة الثانوي وحتى خلونا نجيب نسخة من شهادة ثالث ثانوي

اشكرك حبيبتي بس انتي ايش قسمك واذا انتي رياض اطفال كان على عهدك فيه اختبار قياس؟

صمتي لغتي!

2015- 6- 12, 03:23 PM

انا تخصص رياض أطفال من دفعة 2013 وانا حالياً خلصت سنة ثالثة
وكان فيها اختبار قياس
وإذا على المقابلة ترى عادية جداً وتقدرين تجتازينها

ريتال99

2015- 6- 15, 12:40 PM

انا تخصص رياض أطفال من دفعة 2013 وانا حالياً خلصت سنة ثالثة
وكان فيها اختبار قياس
وإذا على المقابلة ترى عادية جداً وتقدرين تجتازينها

اشكرك اختي ماقصرتي الله يسعدك

انتظر ردود الاخوات اللي يقولون مو مهم النسبه :icon9:

Fatimah_mahmoud

2015- 6- 16, 05:58 AM

السلام عليكم ورحمة الله وبركاته

أنا أيضاً من دفعة 2014 لما قدمت في القسم ما طلبوا مني لا نسبة و لا معدل بس سويت مقابلة و اجتزتها بكل سهولة و بس

الله يوفقك في القسم اللي تبينه و ييسر لك دخوله بكل سهولة
بالتوفيق يارب :d5::d5:

ريتال99

2015- 6- 18, 02:47 PM

ريتال99

2015- 6- 20, 04:05 PM

اليوم جيت بسجل كاتبين لي انك لم تستوفي شروط التسجيل ويجب ان لايقل معدل الثانوي عن 80٪

انا الثانوي نسبتي 77،56
والقدرات 73
التحصيلي 73

بالله ردوا علي ليش مايفتح لي تسجيل الرغبات :sm1::sm1::bawling:

AFNAN TURKI

2015- 6- 21, 08:16 AM

ما وضحتي في البداية انك خريجة من الثانوي البنات في ردودهم يقصدون المقابلة بعد ما تدرسين سنة ونص في كلية التربية
عشان تنقبلي في كلية التربية لازم موزونتك تكون ب80 اقل شي

سجلي دبلوم وبإذن الله تنقبلين ادرسي سنة وشدي حيلك وجيبي معدل فوق ال4 وتحولين لتربية

ساره ...

2015- 11- 12, 02:20 PM

طيب اذا سويت مقابله وماقبلوني اي قسم يحولني؟