تجمع لانتظار نتايج الدبلومات

[غصون الازهار]

السلام عليكم :060:مبروووك لجميع المقبولات في الماجستير
حبيت اسئلكم الدبلوم التربوي لجامعه الملك فيصل طلعت النتايج ولا:sm18:
متى تطلع النتايج
كم رسوم الدراسه للدبلوم التربوي :007:
الدراسه صباحي او مسائي


طيب الدراسه صباحي للموظفات ولا
نبقي الخبر الاكيد :71:

[فالنتينا]

لا لسى ماطلعت النتايج للدبلوم التربوي

[آلبآرونه~]

السلام عليكم متى التسجيل لدبلوم التربوي..؟

[غصون الازهار]

السنه الجايه في ربيع

[آلبآرونه~]

عندي استفسار كيف عرفتي الموعد ممكن تعطيني الرابط لان انا لسا خريجه هذا الفصل
و كيف راح يكون التسجيل بربيع اول السنه الجايه لو انقبلت الدراسه متى راح تبتدي :Looking_anim:؟؟؟؟




و شكراً ع رد يا حلوه

[غصون الازهار]

التسجيل للدبلوم معروف سنويا يفتح مره وحده بس
في شهر ربيع
والنتايج للقبول في شهر شعبان تطلع
اما الدراسه في شوال

[amsm]

ان شاءالله يكون نتيجة ذا الانتظار خير وننقبل
الا بسئل هو الدبلوم في مقابله و اسئله بعد ؟

[غصون الازهار]

جامعه الملك فيصل بالاحساء مافيها مقابله ولا اختبار حق الدبلوم

[Memoo5564]

السلام عليكم
انا كلمت الاستاذ علي المجيبل
عن نتائج الدبلوم التربوي
قال لا اعلم واتمنى واتوقع في اول رمضان

[غصون الازهار]

وعليكم السلام يعطيك الف عافيه
الله يوفقك

[Memoo5564]

الله يعافيك
واياك يارب

[حفصه الدوسري]

متى تطلع نتايج الدبلوم

[حفصه الدوسري]

رفع

[Memoo5564]

متى تطلع نتايج الدبلوم

للحين ما قررو اذا بيلغون الدبلوم التربوي او لا
احتمال يطلعون النتايج او الاعتذار في ذي القعدة

[غصون الازهار]

متى راح تطلع نتايج الدبلوم خلص رمضان وجاء العيد وجاء شهر شوال ولاطلعت

[أم العنود]

الدبلوم التربوي يعتبر موازي وتوقفت الدبلومات الموازيه

يعني بالاخير جامعة فيصل بتعتذر مثل باقي الجامعات لان هذا قرار وزاري

[غصون الازهار]

رفع

[فتآت مسك]

الدبلوم التربوي يعتبر موازي وتوقفت الدبلومات الموازيه

يعني بالاخير جامعة فيصل بتعتذر مثل باقي الجامعات لان هذا قرار وزاري

الدبلوم التابع لكلية خدمة المجتمع اهو الي الغوه والجامعات اعتذروا

جامعة فيصل والدمام تابع لكلية التربية ومستمر بس جامعة فيصل العادة يتأخرون وحتى العام ماطلعت الا في شوال

[غلا الخبر]

بنات متى بتطلع النتائج

[حفصه الدوسري]

حيييييل طولوا بقوه

[Memoo5564]

احتمال كبير في ١ ذي القعده

[غصون الازهار]

شدعوى مو مستاهل كل هالوقت مافيه اختبار ولا مقابله حتى يطولوا كذا

[بنت الأصايل]

نستنى

[ديني تاج راسي]

السلام عليكم ورحمه طبعا قبل مااعلق راح اعرف عن نفسي اني خريجه من دبلوم التربيه لسنه الماضيه
راح ابدأ بتاخير النتايج وانه امر طبيعي جدا ونصيحه تعودو عليه لانه طول السنه راح يكون في تاخير ومماطله اذا ماتفادو الاغلاط اللي سووها في سنتنا اولا فاجاونا بالرسوم وبعدين بدت معانات الجدول والاختبارات


انا مااقصد بكلامي اني احبطكم او اتشائم بالعكس ابيكم تقبلون التحدي وتقوون نفسكم بالصبر وتكونون مثلنا وصرنا اقوا منهم وعدينا السنه بكفاح وعزيمه ولله الحمد واغلبنا كان من المتقوقين ولله الحمد


بالبدايه
بدا التاخير بالقبول متاخر جدا جدا بسبب قرار الرسوم وبعد المطابقه وصار في تاخير بتسجيل المواد وبدانا الدراسه قبل اجازة العيد باسبوعين تخيلو يعني بعد باية الدراسه بشهر تقريبا
بالنسبه للرسوم لازم ندفع قبل الترم يعني 6000 الترم الاول و6000 الترم الثاني ولا تدخلك مواد الا اذا جبتي ايصال بالسداد وهذا اللي اخرنا اكثر بالترمين لان ماراح يفتح البنر الا بسداد الثلاث ارباع الطالبات تقريبا


الدوام الترم الاول كان مسائي اربع ايام بالاسبوع من 3-7 اربع ايام بالاسبوع
والترم الثاني كان عذاب بالنسبه لنا لانه كان دوامين دوام صباحي بالمدرسه علشان التطبيق اربع ايام بالاسبوع ودوام مسائي بالجامعه من يصادف يوم من 3-5 ويوم من 3-7 ويوم من 3-6 ويوم الخميس اوف طبعا الدوام بالثلاث ايام بيكون بالمدرسه والجامعه




لكن الحمد لله بعد التاخير في النتايج وتسجيل المواد بعد ما بدانا بالدراسه كانت الامور سلسه جدا وحلوه لكن رجعت الخربطه وقت الاختبارات النهائيه والجدول الاختبارات لاتعبون نفسكم تحطون جدول لانه في الاخير بحطون جدولكم مثل الاولاد


وطبعا نفس التاخير اللي كان بالترم الاول تكرر بالثاني زاد الطين بله لما في مدارس رفضت تستقبل طالبات التطبيق وجلسو يدورون مدارس تقبلهم وطبعا المدارس كلها بالهفوف ولازم ثانوي ماعدا الدراسات متوسط ولازم اقل شي بالمدرسه 6او 7 طالبات علشان تجي المشرفه لك

ومن جهه اخرى تاخير بتسجيل الجدول لان الجامعه ينتضرون البنات يسددون وفي بنات تاخرو بالتسجيل الى ان تاخرنا تقريبا ثلاث اسابيع


حاولنا كثير بالجامعه ان يغيرون نظام الدوام وان مرهق ومتعب وانا اغلبنا امهات وفي ناس تجي من مناطق بعيده وتضطر تطلع من بيتها من الفجر ولا ترجع الا العشا (طالبات يجون من العيون والهجر وبعض القر البعيده ) وغير كذا مره مرهق ان تكون علينا واجبات وبحوث للجامعه غير شغل المدرسه من تحضير وشرح ووساؤل وغير واجباتنا العائله لكن حسبي الله على من كان الامر بيده ولا رحمنا والرد اللي يقهر دامك ماتقدرين ليه مسجله ودك تذبحينها بس الحمد لله ربي قوانا وصرا احسن مما توقعو وكافحنا ونجحنا ومايئسنا
وخصوصا كان التطبيق من تاريخ 15\4 الى 17\7 يعني قبل اختباراتنا باسبوعين تقريبا وكنامطالبين ب 40 حصه شرح و 10 مشاهدات وغير مساعدة الاداره علشان علامة المديره اكن لما حضرو المشرفات ولاحضو ان صعب على الطالبات خصوصا ان في معلمات مايرضون تشرحين بعض الدروس وفي بنات في مدارس بنظام المقررات ومادة تخصصها انشرحت الترم الاول واضطرت تشرح ماده مو من تخصصها مثل علم الاجتماع فقررت الجامعه ان تقلص العدد الى 30 تقريبا وفي بنات شرحو اقل ومشى الحال لان كل مشرفه تشوف وضع المدرسه والطالبات وتحدد عدد الحصص


واخر نصيحه اقدمها لكم هي المنسقه عفاف العامر نصيحه لاتعتمدون على كلامها :sm4: لان لها مليون كلمه وتتناقض مع نفسها ماتدري وين الله حاطها بس تسلك للبنات اللي عندها رجال يروح لقسم الرجال ابرك لها عن تجربه شخصيه لاتضيعين وقتك معاها لان اذا شافتك قويه ولاتسكتين عن حقك بتسوي اللي تبينه وتتراجع بسرعه لان نظام الجامعه كله مافي تنظيم كل واحد يقطك على الثاني ماعندهم نظام ولا يعرفون وين يحولونك او المكان اللي تحتاج تروحه علشان تنحل مشكلتك


اتمنى ان هذي السنه تكون افضل ويتفادون الاغلاط اللي صارت العام


واتمنى انكم تكونون اقوياء وتتحلون بالصبر وطولت البال


وانا راح انصحكم بافضل الدكاتره اذا الله سهل لكم وطلعت النتايج


بالتوفيق للجيمع

[حفصه الدوسري]

يعطيك الف الف عافيه الله يوفقك وييسر امورك
كفيتي ووفيتي شكرا لك على الشرح الوافي والواضح:d5::d5:

[Memoo5564]

الله يعطيك العافيه
ما قصرتي

[๑•ﻬمسْ آلـפֿـجلْ]

ديني تاج راسي يجزاك ربي الجنه و الله يوفقك

[حفصه الدوسري]

رفع .رفع

[بنت الأصايل]

بنات ترا طلعت نتائج القبول

[بنت الأصايل]

فيه أحد أنقبل ؟

[غصون الازهار]

صحيح طلعت النتايج كيف الدراسه صباحي او مسائي
كم ندفع الرسوم

[غصون الازهار]

فيه دفعات للقبول لمن لم يحالفه الحظ ولا

[بنت الأصايل]

أتوقع تكون فيه دفعة ثانيه بديل للي مايسلمون أوراقهم

اللي بتسلم أوراقها بكرا تسأل لنا كيف الدوام وهل فيه رسوم ؟

[غصون الازهار]

بنات شوفوا في الموقع اذا دخلتوا على النتيجه مكتوب الدراسه موازي ولا




كم المعدل اللي قبلوا في الدبلوم
من 4.25 وفوق ولا

[Marwa2323]

يا إخوة عندي مشكلة

١- لما أحط السجل المدني وكلمة السر يطلع لي عبارة

( هذه الفترة مخصصة للدبلوم العام في التربية )

وأنا هذا اللي مسجلة فيه ! ليش معرقل دخولي ؟

٢- سويت استرجاع لكلمة السر واذا ضغطت دخول يفضي لي الخانات !!

وش الحل ؟

[غصون الازهار]

راجعي الجامعه احسن لك