احتاج مساعدتكم

[amalibrahim]

انا بحيره والله العظيم ابي احول باي طريقه من كليتي رحت لقسم الرجال قالو مانحول البنات لازم من قيم الحريم ولازم قبل اعرف المعدل المطلوب للتحويل ابي احول من علوم الى اداره والحل يعني كيف اعرف المعدل المطلوب الحريم ما افادوني بشي فيه احد محول يعرف شلون !

[الامل بالله : )]

انا محوله قبل الحريم م يتجاوبوم ابدا ولا يساعدون ولا يعطون لاحق ولا باطل وتحويل من وحده لوحده كل وحده ترفس الشغل ع الثانيه
ارجعي لقسم الرجال وخلي اللي يراجع لتس ينشب ويفهمهم الوضع وان الحريم م يتجاوبون
وخل يروح مرا واثنين وثلاثه وياخذ معه اوراقه كامله( صوره من نموذج التحويل _ وصوره من شهاده الثانوي_ صوره من بطاقه العايله_صوره من السجل الاكاديمي )
وتتيسر وادعي ربتس بهالايام الفضيله
اذكر ايام تحويلي كل شغلي من عند الرجال وخذو الاوراق وقالو شيكو ع البانر كل شوي واذا تم الموافقه بيتغير بالبانر

[amalibrahim]

كم كان معدلك تكفين ساعديني وكم المعدل المطلوب انا رحت للرجال مارضو قالو ان لازم من الحريم

[Gift]

المعدل المطلوب من 3 وفوق, والله يسهل عليك لآن نسب التحويل عالية من علوم الى اداره خصوصا في جامعة الملك فيصل .


بالتوفيق .

[amalibrahim]

طيب التحويل من العلوم الى الدبلوم سهل ولا يعني يحتاج فوق 3

[Gift]

لا, بأذن الله سهل .

[amalibrahim]

معدلي 2.44 يعني مالي امل في الاداره للتحويل 😭!!

[الامل بالله : )]

الامل بربتس بس ماني متاكده من المعدلات المطلوبه والله فيه كليات تبي ٣ ونص وفيه ياخذون ٢ ونص
انتي قدمي يمكن الله يسسر لتس ويقبلون معدلتس م تدرين
وحاولي تراسلين ع الايميل تشرحين وجهةة نظرتس وطلبتس
ترا بعضهم يتجاوبون وويتغاضون عن المعدل

[الامل بالله : )]

للمعلوميه انا م كنت محوله من العلوم للاداره ف يمكن تختلف الكليات عن بعضها

[راعية الكيف]

هذي شروط التحويل من موقع الجامعه
http://www.kfu.edu.sa/ar/Deans/AdmissionRecordsDeanship/RulesAndRegulations/Pages/Transfer.aspx

وعشان أكون صريحه التحويل جدا صعب
ويحتاج انك تراجعين اول بأول
لان الكليه اللي بتحولين لها هي إدارة اعمال ، المقاعد محدوده
وطريقة الدراسه فيها سنه تحضيرية بعكس العلوم واشياء كثيره
لكن انتي حاولي ماراح تخسرين شي