أفضل معهد لتعليم اللغة الانجليزية [الأرشيف] - ملتقى طلاب وطالبات جامعة الملك فيصل,جامعة الدمام

مشاهدة النسخة كاملة : أفضل معهد لتعليم اللغة الانجليزية

شهم خليجي

2015- 6- 13, 01:05 PM

السلام عليكم ورحمة الله وبركاته
أخواني وخواتي أهل المنطقة الشرقية كيفكم ان شاء الله بخير
حبيت استفسر منكم عن أفضل معهد لغة في المنطقة الشرقية الدمام أوالخبر لأنني ناوي ان شاء الله اتعلم لغة انجليزية
فأرجو من الله ثم منكم ان تطرحوا افضل المعاهد مهما كان سعرهم ولكم خالص تقديري وشكري .

ابوفيصل 2012

2015- 6- 13, 01:14 PM

بالتوفيق

تامر2233222

2015- 6- 13, 01:17 PM

يعطيكم العافيه

✶ جُمان ✶

2015- 6- 13, 01:20 PM

1- المعهد الثقافي البريطاني

2- دورات اللغة الأنجليزية بجامعة البترول والمعادن ( وهي عدة مستويات - يتم أختبار المتقدمين للدراسة

لأجل تحديد المستوى الذي يناسبهم )

عبدالله الحربي0

2015- 6- 13, 01:26 PM

تامر2233222

2015- 6- 13, 01:30 PM

يعطيكم العافيه

تامر2233222

2015- 6- 13, 01:30 PM

يعطيكم العافيههه

تامر2233222

2015- 6- 13, 01:34 PM

يعطيكم العافيهههه

شهم خليجي

2015- 6- 13, 02:20 PM

يعطيكم العافيه جميعا انا سمعت عن معهد بيرلتز مدري احد يعرف عنه شي يقولون افضل من المعهد البريطاني

شهم خليجي

2015- 6- 15, 09:38 PM

خطوة بخطوة

2015- 6- 15, 09:42 PM

الله يوفقك ويدلك ع افضل معهد
نصيحه من اخوك اذا بتدخل معهد حاول بقد ماتقدر تمارس المحادثة مع اهل بيتك وربعك مع الوقت بتلقى نفسك بلبل انجليش

اعشق غروري

2015- 6- 26, 01:26 AM

وعليكم السلام والرحممه

معهد بيرلتز حلو وتعاملهم كويس
واللي يدرسون كلهم اجانب درست فيه مستوى وراجعه اكمل ان شاءالله

ouritme4u

2015- 6- 26, 01:55 AM

السلام عليكم ورحمة الله وبركاتة
بما انك في الاحساء انصحك من الان اخذ فكرة عن اللغة وجامعة الملك فيصل طارحة دورات مجانية ويمكنك الدخول على هذا الرابط
http://delgate.kfu.edu.sa/language_courses/English.html

وعن نفسي انصحك بأخذ دورات لغة انجليزية في جامعة الملك فيصل في حال عدم وجود معهد معتمد مشهور في الاحساء .

وشكراً

SaRa..!

2015- 6- 26, 02:17 AM

شرايكم بالدورات اللي تقدمها كلية الدراسات التطبيقية في جامعة الملك فيصل?!

رامـ2009ـا

2015- 6- 26, 04:40 AM

انا التحقت في معهد عن بعد في امريكا
والحمدلله احس اني ارتحت معاهم
الله يوفق الجميع

ترحيب

2015- 6- 26, 05:19 AM

انا التحقت في معهد عن بعد في امريكا
والحمدلله احس اني ارتحت معاهم
الله يوفق الجميع

ممكن الطريقه

نادر511

2015- 6- 26, 02:49 PM

معك انتظر الطريقه

جامع الكلمة

2015- 6- 26, 03:33 PM

بانتظار الطريقة كذلك

يمكن بعد الفطور؟

ouritme4u

2015- 6- 26, 04:37 PM

شرايكم بالدورات اللي تقدمها كلية الدراسات التطبيقية في جامعة الملك فيصل?!

اي دووورة تعتبر مفيدة

ABU YUMMNA

2015- 6- 26, 05:57 PM

افضل معـهد في السعودية
المعهد الثقافي البريطاني

http://www.fawndoo.com/indie/amer/images/britishcouncil0614.jpg

الخبر- قسم الرجال والنساء
المركز الرئيسي
(قسم الرجال والنساء)،
أبراج الراشد، الدورالسابع، شارع الملك عبد العزيز، الخبر، ص.ب 8387، الدمام 31482
Telephone number
920003668
Fax number
7831 3887 (0) 966+
Email address
KSAinfo@sa.britishcouncil.org

عَزْفُ مٌنْفَرِدْ

2015- 6- 26, 08:01 PM

اهم شيء ابعد عن دايركت انجلش ( نيوهيرايزن )

لانهم مايحرصون الا على فلوسهم وداخل الفصول يتكلمون بالعربي يعني مافيه فايده

انصصحك بالبريطاني

ابو شموخ 2001

2015- 6- 26, 10:35 PM

من وجهة نظري ان معهد وول ستريت الافضل

دوامهم من 10 الى 10 بامكانك ان تأتي بأي وقت
برنامجهم الدراسي اكثر من رائع
مدة الدراسة 5 اشهر
او 8 اشهر
او سنة
يعملون لك اختبار تحديد مستوى ثم تدخل حسب قدراتك ومستواك
يشرف عليه مدرسين عرب واجانب

بصراحة نويت ادخله ولكن قلت بعد رمضان
موجود له 22 فرع في اغلب مدن المملكة

نصيحتي
بعد ان تاخذ اي كورس في اي معهد خذ لك كورس خارج المملكة لو لمدة شهر او شهرين.

ابو شموخ 2001

2015- 6- 26, 10:37 PM

على فكرة

قيمة الكورس في معهد وول ستريت
5 اشهر ب 5000 ريال

Mp3

2015- 6- 30, 05:26 AM

على فكرة

قيمة الكورس في معهد وول ستريت
5 اشهر ب 5000 ريال

--
في الحقيقة يابو شموخ أنا لا أعلم كيف تنصح بالمعهد وانت بعد ما درست فيه!!
بس باين من كلامك إنك مُلم بمعلوماته صراحتاً أنا أمنية من أمنياتي أدرس أنقلش
وأعتقد أنها أمنيه للجميع للي مايجيدون اللغة :)
ومن جهه أخرى كل ما بحثت عن مكان للتعليم ينصحوني بأن أكثر المعاهد مصالهم للمال
ف أبتعد والكل ينصحني ب الدراسة خارج المملكة ومؤجل الأمل بعد انهاء الجامعه لكن إذا
الحل لدينا في مثل هـ المعاهد ياليت تفيدنا بعلومات أكثر ولك جزيل الشكر . .
مع العلم إنّي لا أجيد اللغة بتاتاً البته :(

ابو شموخ 2001

2015- 6- 30, 08:34 PM

Mp3
اخي الكريم

انا درست في معاهد وسافرت بريطانيا ولكن لفترة قصيرة (( شهر تقريبا))

ذهبت الى اكثر من معهد وتعرفت على طرق تدريسهم

ميزة وول ستريت

اولا بامكانك الحضور باي وقت تحدده
يعني مثلا انت تريد الحضور صباحا تحدد الساعه وتداوم
تريد ظهرا تحدد الوقت وتستمر كذلك مساءا

طريقة تدريسهم حسب ما شرح لي ورأيت امامي رائعة على الاقل تناسبني وتناسب ما احتاج

بالنسبة لك وحسب كلامك ان مستواك بالانجليزي مستوى اول
بامكانك ان تبدأ من الصفر على الاقل اعتبرها تجربة او تمهيد لدراستك خارج المملكة اذا ناسبك ..استمر
بالنسبة للدراسة خارج المملكة بالتاكيد افضل لسبب انك طول الوقت تتعلم
ف3 اشهر خارج المملكة عن سنة بالداخل
من وجهة نظري لو فكرت بالذهاب لابد ان تقضي مدة لا تقل عن ستة اشهر حتى تستفيد
او تدرس بمعاهد المملكة سنة وتذهب 3 اشهر كاقل مدة
بالنسبة للدول...يمدحون كندا

وفقك الله

حماااده

2015- 6- 30, 09:20 PM

والله شوف نصيحة مع عدد من التجارب ، مع قتال شديد ،

اذا انت جدا ( زيرو ) ما عندك خلفية ، ( عادي لو تخبص وتجرب في البداية ، لان في أي مكان بتتطور دام عندك رغبة تتعلم ) فكل مكان بيطورك بنفس المقدار لانه شيء جديد عليك ،

ولكن اذا عندك خلفية ، انصحك تبحث عن موقع " يعلمك الانجلش كمدرس خاص ولا تفكر الا بالمدرس الخاص " اونلاين " < موجود عن طريق سكايب او عن طريق مواقع رسمية ، بس شوي غاليه ـ ، بس الفائدة عظيمة فكذا اذا انت زيرو ( بتكون داخله من باب الاسراف ) لانك وانت زيرو بتتطور في اي مكان انت قابل للتطور في اي مكان ولكن اذا انت عندك خلفية صدقني ما يبي يفيدك الا المدرس الخاص ، بس اذا ما عندك مشكله تدفع ، وانت زيرو ، يفضل للتطوير السريع انك تبدا مع مدرس خاص
.
.

طيب اذا انت تبي تدخل انجلش علشان الشهاادة ، او انك تقول بضرب عصفورين بحجر واحد شهاده + اتعلم كويس اللغة

الشهادة ممكن تكون مفيده فقط " كموظف حكومي " ولكن العلم هو اللي يفيدك في الشركات ،
وشهادات الانجلش أصلا لا تقدم ولا تؤخر في كل مكان ، والسبب ان فيه شيء اسمه اختبار " ايلتس او اختبار توفل " هذي شهاده تحصل عليها مثل القياس < اكيد انك تعرفها بس اشرحها ، علشان ممكن يكون فيه واحد يجهلها ، هي الشهادة المفيدة

المهم هذي الشهادة هي اللي تقيم لغتــك في الشركات ، وكيف تقدر تاخذها ، تاخذها اذا انت لغتك كويسـة ولها درجات متفاوته
ولكن أحيانا الشهادة تفيد في الدراسة < وتحت التفاصيل
.
.
اما اذا براسك معهد وجازم !،
افضل معهد اذا كان عندك بالشرقية مدري ، els هذا معهد عالمي ودولي ، ومشهور ، موجود في الرياض
هل هو يفيد لغة< هو زي اي معهد ، يعتمد على اللي يشرح
طيب ايش الميزة اللي عنده؟
هذا المعهد متعاقد مع عدد كبير من الجامعة في أمريكا وفي بعض الدول ، بحيث انك اذا درست عنده 9 مستويات تقدر تخش الجامعة بدون ( شهادة الايلتس والتوفل ) واذا تعديت المستوى الأخير 12 < يكون عدد الجامعات اللي تقبلك اكثر واكثر ، وبرضو ( الماستر ) بعد مستوى 11 أتوقع وبعد مستوى 12 < يصير فيه جامعات تقبلك بدون توفل وايلتس ، فلذلك هو مميز للي يبي يكمل دراســته
.
.
.
طيب نجي معهد ول ستريت " لان ذكره واحد من الشباب بتكلم عنه حسب تجربـتي
لانه صحيح ان عنده ميزه متى ما بغيت تقدر تنزل كلاس < ولكن اكتشفت انها مو ميزة
دراســته كريهه للأسباب التالية :
1- انك تجلس تسمع شريط في معملهم اللي بالكمبيوتر بشكل ممل هذا الكلام قبل 8 سنوات " بشكل يخليني ابكي نفسيا "

2- عندهم كلاسين الأول كلاس استماع ، تجي وتخش المعمل متى ما بغيت ، والكلاس الثاني مع ( دكتور ) تحدد هذا الكلاس ا بعد ما تخلص فصل ( في الاستماع ) وعلى حسب فيه وقت مناسب لك مع الدكتور ولا لا < يعني مو على كيفك بشكل مطلق ، يعني محدود بعد المغرب ، بعد الصباح ، اذا تبي وقت ثالث قال لك ما فيه " مشغول " < زي كذا < كانها فتره مسائبة وفتره صباحية أساسا

طيب ليش صارت سلبية " بسبب انك تروح على كيفك تسمع المحاضره في المعمل متى ما تبي ، خلاص يجيك كسل اذا انشغلت قلت بدرسها بكره فتره طويلـه ( تصير تآجل كثيير ) فكذا تضيع عليك الفترة " كانك مسجل في نادي رياضي " هههه اذا صرت تجي باوقات مختلفة ( ما تتقيد ) فلذلك ما ناسبني المعهد ، < هذا هو السبب ( قد يختلفون الناس ) وفيه ناس تتقيد ولكن الاستماع حقهم كان شيء كريهه جدا

وكان فيه كلاس في الأسبوع اختياري مع جميع اللفلات انك تجي في قهوتهم ، وتسولف هناك < ما جربتها

انا ما انصح به ، لانك اذا كنت تستطيع انك تتحمل الاستماع الممل ، انصحك تحمل اي برنامج في الجوال وتسمع المحادثات المملة بين اثنين ، وبكذا بتستفيد اذا عندك طاقة للتحمل

كل المعاهد نتيجتها وحده ولكن ميزتها ( هي هل تفيدك مستقبلا في انك تتجاوز الايلتس والتوفل في بعض الجامعات ولا لا < هذي اللي تخليك تدخل المعهد ، لان الدكتور اللي يشرح يختلف من معهد لمعهد وهو أصلا الزبدة في التعليم ، فاسم المعهد ما يخلي ان اللمعلم ممتاز ، هم يتعاقدون معه عساس ( انه فاهم ومع كذا شهادة )

المهم حلول التعليم الانجلش
مدرس خاص مدرس خاص مدرس خاص مدرس خاص

1- اما تجيبه عندك في بيتكم ( بس يفضل يكون اجنبي )
2- اما عن الاونلاين وموجوده مواقع كثيرة تقدر تختار وللمعلومية فيه بعض المواقع اللي تقدم لك دراسة مع مجموعة او خاص " وبرضو فيه مدرسات عرب <ماشفت مدرسين عرب ، فيه مصريه وفلسطينية < ساكنين في أمريكا < بس من الاكسنت حقهم ما اعجبوني ، فيفضل انك تختار الأجنبي اللي ما يعرف لغتك علشان ما تختصر على نفسك
وهذا الخيار احسه احسن لانك ما تروح في هالزحمة + ما تنتظره يجيك ، مجرد تشغل الكمبيوتر وخلاص

طرق غير علمية ( للمحادثة )
1- تروح تخبص في السكايب وتطيح على أجانب وتسولف اذا عندك خلفية ، وفيه برامج كثيره غير السكايب ( ماتحضرني اساميها ) بس تضغط زر وهو يبحث لك وتطيح في شخص )
2- تروح لفلبيني ماسك كشك وتسولف معه ، ولو الاكاسنت يتعبك بس فيه بعضهم مره ممتازين !! لا تروح لهندي ابد ، لان الهندي " منفس زي الخليجي + الاكاسنت يقتلني "

بالتوفيق

Mp3

2015- 7- 1, 05:35 AM

كل الشُكر لك عزيزي أبـو شموخ 3>

Mp3

2015- 7- 1, 05:54 AM

حماااده

2015- 7- 1, 10:25 PM

كذلك عزيزي حمادة وفّيت وكفّيت ..

تـوّ ما تحمست عـ وول ستريت! أجل إذا كلامك إني راح أتطور بـ أي مكان جميل جداً أشكرك
عـ هالمعلومة لكن موضوع المدرس الخاص أحسّها مملة شوي بعد أتوقع الدراسة اون_لاين

أفضل ولكن السؤال ومربط الفرس النصائح والحلول كلها تُشير إلى "التعلم من الأجانب" ، كيف
لي وأنا في مستواي الأول أفهم مايقولونه؟
وياليت تزوّدونا بـ مواقع للتعليم *أون_لاين* الود ودي إكمال التعليم في الخارج ولكن أريد ساس كويس
من هنا ومن ثم الإنطلاق .
"للعلم دراستي ليست للعمل أو الدراسة!! الإستفادة والتحدث باللغة هو الطموح".

راح تتطور في أي مكان ( اكيد ) ولكن انت ممكن ما ترضى على نفسك وتحس انك ما تطورت ،
لان الانسان كل ما تقدم " يحس انه ما يملأ عينـه وضعه " ويبي زيادة ولا يقدر يقيم نفسـه ، ولا 100هو % بتتطور ، وانت ما تحتاج في البداية الا لمفردات تتكرر كثير عليك بسبب شرح المدرس ، وكيف تركب الجمل وبعدها خلاص تكون عرفت طريق اكتساب اللغة وبتفهم انه اللغة صارت عندك ( مجرد انك تتعرف على كلمات جديدة وتحفظها وتستخدمها )

( كلمات ) + محادثات علشان تحفظ الكلمات والمفردات اللي جالس تتعلمها ، فكذا نصحت للي عنده خلفية ، مدرس خاص لانه يجلس يكلمـه " مو يستمع فقط " ولكن اذا عندك في الكلاس طلاب كثار " مافيه امل تطبق كل اللي ينشرح لك ،

كيف تفهم من الأجنبي < انت جرب وصدقني بتفهم :biggrin: لانه يشرح لك على سبوره ويوريك بطريقة احترافيـه

اول شيء بعطيك موقع مشهور ( واساسا المعهد نفسه مشهور وقديم ) قبل ما يصير موقع يعني ،
http://www.englishtown.com/ar-sa/

طبعا هو رخيص يعتبر ، + فيه اشتراك مع مدرس خاص < بس ما حطوا سعره
للمعلومية انا ما جربتـه بس كثير من الشباب مجربينـه في النت وتقدر تبحث عن الشروح فيه وكيف مستواهم وكيف يقدمون شروح < ما اعرف طريقتهم بس اعرفه مشهور ومجرب كذا حطيت رابطه ( ومختصين )
وهذا رابطين ، للنبذه عنه
http://thawratalweb.com/englishtown (http://thawratalweb.com/englishtown) < رابط خارج المنتدى
http://www.ckfu.org/vb/t469638.html (http://www.ckfu.org/vb/t469638.html) < رابط مشاركه قديمة في الممنتدى

انا ما اقدر اقولك انه كويس لاني ما جربته بس أتوقع انه زي ول ستريت ، فيه أشياء تسمعها وتطبقها ثم بعد فتره تقابل مدرس في كلاس مع طلاب ، < توقع انا ما يهمني المعهد يهمني مدرس خاص كذا ما اطلعت على الطريقة

----------------------

والموقع الثاني : انا ماجربت موقع ولكن ناوي اجرب < بس سبق وجربت مدرس خاص في ارض الواقع + مدرس خاص في السكايب ، والنتيجة لا تقارن بالمعاهد والى الان استخدم الكلمات في كتابة المقالات اللي علمونيها ، وراسخه في ذهني

ولكن جالس هالفتره ابحث عن موقع يدرس لان المدرس الخاص بالسكايب ماخذه من زمان واعرف انه الأفضل
ولقيت مواقع ، ومتحير فيها بعطيك هذا مدري عن أسعاره ، وحتى حاط الموقع باللغتين فيه بالعربي
http://eostudy.com/index.php?lang=ar&Itemid=1012 (http://eostudy.com/index.php?lang=ar&Itemid=1012)
للمعلومية هذا الموقع هو اللي فيه عرب كلهم مدرسات :biggrin:الا واحد مدرس ، كيف تسمع عن لهجتهم او هل نفسيتهم كويسـه ، ،اضغط على قراءة المزيد وتشوف لهم فديو ، + تقدر تشوف كيف يشرحون في خانة الحصص التعليمة

انا ماجربت الموقع ولكن احس انهم صغار ؟ ماعندهم تلك الخبره < بس أتذكر من احسن اللي درسوني لغة وانا برى السعوديه في معاهد تجارية ( يعني مع طلاب ) وحدة كان معها دبلوم انجليزي ماعندها بكالوريوس وصغيره بالعمر + واحد أستاذ دكتوراه مو دكتور بس ، واعتبرهم يعرفون يوصلون المعلومة بشكل كبير < الشاهد من هالقصة ان العمر مو معيار ولكن لو تدري انه مو معيار " يخوفك ":biggrin:

المهم ان مميزات حسب تصفحي السريع ان ( عندهم خطـه وهو يدرسك ) + شفت شرح لهم كيف يشرحون برى السكايب ، مو في السكايب يعني عندهم برنامج خاص فيهم < اذا ما كنت واهم

الموقع الثالث اللي كنت مره متحمس له ( طبعا مدرسين خاصين ) < هذا تفكيري وحاطين السعر
http://www.myenglishteacher.eu/plans-and-pricing/ (http://www.myenglishteacher.eu/plans-and-pricing/)
كنت متحمس لاني مدري ليش احس وجيه المدرسين ، يعرفون يشرحون ! لا تسألني ليش ، واما اللي الموقع اللي قبل ما احس انهم يعرفون يشرحون ؟
بس المشكلة ان تدرسيهم على السكايب ، فكذا انا محتار وشكلي بسجل في الموقع الثاني
بسبب انهم موضحين كل شيء ( حصصهم الخاصه كيف يدرسون + نبذه عن مدرسينهم ) عكس الموقع الثالث بس مدري ليش حاب الموقع الثالث ! < لاني طحت فيه قبل الثاني ؟ مدري وش القصة

^ الموقع الأول مشهور + معهده على ارض الواقع معروف ، الثاني والثالث < ما قد سمعت بمعاهدهم أساسا ومدري لهم ولا لا < ما جلست احوس في موقعهم

+ فيه معاهد مشهوره على ارض الواقع ولهم اونلاين ،ولكن ما بحثت بس EF مشهور في هذي من زمااان اول من بادر أساسا ،

طيب ليش انا بسجل أساسا وابي مدرس خاص ، لان من فتره ما تكلمت < واصلا انا ضعيف في السبيك بشكل كبير لاني ما امارس ، وكويس بشكل فارق كبير عن السبيك في باقي المهارات

هذي فلسلفة وثرثره طويلة ( اللي تحت ) يعني شيء مو مهم ( تقدر تتجاهلة ):
---------------------------------------------------------
شيء مهم : الناس تختلف في تعليم اللغة ، فيه ناس عندهم الجهاز المسؤول عن اكتساب اللغات في المخ " جبـار " فكذا تشوفـ فيه ناس تجلس 3 شهور الى 6 ويصير ممتاز في اللغة وبعض الناس يحتاج سنتين او اكثر هذا حسب كلام المختصين :biggrin:

ولكن انا ما اشوف ان الجهاز هذا الا مجرد واحد كان ممرن نفسه من الصغر على ( الببغاء ) مثل الحين لو تفتح لك اغنية ، تشوف فيه ناس من اخوياك ( يحفظونها بسرعة ) !! وبعضهم يلحنها بعد ، وأيضا فيه ناس عندهم قدره تقليد الأصوات او تميز الأصوات بشكل واضح ( لانه مهتم في تطوير هذي العادة عنده ) ، طبعا هذا اذا ما عنده فوبيا من اللغة 100% متاكد انه بينجح في 3 شهور ، بالنجاح اللي يخليه يقدر يتعلم اسرع ، الفوبيا حاجز ، مثل اللي يحفظون الأغاني هذولاء ، ما يقدر يحفظ القرآن ؟ ليش ؟ لانه من يوم انه صغير يقولون له انتبه تغلط هذا كلام الله ، انتبه تخرف فيه ، فهذي التنبيهات ( اللي في محلها ) خلته ما يقدر يتجرأ في انه يرتل الايات + أيضا المجتمع اذا شافه يرتل " بدون مناسبه " بيلتفتون له يقولون ( سلامات ) !! < لانهم ما تعودوا :biggrin:

فلذلك مهم اللي عنده قدره الببغاء ، ما تكون عنده الفوبيا ويتجاوز الفوبيا بقدرته ، لان بعضنا كبر والمتوسطه والثانويه سوت له حواجز وفهم خطأ ، جعلته ينظر للغة بشكل خطأ ،
انا كانت عندي هذي الحواجز وسافرت برى ، ومن بعد الشهر الأول ( فهمت كيف اخذ اللغة ) وكسرت حاجز الفوبيا حتى لدرجة اني كنت ابي ارجع احس اني فهمت تكنيك اكتساب اللغة :biggrin:

طبعا اللي عنده قدرة الببغاء " عادة يكون في القرمر " مو شاطر " في الأشياء الرياضية والنحويـه < وتقدر تلاحظها في كل متحدث ، لانه هو يحفظ الجمل ولا يحفظ الكلمات ويركبها " لانه ببغاء " < هذي مو حشـه هذي ميزه لانها تكسبك لغة + تكسب فن الخطابه اذا حفظت جمل ،

بس مو كل واحد ينطلق لسانه خلال 3 شهور الأولى او 6 شهور ( معناها عرف اللغة ) فهو ممكن مجرد ببغاء ،
فاذا جاء يكتب ! او جاء يقرا يلقى مفردات هو يقولها بس ما يبي يعرفها لانه حافظه ( صوتيا ) فبعض الكلمات تختلف ، ويكفي انه ممكن ينطق كلمه ولا قد شاف شكلها كتابيا ، فكذا يصعب عليه الفهم ، وأيضا مو معناها لو كان فاهم كتابه وكلام وقراءه واستماع ، انه خلاص ( وصل للحد الأقصى للغة ) < بيستمر أي متعلم للغة ( مو لغته الأولى ) يقابل كلمات جديدة عليه ( غصب ) حتى مماتـه ،

ميزة اللي ينطلق لسانه بالبداية ( انه خلاص تنزرع الثقه في نفسـه ) والناس تشوفه فاهم ، فتقدمه دائما في كل مكان علشان يتكلم هو فلذلك ( هو يتطور بشكل اسرع بسبب هالشيء ) اذا انزرعت الثقه واذا اعتمدوا عليه الناس ،

وهذا هو سبب فلسفتي الطويلة ، انك اذا لم تكن مثل الببغاء ، لازم تدور لك حل وترزع الثقة وانك تعتمد على نفسك مو على الاخرين في كل مكان علشان تتعلم ( خاصة للي يسافرون برى ) مثلا اذا رحت مع ناس وصار فيه واحد افهم منك بالانجليزي < تخليه هو اللي يتكلم عنك ، !
--------------------------------------------------------------------

حماااده

2015- 7- 1, 10:51 PM

+ نسيت فلسفة سقطت ما ذكرتها :biggrin:
، انت في كل شيء تتطور ببطئ ، او تتطور بسرعة

بس اللي يتطور بسرعة في النهاية ممكن يتطور ببطئ شديد ، فيلحقه اللي يتطور ببطئ ، < ما هي هذي مسألتي انه يلحقه او ما يلحقـه

بس الشيء المهم انك لو حسيت انك ما تطورت وتشوف ناس يتطورن ( لا تستسلم )
( هذا إحساس بيجيك بنسـبه كبيرة ) انك تستمر في اللي انت فيه ،

كثير من الناس يقولون سجلنا في معهد ، ولا نفع ، رحنا وحاولت اشوف أفلام ، واقرا ولا نفع < ؟؟؟؟ هو وش يحسبها ملف يتحمل في مخه ! وخلاص < الاستمرار في التعليم ، هو اللي بيكسبه اللغة في مرحله من مراحل حياته وهو ما يدري انه كاسبها أساسا :\ لانه بيحس انه شيء تافـه ،

يعني سالفه انك تتحمس وتسجل في معهد شهر ، ثلاث اشهر ، ست اشهر .. ؟ وتقول ما جاب نتيجة ؟ وخلاص توقف < اذا وقفت كل اللي درسـته تعلمته بتنساه < مو لانك ما كنت كويس ؟ لانك ما تمارسها فقط

لازم يكون شيء في حياتك ،
خل خطتك انك تتعلم اللغة الإنجليزية ( خلال سنتين اواكثر ) مو خلال 6 شهور اوسنه

+ للمعلومية اغلب الجامعات =تدرس اللغة الإنجليزية ( الاكاديمية ) في سنتين ، < هذي الخطة وللمعلومية هذي الخطه ما تشمل أبو زيرو ، يعني أبو زيرو يحتاج أصلا خلفية قبل ما يخش المستوى الأول ، في معهد تجاري ، ولا بيعيد المستوى الأول اللي يدرسه بالجامعة اللي مدته 4 شهور ، < بعدين بينصلح حاله ، لانه بيتعلم لو حتى عاد المستوى

Mp3

2015- 7- 2, 07:46 AM

يااعيني على الأسطر الدسمة اشكرك ياعزيزي على كل حرف كتبته . . .
فالكلمات تعجز عن الشكر كذلك، ولعلمك حتى الكلام اللي تقلي تجاهله قريته بتركيز :))) هههه
وبما أني أخذت لفه على المواقع حطيت في المفظلة *الموقع الأول* < تبع تاون
& *الموقع الثالث* < تبع السكايب أحسه بعد كويس وجيد وجاني إحساس من فيسات
المدرسين أنهم كويسين بعد :)) لكن الظاهر إني بـ أتوكل على الله على السكايب

أكرري شكري وإمتناني لك أخي وعزيزي حماادة. :004:

W A R D

2015- 7- 2, 04:04 PM

ماأحد منكم جرب دورات أبو عمر ؟

مزاجكـ

2015- 7- 2, 04:50 PM

من واقع تجربهدرست فى معهد حكومي مدرسين من بريطانيا مدة سنة كاملها
وبعدها درست بنفس المعهد مدرسين امريكان مدة سنتين متواصله
الفترة من 1417-1420

تخرجنا 1420 هـ
دخلنا سوق العمل تطورت اللغة بفضل المحادثة مع الامريكان والاجانب الاخرين من جنسيات مختلفه
1425 تم اقرار السعودة القطاع
1430 تقريبا طارت اللغة وطار قاموس الكلمات اللى براسى ومابقى الا الاساسيات او القرمر وكل ماكبر الانسان تضيع علومه
لان اصبحت المحادثة بالعمل الفطور منهو عليه وتبون فول او شكشوكة

الخلاصة المعاهد شهادة فقط غيره خرطي

king M

2015- 7- 2, 08:38 PM

نصيحه تعلم اونلاين المواقع كثيره المعاهد اهم شي الفلوس ولا الفائدة مافيش

Mp3

2015- 7- 2, 10:40 PM

ماأحد منكم جرب دورات أبو عمر ؟
أهلاً w a r d
ياليت تعطينا نبذة عنه وطريقه تدرسية ..ألخ

Mp3

2015- 7- 2, 10:44 PM

نصيحه تعلم اونلاين المواقع كثيره المعاهد اهم شي الفلوس ولا الفائدة مافيش
والله ياعزيزي king M
ترا كلها فيها دفع ما أعتقد فيه موقع أون_لاين لايف بيعطيك حصص
ودروس فري *الرسوم* ملزمة عليك سواء معهد أو أون لاين لايف!
إذا عندك أي فكرة أو نصيحة بـ الموضوع ياليت تنصحنا .

كل الشكر 3>

Mp3

2015- 7- 2, 10:47 PM

king M

2015- 7- 3, 12:38 AM

والله ياعزيزي king m
ترا كلها فيها دفع ما أعتقد فيه موقع أون_لاين لايف بيعطيك حصص
ودروس فري *الرسوم* ملزمة عليك سواء معهد أو أون لاين لايف!
إذا عندك أي فكرة أو نصيحة بـ الموضوع ياليت تنصحنا .

كل الشكر 3>

نعم ياعزيزي كلها فلوس بس اونلاين تعتبر ارخص بكثير مقارنه بالمعاهد اللى لاتستفيد الا شهادة وفيه اونلاين رخيص سكايب والفايدة عظيمة المعاهد يجيك المدرس لكنته كلبيه ماتستفيد شي وشكرا ياباشه