اول مره اسجل ترم صيفي افيدوني

[نونْ]

السلآم عليكُم

شخباركم يا بنات بعد الاختبارات ؟


انا هالصيف حبيت ادرس فيه عشان انجز ع الاقل كم ساعه :sm5:
و اول مره ادرس صيفي ف حبيت استفسر عن بعض الشغلات
وياليت تفيدوني فيهآ ..


اولا كم ساعه مطلوب مني للصيفي و هل اساسا فيه ساعات محدده للصيفي؟


ثانيا : المده اللي راح ادرسها كم ؟ شهر شهرين ؟ و هل فيه اجازه للعيد و كم يعطونا ؟


ثالثا : متى تبدأ الاختبارات ؟ و كيف نضامها زي الاختبارات العاديه ؟ ينزلون جدول و كذا ؟


رابعا : لو سجلت المواد و خلصت متى ابدأ اداوم ؟ لاني عرفت ان التسجيل يبدأ من 23 هالشهر


و ياليت اللي عنده معلومات اضافيه يفيدني


وشُكرا جزيلا مُقدماً :love080::106:

[نونْ]

فيه نقطه نسيت استفسر عنها

بالجدول كاتبين قدام الماده اليوم ( خ ح ) مثلا او ( ن ث ) يعني ايش ؟ناخذها يومين ورا بعض !؟

[افف]

مسموح لك تسجلين 6 ساعات وتداومين للمقرر الواحد يومين بالاسبوع
و ينزلون جدول للاختبارات و فيه اجازة للعيد وهي العشر الاواخر يعني يمكن تاريخ 22 رمضان تعطلون وترجعون بعد الاجازة تكملون
وتخلصين من الاختبارات وتجلسين اسبوع بس وبعدها يبدا الفصل الدراسي الاول


الصيفي مره مفيد الله يوفق الجميع

[نونْ]

^

شُكرا مره
بس ابي توضيح اكثر متى نبدأ نداوم بالضبط
و وقت الرجعه متى نرجع بعد العيد بالضبط ؟


و تسلمين ع التوضيح

[reem20]

الدوام ٢٨ هالشهر
والاجازه ٢٢ من رمضان
والرجعه ٧ شوال

[مرجوجه شوي]

والاختبارات النهائيه بتكون اخر شوال

ممكن 28 او 27

[لطوفة عبدالرحمن]

التسجيل ب ٢٣ ؟؟؟ و هل كلنا بيوم واحد ؟؟؟

[مرجوجه شوي]

ايه 3 ايام كلنا مع بعض

[نوف2011]

طيب في بعض المواد فيها بس حرف واحد يعني نداومها مره بالاسبوع؟؟

[نونْ]

ريم + مرجوجه

الله يجزاكم الجنه ع الإفاده
وربي يسهل عليكم اموركم

[j_otaibi]

نوف

الصيفي كل المواد تكون ع محاضرتين
لأن الوقت قصير ف كل شي يكون "دبّل يعني"