تنويه حول ماجستير التوجيه والإرشاد النفسي والدبلوم التربوي

[Fatoooma3]

تنويه حول ماجستير التوجيه والإرشاد النفسي والدبلوم التربوي

يطيب لعمادة الدراسات العليا الإفادة الى أنه سيتم قريباً بإذن الله الإعلان عن نتائج القبول للمتقدمين والمتقدمات لبرنامج الماجستير في تخصص (التوجيه والإرشاد النفسي)

وكذلك برنامج الدبلوم العام في التربية (الدبلوم التربوي)

والله الموفق ،،،

http://www.kfu.edu.sa/ar/Deans/HigherStudies/Lists/KfuNews/DispForm.aspx?ID=82

[غصون الازهار]

شكرا لك فطوم

[غصون الازهار]

السلام عليكم :060:مبروووك لجميع المقبولات في الماجستير
حبيت اسئلكم الدبلوم التربوي لجامعه الملك فيصل طلعت النتايج ولا:sm18:
متى تطلع النتايج
كم رسوم الدراسه للدبلوم التربوي :007:
الدراسه صباحي او مسائي


طيب الدراسه صباحي للموظفات ولا
نبقي الخبر الاكيد

[غيم تايه]

^^



تطمني الدراسة في جامعة الملك فيصل في الفترة المسائية وهذا موضوع قديم :


http://www.ckfu.org/vb/t322340.html


فيه اجابات لعدد من اسئلتك ،، بالتوفيق""

[Jony]

يارب يعلنون

[نوال ..]

يارب .. تعبنا من الانتظار .. ������

[Nouf.kh]

الله يوفقكم ويبشركم بالي تتمنونه

[آموون25]

أصلا تأخرت النتائج كثير
كل يوم ندخل نشيك
تتوقعون متى تعلن
طفشنا:000:

[Gladiolus]

ممكن تقولون لي ايش كانت الشروط؟يعني يبون معدل معين او اختبار ؟
وهل في مقابلة ؟؟

[أمل القرشي]

مساء الخير للجميع..تواصلت اليوم مع أ.علي المجيبل وسألته عن موعد نتائج ماستر التوجيه والإرشاد النفسي وكان هذا رده(ممكن ينزل اعلان مفصل يوم الخميس 8 رمضان .)حبيت أخبركم علشان ترتاحون من عناء مراقبة الموقع هاليومين.

[Jony]

جزاك لله خير، وفالك القبول

[أمل القرشي]

يارب..وإياك

[آموون25]

الله يبشرك بالخير امل
وان شاءالله ننقبل كلنا :sm1:

[أمل القرشي]

وليس ذلك على الله بعزيز يا آموون

[شعاع الطيف]

أختي أمل مشكوره أريد أسال عن أسئله المقابله

[ابو سويرره]

اذا نزلت النتايج عطونا خبر

[أمل القرشي]

شعاع..كانت الأسئلة كثيرة لكن بجملها لك في 3محاور كانت تدور حولها

1.انجازاتي بعد البكالوريوس
2.عملي وحالات الطالبات الخاصة اللي وقفت عليها وكيفية التعامل معها
3.لماذا اخترت القسم وماهي أهدافي بعد الماستر اذا تم القبول

[نوال ..]

ماطلع شي .. تأخروا علينا مرررررره :confused:

الله يصبرنا

[Jony]

جا الخميس لا حس ولا خبر...

[ابو سويرره]

و لا علم ولا اثر
والله ياجوني لو انها وظيفة يمدينا توظفنا وخلصنا

[أمل القرشي]

أحد منكم(سواء رجال او بنات) في الحسا يروح يوم الأحد لعمادة الدراسات العليا يشوف لنا الموضوع..أكيد في مبرر منطقي للتأخير

[Jony]

و لا علم ولا اثر
والله ياجوني لو انها وظيفة يمدينا توظفنا وخلصنا

انا اشهد...

[نوال ..]

والى الان ماطلعت النتائج .. :24_asmilies-com::24_asmilies-com:

[أمل القرشي]

يا أهل الحسا الكرام..أحد يتفضل علينا ويروح للعمادة.. نبي نعرف موعد اعلان النتائج فقط

[نوال ..]

فيه احد عنده رقم والا شي نستفسر من عندهم . !

[مناي الجنه]

اعتمدت الاسماء من تاريخ ٢٩ / ٧.

ليه التأخير في اعلان النتائج.

خميس جا وخميس راح وهذا حالنا

لاحول ولا قوة الابالله

[Jony]

بروح لهم اليوم بإذن الله واعطيكم العلم....

[أمل القرشي]

ربي يرضى عليك ويفرحك بما يسرك..

[بنت الأصايل]

نستنى

[Jony]

السلام عليكم رحت اليوم ل علي المجيبل يقول بخصوص ماجستير التوجيه والارشاد بينزل إعلان يوم الخميس القادم، اما الدبلوم في ذي القعدة واحتمال انه يلغى ويرسلون اعتذار للمتقدمين ينتظرون يمكن يصدر قرار جديد بخصوصه...

[Jony]

فتحة ايقونة نتائج القبول... قريبا

[Jony]

السلام عليكم رحت اليوم ل علي المجيبل يقول بخصوص ماجستير التوجيه والارشاد بينزل إعلان يوم الخميس القادم، اما الدبلوم في ذي القعدة واحتمال انه يلغى ويرسلون اعتذار للمتقدمين ينتظرون يمكن يصدر قرار جديد بخصوصه...

[أمل القرشي]

وعليكم السلام...شكرا لك بحجم السماء. ربي ييسر القبول للجميع

[مناي الجنه]

جزاك الله خيرر

[blacky]

يعطييك الف عافيه جوني وفالكم القبول ان شاء الله


والله يعوضنا خير بذالدبلوم

[غصون الازهار]

يعطيك العافيه كان قالوا من البدايه انه راح ينلغي
مب يروحوا سنه من اعمار البنات
وغير كذا التسجيل يصير سنويا
يعني سنه بتروح من اعمار البنات

[Jony]

الإلغاء بسبب القرار الجديد لوزير التعليم بمنع البرامج الموازية..

[blacky]

طيب لو حببينا نقدم ع الدبلومات العاديه اللي فاتحه ذالحين واذا درسنا فيها وفرضا ما الغوا الدبلوم التربوي هذي السنه
هل بيأثر علينا وحنا ندرس وكذا اذا طلعت النتايج له ؟

[Jony]

اي برنامج برسوم يعتبر موازي نقلا عن أ. علي المجيبل

[أمل القرشي]

Jony..ماسألت أ.علي المجيبل عن سبب تأخير نتايجنا? جاني فضوليمكن يكون فيه شي مفرح كزيادة العدد مثلا

[غصون الازهار]

الدراسه للماجستير والدبلوم
صباحي ولا

[Jony]

مسائي لكن الماجستير مجاني والدبلوم برسوم

[Jony]

تم اعلان نتائج المقبولين بشرونا

[ابو سويرره]

لم يحالفني الحظ

وانت ياجوني ؟

تخصصاتكم ياجماعه
فيه احد علم نفس

[Jony]

قبلوني بحمد الله تخصصي تربية خاصة الله يعوضك بأحسن منها يارب

[أمل القرشي]

مبروك للمقبولين..وربي يعوضني خيرشكرا للجميع تآزرهم خلال الفترة الماضية ..

[blacky]

مبروووك للمقبولين ومعوضيين خيير للباقي

انا مقدمه ع الدبلوم التربوي لما دخلت كاتبين لي


طلبك غير مكتمل
لعدم اكتمال البيانات أو إرفاق الوثائف المطلوبة


وانا متأكده انو اوراقي كامله


اصلا نتايج الدبلوم طلعت ولا كيف ؟

[بنت الأصايل]

ما طلعت الدبلوم مكتوب لي
هذة الفترة محددة فقط لماجستير التوجيه والإرشاد النفسي

[blacky]

^

وين ووش مكتوب لك
انا لما دخلت من البوابه كاتبين لي كذا

[blacky]

Jony (http://www.ckfu.org/vb/u55682.html)
حبيت اسئلك عن الاستاذ علي المجيبل
ابي اعرف مكتبه وين
وبأي وقت رحت له الجامعه ؟

[Jony]

أمس رحت له ف عمادة الدراسات العليا وهذا ايميله

aalmugaibl@kfu.edu.sa

[blacky]

اي وقت رحت له ؟

لاني مو من الاحسا واخوي بيروح له علشان نضمن انه موجود

اكثر من مره نرسل له ع الايميل ومايرد للاسف

[Jony]

موجود من 10 ل 3 انا رحت له بعد صلاة الظهر

[Jony]

انتي دبلوم صح سألته عن الدبلوم قال في ذي القعدة بينزل إعلان بخصوصه واحتمال انه يلغى لأنه موازي

[blacky]

اي انا دبلوم بس صارت لي مشكله اليوم انو بوابة القبول اللي مسجلين دبلوم مايقدرون يسجلون دخول فيها ويطلع لهم
تنويه انو النتايج بس للماستر
اما انا قدرت ادخل وطلعت لي العباره هذي
طلبك غير مكتمل
لعدم اكتمال البيانات أو إرفاق الوثائف المطلوبة



وسألت اللي اعرفهم ماطلع لهم مثل اللي طلع لي


ومدري وش صاير ، انا متأكده اني مسجله دبلوم